പ​യ്യ​ന്നൂ​ര്‍: ടെ​ലി​കോം ഡി​പ്പാ​ര്‍​ട്ടു​മെ​ന്‍റ്, എ​ന്‍​ഫോ​ഴ്‌​സ് ഡ​യ​റ​ക്ട​റേ​റ്റ് എ​ന്നി​വ​യി​ലെ ഉ​ദ്യോ​ഗ​സ്ഥ​രെ​ന്ന് പ​രി​ച​യ​പ്പെ​ടു​ത്തി പ​യ്യ​ന്നൂ​രി​ലെ ഡോ​ക്ട​റു​ടെ മൂ​ന്നേ​മു​ക്കാ​ല്‍ ല​ക്ഷം രൂ​പ ത​ട്ടി​യെ​ടു​ത്തു. വെ​ള്ളൂ​ര്‍ ചേ​നോ​ത്ത് താ​മ​സി​ക്കു​ന്ന ഡോ. ​സി. ശ്രീ​കു​മാ​റി​ന്‍റെ പ​രാ​തി​യി​ൽ രാ​ഹു​ല്‍, എ​സ്‌​ഐ സു​നി​ല്‍​കു​മാ​ര്‍ മി​ശ്ര എ​ന്നി​വ​ര്‍​ക്കും മ​റ്റൊ​രു അ​ജ്ഞാ​ത​നു​മെ​തി​രേ പ​യ്യ​ന്നൂ​ര്‍ പോ​ലീ​സ് കേ​സെ​ടു​ത്തു.ക​ഴി​ഞ്ഞ വ്യാ​ഴാ​ഴ്ച രാ​വി​ലെ എ​ട്ടോ​ടെ​യാ​ണു പ​രാ​തി​ക്കാ​സ്പ​ദ​മാ​യ സം​ഭ​വം.

+918897910331 എ​ന്ന ന​മ്പ​റി​ല്‍​നി​ന്നും വാ​ട്‌​സ് ആ​പ്പി​ലാ​ണ് എ​സ്‌​ഐ സു​നി​ല്‍ മി​ശ്ര​യെ​ന്ന​യാ​ള്‍ ഡോ​ക്ട​റു​മാ​യി ബ​ന്ധ​പ്പെ​ട്ട​ത്. ത​ങ്ങ​ള്‍ ടെ​ലി​കോം ഡി​പ്പാ​ര്‍​ട്ടു​മെ​ന്‍റെി​ലേ​യും എ​ന്‍​ഫോ​ഴ്‌​സ്‌​മെ​ന്‍റ് ഡ​യ​റ​ക്ട​റേ​റ്റി​ലേ​യും ഉ​ദ്യോ​ഗ​സ്ഥ​രാ​ണെ​ന്ന് പ​രി​ച​യ​പ്പെ​ടു​ത്തി​യാ​ണ് ത​ട്ടി​പ്പി​നു ക​ള​മൊ​രു​ക്കി​യ​ത്. ഡോ​ക്ട​റു​ടെ അ​ക്കൗ​ണ്ടി​ല്‍ അ​ന​ധി​കൃ​ത​മാ​യി പ​ണം സൂ​ക്ഷി​ച്ചി​ട്ടു​ണ്ടെ​ന്ന വി​വ​രം ല​ഭി​ച്ച​താ​യും ഇ​ഡി​യു​ടെ ന​ട​പ​ടി​യൊ​ഴി​വാ​ക്കു​ന്ന​തി​നാ​യി തു​ട​ര്‍​ന്നു​ള്ള നി​ര്‍​ദേ​ശ​ങ്ങ​ള്‍ പാ​ലി​ക്ക​ണ​മെ​ന്നു​മാ​ണ് ഫോ​ണി​ലൂ​ടെ അ​റി​യി​ച്ച​ത്.

ഇ​ഡി​യു​ടെ ന​ട​പ​ടി​ക​ൾ ഒ​ഴി​വാ​ക്കു​ന്ന​തി​ന് അ​ക്കൗ​ണ്ടി​ലെ മു​ഴു​വ​ന്‍ പ​ണ​വും ഫെ​ഡ​റ​ല്‍ ബാ​ങ്കി​ന്‍റെ ചെ​ന്നൈ ബ്രാ​ഞ്ചി​ലെ 23180200004813 എ​ന്ന അ​ക്കൗ​ണ്ടി​ലേ​ക്ക് ആ​ര്‍​ടി​ജി​എ​സ് വ​ഴി അ​യ​യ്ക്ക​ണ​മെ​ന്നും നി​ർ​ദേ​ശി​ച്ചു. പ​രി​ശോ​ധ​ന​യ്ക്കു​ശേ​ഷം 24 മ​ണി​ക്കൂ​റി​നു​ള്ളി​ല്‍ പ​ണം തി​രി​കെ അ​യ​യ്ക്കു​മെ​ന്നാ​യി​രു​ന്നു പ​റ​ഞ്ഞ​ത്. ഇ​ക്കാ​ര്യം വി​ശ്വ​സി​ച്ച ഡോ​ക്ട​ർ ര​ണ്ടു​ത​വ​ണ​ക​ളി​ലാ​യി അ​യ​ച്ച 3, 72, 000 രൂ​പ സ്വീ​ക​രി​ച്ച പ്ര​തി​ക​ള്‍ പ​ണം തി​രി​ച്ച് ന​ല്കാ​തെ വ​ഞ്ചി​ക്കു​ക​യാ​യി​രു​ന്നു. സം​ഭ​വ​ത്തി​ൽ വ​ഞ്ച​നാ കു​റ്റ​ത്തി​നും ഐ​ടി ആ​ക്ട് പ്ര​കാ​ര​വും ആ​ണ് പോ​ലീ​സ് കേ​സെ​ടു​ത്ത​ത്.