മ​ട്ട​ന്നൂ​ർ: ദിവസവും നൂ​റുക​ണ​ക്കി​നു വാ​ഹ​ന​ങ്ങ​ൾ ക​ട​ന്നു പോ​കു​ന്ന ചാ​വ​ശേ​രി-വെ​ളി​യ​മ്പ്ര റോ​ഡ് പൊ​ട്ടി​പ്പൊ​ളി​ഞ്ഞ് യാ​ത്ര ദു​ഷ്ക​ര​മാ​യി. കു​ടി​വെ​ള്ള വി​ത​ര​ണ പ​ദ്ധ​തി​യു​ടെ പൈ​പ്പി​ടാ​ൻ റോ​ഡ​രി​ക് കീ​റി​യ​താ​ണ് റോ​ഡ് ചെ​ളി​ക്കു​ള​മാ​കാ​ൻ കാ​ര​ണ​മാ​യ​ത്. ജ​ല​നി​ധി പ​ദ്ധ​തി​യു​ടെ പൈ​പ്പി​ടാ​ൻ മാ​സ​ങ്ങ​ൾ​ക്ക് മു​മ്പാ​ണ് റോ​ഡ​രി​ക് കീ​റി​യ​ത്.

ചാ​വ​ശേ​രി പ​റ​മ്പി​ൽ നി​ന്നും ചാ​വ​ശേ​രി ടൗ​ൺ വ​ഴി മാ​ലൂ​രി​ലേ​ക്ക് പൈ​പ്പ് വ​ലി​ക്കു​ന്ന​തി​നാ​ണ് റോ​ഡ​രി​ക് കീ​റി​യ​ത്. പൈ​പ്പി​ടു​ന്ന​തി​ന് ജെ​സി​ബി ഉ​പ​യോ​ഗി​ച്ച് റോ​ഡ​രി​കി​ൽ കു​ഴി​യെ​ടു​ക്കു​ക​യും പൈ​പ്പ് സ്ഥാ​പി​ക്കു​ക​യും ചെ​യ്തു. പൈ​പ്പി​ട്ട​തി​ന് ശേ​ഷം ആ​വ​ശ്യ​ത്തി​ന് മ​ണ്ണ് കു​ഴി​യി​ൽ ഇ​ടാ​തെ വ​ന്ന​തോ​ടെ റോ​ഡ​രി​കി​ൽ വ​ൻ കു​ഴി​ക​ളു​ണ്ടാ​കു​ക​യും വാ​ഹ​ന​ങ്ങ​ൾ​ക്ക് ക​ട​ന്നു പോ​കാ​ൻ ക​ഴി​യാ​തെ​യാ​യി. മ​ഴ​ക്കാ​ല​മാ​യ​തോ​ടെ റോ​ഡ് കൂ​ടു​ത​ൽ പൊ​ട്ടി​പ്പൊ​ളി​ഞ്ഞ് ചെ​ളി​ക്കു​ള​മാ​കു​ക​യും യാ​ത്ര ദു​ഷ്ക​ര​മാ​ക്കു​ക​യും ചെ​യ്തു.

കു​ടി​വെ​ള്ള വി​ത​ര​ണ പ​ദ്ധ​തി​യു​ടെ പൈ​പ്പ് സ്ഥാ​പി​ക്കാ​ൻ മ​ഴ​വെ​ള്ളം ഒ​ഴു​കാ​ൻ റോ​ഡി​ന​ടി​യി​ൽ സ്ഥാ​പി​ച്ച പൈ​പ്പ് മു​റി​ച്ച് മാ​റ്റി​യ​ത് ജ​ന​ങ്ങ​ളി​ൽ പ്ര​തി​ഷേ​ധം ശ​ക്ത​മാ​യി​രി​ക്കു​ക​യാ​ണ്. ഇ​വി​ടെ കു​ഴി​യെ​ടു​ത്തെ​ങ്കി​ലും മു​റി​ച്ച് മാ​റ്റി​യ പൈ​പ്പി​ന് പ​ക​രം സം​വി​ധാ​നം ഒ​രു​ക്കാ​ത്ത​തി​നാ​ൽ റോ​ഡി​ലെ​ടു​ത്ത കു​ഴി മൂ​ടാ​തെ വ​ച്ചി​രി​ക്കു​ക​യാ​ണ്.

നി​ര​വ​ധി ത​വ​ണ വാ​ട്ട​ർ അ​ഥോ​റി​റ്റി അ​ധി​കൃ​ത​രോ​ട് പ​രാ​തി​പ്പെ​ട്ടി​ട്ടും ന​ട​പ​ടി​യു​ണ്ടാ​യി​ല്ലെ​ന്നും പ​രി​ഹാ​ര​മു​ണ്ടാ​യി​ല്ലെ​ങ്കി​ൽ സ​മ​ര പ​രി​പാ​ടി​ക​ളു​മാ​യി രം​ഗ​ത്തി​റ​ങ്ങു​മെ​ന്ന് നാ​ട്ടു​കാ​ർ പ​റ​ഞ്ഞു. ബ​സ് ഉ​ൾ​പ്പെ​ടെ നി​ത്യ​വും നൂ​റ് ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു​പോ​കു​ന്ന റോ​ഡാ​ണ് ചെ​ട്ടി​ക്കു​ള​മാ​യ​ത്. റോ​ഡി​ന്‍റെ ശോ​ച​നീ​യാ​വ​സ്ഥ കാ​ര​ണം വാ​ഹ​ന​ങ്ങ​ൾ ഇ​തു വ​ഴി ക​ട​ന്നു പോ​കാ​ൻ മ​ടി​ക്കു​ക​യാ​ണ്.