മ​ട്ട​ന്നൂ​ർ: വേ​ന​ൽ ചൂ​ട് ശ​ക്ത​മാ​യ​തി​നൊ​പ്പം മ​ട്ട​ന്നൂ​ർ മേ​ഖ​ല​യി​ൽ തീ​പി​ടി​ത്തം വ്യാ​പ​ക​മാ​യി. കഴിഞ്ഞ ദിവസം മ​ട്ട​ന്നൂ​ർ മേ​ഖ​ല​യി​ലെ എ​ട്ടി​ട​ങ്ങ​ളി​ലാ​ണ് തീ​പി​ടി​ത്ത​മു​ണ്ടാ​യ​ത്. ന​ടു​വ​നാ​ട്, കി​ളി​യ​ങ്ങാ​ട്, മ​രു​താ​യി നാ​ലാ​ങ്കേ​രി, കൊ​തേ​രി, വെ​ള്ളി​യാം പ​റ​മ്പ്, നാ​യാ​ട്ടു​പാ​റ തു​ട​ങ്ങി​യ സ്ഥ​ല​ങ്ങ​ളി​ലാ​ണ് തീ​പി​ടി​ത്ത​മു​ണ്ടാ​യ​ത്. ഉ​ണ​ങ്ങി കി​ട​ക്കു​ന്ന അ​ടി​ക്കാ​ടു​ക​ൾ​ക്കാ​ണ് തീ​പി​ടി​ച്ച​ത്.

വെ​ള്ളി​യാം​പ​റ​മ്പി​ൽ കി​ൻ​ഫ്ര​യ്ക്കാ​യി ഏ​റ്റെ​ടു​ത്ത സ്ഥ​ല​ത്തും കൊ​തേ​രി​യി​ൽ തെ​ങ്ങി​നു​മാ​ണ് തീ​പി​ടി​ച്ച​ത്. നാ​ട്ടു​കാ​ർ വി​വ​രം ന​ൽ​കി​യ​തി​നെ തു​ട​ർ​ന്നു അ​ഗ്നി​ശ​മ​ന വി​ഭാ​ഗ​മെ​ത്തി തീ ​അ​ണ​യ്ക്കു​ക​യാ​യി​രു​ന്നു. മ​ട്ട​ന്നൂ​ർ, ഇ​രി​ട്ടി എ​ന്നി​വി​ട​ങ്ങ​ളി​ൽ നി​ന്നെ​ത്തി​യ അ​ഗ്നി​ശ​മ​ന വി​ഭാ​ഗ​മാ​ണ് മ​ണി​ക്കൂ​റോ​ളം പ​രി​ശ്ര​മി​ച്ച് തീ ​കെ​ടു​ത്തി​യ​ത്.

ഉ​ണ​ങ്ങി​യ പു​ല്ലി​ന് തീ​പി​ടി​ച്ച് ഉ​ട​ൻ ത​ന്നെ അ​ഗ്നി​ശ​മ​ന വി​ഭാ​ഗ​മെ​ത്തി തീ ​പ​ട​ർ​ന്നു പി​ടി​ക്കു​ന്ന​ത് ഒ​ഴി​വാ​ക്കാ​ൻ ക​ഴി​യു​ന്ന​തി​നാ​ൽ വ​ലി​യ നാ​ശ​ന​ഷ്ടം ഉ​ണ്ടാ​കു​ന്ന​ത് ഒ​ഴി​വാ​ക്കാ​ൻ ക​ഴി​യു​ക​യാ​ണ്. സ്റ്റേ​ഷ​ൻ ഓ​ഫീ​സ​ർ ടി.​വി. ഉ​ണ്ണി​കൃ​ഷ്ണ​ന്‍റെ നേ​തൃ​ത്വ​ത്തി​ലു​ള്ള അ​ഗ്നി​ശ​മ​ന വി​ഭാ​ഗ​മാ​ണ് തീ​യ​ണ​ച്ച​ത്.