ഇ​രി​ട്ടി: ജോ​ലി​ക്കി​ടെ കെ​എ​സ്ഇ​ബി ജീ​വ​ന​ക്കാ​ര​ൻ ഷോ​ക്കേ​റ്റ് മ​രി​ച്ചു. കാ​ക്ക​യ​ങ്ങാ​ട് ഇ​ല​ക്ട്രി​ക്ക​ൽ സെ​ക്‌​ഷ​നി​ലെ ലൈ​ൻ​മാ​ൻ ഗ്രേ​ഡ്- ഒന്ന് വ​ട്ട​ക്ക​യം എ​ള​മ്പ​യി​ലെ സ​ജി​ന നി​വാ​സി​ൽ വി. ​സ​ന്തോ​ഷ് (50) ആ​ണ് മ​രി​ച്ച​ത്. ഇ​ന്ന​ലെ രാ​വി​ലെ 11.30 ഓ​ടെ തി​ല്ല​ങ്കേ​രി കാ​വും​പ​ടി അ​ങ്ക​ണ​വാ​ടി​ക്ക് സ​മീ​പ​മാ​യി​രു​ന്നു സം​ഭ​വം.

ലൈ​ൻ ഓ​ഫ് ചെ​യ്ത് വൈ​ദ്യു​ത​ തൂ​ണി​ൽ ക​യ​റി ജോ​ലി ചെ​യ്യു​ന്ന​തി​നി​ടെ ഷോ​ക്കേ​ൽ​ക്കു​ക​യാ​യി​രു​ന്നു. താ​ഴെ ഉണ്ടായിരുന്ന സ​ഹ​പ്രവർത്തകരാണ് സ​ന്തോ​ഷിനെ ഷോ​ക്കേ​റ്റ് ലൈ​നി​ൽ കു​ടു​ങ്ങി​യ നി​ല​യിൽ കാണുന്നത്. ഉടൻ നാ​ട്ടു​കാ​രു​ടെ സ​ഹാ​യ​ത്തോ​ടെ തി​ല്ല​ങ്കേ​രി​യി​ലു​ണ്ടാ​യി​രു​ന്ന ക്രെ​യി​ൻ എ​ത്തി​ച്ച് കു​ടു​ങ്ങി​ക്കി​ട​ന്ന സ​ന്തോ​ഷി​നെ പു​റ​ത്തെ​ടുത്ത് ഇ​രി​ട്ടിയിലെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​ര​ണപ്പെട്ടു.

ലൈ​ൻ ഓ​ഫ് ചെ​യ്താ​ണ് പ്ര​വൃ​ത്തി ന​ട​ത്തി​യ​തെ​ന്നും ലൈ​നി​ൽ വൈ​ദ്യു​തി എ​ങ്ങ​നെ​യെ​ത്തി എ​ന്ന​ത് സം​ബ​ന്ധി​ച്ച് അ​ന്വേ​ഷ​ണം ന​ട​ത്തു​മെ​ന്നും കെ​എ​സ്‌​ഇ​ബി കാ​ക്ക​യ​ങ്ങാ​ട് സെ​ക്ഷ​ൻ അ​സി​സ്റ്റ​ന്‍റ് എ​ക്സി​ക്യു​ട്ടി​വ് എ​ൻ​ജി​നി​യ​ർ കെ.​കെ. പ്ര​മോ​ദ് കു​മാ​ർ അ​റി​യി​ച്ചു. ജ​ന​റേ​റ്റ​റി​ൽ നി​ന്നോ ഇ​ൻ​വെ​ട്ട​റി​ൽ നി​ന്നോ വൈ​ദ്യു​തി ലൈ​നി​ൽ എ​ത്തി​യി​ട്ടു​ണ്ടോ എ​ന്നതു സംബന്ധിച്ച് വി​ശ​ദ​മാ​യ അ​ന്വേ​ഷ​ണം ന​ട​ത്തും. 2023ൽ ​ഇ​രി​ട്ടി മേ​ഖ​ല​യി​ൽ വി.​ജി. സാ​ബു എ​ന്ന കെ​എ​സ്ഇ​ബി ജീ​വ​ന​ക്കാ​ര​നും ഷോ​ക്കേ​റ്റ് മ​രി​ച്ചി​രു​ന്നു.

മു​ഴ​ക്കു​ന്ന് പോ​ലീ​സ് ഇ​ൻ​ക്വ​സ്റ്റ് ന​ട​ത്തി​യ മൃ​ത​ദേ​ഹം പ​രി​യാ​ര​ത്തെ ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി. സ്പീ​ക്ക​ർ എ.​എ​ൻ. ഷം​സീ​ർ ആ​ശു​പ​ത്രി​യി​ലെ​ത്തി. മ​ട്ട​ന്നൂ​ർ മു​ത​ല​ക്ക​ലി​ലെ പു​തു​ക്ക​ള​ത്തി​ൽ ഹൗ​സി​ൽ സി. ​കു​ഞ്ഞി​രാ​മ​ൻ- വി.​വി. കൗ​സ​ല്യ ദ​ന്പ​തി​ക​ളു​ടെ മ​ക​നാ​ണ് സ​ന്തോ​ഷ്. ഭാ​ര്യ: സ​ജി​നി. മ​ക്ക​ൾ: ദേ​വ​ന​ന്ദ, വൈ​ഗ (ഇ​രു​വ​രും വി​ദ്യാ​ർ​ഥി​ക​ൾ). സ​ഹോ​ദ​ര​ങ്ങ​ൾ: ബാ​ബു, സു​ഭാ​ഷ് (ഇ​രു​വ​രും ഓ​ട്ടോ‌​ഡ്രൈ​വ​ർ​മാ​ർ), സു​മി​ത്ര, അ​നു​പ​മ.