മു​ക്കം: വാ​ട​ക കെ​ട്ടി​ട​ത്തി​ലെ ഇ​ടു​ങ്ങി​യ കോ​ണി​പ്പ​ടി​ക​ൾ, പ്രാ​യ​മാ​യ രോ​ഗി​യു​മാ​യി എ​ത്തു​ന്ന​വ​ർ​ക്ക് ഡോ​ക്ട​റെ കാ​ണ​ണ​മെ​ങ്കി​ൽ രോ​ഗി​യെ ചു​മ​ന്ന് ഒ​ന്നാം​നി​ല​യി​ലെ​ത്തി​ക്ക​ണം!

കാ​ലി​ലെ പ​രി​ക്കും മ​റ്റു​മാ​യി എ​ത്തു​ന്ന രോ​ഗി​ക​ൾ വേ​ദ​ന സ​ഹി​ച്ച് പ​ടി​ക​ൾ ക​യ​റ​ണം. വാ​ഹ​നം പാ​ർ​ക്ക് ചെ​യ്യാ​ൻ വേ​ണ്ട​ത്ര സൗ​ക​ര്യ​വു​മി​ല്ല! നാ​ല് വ​ർ​ഷ​മാ​യി വാ​ട​ക കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന മു​ക്കം ഇ​എ​സ്ഐ ആ​ശു​പ​ത്രി​യി​ലെ​ത്താ​ൻ അ​ത്ര ഈ​സി​യ​ല്ല.

2019 ഫെ​ബ്രു​വ​രി​യി​ലാ​ണ് ഇ​വി​ടെ ആ​ശു​പ​ത്രി പ്ര​വ​ർ​ത്ത​ന​മാ​രം​ഭി​ച്ച​ത്. എ​ട​വ​ണ്ണ - കൊ​യി​ലാ​ണ്ടി സം​സ്ഥാ​ന പാ​ത​യി​ൽ അ​ഗ​സ്ത്യ​ൻ​മു​ഴി പ​ള്ളോ​ട്ടി സ്കൂ​ളി​ന് സ​മീ​പ​ത്താ​ണ് ആ​ശു​പ​ത്രി പ്ര​വ​ർ​ത്തി​ക്കു​ന്ന​ത്.

ഇ​എ​സ്ഐ​യി​ൽ അം​ഗ​ങ്ങ​ളാ​യ ര​ണ്ടാ​യി​ര​ത്തി മു​ന്നോ​റോ​ളം ആ​ളു​ക​ൾ ആ​ശ്ര​യി​ക്കു​ന്ന ആ​ശു​പ​ത്രി​യാ​ണി​ത്. ഇ​വ​രു​ടെ കു​ടും​ബാം​ഗ​ങ്ങ​ളു​ടെ എ​ണ്ണം കൂ​ടി പ​രി​ഗ​ണി​ച്ചാ​ൽ ആ​ശ്രി​ത​രു​ടെ എ​ണ്ണം എ​ട്ടാ​യി​രം ക​വി​യും. ഒ​രു ഡോ​ക്ട​റും ന​ഴ്സും ഫാ​ർ​മ​സി​സ്റ്റും ഉ​ൾ​പ്പെ​ടെ ഒ​ൻ​പ​ത് ജീ​വ​ന​ക്കാ​രാ​ണ് ഇ​വി​ടെ​യു​ള്ള​ത്.

പ്രാ​യ​മാ​യ രോ​ഗി​ക​ൾ​ക്ക് മു​ക​ളി​ലേ​ക്ക് ക​യ​റാ​ൻ സാ​ധി​ക്കാ​തെ വ​ന്നാ​ൽ ഡോ​ക്ട​റും ന​ഴ്സും താ​ഴെ​യെ​ത്തി ചി​കി​ത്സി​ക്ക​ണം. വാ​ഹ​നം നി​ർ​ത്തു​ന്നി​ട​ത്ത് മേ​ൽ​ക്കൂ​ര ഇ​ല്ലാ​ത്ത​തി​നാ​ൽ മ​ഴ​യും വെ​യി​ലും കൊ​ണ്ടാ​ണ് പ​രി​ശോ​ധ​ന. ശ​ക്ത​മാ​യ മ​ഴ പെ​യ്താ​ൽ ഡോ​ക്ട​റെ​യും കാ​ത്ത് രോ​ഗി​ക​ൾ വാ​ഹ​ന​ങ്ങ​ളി​ൽ ത​ന്നെ കാ​ത്തി​രി​ക്ക​ണം.

താ​ഴ​ത്തെ നി​ല​ക​ളി​ൽ വ​ർ​ക്ക്ഷോ​പ്പു​ക​ളാ​യ​തി​നാ​ൽ പ​ല​പ്പോ​ഴും വാ​ഹ​ന​ങ്ങ​ൾ നി​ർ​ത്താ​ൻ പോ​ലും ഇ​ട​മു​ണ്ടാ​വാ​റി​ല്ലെ​ന്ന് രോ​ഗി​ക​ൾ പ​റ​യു​ന്നു. ജീ​വ​ന​ക്കാ​ർ പ്ര​ദേ​ശ​ത്തെ മ​റ്റി​ട​ങ്ങ​ളി​ൽ വാ​ഹ​നം നി​ർ​ത്തു​ക​യാ​ണ് പ​തി​വ്.

ഏ​ഴു മു​റി​ക​ളാ​ണ് ആ​ശു​പ​ത്രി​യി​ലു​ള്ള​ത്. ഇ​തേ സൗ​ക​ര്യ​ത്തോ​ടെ ആ​ദ്യ നി​ല​യി​ൽ ത​ന്നെ മ​റ്റൊ​രു കെ​ട്ടി​ടം ല​ഭി​ക്കു​ക പ്ര​യാ​സ​മാ​ണെ​ന്ന് ജീ​വ​ന​ക്കാ​ർ പ​റ​യു​ന്നു.

കെ​ട്ടി​ടം ല​ഭി​ച്ചാ​ൽ ത​ന്നെ ഭീ​മ​മാ​യ വാ​ട​ക​യും ന​ൽ​കേ​ണ്ടി വ​രും. മ​റ്റൊ​രു കെ​ട്ടി​ട​ത്തി​ലേ​ക്ക് മാ​റ്റാ​നു​ള്ള ന​ട​പ​ടി ക്ര​മ​ങ്ങ​ളും ശ്ര​മ​ക​ര​മാ​ണ്. പ്രാ​യ​മാ​യ രോ​ഗി​ക​ളു​ടെ ദു​രി​തം പ​രി​ഗ​ണി​ച്ച് ആ​ശു​പ​ത്രി മ​റ്റൊ​രു കെ​ട്ടി​ട​ത്തി​ലേ​ക്ക് മാ​റ്റ​ണ​മെ​ന്ന ആ​വ​ശ്യം ശ​ക്ത​മാ​ണ്.