ഇ​രി​ട്ടി: കാ​ലാ​വ​ധി ക​ഴി​ഞ്ഞ​തോ​ടെ ഇ​രി​ട്ടി താ​ലൂ​ക്ക് ആ​ശു​പ​ത്രി​യി​ലെ ജീ​പ്പ് ഷെ​ഡി​ലാ​യ​തോ​ടെ ആ​ശു​പ​​ത്രി ആ​വ​ശ്യ​ത്തി​നും ഓ​ടു​ന്ന​ത് ആം​ബു​ല​ൻ​സ്. ഇ​ക്ക​ഴി​ഞ്ഞ ഏ​പ്രി​ലി​ൽ കാ​ലാ​വ​ധി തീ​ർ​ന്ന​തോ​ടെ​യാ​ണ് ഇ​വി​ടു​ത്തെ ജീ​പ്പ് ഷെ​ഡിലാ​യ​ത്. ര​ണ്ട് ആം​ബു​ല​ൻ​സു​ക​ളി​ൽ ഒ​ന്ന് ര​ണ്ടു മാ​സ​മാ​യി വ​ർ​ക്‌ഷോ​പ്പി​ലാ​ണ്. രോ​ഗി​ക​ളെ കൊ​ണ്ടുപോ​കാ​നു​ള്ള ഏ​ക ആം​ബു​ല​ൻ​സാ​ണ് ഇ​പ്പോ​ൾ കു​ത്തി​വയ്​പ്പ് മു​ത​ൽ സെ​ക്ക​ൻ​ഡ​റി​ പാ​ലി​യേ​റ്റി​വ് പ​രി​ച​ര​ണ​മു​ൾ​പ്പെ​ടെ​യു​ള്ള​വ​യ്ക്ക് ആ​ശു​പ​ത്രി അ​ധി​കൃ​ത​ർ ഉ​പ​യോ​ഗ​പ്പെ​ടു​ത്തു​ന്ന​ത്.

ഇ​തോ​ടെ അ​ടി​യ​ന്തര ഘ​ട്ട​ത്തി​ൽ രോ​ഗി​ക​ൾ മ​റ്റ് ആം​ബു​ല​ൻ​സ് സ​ർ​വീ​സു​ക​ളെ ആ​ശ്ര​യി​ക്കേ​ണ്ട ഗ​തി​കേ​ടി​ലാ​ണ്. നി​ല​വി​ൽ ഷെ​ഡി​ലാ​യ ജീ​പ്പി​നും ആം​ബു​ല​ൻ​സു​ക​ൾ​ക്കു​മാ​യി മൂ​ന്ന് ഡ്രൈ​വ​ർ​മാ​രു​ണ്ടെ​ങ്കി​ലും ഒ​രു ആം​ബു​ല​ൻ​സ് മാ​ത്ര​മാ​ണ് പ്ര​വ​ർ​ത്തി​ക്കു​ന്ന​ത്. എം​എ​ൽ​എ ഫ​ണ്ടി​ൽ നി​ന്നും താ​ലൂ​ക്ക് ആ​ശു​പ​ത്രി​ക്ക് അ​നു​വ​ദി​ച്ച ആം​ബു​ല​ൻ​സി​നു​ള്ള ഫ​ണ്ട് കൈ​മാ​റി​യി​ട്ടും വാ​ഹ​നം ല​ഭി​ക്കാ​ൻ കാ​ല​താ​മ​സം നേ​രി​ടു​ക​യാ​ണ്. കാ​ലാ​വ​ധി ക​ഴി​ഞ്ഞ ജീ​പ്പി​നു പ​ക​രം പു​തി​യ വാ​ഹ​ന​ത്തി​നാ​യി അ​പേ​ക്ഷ സ​മ​ർ​പ്പി​ച്ചി​ട്ടും ന​ട​പ​ടി ഉ​ണ്ടാ​യി​ട്ടി​ല്ല.