കോ​ഴി​ക്കോ​ട്: ആ​രാ​ധ​നാ​ല​യ​ങ്ങ​ൾ​ക്കു​ള്ള അ​നു​മ​തി ന​ൽ​കു​ന്ന​തു​മാ​യി ബ​ന്ധ​പ്പെ​ട്ട് സ​ർ​ക്കാ​ർ ത​ദ്ദേ​ശ സ്ഥാ​പ​ന​ങ്ങ​ൾ​ക്ക് ന​ൽ​കി​യ അ​ധി​കാ​ര​വു​മാ​യി ബ​ന്ധ​പ്പെ​ട്ട ഉ​ത്ത​ര​വി​ൽ എ​ത്ര​യും പെ​ട്ടെ​ന്ന് ത​ന്നെ തീ​ർ​പ്പ് ക​ൽ​പ്പി​ക്കാ​ൻ സ​ർ​ക്കാ​രി​നോ​ട് ആ​വ​ശ്യ​പ്പെ​ട്ട് ന്യൂ​ന​പ​ക്ഷ ക​മ്മീ​ഷ​ൻ.

കോ​ഴി​ക്കോ​ട് ക​ള​ക്ട്രേ​റ്റി​ൽ ന​ട​ന്ന ന്യൂ​ന​പ​ക്ഷ ക​മ്മീ​ഷ​ൻ സി​റ്റിം​ഗി​ൽ കെ. ​മു​ഹ​മ്മ​ദ് ഇ​ബ്രാ​ഹിം ന​ൽ​കി​യ ഹ​ര​ജി​യി​ലാ​ണ് ആ​രാ​ധ​നാ​ല​യ​ങ്ങ​ൾ​ക്കു​ള്ള അ​നു​മ​തി സം​ബ​ന്ധി​ച്ച് ഹൈ​ക്കോ​ട​ത​യി​ൽ നി​ല​നി​ൽ​ക്കു​ന്ന ഹ​ർ​ജി​യി​ൽ തീ​ർ​പ്പ് ക​ൽ​പ്പി​ക്കാ​ൻ വേ​ണ്ട ന​ട​പ​ടി സ​ർ​ക്കാ​ർ എ​ത്ര​യും വേ​ഗം സ്വീ​ക​രി​ക്ക​ണ​മെ​ന്ന് ന്യൂ​ന​പ​ക്ഷ ക​മ്മീ​ഷ​ൻ അം​ഗം എ. ​സൈ​ഫു​ദ്ധീ​ൻ ഹാ​ജി ആ​വ​ശ്യ​പ്പെ​ട്ട​ത്.

2021 ലാ​യി​രു​ന്നു ആ​രാ​ധ​നാ​ല​യ​ങ്ങ​ൾ​ക്ക് അ​നു​മ​തി ന​ൽ​കു​ന്ന​തു​മാ​യി ബ​ന്ധ​പ്പെ​ട്ട് സ​ർ​ക്കാ​ർ ത​ദ്ദേ​ശ സ്ഥാ​പ​ന​ങ്ങ​ളു​ടെ സെ​ക്ര​ട്ട​റി​മാ​ർ​ക്ക് അ​നു​മ​തി ന​ൽ​കി ഉ​ത്ത​ര​വ് പു​റ​പ്പെ​ടു​വി​പ്പി​ച്ച​ത്. എ​ന്നാ​ൽ അ​നു​മ​തി​യി​ലെ ക്ര​മ​സ​മാ​ധാ​നം ഉ​റ​പ്പാ​ക്കു​ന്ന​തു​മാ​യി ബ​ന്ധ​പ്പെ​ട്ട വ​കു​പ്പ് കാ​ര​ണം അ​നു​മ​തി സം​ബ​ന്ധി​ച്ച് പ​ഞ്ചാ​യ​ത്തു​ക​ൾ​ക്കാ​ണോ ക​ള​ക്ട​ർ​ക്കാ​ണോ അ​ധി​കാ​രം എ​ന്ന​ത് സം​ബ​ന്ധി​ച്ച് അ​നി​ശ്ചി​ത​ത്വം തു​ട​രു​ക​യും ഇ​ത് പ്ര​കാ​രം നി​ര​വ​ധി ആ​രാ​ധ​നാ​ല​യ​ങ്ങ​ൾ​ക്ക് നി​ർ​മാ​ണ അ​നു​മ​തി ന​ൽ​കു​ന്ന​ത് വൈ​കു​ക​യു​മാ​യി​രു​ന്നു.

ഇ​ത് സം​ബ​ന്ധി​ച്ച് ഹൈ​ക്കോ​ട​തി​യി​ൽ ഹ​ർ​ജി നി​ല​നി​ൽ​ക്കു​ന്ന​ത് കാ​ര​ണം കേ​ര​ള​ത്തി​ലെ പ​ള്ളി​ക​ൾ​ക്കും ച​ർ​ച്ചു​ക​ൾ​ക്കും നി​ർ​മാ​ണ​ത്തി​നാ​യു​ള്ള അ​നു​മ​തി ല​ഭി​ക്കു​ന്ന​ത് വൈ​കു​ന്ന സാ​ഹ​ച​ര്യ​മാ​ണു​ള്ള​തെ​ന്ന് ക​മ്മീ​ഷ​ന് ബോ​ധ്യ​പ്പെ​ട്ട​താ​യി അം​ഗം പ​റ​ഞ്ഞു. ഈ ​സാ​ഹ​ച​ര്യ​ത്തി​ൽ ഹ​ർ​ജി​യി​ൽ ഹൈ​ക്കോ​ട​തി​യി​ൽ നി​ന്നും ഉ​ത്ത​ര​വ് നേ​ടി​യെ​ടു​ക്കാ​ൻ വേ​ണ്ട ന​ട​പ​ടി​ക​ൾ സ​ർ​ക്കാ​ർ വേ​ഗ​ത്തി​ലാ​ക്ക​ണ​മെ​ന്ന് ന്യൂ​ന​പ​ക്ഷ ക​മ്മീ​ഷ​ൻ ആ​വ​ശ്യ​പ്പെ​ട്ടു.

ന്യൂ​ന​പ​ക്ഷ വ​കു​പ്പു​മാ​യി ബ​ന്ധ​പ്പെ​ട്ട് കൊ​ടു​വ​ള്ളി സ്വ​ദേ​ശി അ​ബ്ദു​നാ​സ​ർ ന​ൽ​കി​യ ഹ​ർ​ജി​യി​ൽ ന്യൂ​ന​പ​ക്ഷ വ​കു​പ്പ് ന​ൽ​കി​യ മ​റു​പ​ടി പ്ര​കാ​രം കേ​സ് തീ​ർ​പ്പാ​ക്കി. സി​റ്റിം​ഗി​ൽ ആ​റു കേ​സു​ക​ൾ പ​രി​ഗ​ണി​ച്ചു.