ചന്ദനക്കാംപാറ: കാട്ടുതേനീച്ച ആക്രമണത്തിൽ 10 പേർക്ക് പരിക്കേറ്റു. രണ്ട് പേരുടെ നില ഗുരുതരം. ചാപ്പക്കടവ് - ഏറ്റുപാറ റോഡിൽ മുതിരേന്തിക്കൽ കുട്ടിയച്ചന്റെയും, മുതിരേന്തിക്കൽ സജിയുടെയും പറമ്പിലും വീട്ടിലും കാട്ട് തേനീച്ചയുടെ ആക്രമണം ഉണ്ടായി.
ഇന്നലെ രാവിലെ എട്ടിനാണ് തേനീച്ച ആക്രമണം ഉണ്ടായിരിക്കുന്നത്. ഏറ്റുപാറ ഭാഗത്ത് താമസിക്കുന്ന മരുതോലിൽ തങ്കച്ചന് (പീലിപ്പോസ് ) ഏറ്റ കുത്ത് മാരകമാണ്. കണ്ണൂർ മിംസ് ആശുപത്രിയിൽ തീവ്ര പരിചരണ വിഭാഗത്തിൽ ചികിത്സയിലാണ് തങ്കച്ചൻ.