പെ​രു​മ്പ​ട​വ്: ക​ഴി​ഞ്ഞ വേ​ന​ലിൽ മ​ല​യോ​ര​ത്ത് മു​ന്പെ​ങ്ങു​മി​ല്ലാ​ത്ത വി​ധം ശു​ദ്ധ​ജ​ല​ക്ഷാ​മ​മാ​ണ് അ​നു​ഭ​വ​പ്പെ​ട്ട​ത്. വെള്ളത്തിനായി കി​ലോ​മീ​റ്റ​റു​ക​ള്‍ സ​ഞ്ച​രി​ക്കു​ന്ന​വ​രും വി​ലകൊ​ടു​ത്തു​ വാ​ങ്ങു​ന്ന​വ​രു​മൊ​ക്കെ വേ​ന​ല്‍​ക്കാ​ല​ത്തെ ദു​രി​തകാ​ഴ്ച​ക​ളാ​യി​രു​ന്നു. ഭൂ​ഗ​ര്‍​ഭ ജ​ല​വി​താ​നം താ​ഴ്ന്ന​തി​നാ​ല്‍ ഭൂ​മി​യു​ടെ ഘ​ട​നാ​പ​ര​മാ​യ വ്യ​ത്യാ​സ​മി​ല്ലാ​തെ പ​ലസ്ഥ​ല​ങ്ങ​ളി​ലും കു​ഴ​ല്‍​ക്കി​ണ​റു​ക​ള്‍ വ​രെ വ​റ്റി. ജ​ല​വി​ഭ​വ വ​കു​പ്പി​ന്‍റെ​യും ത​ദ്ദേ​ശ​സ്ഥാ​പ​ന​ങ്ങ​ളു​ടെ​യും ജ​ല​വി​ത​ര​ണ പ​ദ്ധ​തി​ക​ളി​ല്‍ ഭൂ​രി​ഭാ​ഗ​വും നാ​ട്ടു​കാ​ര്‍​ക്കു പ്ര​യോ​ജ​ന​പ്പെ​ട്ടി​ല്ല.

കേ​ന്ദ്ര-​സം​സ്ഥാ​ന സ​ര്‍​ക്കാ​രു​ക​ള്‍ സം​യു​ക്ത​മാ​യി ന​ട​പ്പാ​ക്കു​ന്ന ജ​ൽ​ജീ​വ​ന്‍ മി​ഷ​ന്‍ പ​ദ്ധ​തി​യും വെ​ള്ള​ത്തി​ൽ വ​ര​ച്ച രേ​ഖപോ​ലെ ആ​യി​രി​ക്കു​ക​യാ​ണ്. 2021ലാ​ണ് ജ​ൽ​ജീ​വ​ന്‍ മി​ഷ​ന്‍ പ​ദ്ധ​തി ച​പ്പാ​ര​പ്പ​ട​വ് പ​ഞ്ചാ​യ​ത്തി​ല്‍ ആ​രം​ഭി​ച്ച​ത്. എ​ല്ലാ വീ​ടു​ക​ളി​ലും ശു​ദ്ധ​ജ​ല​മെ​ത്തി​ക്കു​ക​യാ​ണ് പ​ദ്ധ​തി​യു​ടെ ല​ക്ഷ്യം. ക​ഴി​ഞ്ഞ മാ​ര്‍​ച്ചി​ന് മു​ന്പ് പ​ദ്ധ​തി പൂ​ര്‍​ത്തി​യാ​ക്കാ​നാ​യി​രു​ന്നു കേ​ന്ദ്ര നി​ര്‍​ദേ​ശം. എ​ന്നാ​ല്‍ പ​ല കാ​ര​ണ​ങ്ങ​ളാ​ല്‍ വൈ​കി.

സ​മ​യ​പ​രി​ധി ഒ​രു വ​ര്‍​ഷം കൂ​ടി നീ​ട്ടി ന​ല്‍​ക​ണ​മെ​ന്നാ​വ​ശ്യ​പ്പെ​ട്ട് ജ​ല​വി​ഭ​വ വ​കു​പ്പ് കേ​ന്ദ്ര സ​ര്‍​ക്കാ​രി​നെ സ​മീ​പി​ച്ചി​ട്ടു​ണ്ട്. ക​രാ​റു​കാ​ര്‍​ക്ക് ബി​ല്ല് മാ​റ്റി കി​ട്ടാ​ത്തി​നാ​ല്‍ പ​ണി​ക​ള്‍ മു​ട​ങ്ങി കി​ട​ക്കു​ന്ന സാ​ഹ​ച​ര്യ​മാ​ണു​ള​ള​ത്. ച​പ്പാ​ര​പ്പ​ട​വ് പ​ഞ്ചാ​യ​ത്തി​ലെ തി​മി​രി, വെ​ള്ളാ​ട് വി​ല്ലേ​ജു​ക​ളി​ലെ പ​ഞ്ചാ​യ​ത്ത് റോ​ഡു​ക​ളി​ൽ ജ​ൽ​ജീ​വ​ൻ പ​ദ്ധ​തി​യു​ടെ പൈ​പ്പ് സ്ഥാ​പി​ക്കു​ന്ന​തി​നാ​യി ചാ​ലു​ക​ൾ നി​ർ​മി​ക്കു​ക​യും പ​ല​സ്ഥ​ല​ങ്ങ​ളി​ലും പൈ​പ്പി​ട്ട് ചാ​ലു​ക​ൾ മൂ​ടു​ക​യും ചെ​യ്തി​രു​ന്നു. എ​ന്നാ​ൽ കാ​ല​വ​ർ​ഷ​ത്തി​ൽ മ​ണ്ണ് ഒ​ഴു​കി​പ്പോ​യി വീ​ണ്ടും ചാ​ലു​ക​ൾ രൂ​പ​പ്പെ​ട്ട നി​ല​യി​ലാ​ണ്.

ഇ​വി​ട​ങ്ങ​ളി​ൽ പ​ല സ്ഥ​ല​ങ്ങ​ളി​ലും നി​ത്യേ​ന വാ​ഹ​നാ​പ​ക​ട​ങ്ങ​ൾ പ​തി​വാ​യി. പൈ​പ്പ് ഇ​ടു​ന്ന​തി​ന് വേ​ണ്ടി നി​ർ​മി​ച്ചി​രി​ക്കു​ന്ന ചാ​ലു​ക​ൾ മൂ​ടി വീ​ണ്ടും അ​തി​നു​മു​ക​ളി​ൽ കോ​ൺ​ക്രീ​റ്റ് പോ​ലെ ബ​ല​വ​ത്താ​യ രീ​തി​യി​ൽ റോ​ഡ് പു​ന​ർ​നി​ർ​മി​ക്ക​മെ​ന്ന​താ​ണ് ച​ട്ടമെ​ങ്കി​ലും എ​വി​ടെ​യും പാ​ലി​ക്ക​പ്പെ​ട്ടി​ട്ടി​ല്ല. ജ​ൽ​ജീ​വ​ൻ പ​ദ്ധ​തി​യു​ടെ പ്ര​വൃ​ത്തി നി​ല​ച്ചി​ട്ട് മാ​സ​ങ്ങ​ളാ​യെ​ങ്കി​ലും ഉ​ദ്യോ​ഗ​സ്ഥ​ർ മൗ​നം പാ​ലി​ക്കു​ക​യാ​ണ്. പ്ര​വൃ​ത്തി ഉ​ട​ൻ തു​ട​ങ്ങുമെ​ന്ന മ​റു​പ​ടി പ​റ​യാ​ൻ തു​ട​ങ്ങി​യി​ട്ട് മാ​സ​ങ്ങ​ൾ ക​ഴി​ഞ്ഞു. ഇ​നി​യും ല​ക്ഷ​ങ്ങ​ൾ ചി​ല​വ​ഴി​ച്ച് പ​ണി​യു​മാ​യി മു​ന്നോ​ട്ടു​പോ​കാ​ൻ സാ​ധി​ക്കു​ന്നി​ല്ലാ​യെ​ന്നും ക​രാ​റു​കാ​ര​ൻ പ​റ​യു​ന്നു.

66 കോ​ടി​യു​ടെ പ​ദ്ധ​തി​യാ​ണ് തി​മി​രി വി​ല്ലേ​ജി​ൽ മാ​ത്രം ന​ട​പ്പി​ലാ​ക്കു​ന്ന​ത്. കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ളു​ടെ സ​ഹ​ക​ര​ണ​ത്തോ​ടെയാ​ണ് പ​ദ്ധ​തി ന​ട​പ്പി​ലാ​ക്കു​ന്ന​തെ​ങ്കി​ലും സം​സ്ഥാ​ന സ​ർ​ക്കാ​ർ തു​ക അ​നു​വ​ദി​ക്കു​ന്നി​ല്ലെ​ന്നു​ള്ള ആ​ക്ഷേ​പ​മാ​ണ് നി​ല​വി​ലു​ള്ള​ത്. കു​ടി​വെ​ള്ള വി​ത​ര​ണ​ത്തി​നാ​യി കൊ​ണ്ടു​വ​ന്ന് സ്വ​കാ​ര്യ​ഭൂ​മി​ക​ളി​ൽ സൂ​ക്ഷി​ച്ചി​രി​ക്കു​ന്ന പൈ​പ്പു​ക​ൾ പ​ല​സ്ഥ​ല​ത്തും കാ​ടു​ക​യ​റി​യ നി​ല​യി​ലാ​ണ്. കു​ടി​വെ​ള്ള സം​ഭ​ര​ണ​ത്തി​നാ​യി നി​ർ​മി​ക്കു​ന്ന സം​ഭ​ര​ണി​ക​ളുടെ പ്ര​വൃ​ത്തി പാ​തി​വ​ഴി​യി​ൽ നി​ല​ച്ചു.