കൽപ്പറ്റ: ജില്ലയിൽ 255 പേരിൽക്കൂടി കോവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ.ആർ. രേണുക അറിയിച്ചു. ഏഴ് ആരോഗ്യപ്രവർത്തകർ ഉൾപ്പെടെ എല്ലാവർക്കും സന്പർക്കത്തിലൂടെയാണ് രോഗബാധ. 12 പേരുടെ സന്പർക്ക ഉറവിടം വ്യക്തമല്ല. 163 പേർ രോഗമുക്തി നേടി.
നെൻമേനി-40, ബത്തേരി, മാനന്തവാടി-28 വീതം, തൊണ്ടർനാട്-22, മുട്ടിൽ-18, കൽപ്പറ്റ-16, മേപ്പാടി-15, തവിഞ്ഞാൽ-11, പൊഴുതന, വൈത്തിരി-ഒന്പതുവീതം, മീനങ്ങാടി-എട്ട്, പുൽപ്പള്ളി, വെള്ളമുണ്ട, വെങ്ങപ്പള്ളി-ഏഴ്, പനമരം-ആറ്, കണിയാന്പറ്റ, കോട്ടത്തറ, മൂപ്പൈനാട്, തിരുനെല്ലി-മൂന്നുവീതം, അന്പലവയൽ, എടവക, നൂൽപ്പുഴ, പൂതാടി, തരിയോട്-രണ്ടുവീതം, മുള്ളൻകൊല്ലി, പൊഴുതന-ഒന്നുവീതം എന്നിങ്ങനെയാണ് വൈറസ് ബാധയേറ്റവരുടെ കണക്ക്. ബത്തേരി-10, നെൻമേനി, മാനന്തവാടി-നാലുവീതം, കണിയാന്പറ്റ-മൂന്ന്, അന്പലവയൽ, മീനങ്ങാടി, മേപ്പാടി, പുൽപ്പള്ളി, നൂൽപ്പുഴ, പൊഴുതന-രണ്ടുവീതം, തരിയോട്, കൽപ്പറ്റ, എടവക, വൈത്തിരി, പനമരം, പൂതാടി, തൃശൂർ, തിരുവനന്തപുരം, തമിഴ്നാട്-ഒന്നുവീതം, വീടുകളിൽ ചികിത്സയിലായിരുന്ന 121 പേർ എന്നിങ്ങനെയാണ് രോഗമുക്തിയായവരുടെ എണ്ണം. ജില്ലയിൽ ഇതുവരെ 21,374 പേരിലാണ് കോവിഡ് സ്ഥിരീകരിച്ചത്. ഇതിൽ 17,986 പേർ രോഗമുക്തരായി. 133 പേർ മരിച്ചു. 3,255 പേർ ചികിത്സയിലാണ്. പ്രതിരോധ നടപടികളുടെ ഭാഗമായി 562 പേരെ പുതുതായി നിരീക്ഷണത്തിലാക്കി.