ബോ​വി​ക്കാ​നം: പ​യ​സ്വി​നി​പ്പു​ഴ​യി​ലെ ചൊ​ട്ട​യി​ല്‍ പാ​ല​ത്തി​ന്‍റെ പ​ണി അ​തി​വേ​ഗം പു​രോ​ഗ​മി​ക്കു​മ്പോ​ള്‍ ഉ​ട​ക്കു​മാ​യി വ​നം​വ​കു​പ്പ്. അ​നു​ബ​ന്ധ റോ​ഡ് നി​ര്‍​മാ​ണം പൂ​ര്‍​ത്തി​യാ​ക​ണ​മെ​ങ്ക​ല്‍ വ​നം വ​കു​പ്പി​ന്‍റെ അ​നു​മ​തി ല​ഭി​ക്ക​ണം. ഒ​രു വ​ര്‍​ഷം മു​മ്പ് ആ​രം​ഭി​ച്ച പാ​ലം നി​ര്‍​മാ​ണം അ​തി​വേ​ഗ​ത്തി​ലാ​ണ് പു​രോ​ഗ​മി​ക്കു​ന്ന​തെ​ങ്കി​ലും വ​നം വ​കു​പ്പി​ന്‍റെ അ​നു​മ​തി വൈ​കു​ന്ന​തി​നാ​ലാ​ണ് പാ​ല​ത്തി​ന്‍റെ അ​നു​ബ​ന്ധ റോ​ഡ് വി​ക​സ​നം വൈ​കു​ന്ന​ത്.

പാ​ല​ത്തി​ല്‍ നി​ന്നു 10 മീ​റ്റ​ര്‍ വീ​തി​യി​ല്‍ കു​ണ്ടം​കു​ഴി ഭാ​ഗ​ത്തേ​ക്ക് 985 മീ​റ്റ​റും ഇ​രി​യ​ണ്ണി ഭാ​ഗ​ത്തേ​ക്കു 675 മീ​റ്റ​ര്‍ നീ​ള​ത്തി​ലു​മാ​ണ് അ​നു​ബ​ന്ധ റോ​ഡ് നി​ര്‍​മി​ക്കു​ന്ന​ത്. കു​ണ്ടം​കു​ഴി ഭാ​ഗ​ത്തേ​ക്കു റോ​ഡ് നി​ര്‍​മി​ച്ചു ടാ​റിം​ഗ് പൂ​ര്‍​ത്തി​യാ​ക്കു​ക​യും ചെ​യ്തു. പാ​ല​ത്തി​ന്‍റെ ഇ​രി​യ​ണ്ണി ഭാ​ഗ​ത്തെ റോ​ഡാ​ണ് വീ​തി​കൂ​ട്ടാ​ന്‍ വ​നം​വ​കു​പ്പി​ന്‍റെ അ​നു​മ​തി​ക്കാ​യി കാ​ത്തി​രി​ക്കു​ന്ന​ത്.

പാ​ല​ത്തി​ന്‍റെ നി​ര്‍​മാ​ണം ക​രാ​ര്‍ കാ​ലാ​വ​ധി അ​വ​സാ​നി​ക്കു​ന്ന അ​ടു​ത്ത ജൂ​ലൈ മാ​സ​ത്തി​ല്‍ ത​ന്നെ പൂ​ര്‍​ത്തി​യാ​ക്കാ​ന്‍ സാ​ധി​ക്കു​മെ​ന്ന പ്ര​തീ​ക്ഷ​യി​ലാ​ണ് അ​ധി​കൃ​ത​ര്‍.

സ്പാ​നു​ക​ളി​ല്‍ ഗ​ര്‍​ഡ​റു​ക​ള്‍ സ്ഥാ​പി​ക്കു​ന്ന പ​ണി ഏ​താ​ണ്ട് പൂ​ര്‍​ത്തി​യാ​യി വ​രു​ന്നു. ഇ​രി​യ​ണ്ണി കു​റ്റി​യ​ടു​ക്കം മു​ത​ല്‍ മി​ന്നം​കു​ളം വ​രെ​യു​ള്ള ഒ​ന്ന​ര കി​ലോ​മീ​റ്റ​ര്‍ റോ​ഡ് ക​ട​ന്നു​പോ​കു​ന്ന​ത് സം​ര​ക്ഷി​ത വ​ന​ത്തി​ലൂ​ടെ​യാ​ണ്. നി​ല​വി​ല്‍ മൂ​ന്നു മീ​റ്റ​ര്‍ ടാ​റി​ങ് വീ​തി​യു​ള്ള ചെ​റി​യ റോ​ഡാ​ണി​ത്. പാ​ലം വ​ന്നു ക​ഴി​ഞ്ഞാ​ല്‍ റോ​ഡി​ല്‍ തി​ര​ക്ക് വ​ര്‍​ധി​ക്കും. വീ​തി കൂ​ട്ടി​യി​ല്ലെ​ങ്കി​ല്‍ റോ​ഡി​ല്‍ ഗ​താ​ഗ​ത​ക്കു​രു​ക്കി​നു സാ​ധ്യ​ത​യു​ണ്ട്.

പാ​ല​ത്തി​നും റോ​ഡി​നു​മാ​യി 5 സെ​ന്‍റ് മു​ത​ല്‍ ഒ​ന്ന​ര ഏ​ക്ക​ര്‍ വ​രെ കൃ​ഷി​ഭൂ​മി നാ​ട്ടു​കാ​ര്‍ സൗ​ജ​ന്യ​മാ​യി ന​ല്‍​കി​യ​പ്പോ​ഴാ​ണ് വ​നം​വ​കു​പ്പി​ന്‍റെ ഭൂ​മി ല​ഭ്യ​മാ​ക്കാ​നു​ള്ള ന​ട​പ​ടി​ക​ള്‍ വൈ​കു​ന്ന​ത്. പാ​ല​ത്തി​നും റോ​ഡി​നും കി​ഫ്ബി​യി​ല്‍ 18.12 കോ​ടി രൂ​പ​യാ​ണ് അ​നു​വ​ദി​ച്ച​ത്. 14.36 കോ​ടി രൂ​പ​യ്ക്കാ​ണു ച​ട്ട​ഞ്ചാ​ലി​ലെ ജാ​സ്മി​ന്‍ ക​ണ്‍​സ്ട്ര​ക്ഷ​ന്‍​സ് പ​ണി ക​രാ​റെ​ടു​ത്ത​ത്.അ​ഞ്ചു സ്പാ​നു​ക​ളി​ലാ​യി 130 മീ​റ്റ​ര്‍ നീ​ള​മു​ള്ള പാ​ല​മാ​ണ് പൂ​ര്‍​ത്തി​യാ​യി വ​രു​ന്ന​ത്. 11മീ​റ്റ​ര്‍ വീ​തി​യി​ലു​ള്ള പാ​ല​ത്തി​ല്‍ ഏ​ഴ​ര മീ​റ്റ​ര്‍ ടാ​റി​ങ് റോ​ഡും ബാ​ക്കി ഇ​രു​വ​ശ​ങ്ങ​ളി​ലും ന​ട​പ്പാ​ത​യു​മാ​ണ്.

2024 ജൂ​ണ്‍ മാ​സം വ​രെ​യാ​ണ് നി​ര്‍​മാ​ണ ക​രാ​റി​ന്‍റെ കാ​ലാ​വ​ധി. പാ​ലം യാ​ഥാ​ര്‍​ഥ്യ​മാ​കു​ന്ന​തോ​ടെ ഇ​രി​യ​ണ്ണി​യി​ല്‍ നി​ന്നു കു​ണ്ടം​കു​ഴി​യി​ലേ​ക്കു ആ​റു കി​ലോ​മീ​റ്റ​റി​ല്‍ എ​ത്താ​ന്‍ സാ​ധി​ക്കും. നി​ല​വി​ല്‍ ഇ​രി​യ​ണ്ണി​യി​ല്‍ നി​ന്നു കു​റ്റി​ക്കോ​ല്‍ വ​ഴി ചു​റ്റി​യാ​ണ് കു​ണ്ടം​കു​ഴി​യി​ല്‍ എ​ത്തു​ക. ഏ​ക​ദേ​ശം 25 കി​മീ ഒ​രു ഭാ​ഗ​ത്തേ​ക്കു യാ​ത്ര ചെ​യ്യ​ണം. ഇ​താ​ണ് നാ​ലി​ലൊ​ന്നാ​യി കു​റ​യു​ന്ന​ത്. കു​ണ്ടം​കു​ഴി ഭാ​ഗ​ത്തു​ള്ള​വ​ര്‍​ക്കു ജി​ല്ലാ ആ​സ്ഥാ​ന​മാ​യ കാ​സ​ര്‍​ഗോ​ട്ടേ​ക്കു പോ​കാ​നു​ള്ള എ​ളു​പ്പ വ​ഴി​യാ​യി ഇ​ത് മാ​റും.

മു​ളി​യാ​ര്‍ പ​ഞ്ചാ​യ​ത്തി​ലെ പ​യം,കു​ണി​യേ​രി, മി​ന്നം​കു​ളം, ബേ​ഡ​ഡു​ക്ക പ​ഞ്ചാ​യ​ത്തി​ലെ ചൊ​ട്ട​തോ​ണി​ക്ക​ട​വ,ദൊ​ഡ്ഡു​വ​യ​ല്‍ പ്ര​ദേ​ശ​ങ്ങ​ളി​ലു​ള്ള​വ​ര്‍​ക്ക് അ​ങ്ങോ​ട്ടു​മി​ങ്ങോ​ട്ടും പോ​കാ​നും പാ​ലം ഗു​ണം ചെ​യ്യും.