വ​ണ്ടൂ​ർ: പോ​രൂ​ർ നി​ര​ന്ന​പ​റ​മ്പ് ആ​ലി​ക്കോ​ട് - മ​ണ്ണേം​കു​ത്ത് വെ​സ്റ്റ് നൈ​ല്‍ പ​നി മ​ര​ണം റി​പ്പോ​ർ​ട്ട്‌ ചെ​യ്ത സാ​ഹ​ച​ര്യ​ത്തി​ല്‍ എ.​പി. അ​നി​ൽ​കു​മാ​ർ എം​എ​ൽ​എ​യു​ടെ നേ​തൃ​ത്വ​ത്തി​ൽ പ്രാ​ഥ​മി​കാ​രോ​ഗ്യ​കേ​ന്ദ്ര​ത്തി​ൽ അ​ടി​യ​ന്ത​ര യോ​ഗം ചേ​ർ​ന്നു.

രോ​ഗം പ​ട​ർ​ന്നു പി​ടി​ക്കാ​തി​രി​ക്കു​ന്ന​തി​നു​ള്ള മു​ൻ​ക​രു​ത​ൽ എ​ടു​ക്കാ​ൻ തീ​രു​മാ​ന​മാ​യി. വി​ഷ​യം ഗ​വ​ൺ​മെ​ന്‍റി​ന്‍റെ ശ്ര​ദ്ധ​യി​ൽ​പ്പെ​ടു​ത്തു​മെ​ന്ന് അ​നി​ൽ​കു​മാ​ർ എം​എ​ൽ​എ അ​റി​യി​ച്ചു.പ്ര​ദേ​ശ​വാ​സി​യാ​യ 23 വ​യ​സു​കാ​ര​നാ​ണ് പ​നി ബാ​ധി​ച്ച് മ​രി​ച്ച​ത്. വി​ട്ടു​മാ​റാ​ത്ത പ​നി​യെ തു​ട​ർ​ന്ന് കു​ഴ​ഞ്ഞു​വീ​ണ യു​വാ​വി​നെ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ എ​ത്തി​ച്ചെ​ങ്കി​ലും ര​ക്ഷ​പ്പെ​ടു​ത്താ​നാ​യി​ല്ല.

പൂ​നെ​യി​ലേ​ക്ക് അ​യ​ച്ച സാ​മ്പി​ളി​ൽ നി​ന്നാ​ണ് വെ​സ്റ്റ് നൈ​ൽ പ​നി​യെ​ന്ന് സ്ഥി​രീ​ക​രി​ച്ച​ത്. വൃ​ത്തി​യി​ല്ലാ​ത്ത വെ​ള്ള​ത്തി​ല്‍ വ​ള​രു​ന്ന ക്യു​ല​ക്സ് കൊ​തു​കി​ല്‍ നി​ന്നാ​ണ് വേ​സ്റ്റ്നൈ​ൽ പ​നി പ​ക​രു​ന്ന​ത്.

ആ​രോ​ഗ്യ​വ​കു​പ്പി​ന്‍റെ നേ​തൃ​ത്വ​ത്തി​ൽ ഈ ​മാ​സം അ​ഞ്ചി​ന് പ്ര​ദേ​ശ​ത്തെ എ​ഴു​പ​തോ​ളം വീ​ടു​ക​ൾ സ​ന്ദ​ർ​ശി​ച്ച് പ​നി സ​ർ​വേ പൂ​ർ​ത്തി​യാ​ക്കി. ഇ​തി​ൽ ആ​റ് പ​നി കേ​സു​ക​ൾ ക​ണ്ടെ​ത്തി​യി​ട്ടു​ണ്ട്. തു​ട​ർ​ന്ന് ജി​ല്ലാ ത​ല പ​രി​ശോ​ധ​ന ന​ട​ത്തി​യ​തി​ൽ നി​ന്ന് പ്ര​ദേ​ശ​ത്ത് ക്യൂ​ല​ക്സ് കൊ​തു​കു​ക​ളു​ടെ സാ​ന്ദ്ര​ത കൂ​ടു​ത​ലാ​ണെ​ന്ന് ക​ണ്ടെ​ത്തി​യി​രു​ന്നു.

മ​റ്റു വാ​ർ​ഡു​ക​ളി​ലും പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ ഊ​ർ​ജി​ത​മാ​ക്കാ​ൻ യോ​ഗ​ത്തി​ൽ തീ​രു​മാ​നി​ച്ചി​ട്ടു​ണ്ട്. പ​നി ഭീ​ഷ​ണി നി​ല​നി​ൽ​ക്കു​ന്ന സാ​ഹ​ച​ര്യ​ത്തി​ൽ വെ​ള്ളം കെ​ട്ടി​നി​ൽ​ക്കു​ന്ന ഭാ​ഗ​ത്ത് കൊ​തു​കി​ന്‍റെ ലാ​ർ​വ​ക​ളെ ന​ശി​പ്പി​ക്കാ​ൻ മ​ത്സ്യ​ക്കു​ഞ്ഞു​ങ്ങ​ളെ നി​ക്ഷേ​പി​ക്കാ​നു​ള്ള തീ​രു​മാ​ന​ത്തി​ലാ​ണ് പ​ഞ്ചാ​യ​ത്ത്.