കീ​ഴ്പ്പ​ള്ളി: പു​തി​യ​ങ്ങാ​ടി​യി​ൽ കാ​ട്ടാ​ന​യി​റ​ങ്ങി തൊ​ഴി​ലു​റ​പ്പ് തൊ​ഴി​ലാ​ളി​ക​ളു​ടെ അ​ഞ്ചേ​ക്ക​ർ കൃ​ഷി ന​ശി​പ്പി​ച്ചു.

ആ​റ​ളം കൃ​ഷി​ഭ​വ​ന്‍റെ മേ​ൽ​നോ​ട്ട​ത്തി​ൽ തൊ​ഴി​ലു​റ​പ്പ് പ​ദ്ധ​തി​യി​ൽ​പെ​ടു​ത്തി പ​തി​ന​ഞ്ച് സ്ത്രീ​ക​ൾ പാ​ട്ട​ത്തി​നെ​ടു​ത്ത സ്ഥ​ല​ത്തെ കൃ​ഷി​യാ​ണ് ആ​ന​ക്കൂ​ട്ടം ച​വി​ട്ടി​യും തി​ന്നും ന​ശി​പ്പി​ച്ച​ത്. പു​തി​യ​ങ്ങാ​ടി​യി​ലെ കൊ​ണ്ടു​പ​റ​മ്പി​ൽ സെ​ബാ​സ്റ്റ്യ​ൻ എ​ന്ന​യാ​ളു​ടെ പ​ക്ക​ൽ നി​ന്നും പാ​ട്ട​ത്തി​നെ​ടു​ത്ത അ​ഞ്ചേ​ക്ക​ർ സ്ഥ​ല​ത്ത് ന​ട​ത്തി​വ​ന്ന എ​ള്ള്, മു​ത്താ​റി, ചാ​മ, ക​ട​ല, നെ​ല്ല് എ​ന്നീ കൃ​ഷി​ക​ളാ​ണ് ആ​ന​ക്കൂ​ട്ടം ന​ശി​പ്പി​ച്ച​ത്.

ആ​റ​ളം ഫാ​മി​ലെ വ​ന​ത്തി​ൽ നി​ന്നും പു​ഴ ക​ട​ന്ന് വ​ന്ന ആ​ന​ക​ൾ കൃ​ഷി​യി​ട​ത്തി​ലേ​ക്ക് പ്ര​വേ​ശി​ച്ച് കൃ​ഷി​ക​ൾ തി​ന്നും ച​വി​ട്ടി​യും ന​ശി​പ്പി​ക്കു​ക ആ​യി​രു​ന്നു. ആ​ദി​വാ​സി​ക​ളു​ൾ​പ്പെ​ടെ 15 കു​ടും​ബ​ങ്ങ​ൾ ക​ഠി​നാ​ധ്വാ​നം ചെ​യ്ത കൃ​ഷി​യാ​ണ് ഒ​റ്റ​ദി​വ​സം കൊ​ണ്ട് ആ​ന ന​ശി​പ്പി​ച്ചി​രി​ക്കു​ന്ന​ത്. സ​മീ​പം താ​മ​സി​ക്കു​ന്ന രാ​ജേ​ന്ദ്ര സിം​ഗ് പാ​പ്പി​നി​ശേ​രി​യു​ടെ തോ​ട്ട​ത്തി​ലെ തെ​ങ്ങും വാ​ഴ​യും ആ​ന​ക്കൂ​ട്ടം ന​ശി​പ്പി​ച്ചി​ട്ടു​ണ്ട്.

ആ​റ​ളം ഫാം ​അ​തി​ർ​ത്തി​യി​ൽ ആ​ന​മ​തി​ൽ നി​ർ​മി​ക്കു​ന്ന​തി​ന് ടെ​ൻ​ഡ​ർ വി​ളി​ച്ചു മാ​സ​ങ്ങ​ൾ ക​ഴി​ഞ്ഞി​ട്ടും വ​കു​പ്പു​ത​ല മ​ത്സ​ര​ങ്ങ​ളു​ടെ പേ​രി​ൽ നി​ർ​മാ​ണം ആ​രം​ഭി​ക്കാ​ൻ ക​ഴി​ഞ്ഞി​ട്ടി​ല്ല. മ​രം മു​റി ടെ​ൻ​ഡ​ർ എ​ങ്കി​ലും യ​ഥാ​സ​മ​യം ന​ട​ന്നാ​ൽ മാ​ത്ര​മേ വീ​ണ്ടും കാ​ല​താ​മ​സം വ​രാ​തെ നി​ർ​മാ​ണം പൂ​ർ​ത്തി​യാ​ക്കാ​ൻ ക​ഴി​യു​ക​യു​ള്ളൂ. ഈ ​വ​ർ​ഷം ത​ന്നെ പു​തി​യ​ങ്ങാ​ടി പ്ര​ദേ​ശ​ത്ത് ഇ​പ്പോ​ൾ മൂ​ന്നാ​മ​ത്തെ ത​വ​ണ​യാ​ണ് ആ​ന കൃ​ഷി ന​ശി​പ്പി​ക്കു​ന്ന​ത്. ആ​ന​യു​ടെ നി​ര​ന്ത​ര ആ​ന​ശ​ല്യം സ​ഹി​ക്ക​വ​യ്യാ​തെപ്ര​ക്ഷോ​ഭത്തിനൊരുങ്ങുകയാണ് നാ​ട്ടു​കാ​ർ.

ജ​ന​വാ​സ​കേ​ന്ദ്ര​ത്തി​ൽ ആ​ന ഇ​റ​ങ്ങി കൃ​ഷി ന​ശി​പ്പി​ച്ച​തി​ന് ഉ​ചി​ത​മാ​യ ന​ഷ്ട​പ​രി​ഹാ​രം ന​ൽ​ക​ണ​മെ​ന്നാ​വ​ശ്യം വാ​ർ​ഡ് മെംബർ ജോ​ർ​ജ് ആ​ലാം​പ​ള്ളി​യും ക​ർ​ഷ​ക​രും ഉ​ന്ന​യി​ച്ചു.