ഇ​ട​തു​പ​ക്ഷ സ്ഥാ​നാ​ര്‍​ഥി ആ​നി​രാ​ജ​യു​ടെ റോ​ഡ് ഷോ​ക്ക് നി​ല​മ്പൂ​രി​ല്‍ സ്വീ​ക​ര​ണം ന​ല്‍​കി
Sunday, March 3, 2024 4:52 AM IST
നി​ല​മ്പൂ​ര്‍: ഇ​ട​തു​പ​ക്ഷ സ്ഥാ​നാ​ര്‍​ഥി ആ​നി​രാ​ജ​യു​ടെ റോ​ഡ് ഷോ​ക്ക് നി​ല​മ്പൂ​രി​ന്‍റെ വി​വി​ധ മ​ണ്ഡ​ല​ങ്ങ​ളി​ല്‍ സ്വീ​ക​ര​ണം ന​ല്‍​കി. വ​ണ്ടൂ​ര്‍ മ​ണ്ഡ​ല​ത്തി​ലെ വി​വി​ധ കേ​ന്ദ്ര​ങ്ങ​ളി​ല്‍ ന​ല്‍​കി​യ സ്വീ​ക​ര​ണ​ത്തി​ന് ശേ​ഷം വൈ​കി​ട്ട് ആ​റി​ന് ശേ​ഷ​മാ​ണ് നി​ല​മ്പൂ​രി​ന​ടു​ത്ത് വ​ട​പു​റ​ത്ത് പി.​വി. അ​ന്‍​വ​ര്‍ എം.​എ​ല്‍.​എ​യു​ടെ നേ​തൃ​ത്വ​ത്തി​ല്‍ സ്വീ​ക​രി​ച്ച് നി​ല​മ്പൂ​ര്‍ മ​ണ്ഡ​ല​ത്തി​ലേ​ക്ക് ആ​ന​യി​ച്ച​ത്.

നൂ​റു​ക​ണ​ക്കി​ന് മോ​ട്ടോ​ര്‍ ബൈ​ക്കു​ക​ളു​ടേ​യും മ​റ്റു വാ​ഹ​ന​ങ്ങ​ളു​ടേ​യും അ​ക​മ്പ​ടി​യോ​ടു​കൂ​ടി​യാ​ണ് അ​വ​ര്‍ തു​റ​ന്ന വാ​ഹ​ന​ത്തി​ല്‍ വ​ട​പു​റ​ത്തെ​ത്തി​യ​ത്. തു​ട​ര്‍​ന്ന് ചു​വ​ന്ന ഷാ​ള്‍ അ​ണി​യി​ച്ച് പി.​വി. അ​ന്‍​വ​ര്‍ എം.​എ​ല്‍.​എ. നി​ല​മ്പൂ​ര്‍ മ​ണ്ഡ​ല​ത്തി​ലേ​ക്ക് സ്വാ​ഗ​തം ചെ​യ്തു. മ​റ്റു വാ​ഹ​ന​ങ്ങ​ളു​ടെ അ​ക​മ്പ​ടി​യോ​ടെ നി​ല​മ്പൂ​ര്‍ ടൗ​ണി​ലെ​ത്തി. നി​ര​വ​ധി സ്ത്രീ​ക​ള​ട​ക്ക​മു​ള്ള​വ​ര്‍ സ്ഥാ​നാ​ര്‍​ഥി​യെ കാ​ണാ​നാ​യി റോ​ഡ​രി​കി​ലെ​ത്തി​യി​രു​ന്നു.


വാ​ഹ​നം നി​ര്‍​ത്തി പ്ര​വ​ര്‍​ത്ത​ക​ര്‍​ക്കും അ​ണി​ക​ള്‍​ക്കും വോ​ട്ട​ര്‍​മാ​ര്‍​ക്കും കൈ​കൊ​ടു​ത്താ​ണ് അ​ടു​ത്ത സ്വീ​ക​ര​ണ​സ്ഥ​ല​ത്തേ​ക്ക് പോ​യ​ത്. നി​ല​മ്പൂ​ര്‍ ച​ന്ത​ക്കു​ന്ന്, മു​ക്ക​ട്ട, ക​രു​ളാ​യി, മൂ​ത്തേ​ടം, എ​ട​ക്ക​ര എ​ന്നി​വി​ട​ങ്ങ​ളി​ല്‍ സ​ന്ദ​ര്‍​ശി​ച്ച് ശ​നി​യാ​ഴ്ച​ത്തെ റോ​ഡ് ഷോ ​സ​മാ​പി​ച്ചു. ശ​നി​യാ​ഴ്ച രാ​ത്രി നി​ല​മ്പൂ​രി​ല്‍ ത​ങ്ങു​ന്ന സ്ഥാ​നാ​ര്‍​ഥി ഞാ​യ​റാ​ഴ്ച വി​വി​ധ കേ​ന്ദ്ര​ങ്ങ​ളി​ല്‍ പോ​യി പൗ​ര​പ്ര​മു​ഖ​ര​ട​ക്ക​മു​ള്ള​വ​രെ കാ​ണു​മെ​ന്ന​റി​യു​ന്നു.

പി.​വി. അ​ന്‍​വ​റി​ന് പു​റ​മെ സി.​പി.​ഐ. നേ​താ​വ് പി.​പി. സു​നീ​ര്‍, സി.​പി.​എം. നി​ല​മ്പൂ​ര്‍ ഏ​രി​യാ സെ​ക്ര​ട്ട​റി ഇ. ​പ​ദ്മാ​ക്ഷ​ന്‍, ലോ​ക്ക​ല്‍ സെ​ക്ര​ട്ട​റി​മാ​ര്‍, ഏ​രി​യാ ക​മ്മി​റ്റി അം​ഗ​ങ്ങ​ള്‍, വ​നി​താ ഭാ​ര​വാ​ഹി​ക​ള്‍ തു​ട​ങ്ങി​യ​വ​രും സ്വീ​ക​ര​ണ​ത്തി​നെ​ത്തി​യി​രു​ന്നു.

Copyright @ 2022 , Rashtra Deepika Ltd.