മഞ്ചേരി: കൊറോണക്കാലത്ത് മന്ദീഭവിച്ച വ്യാപാര മേഖലയ്ക്ക് കൈത്താങ്ങായി വ്യാപാരി വ്യവസായി ഏകോപന സമിതി മഞ്ചേരി യൂണിറ്റും മഞ്ചേരി കോ-ഓപ്പറേറ്റീവ് അർബൻ ബാങ്കും പലിശ രഹിത വായ്പാ പദ്ധതി ആവിഷ്ക്കരിച്ചു. സ്വർണ പണയത്തിൻമേൽ അംഗങ്ങൾക്ക് പരമാവധി 50,000 രൂപയാണ് വായ്പ നൽകുന്നത്. സാധാരണ സ്വർണ പണയ വായ്പയിൽ എട്ടു ശതമാനം പലിശയാണ് ബാങ്ക് ഈടാക്കുന്നത്. എന്നാൽ അഞ്ച് ശതമാനം പലിശക്ക് നൽകുന്ന പദ്ധതിയിൽ പലിശ തുക പൂർണമായി ഏകോപന സമിതി വഹിക്കും. പണയ സ്വർണത്തിന്‍റെ മാർക്കറ്റ് വിലയുടെ 75 ശതമാനമാണ് വായ്പയായി ലഭിക്കുക.
പദ്ധതിയുടെ ധാരണാപത്രം ഇന്നലെ മഞ്ചേരി വ്യാപാര ഭവനിൽ നടന്ന ചടങ്ങിൽ ഇരുകൂട്ടരും ഒപ്പു വച്ചു. അർബൻ ബാങ്കിനു വേണ്ടി ചെയർമാൻ എൻ.സി ഫൈസൽ, ജനറൽ മാനേജർ കെ. അബ്ദുൽ നാസർ, വൈസ് ചെയർമാൻ ഹനീഫ മേച്ചേരി, ഡയറക്ടർമാരായ അപ്പു മേലാക്കം, അപ്സര സലീം, വി. മുഹമ്മദലി എന്നിവും ഏകോപന സമിതിക്കു വേണ്ടി ഭാരവാഹികളായ എം.പി.എ ഹമീദ് കുരിക്കൾ, കെ. നിവിൽ ഇബ്രാഹിം, സക്കീർ ചമയം, എൻ.ടി.കെ ബാപ്പു, സഹീർ കോർമ്മത്ത്, പി.മുഹ്സിൻ, സി. കുഞ്ഞുമുഹമ്മദ്, ആൽബർട്ട് കണ്ണന്പുഴ, ബാലകൃഷ്ണൻ അപ്സര, അൽത്താഫ് ജഐസ്എസ്, മുജീബ് രാജധാനി, ഫൈസൽ ചേലാടത്തിൽ, ഷെരീഫ് ചേലാസ്, ഒ അലിക്കുട്ടി, കെ. ഖമറുദ്ദീൻ എന്നിവരും പങ്കെടുത്തു.