ADVERTISEMENT

ADVERTISEMENT

പോക്സോ കേസ് പ്രതി അറസ്റ്റില്‍

എടക്കര: വിദ്യാര്‍ഥിനിക്ക് നേരേ ലൈംഗിക അതിക്രമം നടത്തിയ കേസിലെ പ്രതി അറസ്റ്റില്‍. മില്ലുംപടി തമ്പലക്കോടന്‍ നൗഷാദലി (49)യെയാണ് എടക്കര പോലീസ് പോക്സോ നിയമ പ്രകാരം അറസ്റ്റ് ചെയ്തത്.

ഫെബ്രുവരി 17 ന് സ്കൂള്‍ വാര്‍ഷിക ദിനത്തിലാണ് വിദ്യാര്‍ഥിനിക്ക് നേരേ ഇയള്‍ അതിക്രമം കാട്ടിയത്. കുട്ടിയുടെ മൊഴി പ്രകാരം പോലീസ് കേസ് രജിസ്റ്റര്‍ ചെയ്തതോടെ ഒളിവില്‍ കഴിയുകയായിരുന്ന ഇയാള്‍ ഇന്നലെ രാവിലെ സ്റ്റേഷനില്‍ കീഴടങ്ങുകയായിരുന്നു. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.

ADVERTISEMENT

കാട്ടാന ആക്രമണത്തിനെതിരെ നാട്ടുകാരുടെ കൂട്ടായ്മയിൽ സോളാർ പ്രതിരോധം

എടക്കര: കാട്ടാനകളുടെ നിരന്തര ആക്രമണത്തിലും വനം വകുപ്പ് തുടരുന്ന അവഗണനയിൽ പ്രതിഷേധിച്ചും കാട്ടാനകൾക്ക് പ്രതിരോധം തീർത്ത് കൈപ്പിനി നിവാസികൾ. മാസങ്ങളായി പ്രദേശത്ത് തുടരുന്ന കാട്ടാനകളുടെ ആക്രമണം തടയാൻ വയനാട് എംപിക്കും മുഖ്യമന്ത്രിക്കും വനംവകുപ്പിനും ജില്ലാ കളക്ടർ, എംഎൽഎ എന്നിവർക്കും നിരവധി നിവേദനങ്ങൾ നൽകിയിട്ടും നടപടിയുണ്ടാകാത്ത സാഹചര്യത്തിലാണ് കൈപ്പിനി, മുണ്ടപ്പാടം, അന്പലപ്പൊയിൽ നിവാസികൾ സ്വന്തംനിലയ്ക്ക് കാട്ടാനകൾക്ക് പ്രതിരോധം തീർക്കാൻ തയാറായത്. അന്പലപ്പൊയിൽ നവദീപം കലാകായിക വേദി പ്രവർത്തകരും പ്രദേശവാസികളും ഒന്നിച്ചപ്പോൾ കിലോമീറ്ററുകളോളം ദൂരത്ത് സോളാർ ഫെൻസിംഗ് തയറാവുകയാണ്. ഒരു ലക്ഷം രൂപയിലേറെ പിരിവെടുത്താണ് ചക്കുറ്റി, മുണ്ടപ്പാടം, അന്പലപ്പൊയിൽ, മണ്ണാത്തി ക്ഷേത്രം, നീലഞ്ഞിവരെ ഏഴ് കിലോമീറ്ററോളം ദൂരം ഒറ്റദിവസം കൊണ്ട് നാട്ടുകാർ ഫെൻസിംഗ് നടത്തിയത്. രണ്ട് ലക്ഷം രൂപയോളം ഫെൻസിംഗിന് ചെലവ് പ്രതീക്ഷിക്കുന്നുണ്ട്. ആറ് സോളാർ പാനലുകളാണ് ഇതിനായി സ്ഥാപിച്ചിട്ടുള്ളത്. പ്രദേശത്തെ നൂറ്റിയൻപതോളം കർഷകർക്ക് സോളാർ ഫെൻസിംഗ് ഉപകാരപ്രദമാകും. കഴിഞ്ഞ രണ്ടാഴ്ചയായി പ്രദേശത്തെ കൃഷിയിടങ്ങളിൽ കാട്ടാനക്കൂട്ടങ്ങളുടെ വിളയാട്ടമാണ്. ജനങ്ങളുടെ ജീവനും സ്വത്തിനും സംരക്ഷണം നൽകേണ്ട വിവിധ വകുപ്പുകൾ കർഷകർക്കെതിരെ മുഖംതിരിഞ്ഞ് നിൽക്കുന്ന സാഹചര്യത്തിലാണ് ജനങ്ങളുടെ കൂട്ടായ്മയിൽ പ്രദേശത്ത് വന്യമൃഗങ്ങളെ പ്രതിരോധിക്കാൻ സോളാർ ഫെൻസിംഗ് ഒരുങ്ങുന്നത്. പ്രദശവാസികളും കമ്മിറ്റി ഭാരവാഹികളുമായ സുബ്രഹ്മണ്യൻ, ശശിധരൻ കാവനാൽ, എ.കെ. രാമചന്ദ്രൻ, രാജു തൊട്ടുങ്ങൽ, അനിൽ ആര്യാട്ടിടത്തിൽ, കെ.എൻ. ഹരീഷ് എന്നിവരുടെ നേതൃത്വത്തിലാണ് പ്രതിരോധ സംവിധാനം നടപ്പാക്കിയത്.

കുന്നക്കാവ് സ്കൂളിൽ തുണിസഞ്ചി പ്രദർശനവും വിതരണവും

കുന്നക്കാവ്: കുന്നക്കാവ് ഗവണ്‍മെന്‍റ് ഹയർ സെക്കൻഡറി സ്കൂളിൽ തുണിസഞ്ചി നിർമിച്ച് പ്രദർശനവും വിതരണവും നടത്തി. ഏലംകുളം ഗ്രാമപഞ്ചായത്തിന്‍റെ ന്ധപാഴ് പുതുക്കം സാരി തരൂ സഞ്ചി തരാംന്ധ പദ്ധതിയുടെ ഭാഗമായി ഹരിത സേന ക്ലബ് അംഗങ്ങളും ഡബ്ലിയുഐഇ ക്ലബ് അംഗങ്ങളും ചേർന്ന് നിർമിച്ച സഞ്ചിയുടെ പ്രദർശനവും വിതരണ ഉദ്ഘാടനവും ഏലംകുളം ഗ്രാമപഞ്ചായത്ത് പ്രസിഡന്‍റ് സുധീർബാബു പ്രധാനാധ്യാപിക ജയക്ക് തുണിസഞ്ചി നൽകി നിർവഹിച്ചു. ഐആർടിസി കോ ഓർഡിനേറ്റർ സഫ്ന, ഹരിതകർമസേന അംഗങ്ങൾ, ഹരിതസേന ക്ലബ് കോ ഓർഡിനേറ്റർ രാജേന്ദ്രൻ, ഡബ്ലിയുഐഇ ക്ലബ് കോഓർഡിനേറ്റർ ലമീസ്, മണികണ്ഠൻ, സുമ, സുരേഷ്, ദിവ്യ തുടങ്ങിയവർ നേതൃത്വം നൽകി. ഐആർടിസി പ്രവർത്തകൻ ജയ് സോമനാഥൻ ഹരിതസേന ക്ലബ് അംഗങ്ങൾക്ക് മാലിന്യസംസ്ക്കരണം വിഷയത്തിൽ ക്ലാസെടുത്തു. ഏലംകുളം ഗ്രാമപഞ്ചായത്തിലെ ഹരിതകർമസേന പ്രവർത്തകരായ ഷീന, പ്രവീണ, രജനി, ഷീമ എന്നിവർ കുട്ടികളോട് സംവദിച്ചു.

സ്കൂൾ പരിസരത്ത് കഞ്ചാവുമായി ഒരാൾ പിടിയിൽ

മഞ്ചേരി: പുൽപ്പറ്റ പൂക്കൊളത്തൂരിൽ കഞ്ചാവുമായി ഒരാൾ പിടിയിൽ. തിരൂർ താനാളൂർ സ്വദേശി ചക്കിയത്ത് അലവിയെയാണ് (57) മഞ്ചേരി പോലീസ് അറസ്റ്റ് ചെയ്തത്. ഇന്നലെ രാവിലെ 10 ന് പൂക്കൊളത്തൂർ സ്കൂളിന് സമീപത്തെ ഗ്രൗണ്ടിൽ നിന്നാണ് പ്രതി പിടിയിലായത്. ഇയാളിൽ നിന്ന് 1176 ഗ്രാം കഞ്ചാവ് കണ്ടെടുത്തു. സ്കൂട്ടറിന്‍റെ ഡിക്കിയിൽ പോളിത്തീൻ കവറുകളിലായി സൂക്ഷിച്ച നിലയിലായിരുന്നു കഞ്ചാവ്. സ്കൂൾ കുട്ടികൾക്ക് വിൽപ്പന നടത്താനാണ് കഞ്ചാവ് എത്തിച്ചതെന്നാണ് വിവരം. സംശയം തോന്നിയ നാട്ടുകാർ ഇയാളെ പിടികൂടി പോലീസിൽ വിവരം അറിയിക്കുകയായിരുന്നു. കഴിഞ്ഞ ദിവസങ്ങളിൽ പ്രതി സ്കൂൾ പരിസരത്ത് എത്തിയിരുന്നതായി സൂചനയുണ്ട്. കിഴിശേരിയിൽ നിന്ന് ഒരു അന്തർ സംസ്ഥാന തൊഴിലാളിയിൽ നിന്നാണ് ഇയാൾ കഞ്ചാവ് വാങ്ങിയതെന്ന് മൊഴി നൽകിയിട്ടുണ്ട്.

കരുവാരകുണ്ട് കിഴക്കേത്തലയിൽ സമൂഹ്യവിരുദ്ധരുടെ ശല്യമെന്ന് പരാതി

കരുവാരകുണ്ട്: കരുവാരകുണ്ട് കിഴക്കേത്തലയിൽ ബസ് സ്റ്റാൻഡിനു വേണ്ടി സ്വകാര്യവ്യക്തികൾ വിട്ടുനൽകിയ സ്ഥലത്ത് സാമൂഹ്യവിരുദ്ധരുടെ അഴിഞ്ഞാട്ടമെന്ന് പരാതി. സ്ഥലത്ത് ഗ്രാമപഞ്ചായത്ത് മുൻ ഭരണസമിതി ബസ് കാത്തിരിപ്പ് കേന്ദ്രം നിർമിച്ചിരുന്നു. കൂടാതെ റോഡ് നവീകരിക്കുകയും ബസുകൾക്ക് നിർത്തിയിടാൻ ആവശ്യമായ സ്ഥലം കോണ്‍ക്രീറ്റ് ചെയ്ത് വൃത്തിയാക്കുകയും ചെയ്തിരുന്നു. ഇവിടെയാണ് നേരം ഇരുട്ടുന്നതോടെ സാമൂഹ്യവിരുദ്ധരും മദ്യപാനികളും കൂട്ടത്തോടെ എത്തി മദ്യപിക്കുകയും തമ്മിൽ തല്ലുകൂടുകയും ചെയ്യുന്നതെന്നാണ്് പ്രദേശവാസികൾ പരാതിപ്പെടുന്നത്. പകൽ സമയങ്ങളിൽ നാട്ടുകാർ വ്യായാമത്തിനും മറ്റും സ്ഥലം ഉപയോഗിക്കാറുണ്ട്. എന്നാൽ മദ്യക്കുപ്പികൾ പൊട്ടിച്ചിട്ടും കുപ്പികൾ വിതറിയും ഇത്തരം പ്രവർത്തനങ്ങൾക്കും തടസം സൃഷ്ടിക്കുന്നതായും നാട്ടുകാർ ആരോപിച്ചു. ശല്യം അസഹ്യമായപ്പോൾ പോലീസിൽ വിവരമറിയിച്ചെങ്കിലും നടപടി ഉണ്ടായിട്ടില്ല. മാസങ്ങൾക്ക് മുന്പ് ലഹരിക്കെതിരെ നാട്ടുകാരും അധികൃതരും ചേർന്ന് വ്യാപകമായ പ്രചാരണങ്ങളും മറ്റു നടപടികളും കൈക്കൊണ്ടിരുന്നു. എന്നാൽ ലഹരി മാഫിയ വീണ്ടും സജീവമായിരിക്കുകയാണ്. പോലീസ് രാത്രികാല പട്രോളിംഗ് ശക്തമാക്കി മദ്യപാനികളെയും ലഹരി മാഫിയയെയും അടിച്ചമർത്തുന്നതിന് നടപടി സ്വീകരിക്കണമെന്നാണ് ജനങ്ങളുടെ ആവശ്യം. പ്രശ്നത്തിന് പരിഹാരം തേടി ജില്ലാ പോലീസ് മേധാവിക്കും മുഖ്യമന്ത്രിക്കും പരാതി നൽകാനുള്ള ഒരുക്കത്തിലാണ് നാട്ടുകാർ.

മാർ ഇവാനിയോസ് അനുസ്മരണവും പദയാത്രയും 20ന്

എടക്കര: ധന്യൻ മാർ ഈവാനിയോസ് തിരുമേനിയുടെ എഴുപത്തിരണ്ടാമത് ഓർമപ്പെരുന്നാളും അനുസ്മരണ പദയാത്രകളും 20ന് ഉപ്പട സെന്‍റ് പോൾസ് ദേവാലയത്തിൽ നടക്കുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. മലങ്കര കത്തോലിക്ക സഭയുടെ ബത്തേരി ഭദ്രാസനത്തിന് കീഴിലെ എടക്കര വൈദീക ജില്ലയിലെ പതിനഞ്ച് ദേവാലയങ്ങൾ സംയുക്തമായാണ് ഓർമതിരുനാളും പദയാത്രകളും സംഘടിപ്പിക്കുന്നത്. രാവിലെ എട്ടിന് പാതിരിപ്പാടം സെന്‍റ് മേരീസ് കത്തോലിക്ക ദേവാലയ കുരിശടിയിൽ നിന്നും പോത്തുകൽ ബസ് സ്റ്റാൻഡ് പരിസരത്തു നിന്നുമായി രണ്ട് പദയാത്രകൾ ആരംഭിക്കും. 9.30ന്് ഇരു പദയാത്രകളും സംഗമിച്ച് ഉപ്പട സെന്‍റ് പോൾസ് ദേവാലയത്തിൽ പ്രവേശിക്കും. പദയാത്രയുടെ വിവിധ കേന്ദ്രങ്ങളിൽ ഫാ. സണ്ണി കൊല്ലാർതോട്ടം, ഫാ. ജോഷ്വ കുറ്റിയിൽ, ജോസ് പറക്കുംതാനം, റെന്നി പാറയ്ക്കൽ പുത്തൻവീട്, ഷൈജു വാലേൽ, ബാബു തയ്യിൽപീടിക എന്നിവർ സന്ദേശങ്ങൾ നൽകും. ഉപ്പട സെന്‍റ് പോൾസ് ദേവാലയത്തിൽ എടക്കര വൈദീക ജില്ലയിലെ വൈദീകർ നേതൃത്വം നൽകുന്ന വിശുദ്ധ കുർബാന നടക്കും. തുടർന്ന് ഫാ. സിബി പൂവത്തുംതറ അനുസ്മരണ പ്രഭാഷണം നടത്തും. വിവിധ മേഖലകളിൽ വിജയികളായവർക്കുള്ള അവർഡ്ദാനം വിവിധ ഭക്തസംഘടനകളുടെ നേതൃത്വത്തിൽ നടക്കും. തുടർന്ന് സ്നേഹവിരുന്നും ഉണ്ടായിരിക്കും. വാർത്താ സമ്മേളനത്തിൽ ഫാ.തോമസ് കല്ലൂർ, ലാസർ പുത്തൻകണ്ടത്തിൽ, ഫാ.ഇമ്മാനുവൽ മുകളേത്ത് കിഴക്കേതിൽ, മർക്കോസ് ഇച്ചിപ്പിള്ളിൽ, ചാക്കോ നരിമറ്റത്തിൽ, സാബു പൊൻവേലിൽ എന്നിവർ പങ്കെടുത്തു.

താറാവ് കൂട്ടിൽ നിന്ന് പെരുന്പാന്പിനെ പിടികൂടി

പരിയാപുരം: പരിയാപുരത്തെ വാത്താച്ചിറ വർഗീസ് ജോർജിെൻ വീട്ടുപരിസരത്തെ താറാവിന്‍റെ കൂട്ടിൽ നിന്ന് പെരുന്പാന്പിനെ പിടികൂടി. ജില്ലാ ട്രോമാ കെയർ പെരിന്തൽമണ്ണ സ്റ്റേഷൻ യൂണിറ്റ് പ്രവർത്തകരാണ് പിടികൂടിയത്. മൂന്ന് താറാവുകളെ കൊന്ന നിലയിലാണ് പെരുന്പാന്പിനെ കണ്ടത്. വീട്ടുകാർ അറിയിച്ചതിനെ തുടർന്ന് വനംവകുപ്പ് സർപ്പ റെസ്ക്യൂവർമാരായ യൂണിറ്റ് ലീഡർ ജബ്ബാർ ജൂബിലിയുടെ നേതൃത്വത്തിൽ ഫാറൂഖ് പൂപ്പലം, പ്രവർത്തകനായ സുബീഷ് പരിയാപുരം എന്നിവരാണ് പെരുന്പാന്പിനെ പിടികൂടിയത്. പെരുന്പാന്പിനെ പിന്നീട് അമരന്പലം സൗത്ത് ഫോറസ്റ്റ് ആർആർടിക്ക് കൈമാറും.

ഫുട്ബോൾ ടൂർണമെന്‍റിൽ അൽശിഫ നഴ്സിംഗ് കോളജ് ജേതാക്കൾ

പെരിന്തൽമണ്ണ: മൗലാന അഖില കേരള നഴ്സിംഗ് ഇന്‍റർ കോളജീയറ്റ് സീസണ്‍ ടു ഫുട്ബോളിൽ പെരിന്തൽമണ്ണ അൽശിഫ നഴ്സിംഗ് കോളജ് ജേതാക്കളായി. പെരിന്തൽമണ്ണ മൗലാന റൂഫ് ടർഫിൽ നടന്ന മത്സരം നജീബ് കാന്തപുരം എംഎൽഎ ഉദ്ഘാടനം ചെയ്തു. കേരളത്തിലെ വിവിധ ഭാഗങ്ങളിലെ 15 നഴ്സിംഗ് കോളജ് ടീമുകൾ പങ്കെടുത്തു. മത്സരത്തിൽ അൽശിഫ നഴ്സിംഗ് കോളജ് ഒന്നാം സ്ഥാനം നേടി കിരീടമണിഞ്ഞു. രണ്ടാംസ്ഥാനം കൊട്ടാരക്കര മേഴ്സി നഴ്സിംഗ് കോളജും മൂന്നാം സ്ഥാനം രാമപുരം ക്രസന്‍റ് നഴ്സിംഗ് കോളജും നേടി. മികച്ച പ്രകടനം കാഴ്ചവച്ച മേഴ്സി നഴ്സിംഗ് കോളജിലെ സി. ഹരി ബെസ്റ്റ് പ്ലെയർ ഓഫ് ദ ടൂർണമെന്‍റ് അവാർഡ് നേടി. വിജയികൾക്കുള്ള ട്രോഫികളും മെഡലുകളും മൗലാന ഹോസ്പിറ്റൽ അഡ്മിനിസ്ട്രേറ്റർ വി.എം. സെയ്തുമുഹമ്മദ് സമ്മാനിച്ചു. മൗലാന നഴ്സിംഗ് കോളജ് പ്രിൻസിപ്പൽ പ്രഫ. ടി.വി. സോമി, വൈസ് പ്രിൻസിപ്പൽ പ്രഫ. ബെറ്റി തോമസ്, വിവിധ വകുപ്പുകളിലെ അധ്യാപകർ നേതൃത്വം നൽകി.

വന്യമൃഗശല്യം: പ്രതിഷേധ റാലിയും പൊതുസമ്മേളനവും ഇന്ന്

കരുവാരകുണ്ട്: വർധിച്ചുവരുന്ന കാട്ടുമൃഗശല്യത്തിനെതിരെ കേന്ദ്ര, സംസ്ഥാന സർക്കാരുകളുടെ ഭാഗത്തു നിന്ന് തുടരുന്ന നിസംഗതയിൽ പ്രതിഷേധിച്ച് കേരള ഇൻഡിപെൻഡന്‍റ് ഫാർമേഴ്സ് അസോസിയേഷന്‍റെ (കിഫ) നേതൃത്വത്തിൽ വൻ പ്രതിഷേധറാലിയും പൊതുസമ്മേളനവും ഇന്ന് കരുവാരകുണ്ടിൽ നടക്കും. വൈകുന്േനേരം നാലിന് കിഴക്കേത്തല ബസ് സ്റ്റാൻഡ് പരിസരത്ത് നിന്ന് റാലി ആരംഭിക്കും. ചോക്കാട്, കാളികാവ്, കരുവാരകുണ്ട് പഞ്ചായത്തുകളിൽ നിന്നായി ആയിരക്കണക്കിനാളുകൾ റാലിയിൽ സംബന്ധിക്കും. ഒരു കടുവയെ മാത്രം പിടിച്ചാൽ മലയോര ജനതയുടെ ഭീതി അകറ്റാനാകില്ലെന്നും കർഷകരും തൊഴിലാളികളും ജീവൻ പണയം വച്ചാണ് കൃഷിയിടങ്ങളിലേക്ക് പുറപ്പെടുന്നതെന്നും കിഫ നേതാക്കൾ ചൂണ്ടിക്കാട്ടി. ഏതാനും വർഷങ്ങളായി കൃഷിയിടങ്ങളിൽ അപകടകാരികളായ കാട്ടുമൃഗങ്ങളുടെ താവളമാണെന്നും ഇതിനെതിരെ പരാതിപ്പെട്ടാൽ വനം വകുപ്പ് മേധാവികളുടെ ഭാഗത്തു നിന്ന് അനുകൂല നടപടി ഉണ്ടാകാറില്ലെന്നും നേതാക്കൾ വ്യക്തമാക്കി. കർഷക റാലിക്കു ശേഷം നടക്കുന്ന പൊതുസമ്മേളനത്തിൽ കിഫ മലപ്പുറം ജില്ലാ പ്രസിഡന്‍റ് മാത്യു സെബാസ്റ്റ്യൻ കുരിശുംമൂട്ടിൽ അധ്യക്ഷത വഹിക്കും. കിഫ സംസ്ഥാന ചെയർമാൻ അലക്സ് ഒഴുകയിൽ മുഖ്യപ്രഭാഷണം നടത്തും.

ചാലിയാർ പഞ്ചായത്തിന്‍റെ കാട്ടുപന്നി വേട്ട പാളുന്നു; ഷൂട്ടർമാർക്ക് പണം ലഭ്യമായില്ല

നിലന്പൂർ: ചാലിയാർ പഞ്ചായത്തിന്‍റെ ശല്യക്കാരായ കാട്ടുപന്നി വേട്ട ഒറ്റ ദിവസം കൊണ്ട് തീർന്നെങ്കിലും ഷൂട്ടർമാർക്ക് പണം നൽകുന്ന നടപടി വൈകുന്നു. കഴിഞ്ഞ രണ്ട് വർഷമായി ശല്യക്കാരായ കാട്ടുപന്നികളെ വെടിവച്ച് കൊല്ലാൻ തദ്ദേശ സ്ഥാപനങ്ങൾക്ക് അനുമതി ഉണ്ടെങ്കിലും അത് കാര്യക്ഷമമായി നടപ്പാക്കാത്ത ഗ്രാമപഞ്ചായത്തുകളിൽ ഒന്നാണ് ചാലിയാർ ഗ്രാമപഞ്ചായത്ത്. ജനങ്ങളുടെ പ്രതിഷേധത്തെ തുടർന്ന് ചാലിയാർ ഗ്രാമപഞ്ചായത്ത് ബോർഡ് യോഗത്തിലാണ് ഇത്തരം കാട്ടുപന്നികളെ വെടിവച്ച് കൊല്ലാൻ തീരുമാനമെടുക്കുകയും അതിനായി 17 ഷൂട്ടർമാരെ നിയമിക്കുകയും ചെയ്തത്. ജൂലൈ അഞ്ച് മുതൽ ഓഗസ്റ്റ് അഞ്ച് വരെ നീണ്ടുനിൽക്കുന്ന പദ്ധതിയിൽ കഴിഞ്ഞ തിങ്കളാഴച മാത്രമാണ് കാട്ടുപന്നി വേട്ട നടത്തിയത്. ഒറ്റ ദിവസം കൊണ്ട് ഷൂട്ടർമാർ 13 കാട്ടുപന്നികളെ വെടിവച്ച് കൊല്ലുകയും ചെയ്തു. തോക്ക് ലൈസൻസുള്ള അംഗീകൃത ഷൂട്ടർമാർ പഞ്ചായത്ത് അനുമതിയോടെ ഒരു കാട്ടുപന്നിയെ വെടിവച്ച് കൊല്ലുന്പോൾ ഷൂട്ടർക്ക് 1500 രൂപ നൽകണം. കാട്ടുപന്നിയെ കുഴിച്ചിടുന്നതിന് ഒരു പന്നിക്ക് 2000 രൂപയും നൽകണം. എന്നാൽ ഷൂട്ടർമാർക്ക് കൃത്യമായി പണം നൽകാൻ പോലും നടപടി എടുക്കാതെയാണ് പഞ്ചായത്ത് അധികൃതർ കാട്ടുപന്നി വേട്ടയ്ക്ക് ഇറങ്ങിയത്. കാട്ടുപന്നി ശല്യം രൂക്ഷമായ പഞ്ചായത്താണ് ചാലിയാർ. 16 വാർഡുകളിലും പന്നി ശല്യമുണ്ട്. മൈലാടി മുതൽ അകന്പാടം വരെയുള്ള റോഡിലാണ് ഏറ്റവും കൂടുതൽ കാട്ടുപന്നി സാന്നിധ്യമുള്ളത്. നിരവധി ഇരുചക്ര വാഹന യാത്രക്കാർക്ക് കാട്ടുപന്നികൾ റോഡിന് കുറുകെ ചാടി പരിക്കേറ്റിട്ടുമുണ്ട്. അഞ്ച് വർഷം മുന്പ് ഒരു ടാപ്പിംഗ് തൊഴിലാളി കാട്ടുപന്നി ബൈക്കിന് കുറുകെ ചാടിയതിനെത്തുടർന്ന് അപകടത്തിൽ മരിച്ചിരുന്നു. ജനങ്ങളുടെ ജീവനും സ്വത്തിനും സുരക്ഷ ഉറപ്പാക്കുന്നതിന്‍റെ ഭാഗമായാണ് ശല്യക്കാരായ കാട്ടുപന്നികളെ വെടിവച്ച് കൊല്ലാൻ തദ്ദേശ സ്ഥാപനങ്ങൾക്ക് അനുമതി നൽകിയിട്ടുള്ളത്. ഒരു മാസം നീണ്ടുനിൽക്കുമെന്ന് പ്രഖ്യാപിച്ച കാട്ടുപന്നി വേട്ട ഒരു ദിവസത്തിൽ ഒതുക്കരുതെന്നാണ് ജനങ്ങൾ പറയുന്നത്. പറഞ്ഞ കാലയളവിൽ തന്നെ ശല്യക്കാരായ കാട്ടുപന്നികളെ വെടിവയ്ക്കാനും വെടിവച്ച് കൊല്ലുന്ന ഷൂട്ടർമാർക്ക് കൃത്യസമയത്ത് പണം നൽകാനും നടപടി വേണമെന്നാണ് ആവശ്യം.

കീം പരീക്ഷ: തുല്യനീതി ലഭ്യമാക്കണമെന്ന് അണ്‍ എയ്ഡഡ് സ്കൂൾ പ്രൊട്ടക്ഷൻ കൗണ്‍സിൽ

പെരിന്തൽമണ്ണ: സർക്കാർ നടത്തുന്ന എൻജിനീയറിംഗ് പ്രവേശന പരീക്ഷ (കെഇഇഎം) യിൽ പ്ലസ്ടു മാർക്ക് ഏകീകരിക്കാതെ എല്ലാ സിലബസുകാർക്കും തുല്യനീതിയും തുല്യാവസരവും പ്രദാനം ചെയ്യുന്നതിനായി വരും വർഷങ്ങളിൽ പ്രവേശന പരീക്ഷയുടെ മെറിറ്റ് മാത്രം മാനദണ്ഡമാക്കി ലിസ്റ്റ് പ്രസിദ്ധീകരിക്കണമെന്നും അതിനായി ദേശീയ ടെസ്റ്റിംഗ് ഏജൻസി നടത്തുന്ന മെഡിക്കൽ എൻജിനീയറിംഗ് പ്രവേശന പരീക്ഷകൾ മാതൃകയാക്കണമെന്നും കേരള അണ്‍ എയ്ഡഡ് പ്രൊട്ടക്ഷൻ കൗണ്‍സിൽ ജില്ലാ പ്രവർത്തക സമിതി യോഗം ആവശ്യപ്പെട്ടു. ഈ വർഷത്തെ കീം റാങ്ക് ലിസ്റ്റ് സുപ്രീംകോടതി വരെയെത്തി വിദ്യാർഥികൾക്കും രക്ഷിതാക്കൾക്കും മാനസിക സമ്മർദ്ദമുണ്ടാക്കിയ പശ്ചാത്തലത്തിൽ സംഘടനയുടെ ജില്ലാ പ്രവർത്തക സമിതി യോഗമാണ് ഈ ആവശ്യം ഉന്നയിച്ച് ഉന്നത വിദ്യാഭ്യാസ മന്ത്രിക്ക് നിവേദനം നൽകാൻ തീരുമാനമെടുത്തത്. എല്ലാ വിദ്യാർഥികൾക്കും തുല്യനീതി ലഭ്യമാക്കാൻ സുപ്രീം കോടതിയിൽ നൽകിയ കേസിൽ തുടർനടപടികൾ സ്വീകരിക്കുമെന്നും യോഗം ചൂണ്ടിക്കാട്ടി. സംസ്ഥാന ജനറൽ സെക്രട്ടറി പി.എസ്. രാമചന്ദ്രൻപിള്ള ഉദ്ഘാടനം ചെയ്തു ജില്ലാ പ്രസിഡന്‍റ് എം. ജൗഹർ അധ്യക്ഷത വഹിച്ചു. റീജിയണൽ സെക്രട്ടറി എം. അബ്ദുൾനാസർ മുഖ്യപ്രഭാഷണം നടത്തി ഭാവി പദ്ധതികൾ വിശദീകരിച്ചു. ഭാരവാഹികളായ കല്ലിങ്ങൽ മുഹമ്മദാലി, പ്രമോദ് തലാപ്പിൽ, ഡോ. സി.കെ.എം. ശിബിലി, ഫാ. നന്നം പ്രേംകുമാർ, സൈദ് മുസ്തഫ തങ്ങൾ, അബ്ദുൾ അക്ബർ, കെ. കൃഷ്ണകുമാർ എന്നിവർ പ്രസംഗിച്ചു.

മിനിലോറി മറിഞ്ഞ് രണ്ട് പേർക്ക് പരിക്ക്

നിലന്പൂർ: നിലന്പൂർ താഴെ ചന്തക്കുന്നിൽ മിനിലോറി നിയന്ത്രണം വിട്ട് മറിഞ്ഞ് ഡ്രൈവറും ക്ലീനറും നിസാര പരിക്കുകളോടെ രക്ഷപ്പെട്ടു. ഇന്നലെ പുലർച്ചെയാണ് അപകടം. തമിഴ്നാട്ടിൽ നിന്ന് പഴക്കുല കയറ്റിവന്ന തമിഴ്നാട് രജിസ്ട്രേഷനിലുള്ള മിനിലോറിയാണ് താഴെ ചന്തക്കുന്നിലെ എഐ കാമറക്ക് സമീപമുള്ള റോഡരികിലെ കലുങ്കിൽ തട്ടി മറിഞ്ഞത്. ഡ്രൈവർ ഉറങ്ങിപ്പോയതാകാം അപകടകാരണമെന്നാണ് നിഗമനം. പരിക്കേറ്റവരെ നാട്ടുകാർ നിലന്പൂർ ജില്ലാ ആശുപത്രിയിൽ പ്രവേശിപ്പിച്ച് ചികിത്സ നൽകി.

ഉമ്മൻചാണ്ടിയെ അനുസ്മരിച്ചു

പെരിന്തൽമണ്ണ: മുൻ മുഖ്യമന്ത്രി ഉമ്മൻചാണ്ടി പൊതുപ്രവർത്തകർക്ക് മാതൃകയായ വ്യക്തിത്വമായിരുന്നുവെന്ന് എഐസിസി ട്രെയിനിംഗ് കോ ഓർഡിനേറ്റർ സമ്മദ് മങ്കട പറഞ്ഞു. പെരിന്തൽമണ്ണയിൽ ബ്ലോക്ക്, മണ്ഡലം കോണ്‍ഗ്രസ് കമ്മിറ്റികളുടെ നേതൃത്വത്തിൽ സംഘടിപ്പിച്ച ഉമ്മൻചാണ്ടി അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ബ്ലോക്ക് കോണ്‍ഗ്രസ് പ്രസിഡന്‍റ് അറഞ്ഞിക്കൽ ആനന്ദൻ അധ്യക്ഷത വഹിച്ചു. രാജേഷ് ചേങ്ങാട് അനുസ്മരണ പ്രഭാഷണം നടത്തി. ഡിസിസി അംഗങ്ങളായ ടി.പി. മോഹൻദാസ്, ഷാജി കട്ടുപാറ, മണ്ഡലം പ്രസിഡന്‍റുമാരായ ടി.കെ. രാജേന്ദ്രൻ പെരിന്തൽമണ്ണ, ഷിബു ചെറിയാൻ പുലാമന്തോൾ, സി.കെ. അൻവർ ആലിപറന്പ്, മഹിളാ കോണ്‍ഗ്രസ് ജില്ലാ സെക്രട്ടറി ബിന്ദു മോഹൻദാസ്, യൂത്ത് കോണ്‍ഗ്രസ് നിയോജക മണ്ഡലം പ്രസിഡന്‍റ് ഷഫീഖ് ചക്കാലി, ബ്ലോക്ക് കോണ്‍ഗ്രസ് ട്രഷറർ അഹമ്മദലി പുലാമന്തോൾ, ജനറൽ സെക്രട്ടറി ഹുസൈൻ പാറൽ എന്നിവർ പ്രസംഗിച്ചു. മലപ്പുറം: ജില്ലാ കോണ്‍ഗ്രസ് കമ്മിറ്റി ഓഫീസിൽ നടന്ന ഉമ്മൻചാണ്ടി അനുസ്മരണം ഡിസിസി ജനറൽ സെക്രട്ടറി പി.സി വേലായുധൻകുട്ടി ഉദ്ഘാടനം ചെയ്തു. ഫോട്ടോയിൽ പുഷ്പാർച്ചന നടത്തി. ഡിസിസി മെംബർ പരി ഉസ്മാൻ അധ്യക്ഷത വഹിച്ചു. കെ.എ. സുന്ദരൻ, എം.ജയപ്രകാശ്, ഒ.പി.കെ. ഗഫൂർ, മോഹൻ പടിഞ്ഞാറ്റുംമുറി, പി. മോഹനൻ, ടി.എ. റഫീഖ്, എൻ.വി. മുഹമ്മദ്അലി തുടങ്ങിയവർ പ്രസംഗിച്ചു. നിലന്പൂർ: നിലന്പൂർ മുനിസിപ്പൽ കമ്മറ്റി കോണ്‍ഗ്രസ് ബ്ലോക്ക് ഓഫീസിൽ നടത്തിയ അനുസ്മരണത്തിൽ ഉമ്മൻചാണ്ടിയുടെ ഫോട്ടോയിൽ പുഷ്പാർച്ചന നടത്തി കെപിസിസി അംഗം വി.എ.കരീം ഉദ്ഘാടനം ചെയ്തു. മുനിസിപ്പൽ കോണ്‍ഗ്രസ് കമ്മറ്റി പ്രസിഡന്‍റ് അഡ്വ. ഷെറി ജോർജ് അധ്യക്ഷത വഹിച്ചു. ബ്ലോക്ക് കോണ്‍ഗ്രസ് പ്രസിഡന്‍റ് പാലോളി മെഹബൂബ്, കെ. ഷബീറലി, സുനിൽ കാരപ്പുറം, പി.ടി. ചെറിയാൻ എന്നിവർ പ്രസംഗിച്ചു. മഞ്ചേരി: ഉമ്മൻചാണ്ടിയുടെ രണ്ടാംസ്മൃതിദിനം മഞ്ചേരി ശാലോം മാതയിലെ അന്തേവാസികൾക്കൊപ്പം ആചരിച്ച് തൃക്കലങ്ങോട് മണ്ഡലം കോണ്‍ഗ്രസ് കമ്മിറ്റി. കെപിസിസി മെംബർ വി. സുധാകരൻ ഉദ്ഘാടനം ചെയ്തു. മണ്ഡലം കോണ്‍ഗ്രസ് പ്രസിഡന്‍റ് വിജീഷ് എളങ്കൂർ അധ്യക്ഷത വഹിച്ചു. ബ്ലോക്ക് പ്രസിഡന്‍റ് വല്ലാഞ്ചിറ ഹുസൈൻ, നേതാക്കളായ ജയപ്രകാശ് ബാബു, പി. ലുക്മാൻ, സത്യൻ മരത്താണി, എൻ.വി. മരക്കാർ, ഫിറോസ് കണ്ടാലപ്പറ്റ, വി. നാരായണൻ, ആനന്ദ് കുമാർ, മജീദ് പാലക്കൽ, നസീർ പന്തപ്പാടൻ, കെ. സനിൽ, എൻ.പി.ഹലീമ, സീനരാജൻ, ടോമിജോണ്‍, കെ. ഓജസ്, എ.എം. രോഹിത്ത്, സുനിത, നിധിൻ, അഭിഷ്ണു, വി.പി. മുനീഷ്, സുനിൽകുമാർ, മുഹമ്മദ് കുട്ടി, ടി.പി. നൗഷാദ്, സതീഷ്, മൂസ എന്നിവർ പങ്കെടുത്തു. മഞ്ചേരി: കേരള എൻജിഒ അസോസിയേഷൻ മഞ്ചേരി ബ്രാഞ്ച് കമ്മിറ്റി നടത്തിയ അനുസ്മരണ ചടങ്ങിൽ ജില്ലാ വൈസ് പ്രസിഡന്‍റ് ഹബീബ് തോണിക്കടവൻ പ്രഭാഷണം നടത്തി. ബ്രാഞ്ച് സെക്രട്ടറി വി.എൽ. വിപിൻരാജ് അധ്യക്ഷത വഹിച്ചു. ജില്ലാ വൈസ് പ്രസിഡന്‍റ് കെ.എം. ഗോവിന്ദൻ നന്പൂതിരി, ജില്ലാ സെക്രട്ടറിയറ്റ് അംഗങ്ങളായ കെ. പ്രസാദ്, അബ്ബാസ് പി. പാണ്ടിക്കാട്, കൊണ്ടോട്ടി ബ്രാഞ്ച് പ്രസിഡന്‍റ് പി. ബിനീഷ്, ഷംസുദ്ദീൻ, റിയാസ് എന്നിവർ പ്രസംഗിച്ചു. സ്ഥലം മാറി പോകുന്ന മനു ജോസഫിന് യാത്രയയപ്പ് നൽകി. ജൂണിയർ സൂപ്രണ്ടായി പ്രമോഷൻ നേടിയ പി. രത്നത്തെ അനുമോദിച്ചു.

രാഷ്ട്രപുരോഗതിക്ക് വിദ്യാർഥികളും മുതിർന്നവരും ഒറ്റക്കെട്ടാകണം: കേന്ദ്രമന്ത്രി ജോർജ് കുര്യൻ

നിലന്പൂർ: രാജ്യത്തിന്‍റെ പുരോഗതിക്കുവേണ്ടിയുള്ള പ്രവർത്തനങ്ങളിൽ വിദ്യാർഥികളും മുതിർന്നവരും കൂട്ടായി പ്രവർത്തിക്കണമെന്ന് കേന്ദ്രസഹമന്ത്രി ജോർജ് കുര്യൻ. പിഎംജെവികെ (പ്രധാൻമന്ത്രി ജൻവികാസ് കാര്യക്രം) പദ്ധതിയിലൂടെ കേന്ദ്ര ന്യൂനപക്ഷ മന്ത്രാലയം നിലന്പൂർ അമൽ ജ്യോതി കോളജിന് അനുവദിച്ച നൈപുണ്യവികസന കേന്ദ്രത്തിന്‍റെയും വനിതാ ഹോസ്റ്റൽ കെട്ടിടത്തിന്‍റെയും ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം. നൂതന സാങ്കേതികവിദ്യകൾ ഉപയോഗിച്ചുള്ള പ്രവർത്തനങ്ങൾക്കും സ്ത്രീ ശാക്തീകരണ പദ്ധതികൾക്കും സർക്കാർ തുടക്കം കുറിച്ചിട്ടുണ്ട്. എല്ലാ രീതിയിലുള്ള വികസനത്തിനു വേണ്ടി പിഎംജെവികെ ഫണ്ട് വിനിയോഗിക്കണം. രാജ്യം വികസനത്തിന്‍റെ പാതയിലാണ്. 2047 ൽ ഇന്ത്യ വികസിത രാജ്യമാകണമെന്ന പ്രധാനമന്ത്രി നരേന്ദ്രമോദിയുടെ വീക്ഷണം യുവാക്കൾക്ക് വേണ്ടിയുള്ളതാണ്-അദ്ദേഹം പറഞ്ഞു. കുറഞ്ഞ വികസനമുള്ള മേഖലകളിൽ ഗുണമേൻമയുള്ള അടിസ്ഥാന സൗകര്യങ്ങൾ സൃഷ്ടിച്ച് വിദ്യാഭ്യാസവും നൈപുണ്യ വികസനവും പ്രോത്സാഹിപ്പിക്കുകയും, ന്യൂനപക്ഷ കേന്ദ്രീകൃത മേഖലകളിൽ സമഗ്രവികസനം ഉറപ്പാക്കുകയുമാണ് പിഎംജെവികെ പദ്ധതി ലക്ഷ്യമിടുന്നത്. 60ശതമാനം കേന്ദ്ര ഫണ്ടും 40ശതമാനം സംസ്ഥാന സർക്കാർ ഫണ്ടു ഉപയോഗിച്ചാണ് പദ്ധതിയുടെ കീഴിൽ പ്രവർത്തനങ്ങൾ ചെയ്യുന്നത്. 7.92 കോടി രൂപ ചെലവിലാണ് നൈപുണ്യ വികസന കേന്ദ്രത്തിന്‍റെ നിർമാണം പൂർത്തീകരിച്ചത്. സെമിനാർ ഹാൾ, ഇലക്ട്രോണിക്സ് ലാബ്, സർവേ ആൻഡ് ജിപിഎസ് ലാബ്, ഐടി ലാബ്, കൗണ്‍സിലിംഗ് റൂം, സ്റ്റോർ റൂമുകൾ, വനിതകൾക്കായി വിശ്രമമുറി, ഭിന്നശേഷി സൗഹൃദ ശൗചാലയം, ജനറേറ്റർ റൂം, പൊതുവായ ശൗചാലയങ്ങൾ, യൂറിനലുകൾ, വാഷ് ഏരിയകൾ, പ്രൊജക്ട്-ഇന്നൊവേറ്റീവ് സെന്‍ററുകൾ, ലോജിസ്റ്റിക്സ് ലാബ്, ഇലക്ട്രിക്കൽ ലാബ്, പരിശീലന കേന്ദ്രങ്ങൾ അധ്യാപകരുടെയും മേധാവികളുടെയും മുറികൾ, യോഗ സെന്‍റർ, പ്ലംബിംഗ് ലാബ്, ലാംഗ്വേജ് ലാബ് തുടങ്ങിയ സൗകര്യങ്ങളാണ് സ്കിൽ സെന്‍ററിലുള്ളത്. പി.കെ. ബഷീർ എംഎൽഎ അധ്യക്ഷനായ പരിപാടിയിൽ പി.വി. അബ്ദുൾ വഹാബ് എംപി, ജില്ലാ കളക്ടർ വി.ആർ. വിനോദ്, ബ്ലോക്ക് പഞ്ചായത്ത് പ്രസിഡന്‍റ് പി. പുഷ്പവല്ലി, കോളജ് പ്രിൻസിപ്പൽ ഡോ.കെ.പി. മുഹമ്മദ് ബഷീർ, ബ്ലോക്ക് ഡെവലപ്മെന്‍റ് ഓഫീസർ സന്തോഷ്, ന്യൂനപക്ഷ ക്ഷേമ വകുപ്പ് ഡയറക്ടർ സബിൻ സമീദ്, ജില്ലാ പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ എൻ.എ. കരീം, ജില്ലാ പഞ്ചായത്ത് മെംബർ ഷെറോണ റോയ്, ബ്ലോക്ക് പഞ്ചായത്ത് വൈസ് പ്രസിഡന്‍റ് പാത്തുമ്മ ഇസ്മായിൽ തുടങ്ങിയവർ പങ്കെടുത്തു.

മീൻ വണ്ടിയിൽ കടത്താൻ ശ്രമിച്ച 16 കിലോ കഞ്ചാവുമായി രണ്ടുപേർ അറസ്റ്റിൽ

എടക്കര: എടക്കരയിൽ വൻ കഞ്ചവ് വേട്ട. മീൻ വണ്ടിയിൽ കടത്താൻ ശ്രമിച്ച 16 കിലോ കഞ്ചാവുമായി രണ്ടുപേർ എടക്കര പോലീസിന്‍റെ പിടിയിലായി. കൊണ്ടോട്ടി കൊളത്തൂർ സ്വദേശി പുതിയവീട്ടിൽ അനസ് (42), തൃശൂർ ചിറയമനങ്ങാട് കാരേങ്ങൽ ഹക്കീം (42) എന്നിവരെയാണ് എടക്കര എസ്ഐ പി. ജയകൃഷ്ണനും സംഘവും അറസ്റ്റ് ചെയ്തത്. മലപ്പുറം പോലീസ് മേധാവി ആർ. വിശ്വനാഥിന് ലഭിച്ച രഹസ്യവിവരത്തെത്തുർന്ന് നിലന്പൂർ ഡിവൈഎസ്പി സജു കെ. അബ്രഹാമിന്‍റെ നിർദേശ പ്രകാരം എടക്കര പോലീസും ഡാൻസാഫ് സംഘവും ചേർന്ന് നടത്തിയ പരിശോധനയിലാണ് പ്രതികൾ കഞ്ചാവുമായി പിടിയിലായത്. ഉച്ചയ്ക്ക് രണ്ട് മണിയോടെ കോഴിക്കോട്- നിലന്പൂർ - ഉൗട്ടി റോഡിൽ പൂച്ചക്കുത്തിൽ വച്ചാണ് മീൻ വണ്ടിയിൽ കടത്തിയ കഞ്ചാവുമായി ഇവരെ അറസ്റ്റ് ചെയ്തത്. ആന്ധ്രയിൽ നിന്ന് മത്സ്യം കൊണ്ടുവരുന്നതിന്‍റെ മറവിലായിരുന്നു പ്രതികൾ കഞ്ചാവ് കടത്തിയത്. തെർമോക്കോൾ പെട്ടികളിൽ കഞ്ചാവ് നിറച്ച് അതിന് മുകളിൽ മത്സ്യം നിറച്ച പെട്ടികൾ അടുക്കിവച്ചായിരുന്നു കഞ്ചാവ് കടത്ത്. പതിനാറ് കിലോ കഞ്ചാവ് പെട്ടികളിൽ നിന്ന് കണ്ടെടുത്തു. കഞ്ചാവ് കടത്താനുപയോഗിച്ച വാഹനവും പോലീസ് കസ്റ്റഡിയിലെടുത്തു. മുന്പും ആന്ധ്രയിൽ നിന്ന് കേരളത്തിലേക്ക് കഞ്ചാവ് എത്തിച്ചിരുന്നതായി പ്രതികൾ മൊഴി നൽകിയിട്ടുണ്ട്. നേരത്തെ വധശ്രമക്കേസിൽ ശിക്ഷിക്കപ്പെട്ടയാളാണ് അറസ്റ്റിലായ ഹക്കീം. പ്രതികളെ ഇന്ന് നിലന്പൂർ കോടതിയിൽ ഹാജരാക്കും.

അനധികൃത ക്വാറിയിൽ നിന്ന് ടിപ്പർ ലോറികളും മണ്ണുമാന്തി യന്ത്രങ്ങളും പിടികൂടി

പെരിന്തൽമണ്ണ: വലമ്പൂർ വില്ലേജിൽ മണ്ണാറമ്പ് പ്രവർത്തിക്കുകയായിരുന്ന അനധികൃത ക്വാറിയിൽ നിന്നും അഞ്ച് ടിപ്പർലോറികളും രണ്ട് മണ്ണുമാന്തി യന്ത്രങ്ങളും റവന്യു സ്ക്വാഡ് പിടികൂടി. പരിശോധനയിൽ ഡെപ്യൂട്ടി തഹസിൽദാർ എം.കെ. സുനിൽകുമാർ, ക്ലാർക്കുമാരായ എം.ശശികുമാർ, അനിൽകുമാർ, ഡ്രൈവർ അമൃത്‌രാജ് എന്നിവർ പങ്കെടുത്തു. വരുംദിനങ്ങളിലും കർശന പരിശോധന നടത്തുമെന്ന് തഹസിൽദാർ അറിയിച്ചു.

നിലമ്പൂർ കെഎസ്ആർടിസി ബസ് ടെർമിനൽ കോംപ്ലക്സിന്‍റെ നിർമാണം ഉടൻ പൂർത്തികരിക്കണമെന്ന്

നിലമ്പൂർ: കെഎസ്ആർടിസി നിലമ്പൂർ ഇന്‍റർസ്റ്റേറ്റ് ബസ് ടെർമിനൽ കോംപ്ലക്സിന്‍റെ പണി ഉടൻ പൂർത്തീകരിക്കണമെന്ന് കെഎസ്ആർടിഇഎ(സിഐടിയു)നിലമ്പൂർ യൂണിറ്റ് സമ്മേളനം ആവശ്യപ്പെട്ടു. സിഐടിയു ജില്ലാ കമ്മിറ്റി അംഗം പി.കെ. മുരളീധരൻ ഉദ്ഘാടനം ചെയ്തു. യൂണിറ്റ് പ്രസിഡന്‍റ് സി.ബി. പ്രദീപ് കുമാർ അധ്യക്ഷത വഹിച്ചു. യൂണിറ്റ് സെക്രട്ടറി സജിൽ ബാബു റിപ്പോർട്ടും ട്രഷറർ സിദ്ദീഖ് വരവുചെലവ് കണക്കും എസ്. സന്തോഷ് കുമാർ കേന്ദ്രകമ്മിറ്റി റിപ്പോർട്ടും അവതരിപ്പിച്ചു. സംസ്ഥാന സെക്രട്ടറി കെ. സന്തോഷ്, ജില്ലാ സെക്രട്ടറി പി.കെ. കൈരളിദാസ്, കെ.എ. നിസാർ എന്നിവർ സംസാരിച്ചു.പുതിയ ഭാരവാഹികളായി പി. റിയാസ് (പ്രസിഡന്‍റ്), വി.കെ. സജിൽ ബാബു (സെക്രട്ടറി), പി. സിദ്ധീഖ് (ട്രഷറർ) എന്നിവരെ തെരഞ്ഞെടുത്തു.

കാട്ടുപന്നി ശല്യം: പഞ്ചായത്ത് അധികാരം ഉപയോഗിക്കണമെന്ന്

കാളികാവ്: കാട്ടുപന്നി ശല്യത്തിന് പരിഹാരം കാണണമെന്ന് ആവശ്യപ്പെട്ട് കർഷക സംഘം ചോക്കാട് ഗ്രാമപഞ്ചായത്ത് പ്രസിഡന്‍റിന് പരാതി നൽകി. തൊഴിലാളികളുടെ ജീവന് കാട്ടുപന്നികൾ ഭീഷണിയായി മാറിയിരിക്കുകയാണ്. ഈ സാഹചര്യത്തിൽ സർക്കാർ അനുവാദം നൽകിയ ഷൂട്ടർമാരെ ഉപയോഗപ്പെടുത്തി കാട്ടുപന്നികളെ വെടിവെച്ച് കൊല്ലണമെന്ന് കർഷക സംഘം ആവശ്യപ്പെട്ടു. പി.ജയദീപ്, ഷാഹിനാഗഫൂർ, വാളാഞ്ചിറ ബഷീർ, മാനുക്കുട്ടൻ, വി.എം. റഷീദ്, ഷാനി ബഷീർ എന്നിവരുടെ നേതൃത്വത്തിലാണ് പരാതി നൽകിയത്.

ഓർമപ്പെരുന്നാളും 45-ാമത് തീർഥാടന പദയാത്രയും 20ന്

കരുവാരകുണ്ട്: ധന്യൻ മാർ ഇവാനിയോസ് വലിയ മെത്രാപ്പോലീത്തയുടെ 72-ാം ഓർമപ്പെരുന്നാളും 45-ാമത് തീർഥാടന പദയാത്രയും 20ന് കരുവാരകുണ്ട് വീട്ടിക്കുന്ന് സെന്‍റ് ജോർജ് മലങ്കര കത്തോലിക്ക പള്ളിയിൽ നടക്കും. രാവിലെ ഒന്പതിന് കരുവാരകുണ്ട് പുന്നക്കാട് ചുങ്കത്ത് നിന്നാണ് പദയാത്ര ആരംഭിക്കുകയെന്ന് ഭാരവാഹികൾ അറിയിച്ചു. പുന്നക്കാട് ചുങ്കം മുതൽ വീട്ടിക്കുന്ന് സെന്‍റ് ജോർജ് മലങ്കര സുറിയാനി കത്തോലിക്ക പള്ളിവരെയാണ് തീർഥാടന പദയാത്ര നടക്കുക. തുടർന്ന് ആഘോഷമായ സമൂഹ വിശുദ്ധ ബലിയും ധൂപപ്രാർഥനയും നടക്കുമെന്ന് പ്രോട്ടോ വികാരി ഫാ. തോമസ് ചാപ്രത്ത്, വൈദിക സെക്രട്ടറി ഫാ. ജോർജ് ആലുംമൂട്ടിൽ, നിലമ്പൂർ മേഖല പാസ്റ്ററൽ സെക്രട്ടറി സിജു ഏബ്രഹാം പുരയിടത്തിൽ, ഇടവക ട്രസ്റ്റി അഭിലാഷ് കുന്നേൽ, സെക്രട്ടറി വർഗീസ് ശങ്കറായിക്കുന്നത്ത്, അനിസ്റ്റോ പാറേക്കാട്ടിൽ എന്നിവർ അറിയിച്ചു.

കത്തെഴുത്ത് മത്സര വിജയി ഉപഹാരം ഏറ്റുവാങ്ങി

അങ്ങാടിപ്പുറം: "തപാലിൽ ലഭിച്ച ആദ്യത്തെ കത്ത്' എന്ന വിഷയത്തിൽ ജില്ലയിലെ വിദ്യാർഥികൾക്കായി മലപ്പുറം പോസ്റ്റ് ഫോറം സംഘടിപ്പിച്ച കത്തെഴുത്ത് മത്സരത്തിൽ വിജയിയായ പരിയാപുരം സെന്‍റ് മേരീസ് ഹയർ സെക്കൻഡറി സ്കൂളിലെ വിദ്യാർഥിനി ജിന്‍റ മരിയയ്ക്ക് കാഷ് പ്രൈസും പ്രശസ്തി ഫലകവും സമ്മാനിച്ചു. പരിയാപുരം സെന്‍റ്മേരീസ് ഹയർ സെക്കൻഡറി സ്കൂളിൽ നടന്ന ചടങ്ങിൽ പോസ്റ്റ് ഫോറം പ്രസിഡന്‍റ് പി.ജെ. ജെയിംസ് അധ്യക്ഷത വഹിച്ചു. പോസ്റ്റ് ഫോറം സെക്രട്ടറി കവി മണമ്പൂർ രാജൻ ബാബു മുഖ്യാതിഥിയായി. പെരിന്തൽമണ്ണ സബ് ഡിവിഷൻ അസി.പോസ്റ്റൽ സൂപ്രണ്ട് എസ്.സുനിത ഉപഹാരം കൈമാറി. പ്രധാനാധ്യാപകൻ പി.ടി.ബിജു, മനോജ് വീട്ടുവേലിക്കുന്നേൽ, പരിയാപുരം പോസ്റ്റ് മിസ്ട്രസ് ഷൈനി ജെയിംസ്, ആൻ മരിയ ടോണി എന്നിവർ പ്രസംഗിച്ചു.

യുഡിഎഫ് രാഷ്ട്രീയ വിശദീകരണ യോഗം നടത്തി

മന്പാട്: മന്പാട് പഞ്ചായത്ത് യുഡിഎഫ് കമ്മിറ്റി രാഷ്ട്രീയ വിശദീകരണ യോഗം നടത്തി. കെപിസിസി വർക്കിംഗ് പ്രസിഡന്‍റ് എ.പി. അനിൽകുമാർ എംഎൽഎ ഉദ്ഘാടനം ചെയ്തു. സിപിഎം മന്പാട് പഞ്ചായത്ത് കമ്മിറ്റിയും പഞ്ചായത്ത് ഭരണസമിതിയും നടത്തുന്ന കുപ്രചാരണങ്ങൾ യാഥാർഥ്യവുമായി ചേരുന്നതല്ലെന്ന് അദ്ദേഹം പറഞ്ഞു. മന്പാട് ഗ്രാമപഞ്ചായത്തിന് ലഭിക്കേണ്ട സിആർഎസ് ഫണ്ട് കരുവാരകുണ്ട് പഞ്ചായത്തിന് എംഎൽഎ നൽകിയെന്ന ആരോപണം സിപിഎം ബോധപൂർവം കെട്ടിച്ചമച്ചതാണെന്നും അദ്ദേഹം പറഞ്ഞു. എൽഡിഎഫ് ഭരിക്കുന്ന മന്പാട് പഞ്ചായത്തിന് ലഭിക്കേണ്ട സിആർഎസ് ഫണ്ട് എങ്ങനെ എൽഡിഎഫ് ഭരിക്കുന്ന കരുവാരകുണ്ട് പഞ്ചായത്തിന് പോയതെന്ന് സിപിഎം വ്യക്തമാക്കണമെന്നും എംഎൽഎ ആവശ്യപ്പെട്ടു. പന്താർ മുഹമ്മദ് അധ്യക്ഷത വഹിച്ചു. ഷെരീഫ് കൊട്ടപ്പുറം മുഖ്യപ്രഭാഷണം നടത്തി. യു. സിദീഖലി, അഡ്വ. കെ.സി. നസീം, കെ. ഫിർദോസ് ഖാൻ, പി.പി. റസാഖ്, ശിഹാബ് കാന്പ്രത്ത്, മൂർക്കൻ റഹീം, കെ. അക്ബർ. വി.ടി. കാസിം എന്നിവർ പ്രസംഗിച്ചു.

കാട്ടാനക്കൂട്ടങ്ങളുടെ ആക്രമണത്തില്‍ പൊറുതിമുട്ടി കൈപ്പിനി നിവാസികള്‍

എടക്കര: കാട്ടാനക്കൂട്ടങ്ങളുടെ ആക്രമണത്തില്‍ പൊറുതിമുട്ടി കൈപ്പിനി നിവാസികള്‍. കഴിഞ്ഞ ആറ് ദിവസവും പ്രദേശത്ത് കാട്ടാനക്കൂട്ടങ്ങള്‍ കാര്‍ഷിക വിളകള്‍ നശിപ്പിച്ചു. അമ്പലപ്പൊയില്‍, മുണ്ടപ്പാടം പ്രദേശങ്ങളിലാണ് വ്യാപകമായ കൃഷിനാശമുണ്ടായത്. ശശിധരന്‍ കാവനാല്‍, കെ.ജി. രാജേന്ദ്രന്‍, ഡാനിയേല്‍, പി.ആര്‍ സുഭാഷ് എന്നിവരുടെ തെങ്ങ്, കമുക്, വാഴ തുടങ്ങിയ വിളകളാണ് കാട്ടാനകള്‍ കഴിഞ്ഞ ദിവസം നശിപ്പിച്ചത്. കാഴ്ഫലമുള്ള വിളകളാണ് നശിപ്പിക്കപ്പെട്ടവയെല്ലാം. രണ്ട് മാസത്തിലധികമായി പ്രദേശത്ത് കാട്ടാനശല്യം രൂക്ഷമായിരിക്കുകയാണ്. മുഖ്യമന്ത്രിക്കടക്കം നിരവധി നിവേദനങ്ങള്‍ നല്‍കിയിട്ടും യാതൊരു നടപടിയുമുണ്ടായിട്ടില്ലെന്ന് കര്‍ഷകര്‍ പറയുന്നു. വനം വകുപ്പാകട്ടെ ദ്രോഹനടപികളാണ് തങ്ങളോട് സ്വീകരിക്കുന്നതെന്ന് കര്‍ഷകര്‍ പറയുന്നു. രണ്ടാഴ്ച മുന്പ് മുണ്ടപ്പാടത്ത് നിരവധി കര്‍ഷകരുടെ വിളകളാണ് കാട്ടാനക്കൂട്ടം നശിപ്പിച്ചത്.

"നിലമ്പൂർ റെയിൽവേ അടിപ്പാത ഓണത്തിന് മുന്പ് തുറക്കും'

നിലമ്പൂർ: നിലമ്പൂർ റെയില്‍വേ അടിപ്പാത ഓണത്തിന് മുമ്പ് തുറക്കുമെന്ന് റെയില്‍വേ പാലക്കാട് ഡിവിഷണല്‍ മാനേജര്‍ അരുണ്‍ കുമാര്‍ ചതുര്‍വേദി പറഞ്ഞു. നിലമ്പൂര്‍ റെയില്‍വേ സ്റ്റേഷനിൽ അമൃത് സ്റ്റേഷൻ പ്രവൃത്തി ഉടൻ പൂർത്തീകരിക്കുമെന്നും ഡിആർഎം അറിയിച്ചു. അമൃത് സ്റ്റേഷൻ പ്രവൃത്തി വിലയിരുത്താനെത്തിയതായിരുന്നു ഡിആർഎം. രാജ്യറാണി എക്സ്പ്രസിന് ഒരു എസി ത്രീ ടയർ, ഒരു ജനറൽ ഉൾപ്പെടെ രണ്ട് കോച്ചുകൾ വർധിപ്പിക്കും. കോട്ടയം എക്സ്പ്രസിന് ഒരു എസി കോച്ചും ഒരു നോൺ എസി കോച്ചും ഉൾപ്പെടുത്തും. മേലാറ്റൂർ, കുലുക്കല്ലൂർ ക്രോസിംഗ് സ്റ്റേഷനുകളുടെ പ്രവൃത്തി ഈ വർഷം പൂർത്തീകരിക്കുമെന്നും ഡിആർഎം പറഞ്ഞു. നിലമ്പൂര്‍ റെയില്‍വേ സ്റ്റേഷനിൽ നടക്കുന്ന അമൃത് സ്റ്റേഷൻ പ്രവൃത്തികളും റെയിൽവെ അടിപ്പാത പ്രവൃത്തിയും ഡിആർഎം നേരിൽകണ്ട് വിലയിരുത്തി. പി.വി. അബ്ദുൽ വഹാബ് എംപി, ആര്യാടൻ ഷൗക്കത്ത് എം എൽഎ തുടങ്ങിയവരുമായി ഡിആർഎം ചർച്ച നടത്തി.

ബഷീർ പുസ്തകചർച്ചയും ആസ്വാദനക്കുറിപ്പ് മത്സരവും സംഘടിപ്പിച്ചു

മഞ്ചേരി: ഒരുമാസത്തെ വായന പക്ഷാചരണത്തോടനുബന്ധിച്ച് സ്കൂളിലെ സാഹിത്യ തൽപരരായ രക്ഷിതാക്കൾക്കായി പുസ്തക ചർച്ചയും ബഷീർകൃതികളുടെ ആസ്വാദനക്കുറിപ്പു മത്സരവും സംഘടിപ്പിച്ചു. ബഷീർ കൃതികളായ ശബ്ദങ്ങൾ, ഭൂമിയുടെ അവകാശികൾ, പാത്തുമ്മയുടെ ആട്, നീലവെളിച്ചം, ബാല്യകാലസഖി എന്നിവയെ അടിസ്ഥാനമാക്കിയാണ് പുസ്തകചർച്ച സംഘടിപ്പിച്ചത്. നേരത്തെ വിദ്യാരംഗം ഏർപ്പെടുത്തിയ ആസ്വാദനക്കുറിപ്പ് മത്സരത്തിൽ നിരവധി പേർ പങ്കെടുത്തിരുന്നു. തെരഞ്ഞെടുക്കപ്പെട്ട അന്പതോളം കുറിപ്പുകളുടെ രചയിതാക്കളാണ് ചർച്ചയ്ക്കെത്തിയത്. എഴുത്തുകാരൻ റഹ്മാൻ കിടങ്ങയം രക്ഷിതാക്കളുടെ രചനകളെ വിലയിരുത്തി സംസാരിച്ചു. ചർച്ചയിൽ പങ്കെടുത്ത എല്ലാ രക്ഷിതാക്കൾക്കും സമ്മാനങ്ങളും നൽകി. സ്കൂൾ മാനേജർ കെ.എം.എ. ഷുക്കൂർ പരിപാടി ഉദ്ഘാടനം ചെയ്തു. പ്രധാനാധ്യാപകൻ കെ.എം.എ. സലീം അധ്യക്ഷത വഹിച്ചു. കെ. ലളിത മോഡറേറ്ററായിരുന്നു. വിദ്യാരംഗം കലാസാഹിത്യ വേദി കണ്‍വീനർ വിജി, പിടിഎ പ്രസിഡന്‍റ് റഷീദലി, വിദ്യാരംഗം അസിസ്റ്റന്‍റ് കണ്‍വീനർ സിതാര, എൻ.വി. സുബീന എന്നിവർ പ്രസംഗിച്ചു.

സിബിഎസ്ഇ ഇംഗ്ലീഷ് ഫെസ്റ്റ് മഞ്ചേരിയിൽ

മഞ്ചേരി: സിബിഎസ്ഇ സഹോദയ സ്കൂൾ കോംപ്ലക്സ് മലപ്പുറം മേഖല സംഘടിപ്പിക്കുന്ന ജില്ലാ സിബിഎസ്ഇ ഇംഗ്ലീഷ് ഫെസ്റ്റ് "ലിങ്ക്വ ഫാന്‍റ 25' ഓഗസ്റ്റ് 23 ന് മഞ്ചേരി ബെഞ്ച് മാർക്സ് ഇന്‍റർനാഷണൽ സ്കൂളിൽ നടക്കും. കുട്ടികൾക്ക് ആധുനിക ഭാഷാപഠന സങ്കേതങ്ങൾ, സിബിഎസ്ഇ ദേശീയ വിദ്യാഭ്യാസനയവുമായി ബന്ധപ്പെടുത്തി നിഷ്കർഷിച്ച ആധുനിക ഇംഗ്ലീഷ് ഭാഷാ പഠനരീതികൾ എന്നിവ പരിചയപ്പെടുത്തുകയെന്നതാണ് ഫെസ്റ്റ് ലക്ഷ്യം വയ്ന്നത്. മൂന്നു മുതൽ 12 വരെ ക്ലാസിൽ പഠിക്കുന്ന വിദ്യാർഥികളെ മൂന്ന് വിഭാഗങ്ങളും ഒരു പൊതുവിഭാഗവുമാക്കിയാണ് മത്സരങ്ങൾ ക്രമീകരിച്ചിരിക്കുന്നത്. അത്യാധുനിക ഇനങ്ങളായ ഹൊറിഫിക് റിസൈറ്റൽ, മോക്ക് ഇന്‍റർവ്യൂ, കോറൽ റെസ്റ്റേഷൻ സ്ലാം പോയട്രി, കോ ടീച്ചിംഗ്, ഗ്രൂപ്പ് നരേഷൻ എന്നിവയും ഇത്തവണ ഉൾപ്പെടുത്തിയിട്ടുണ്ട്. ഇംഗ്ലീഷ് ഫെസ്റ്റ് മാന്വൽ വിശദീകരിക്കുന്നതിനായി മഞ്ചേരി ബെഞ്ച്മാർക്സ് ഇന്‍റർനാഷണൽ സ്കൂളിൽ സംഘടിപ്പിച്ച ഇംഗ്ലീഷ് അധ്യാപക സംഗമവും ലോഗോപ്രകാശനവും സഹോദയ മലപ്പുറം മേഖലാ പ്രസിഡന്‍റ് എം. അബ്ദുൾ നാസർ നിർവഹിച്ചു. ജനറൽ സെക്രട്ടറി എം. ജൗഹർ അധ്യക്ഷത വഹിച്ചു. മുഖ്യരക്ഷാധികാരി കെ. ഉണ്ണികൃഷ്ണൻ നിയമാവലികൾ വിശദീകരിച്ചു. മാനേജിംഗ് ട്രസ്റ്റി സി.സി. ഉസ്മാൻ, വൈസ് പ്രിൻസിപ്പൽ സുഭാഷ് പുളിക്കൽ, ടിന ഖലീം, അജിത്, സുരേഷ് തിരുവാലി, സഹോദയ ഭാരവാഹികളായ സിസ്റ്റർ സ്മിത വർഗീസ്, കെ. പ്രദീപ്, ബീന ചന്ദ്രശേഖരൻ, എ.എൻ. ശില്പ, സോന മോഹൻ, ഷംല സമീർ, സുപ്രിയ എസ്. മേനോൻ എന്നിവർ പ്രസംഗിച്ചു.

"വിവര സാങ്കേതിക വിദ്യയെ ഗുണകരമായി പ്രയോജനപ്പെടുത്താൻ പരിശീലിപ്പിക്കണം'

നിലമ്പൂര്‍: വരുംകാലങ്ങളില്‍ വിവര സാങ്കേതികത വിദ്യയെ രാഷ്ട്രത്തിന്‍റെ സൃഷ്ടിപരമായ നിര്‍മിതിക്കായി എങ്ങനെ ഉപയോഗപ്പെടുത്താം എന്നതിലാവണം വിദ്യാര്‍ഥികളും അധ്യാപകരും പരിശീലനം നേടേണ്ടതെന്ന് കേന്ദ്രമന്ത്രി ജയന്ത് ചൗധരി പറഞ്ഞു. പിഎംജെവികെ പദ്ധതിയില്‍ അമല്‍ കോളജ് കാന്പസിലെ സ്‌കില്‍ സെന്‍ററില്‍ ആരംഭിച്ച നൈപുണ്യ കോഴ്‌സുകളുടെ ഉദ്ഘാടനം ഡ്രോൺ പറത്തി നിര്‍വഹിച്ച് സംസാരിക്കുകയായിരുന്നു. അദ്ദേഹം. പി.വി. അബ്ദുല്‍ വഹാബ് എംപി അധ്യക്ഷത വഹിച്ചു. ആര്യാടന്‍ ഷൗക്കത്ത് എംഎല്‍എ, ജില്ലാ പഞ്ചായത്ത് വൈസ്പ്രസിഡന്‍റ് ഇസ്മായില്‍ മൂത്തേടം, അമല്‍ കോളജ് പ്രിന്‍സിപ്പൽ പ്രഫ. ഡോ. കെ.പി. മുഹമ്മദ് ബഷീര്‍, പി.വി. അലിമുബാറക്, പി.വി. ജാവേദ് അബ്ദുല്‍ വഹാബ്, നാലകത്ത് മുഹമ്മദ്, പി.വി. മുനീര്‍, നാലകത്ത് ബീരാന്‍കുട്ടി, പി.എം. ഉസ്മാനലി, എം. മന്‍സൂര്‍, ദേവരാജന്‍ തോട്ടുപൊയിൽ തുടങ്ങിയവര്‍ സംസാരിച്ചു.

ഗ്രാമീണ മേഖലയിലെ സംരംഭകരെ ശാക്തീകരിക്കും: കേന്ദ്രമന്ത്രി ജയന്ത് ചൗധരി

മലപ്പുറം: ഗ്രാമീണ മേഖലയിലെ സംരംഭകരെ ശാക്തീകരിക്കുകയും അവരുടെ ഉൽപ്പന്നങ്ങൾ ആഗോള വിപണിയിലേക്ക് ലഭ്യമാക്കുകയും ചെയ്യുമെന്ന് കേന്ദ്ര നൈപുണ്യ വികസന- സംരംഭകത്വ മന്ത്രി ജയന്ത് ചൗധരി. മലപ്പുറം മുൻസിപ്പൽ ടൗൺഹാളിൽ നടന്ന ജെഎസ്എസ് (ജൻ ശിക്ഷൻ സൻസ്ഥാൻ) ഗുണഭോക്താക്കളുടെ സംഗമവും എക്സിബിഷനും സർട്ടിഫിക്കറ്റ് വിതരണവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജെഎസ്എസിന്‍റെ രണ്ടായിരത്തോളം ഗുണഭോക്താക്കളുടെ സംഗമവും സർട്ടിഫിക്കറ്റ് വിതരണവുമാണ് ഇന്നലെ നടന്നത്. പിഎം വിശ്വകർമ പദ്ധതിയുടെ മുന്നൂറോളം ഗുണഭോക്താക്കൾക്കും സർട്ടിഫിക്കറ്റ് വിതരണം ചെയ്തു. മികച്ച നേട്ടം കൈവരിച്ച സംരംഭകരെയും ജെഎസ്എസ് റിസോഴ്സ് പേഴ്സൺസിനെയും ചടങ്ങിൽ ആദരിച്ചു. കരകൗശല വിദഗ്ധർക്കുള്ള കാർഡുകളും ചടങ്ങിൽ വിതരണം ചെയ്തു. ഗോത്രമൃത് ട്രൈബൽ എപിസിയുടെ വിവിധ ഉത്പന്നങ്ങളുടെ പ്രകാശനവും നടന്നു. ജെഎസ്എസ് ചെയർമാൻ പി.വി. അബ്ദുൽ വഹാബ് എംപി ചടങ്ങിൽ അധ്യക്ഷത വഹിച്ചു. നഗരസഭാ ചെയർമാൻ മുജീബ് കാടേരി, കേരള അക്കാദമി ഫോർ സ്കിൽസ് എക്സലൻസ് സിഒഒ ടി.വി. വിനോദ്, ആർഡി എസ്ഡി റീജിയണൽ ഡയറക്ടർ സി. യുവരാജ്, മലപ്പുറം ജെ എസ്എസ് ഡയറക്ടർ വി. ഉമ്മർ കോയ, ജില്ലാ പഞ്ചായത്ത് വൈസ് പ്രസിഡന്‍റ് ഇസ്മായിൽ മൂത്തേടം തുടങ്ങിയവർ ചടങ്ങിൽ സംബന്ധിച്ചു.

"നിലമ്പൂർ ജില്ലാ ആശുപത്രിയിലേക്ക് പുതിയ എക്സ്റേ മെഷീൻ വാങ്ങും'

നിലന്പൂർ: ജില്ലാ ആശുപത്രിയിൽ തകരാറിലായ എക്സ്റേ മെഷീന് പകരം പുതിയ എക്സ്റേ മെഷീൻ വാങ്ങും. ഇന്നലെ നടന്ന എച്ച്എംസി യോഗത്തിലാണ് സുപ്രധാന തീരുമാനം. ഇതിനായി 70 ലക്ഷം രൂപ ചെലവഴിക്കും. നിലമ്പൂർ ജില്ലാ ആശുപത്രിയിൽ ആധുനിക രീതിയിലുള്ള മോർച്ചറി നിർമിക്കാനും തീരുമാനിച്ചു. ഇതിനായി ഒരു കോടി രൂപ ചെലവഴിക്കും. ഹബ്ബ് ലാബിന്‍റെ ഉദ്ഘാടന തീയതി നിശ്ചയിക്കാൻ സബ് കമ്മറ്റിയേയും യോഗം ചുമതലപ്പെടുത്തി. ഓപറേഷൻ തിയേറ്ററിലേക്ക് ഓട്ടോ ക്ലേവ് വാങ്ങുന്നതിനും ഡയാലിസിസ് യൂണിറ്റ് കെട്ടിടത്തിന്‍റെ ചോർച്ച അടയ്ക്കുന്നതിനും അംഗികാരം നൽകി. ജില്ലാ പഞ്ചായത്ത് പ്രസിഡന്‍റ് എം.കെ. റഫീഖ അധ്യക്ഷത വഹിച്ച യോഗത്തിൽ വൈസ് പ്രസിഡന്‍റ് ഇസ്മായിൽ മൂത്തേടം, ജില്ലാ പഞ്ചായത്തംഗങ്ങളായ അഡ്വ. ഷെറോണ റോയ്. കെ.ടി. അജ്മൽ, എച്ച്എംസി അംഗങ്ങളായ എ. ഗോപിനാഥ്, ഇ പത്മാക്ഷൻ, കെ.സി. വേലായുധൻ, കെ.ടി. കുഞ്ഞാൻ, പരുന്തൻ നൗഷദ്, പാലോളി മെഹബൂബ്, ജസ്മൽ പുതിയറ, കൊമ്പൻ ഷംസുദ്ദീൻ, ആശുപത്രി സൂപ്രണ്ട് ഡോ. ഷിനാസ് ബാബു, ആർഎംഒ ഡോ. പ്രവീണ, ലേ-സെക്രട്ടറി തുടങ്ങിയവർ പങ്കെടുത്തു.

മരത്തില്‍ കുടുങ്ങിയയാളെ മഞ്ചേരി അഗ്നിരക്ഷാസേന താഴെ ഇറക്കി

മഞ്ചേരി: മരത്തില്‍ കയറിതിരികെ ഇറങ്ങാനാവാതെ കുടുങ്ങിയ 56കാരനെ മഞ്ചേരി അഗ്നിരക്ഷാ സേനയെത്തി രക്ഷപ്പെടുത്തു. കിഴിശേരി സ്വദേശി അഹമ്മദാണ് മരം മുറിക്കാനായി എഴുപത് അടിയോളം ഉയരത്തില്‍ കയറിയത്. തിരികെ ഇറങ്ങുന്നതിനിടെ ഷര്‍ട്ട് മരക്കൊമ്പില്‍ കൊളുത്തി മരത്തിനു മുകളില്‍ കുടുങ്ങിയതോടെ നാട്ടുകാര്‍ മഞ്ചേരി അഗ്നിരക്ഷാ നിലയില്‍ അറിയിക്കുകയായിരുന്നു. ഫയര്‍ ആന്‍ഡ് റെസ്‌ക്യൂ ഓഫീസര്‍ കെ.കെ. പ്രജിത്തും നാട്ടുകാരനായ മരംവെട്ട് തൊഴിലാളിയായ സുഭാഷും മരത്തില്‍ കയറുകയും തൂങ്ങിനിന്ന അഹമ്മദിനെ കയര്‍ ഉപയോഗിച്ച് മുകളില്‍ കെട്ടിവയ്ക്കുകയും റെസ്‌ക്യൂ നെറ്റില്‍ കയറ്റിയതിന് ശേഷം കയര്‍ അറുത്തുമാറ്റി മറ്റ് സേനാംഗങ്ങളുടെ സഹായത്തോടെ താഴെ ഇറക്കുകയുമായിരുന്നു. സിവില്‍ ഡിഫന്‍സ് അംഗങ്ങളായ സീനിയര്‍ ഫയര്‍ ആൻഡ് റെസ്‌ക്യൂ ഓഫീസര്‍ പ്രതീഷ്, ഓഫീസര്‍മാരായ എം.വി. അനൂപ്, എം.വി. അജിത്, എം. അനൂപ്, എം. സജീഷ്, രഞ്ജിത്, ബിനീഷ്, സുരേഷ്, സുബ്രഹ്മണ്യന്‍, മുകുന്ദന്‍ എന്നിവരും നാട്ടുകാരും രക്ഷാപ്രവര്‍ത്തനത്തില്‍ പങ്കാളിയായി. ലാഡറും റെസ്‌ക്യൂ നെറ്റും റോപ്പും ഉപയോഗിച്ചുള്ള രക്ഷാ പ്രവര്‍ത്തനത്തിന് നിലയം മേധാവി ടി. ഷാജി നേതൃത്വം നല്‍കി.

ആയുഷ് കായകൽപ്പ് പുരസ്കാരങ്ങൾ പ്രഖ്യാപിച്ചു: ജില്ലയ്ക്ക് നേട്ടം

മലപ്പുറം: പ്രഥമ സംസ്ഥാന ആയുഷ് കായകൽപ്പ് പുരസ്കാരങ്ങൾ മന്ത്രി വീണാ ജോർജ് പ്രഖ്യാപിച്ചപ്പോൾ ജില്ലയ്ക്ക് അഭിമാനമായി നിരവധി നേട്ടങ്ങൾ. ഉപജില്ല ഹോസ്പിറ്റൽ വിഭാഗത്തിൽ വണ്ടൂർ പഞ്ചായത്തിലെ ചേതന പെയിൻ ആൻഡ് പാലിയേറ്റീവ് കാൻസർ സെന്‍റർ 89.62 ശതമാനം മാർക്കോടുകൂടി കമന്‍റേഷൻ പ്രൈസിന് അർഹത നേടി. ഒരു ലക്ഷം രൂപയാണ് അവാർഡ് തുക. ജില്ലാതല ആയുഷ് ഹെൽത്ത് ആൻഡ് വെൽനസ് സെന്‍റർ ഐഎസ്എം വിഭാഗത്തിൽ മാറഞ്ചേരി ഗവ. ആയുർവേദ ഡിസ്പെൻസറി 99.58 ശതമാനം മാർക്കോടെയും ഗവ. ഹോമിയോ ഡിസ്പെൻസറി കൂരാട് 86.25 ശതമാനം മാർക്കോടെയും ഒന്നാം സ്ഥാനം കരസ്ഥമാക്കി. ഒരു ലക്ഷം രൂപയാണ് അവാർഡ് തുകയായി ലഭിക്കുക. ഗവ. ആയുർവേദ ഡിസ്പെൻസറി താനൂർ- 98.75 ശതമാനം, ഗവ. ആയുർവേദ ഡിസ്പെൻസറി അങ്ങാടിപ്പറം- 95.83 ശതമാനം, ഗവ. ആയുർവേദ ഡിസ്പെൻസറി ആനക്കയം- 94. 58 ശതമാനം മാർക്കുകളോടെ ഐഎസ്എം വിഭാഗത്തിൽ കമന്‍റേഷൻ പ്രൈസിന് അർഹത നേടി. ഹോമിയോ വിഭാഗത്തിൽ ഗവ. ഹോമിയോ ഡിസ്പെൻസറി അരീക്കോട് 81.25 ശതമാനവും ഗവ. ഹോമിയോ ഡിസ്പെൻസറി കോട്ടക്കൽ 80.41 ശതമാനവും ഗവ. ഹോമിയോ ഡിസ്പെൻസറി ഒമാനൂർ 78.33 ശതമാനവും മാർക്കുകൾ നേടി കമന്‍റേഷൻ പ്രൈസ് മുപ്പതിനായിരം രൂപയ്ക്ക് അർഹത നേടി. ആയുഷ് സ്ഥാപനങ്ങളുടെ ഗുണനിലവാരം ഉറപ്പാക്കൽ ലക്ഷ്യമിട്ടാണ് പുരസ്കാരങ്ങൾ നൽകുന്നത്. ശുചിത്വം, മാലിന്യനീക്കം, അണുബാധ നിയന്ത്രണം എന്നിവയിലെ മികവ് വിലയിരുത്തിയാണ് അവാർഡ് പരിഗണിക്കുന്നത്. ആയുർവേദ-ഹോമിയോപ്പതി ജില്ലാ ആശുപത്രികൾ, സബ്ജില്ല, താലൂക്ക് ആയുഷ് ആരോഗ്യ സ്വാസ്ഥ്യ കേന്ദ്രങ്ങൾ എന്നിവയിൽ നിന്ന് പല ഘട്ടങ്ങളായി തെരഞ്ഞെടുക്കപ്പെട്ട മികച്ച ആരോഗ്യ സ്ഥാപനങ്ങൾക്കാണ് ആയുഷ് കായകൽപ്പ് അവാർഡ് നൽകുന്നത്. ശുചിത്വം, മാലിന്യനീക്കം, അണുബാധ നിയന്ത്രണം എന്നിവ ഉൾപ്പെടെയുള്ള വിവിധ മാനദണ്ഡങ്ങളുടെ അടിസ്ഥാനത്തിൽ പരിശീലനം ലഭിച്ചവർ നടത്തിയ മൂല്യനിർണയം ജില്ല, സംസ്ഥാന കായകൽപ്പ് കമ്മിറ്റികൾ വിലയിരുത്തി സമാഹരിച്ച റിപ്പോർട്ടുകൾ പരിശോധിച്ച് അവാർഡ് നിർണയ കമ്മിറ്റിയാണ് മികച്ച സ്ഥാപനങ്ങളെ തെരഞ്ഞെടുക്കുന്നത്.

കരുവാരകുണ്ടിൽ വൻ കൃഷിനാശം വരുത്തി കാട്ടാനകൾ : 400 റബർതൈകൾ ചവിട്ടിമെതിച്ചു

കരുവാരകുണ്ട്: ജനവാസ മേഖലയിലിറങ്ങിയ കാട്ടാനക്കൂട്ടം റബർതൈകളും വാഴകളും നശിപ്പിച്ചു. കരുവാരകുണ്ട് വട്ടമല മേഖലയിലാണ് സംഭവം. മറ്റത്തൂർ ഹംസയുടെ കൃഷിയിടത്തിലാണ് നാശനഷ്ടം ഏറെയും. 600 റബർതൈകളിൽ 400 എണ്ണവും കാട്ടാനകൾ ഒടിച്ച് ഭക്ഷണമാക്കി. റബർ കൈകൾ നട്ട സ്ഥലം ശൂന്യമായെന്നും നാലുലക്ഷം രൂപയുടെ നഷ്ടമുണ്ടായെന്നും ഹംസ പറഞ്ഞു. പ്രദേശത്തുതന്നെ ചെറുകിട കർഷകരുടെ വാഴകളും കമുകുകളും കാട്ടാനകൾ ചവിട്ടി നാശം വരുത്തിയിട്ടുണ്ട്. കാലവർഷം ആരംഭിച്ചതുമുതൽ കൃഷിയിടം വിട്ടൊഴിയാതെ കാട്ടാനകൾ നിലയുറപ്പിച്ചിരിക്കുന്നത് കർഷകരെ ഭീതിയിലാക്കുന്നുണ്ട്. ആനകൾക്ക് പുറമെ കാട്ടുപന്നി, കുരങ്ങ് എന്നിവയുടെ ശല്യവും കർഷകർക്ക് ദുരിതം സമ്മാനിക്കുകയാണ്. മാസങ്ങൾക്ക് മുന്പ് ഇവിടെ പുലിയുടേതെന്ന് തോന്നിപ്പിക്കുന്ന കാൽപ്പാടുകളും കണ്ടെത്തിയിരുന്നു. നിർധനരായ കർഷകർ അവരുടെ ഭൂമിയിൽ ജീവൻ പണയംവച്ചാണ് കൃഷി ചെയ്യുന്നത്. വെയിലും മഴയും തരണം ചെയ്ത് വിളകളെ പരിപാലിക്കുകയും അവസാനം കാട്ടാനകളടക്കമുള്ള വന്യജീവികൾ വിളവെടുക്കുകയും ചെയ്യുന്ന അവസ്ഥയാണ് കാലങ്ങളായി കണ്ടുവരുന്നതെന്നും കർഷകർ പറയുന്നു. അതേ സമയം കാട്ടാനകൾ കൃഷിയിടങ്ങളിലെത്തി വിളനാശം വരുത്തുന്നത് തടയാൻ വനാതിർത്തികളിൽ സൗരോർജ വേലി നിർമാണത്തിന് കോടിക്കണക്കിന് രൂപ സർക്കാർ നീക്കി വയ്ക്കുന്നുണ്ടങ്കിലും ആ തുക വകമാറ്റി ചെലവഴിക്കുകയാണന്നും കർഷകർക്ക് പരാതിയുണ്ട്. സൗരോർജ വേലി നിർമാണത്തിന്‍റെ മറവിൽ ചിലർ തീവെട്ടി കൊള്ള നടത്തുന്നതായും മലയോര കർഷകർ വ്യക്തമാക്കുന്നു. ഇക്കാര്യത്തിൽ സർക്കാരിന്‍റെയും വനംവകുപ്പിന്‍റെയും അതീവ ശ്രദ്ധ അനിവാര്യമാണന്നും കർഷകർ ആവശ്യപ്പെടുന്നു.

റിട്ട. ഡെപ്യൂട്ടി തഹസിൽദാർ ട്രെയിൻ തട്ടി മരിച്ച നിലയിൽ

മേലാറ്റൂർ: റിട്ട. ഡെപ്യൂട്ടി തഹസിൽദാരെ ട്രെയിൻ തട്ടി മരിച്ച നിലയിൽ കണ്ടെത്തി. കീഴാറ്റൂർ മാങ്ങോട്ടിൽ രാമ(65)നാണ് മരിച്ചത്. ഷൊർണൂർ-നിലമ്പൂർ പാതയിൽ പൂപ്പലത്ത് ഇന്നലെ രാവിലെ 9.45ന് ഷൊർണൂരിൽ നിന്ന് നിലമ്പൂരിലേക്കുള്ള പാസഞ്ചർ ട്രെയിൻ തട്ടിയാണ് മരണം. പെരിന്തൽമണ്ണ എസ്എച്ച്ഒ സുമേഷ് സുധാകർ ഇൻക്വസ്റ്റ് നടത്തി. ഭാര്യ: രമ. മക്കൾ: സജി (മേലാറ്റൂർ നമ്പൂതിരിസ് മെറ്റൽ ആൻഡ് ഹോം നീഡ്സ്), രജിത, സുജിത. മരുമക്കൾ: ശിവൻ ചെറുകോട്, സുരേഷ് ബാബു കോട്ടക്കൽ, പ്രിജില പൂങ്ങോട്. സഹോദരങ്ങൾ: ശങ്കരൻ, കുപ്പച്ചി.

രണ്ടുപേർ കുഴഞ്ഞുവീണു മരിച്ചു

പെരിന്തൽമണ്ണ: ടൗണിൽ രണ്ടിടത്തായി രണ്ടുപേർ കുഴഞ്ഞുവീണു മരിച്ചു. പെരിന്തൽമണ്ണ ഡിവൈഎസ്പി ഓഫീസിന് മുന്നിൽ റോഡിലായി അകതിയൂർ ചീരൻ വീട്ടിൽ സി.പി തമ്പി (52), മൗലാന ആശുപത്രിക്ക് സമീപം ലോഡ്ജിൽ മണ്ണാർക്കാട് കരിമ്പുഴ നടുത്തൊടി പി. വിശ്വനാഥിന്‍റെ മകൻ വി. ഉമേഷ് (41) എന്നിവരാണ് മരിച്ചത്. രണ്ട് മൃതദേഹങ്ങളും നിയമ നടപടി പൂർത്തിയാക്കി പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുകൊടുത്തു.

തപാൽ സേവനങ്ങൾ തടസപ്പെടും

മലപ്പുറം: പുതിയ സോഫ്റ്റ് വെയർ മൈഗ്രേഷൻ നടക്കുന്നതിനാൽ മഞ്ചേരി പോസ്റ്റൽ ഡിവിഷന് കീഴിൽ പ്രവർത്തിക്കുന്ന എല്ലാ പോസ്റ്റ് ഓഫീസുകളിലും 21ന് ’നോ ട്രാൻസാക്ഷൻ ഡേ’ ആയിരിക്കുമെന്ന് മഞ്ചേരി പോസ്റ്റൽ ഡിവിഷൻ സൂപ്രണ്ട് അറിയിച്ചു. പണമിടപാടുകൾ നടത്തുന്നതും തപാൽ ഉരുപ്പടികൾ അയക്കുന്നതും ഉൾപ്പെടെ യാതൊരു വിധ സേവനങ്ങളും അന്നേ ദിവസം ഉണ്ടായിരിക്കില്ല. സോഫ്റ്റ് വെയർ മൈഗ്രേഷൻ തയാറെടുപ്പ് പ്രവർത്തനങ്ങൾ നടക്കുന്നതിനാൽ 17, 18, 19 ദിവസങ്ങളിൽ ഇത്തരത്തിലുള്ള സേവനങ്ങൾ പരിമിതമായ തോതിൽ മാത്രമേ ലഭ്യമാകൂ. മൈഗ്രേഷൻ ദിവസമായ 22 മുതൽ ഒരാഴ്ച വരെ സേവനങ്ങളിൽ സാങ്കേതിക തടസങ്ങൾ നേരിടും.

പെരിന്തൽമണ്ണ -വളാഞ്ചേരി റൂട്ടിൽ കെഎസ്ആർടിസി വേണം: സമ്മേളനം

പെരിന്തൽമണ്ണ: നിരവധി ഹ്രസ്വ,ദീർഘദൂര യാത്രക്കാർ അന്വേഷണത്തിന് ആശ്രയിക്കുന്ന പട്ടാന്പിയിലെ കഐസ്ആർടിസി സ്റ്റേഷൻ മാസ്റ്റർ ഓഫീസ് ഉടൻ തുറന്ന് പ്രവർത്തിപ്പിക്കാൻ നടപടി സ്വീകരിക്കണമെന്നും യാത്രാക്ലേശം നേരിടുന്ന പെരിന്തൽമണ്ണ -വളാഞ്ചേരി സെക്ടറിൽ കഐസ്ആർടിസി ബസ് സർവീസ് ഏർപ്പെടുത്തണമെന്നും കഐസ്ആർടിഇഎ (സിഐടിയു) പെരിന്തൽമണ്ണ യൂണിറ്റ് സമ്മേളനം ആവശ്യപ്പെട്ടു. സിഐടിയു ജില്ലാ ട്രഷറർ ഇ.എൻ. ജിതേന്ദ്രൻ ഉദ്ഘാടനം ചെയ്തു. യൂണിറ്റ് പ്രസിഡന്‍റ് കെ.സി. ശശീന്ദ്രൻ അധ്യക്ഷത വഹിച്ചു. കെഎസ്ആർടിഇഎ (സിഐടിയു) സംസ്ഥാന സെക്രട്ടറി എസ്. സന്തോഷ്കുമാർ കേന്ദ്ര കമ്മിറ്റി റിപ്പോർട്ടും യൂണിറ്റ് സെക്രട്ടറി പി.കെ. സജീഷ് പ്രവർത്തന റിപ്പോർട്ടും ട്രഷറർ കെ. കൃഷ്ണദാസ് വരവ് ചെലവ് കണക്കുകളും അവതരിപ്പിച്ചു. സംസ്ഥാന സെക്രട്ടറി കെ. സന്തോഷ്, ജില്ലാ പ്രസിഡന്‍റ് എം. അബ്ദുറഹ്മാൻ, സെക്രട്ടറി പി.കെ. കൈരളീദാസ്, ടി. ദേവിക എന്നിവർ പ്രസംഗിച്ചു. എം.പി. ഉണ്ണികൃഷ്ണൻ രക്തസാക്ഷി പ്രമേയവും എ.എം. ബ്രിജേഷ് അനുശോചന പ്രമേയവും അവതരിപ്പിച്ചു. പുതിയ ഭാരവാഹികൾ: പി.കെ. സജീഷ് (പ്രസിഡന്‍റ്), കെ. രാമൻകുട്ടി (സെക്രട്ടറി), കെ. കൃഷ്ണദാസ് (ട്രഷറർ).

ജനങ്ങളെ തെറ്റിദ്ധരിപ്പിക്കുന്നുവെന്ന് സിപിഎമ്മിനെതിരേ അങ്ങാടിപ്പുറം പഞ്ചായത്ത് ഭരണസമിതി

അങ്ങാടിപ്പുറം: അങ്ങാടിപ്പുറം ഗ്രാമപഞ്ചായത്തിനെതിരെ സിപിഎം നടത്തുന്നത് വില കുറഞ്ഞ ആരോപണങ്ങളാണെന്ന് ഗ്രാമപഞ്ചായത്ത് ഭരണസമിതി നേതാക്കൾ. അങ്ങാടിപ്പുറത്തെ ഗതാഗതക്കുരുക്കിന്‍റെ പേര് പറഞ്ഞ് ജനങ്ങളെ തെറ്റിദ്ധരിപ്പിക്കുകയാണ് സിപിഎം ചെയ്യുന്നത്. ഗതാഗതക്കുരുക്ക് പരിഹരിക്കുന്നതിന് യുഡിഎഫ് യാതൊന്നും ചെയ്തിട്ടില്ലെന്ന് പറയുന്നത് അടിസ്ഥാനരഹിതമാണ്. കോട്ടക്കൽ റോഡിൽ നിന്ന് കോഴിക്കോട് റോഡിലേക്ക് നേരിട്ട് പ്രവേശിക്കുവാൻ സഹായിക്കുന്ന വലിയവീട്ടിൽപടി - ഓരോടംപാലം വീതികൂട്ടി റബറൈസ്ഡ് ചെയ്യുന്നതിന് 65 ലക്ഷം രൂപ പഞ്ചായത്ത് ഭരണസിമിതി വകയിരുത്തുകയും ഈ പ്രവൃത്തി നടന്നുവരികയുമാണ്. ചാത്തോലിക്കുണ്ട് റെയിൽവേ അണ്ടർപാസിന് അന്പത് ലക്ഷവും പഞ്ചായത്ത് വകയിരുത്തി. ഇതിനാവശ്യമായ ബാക്കി തുക കണ്ടെത്തുന്നതിന് ഭരണസമിതി കഠിനശ്രമത്തിലാണ്. അടുത്ത തവണ യുഡിഎഫ് പഞ്ചായത്തിൽ അധികാരത്തിലെത്തിയാൽ ആദ്യ പരിഗണന ഈ അണ്ടർപാസിനായിരിക്കുമെന്ന് ഭരണസമിതി നേതാക്കൾ പറഞ്ഞു. സംസ്ഥാനതലത്തിൽ യുഡിഎഫ് അധികാരത്തിലെത്തിയാൽ ഓരോടംപാലം -മാനത്തുമംഗലം ബൈപ്പാസ് യാഥാർഥ്യമാക്കുമെന്ന് സംസ്ഥാന നേതൃത്വം പഞ്ചായത്ത് ഭരണസമിതിക്ക് ഉറപ്പ് നൽകിയിട്ടുമുണ്ട്. അങ്ങാടിപ്പുറത്തെ ഗതാഗതക്കുരുക്കിന് പരിഹാരമായ ബൈപ്പാസ് യാഥാർഥ്യമാക്കുന്നതിന് ഒന്പത് വർഷമായി അധികാരത്തിലുള്ള എൽഡിഎഫ് സർക്കാർ യാതൊന്നും ചെയ്യാത്തതിൽ സിപിഎം പ്രവർത്തകർക്കുള്ള അമർഷം മനസിലാക്കി പഞ്ചായത്തിനെ മറയാക്കി അവരെ കബളിപ്പിക്കാനാണ് ചില സിപിഎം നേതാക്കൾ ശ്രമിക്കുന്നത്. ഇത് അംഗീകരിക്കാനാകില്ലെന്ന് പഞ്ചായത്ത് വൈസ് പ്രസിഡന്‍റ് ഷബീർ കറുമുക്കിൽ, ക്ഷേമകാര്യ സ്റ്റാൻഡിംഗ് ചെയർമാൻ സുനിൽബാബു വാക്കാട്ടിൽ, പഞ്ചായത്ത് അംഗം പി.പി. ഷിഹാബ് എന്നിവർ പറഞ്ഞു.

അറ്റകുറ്റപ്പണി നടത്തിയിട്ട് 15 വർഷം : വോട്ട് വേണമെങ്കിൽ റോഡ് വേണമെന്ന് പ്രദേശവാസികൾ

നിലന്പൂർ: വോട്ട് വേണമെങ്കിൽ റോഡ് വേണം. നിലന്പൂർ നഗരസഭയിലെ മുമ്മുള്ളി ഡിവിഷനിലെ നൂറിലധികം കുടുംബങ്ങളാണ് ഈ ആവശ്യം മുന്നോട്ട് വയ്ക്കുന്നത്. മയ്യന്താനി -വെള്ളിയന്പാടം കുറുന്തോട്ടുമണ്ണ റോഡാണ് കുഴികൾ നിറഞ്ഞ് യാത്രാ ക്ലേശം നേരിടുന്നത്. ഇതിന് പരിഹാരം കാണണമെന്നാണ് നാട്ടുകാർ ആവശ്യപ്പെടുന്നത്. ആര്യാടൻ മുഹമ്മദ് എംഎൽഎ ആയിരുന്ന സമയത്താണ് ഈ റോഡ് ടാറിംഗ് പ്രവൃത്തി നടത്തി ജനങ്ങൾക്ക് തുറന്ന് കൊടുത്തത്. റോഡ് ടാറിംഗ് നടത്തിയതുമായി ബന്ധപ്പെട്ട് അന്ന് സ്വകാര്യവ്യക്തി കോടതിയെ സമീപിച്ചതാണ് റോഡിന്‍റെ നിലവിലെ അവസ്ഥക്ക് കാരണം. വനംവകുപ്പിന്‍റെ കൂടി സ്ഥലത്ത് കൂടിയാണ് റോഡ് കടന്നുപോകുന്നതെന്ന കാരണത്താലാണ് റീ ടാറിംഗ് നടത്താതെ നീണ്ടുപോകുന്നത്. 2019 ലെ പ്രളയകാലത്തിലുൾപ്പെടെ ഈ റോഡ്, ബൈപ്പാസ് റോഡ് പോലെ ജനങ്ങൾക്ക് പ്രയോജനകരമായിരുന്നു. ജനപ്രതിനിധികൾ, ഉദ്യോഗസ്ഥർ എന്നിവർ ഉൾപ്പെടെ ഉപയോഗിച്ച റോഡാണിത്. നഗരസഭ ചെയർമാൻ മുൻകൈയെടുത്ത് വനംവകുപ്പ് ഉദ്യോഗസ്ഥരെ കൂടി പങ്കെടുപ്പിച്ച് സർവകക്ഷി യോഗം ചേർന്ന് നിലവിലെ വിഷയങ്ങൾക്ക് പരിഹാരം കാണണമെന്നും റോഡ് ടാറിംഗ് നടത്താനുള്ള നടപടി സ്വീകരിക്കണമെനുമാണ് നാട്ടുകാരുടെ ആവശ്യം. 15 വർഷത്തിലേറെയായി അറ്റകുറ്റപ്പണി നടത്താതെ തകർന്നു കിടക്കുകയാണ് റോഡ്. നിലന്പൂരിൽ ഉൾപ്പെടെ വനം വകുപ്പിന്‍റെ നിയന്ത്രണത്തിലുള്ള സ്ഥലങ്ങളിലൂടെ ടാറിംഗ് റോഡുകൾ ഉണ്ടെന്നാണ് പ്രദേശത്തെ കുടുംബങ്ങൾ പറയുന്നത്. അതിനാൽ ഈ റോഡ് മാത്രം സങ്കേതിക കാരണങ്ങൾ പറഞ്ഞ് നിഷേധിക്കരുത്. അടിയന്തരാവശ്യങ്ങൾക്ക് വാഹനങ്ങളെ വിളിച്ചാൽ പോലും വരാൻ കൂട്ടാക്കുന്നില്ല. വരുന്ന തദ്ദേശ തെരഞ്ഞെടുപ്പിൽ വോട്ട് വേണമെങ്കിൽ ആദ്യം റോഡ് ടാറിംഗ് നടത്തി ഗതാഗത യോഗ്യമാക്കണമെന്നാണ് പ്രദേശവാസികൾ പറയുന്നത്.

വ്യാപാരി വ്യവസായി സമിതി ചാരിറ്റി ബോക്സ് സ്ഥാപിക്കും

പെരിന്തൽമണ്ണ: വ്യാപാരി വ്യവസായി സമിതിയുടെ നേതൃത്വത്തിൽ ചികിത്സയ്ക്ക് സാന്പത്തിക പ്രയാസം അനുഭവിക്കുന്നവർക്ക് സഹായം നൽകുന്നതിന് വ്യാപാര സ്ഥാപനങ്ങളിൽ ചാരിറ്റി ബോക്സ് സ്ഥാപിക്കും. ഇതിന്‍റെ ഉദ്ഘാടനം പെരിന്തൽമണ്ണ ടൗണിൽ ഗൾഫ് ഓണിൽ ജോയിന്‍റ് ആർടിഒ എം. രമേഷ് സ്ഥാപന ഉടമ സലാം ഗൾഫോണിന് ചാരിറ്റി ബോക്സ് നൽകി നിർവഹിച്ചു. ഏരിയ സെക്രട്ടറി പി.പി. അബ്ബാസ്, യൂണിറ്റ് സെക്രട്ടറി മുഹമ്മദ് ഇക്ബാൽ, യൂണിറ്റ് പ്രസിഡന്‍റ് നെച്ചിയിൽ മൻസൂർ, എം. നവാസ്, ആർ.എസ്. റിയാസ്, കൈപ്പുള്ളി റിയാസ്, ശശിമാത, എം. ഷാഹുൽഹമീദ്, മോനു മുഹമ്മദ്, എ.ഒ.അക്ബർ, കെ.ടി.റീന, എ.നസീമ, കെ.പി. മുജീബ്, സുരേഷ് എന്ന അച്ചു, അനൂപ് പ്രിന്‍റ് ഓണ്‍ തുടങ്ങിയവർ പങ്കെടുത്തു.

പെരിന്തൽമണ്ണയിൽ ജോബ് സ്റ്റേഷൻ

പെരിന്തൽമണ്ണ: അഭ്യസ്തവിദ്യരായ തൊഴിലന്വേഷകർക്ക് യോഗ്യതയ്ക്കും നൈപുണ്യത്തിനും അനുസരിച്ചുള്ള തൊഴിലവസരങ്ങൾ ലഭ്യമാക്കുക എന്ന ലക്ഷ്യത്തോടെ വിജ്ഞാന കേരളം പദ്ധതിയുടെ ഭാഗമായി പെരിന്തൽമണ്ണ ബ്ലോക്ക് പഞ്ചായത്ത് ഓഫീസിൽ ജോബ് സ്റ്റേഷൻ പ്രവർത്തനമാരംഭിച്ചു. നജീബ് കാന്തപുരം എംഎൽഎ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്‍റ് അഡ്വ. എ.കെ. മുസ്തഫ അധ്യക്ഷത വഹിച്ചു. ജോയിന്‍റ് ബിഡിഒ സി. ഷൗക്കത്തലി, ബ്ലോക്ക് പഞ്ചായത്ത് വൈസ് പ്രസിഡന്‍റ് വനജ കുന്നത്ത്, വെട്ടത്തൂർ ഗ്രാമപഞ്ചായത്ത് പ്രസിഡന്‍റ് മുസ്തഫ, പുലാമന്തോൾ ഗ്രാമപഞ്ചായത്ത് പ്രസിഡന്‍റ് സൗമ്യ, ജില്ലാ ഫെസിലിറ്റേറ്റർ എം. ശ്രീധരൻ, ബ്ലോക്ക് കോ ഓർഡിനേറ്റർ എം. ഗോപാലൻ, ജനറൽ എക്സ്റ്റൻഷൻ ഓഫീസർ എ.പി. രാകേഷ് എന്നിവർ പ്രസംഗിച്ചു. ബ്ലോക്ക് പഞ്ചായത്ത് മെംബർമാരായ അബ്ദുൾ അസീസ്, പി.കെ. അയമു, മുഹമ്മദ് നഹീം, കെ. ഗിരിജ, പ്രബീന ഹബീബ്, റജീന, കമലം, ഉമ്മുസെൽമ പാലോത്ത്, എൻ. വാസുദേവൻ, ഉദ്യോഗസ്ഥർ എന്നിവർ പങ്കെടുത്തു.

പെൻകാക് സിലാറ്റ് ചാന്പ്യൻഷിപ്പിൽ റിഫയ്ക്ക് സ്വർണം

അങ്ങാടിപ്പുറം: തിരുവനന്തപുരം കാര്യവട്ടം സായ് ലക്ഷ്മിഭായി നാഷണൽ കോളജ് ഓഫ് ഫിസിക്കൽ എഡ്യുക്കേഷൻ സ്റ്റേഡിയത്തിൽ സമാപിച്ച ഖേലോ ഇന്ത്യ വിമൻസ് ലീഗ് പെൻകാക് സിലാറ്റ് ചാന്പ്യൻഷിപ്പിൽ (ജൂണിയർ വിഭാഗം) ഫൈറ്റിംഗ് വിഭാഗത്തിൽ പരിയാപുരം സെന്‍റ് മേരീസ് ഹയർ സെക്കൻഡറി സ്കൂളിലെ പത്താംക്ലാസ് വിദ്യാർഥിനി പി.കെ.റിഫ സ്വർണ മെഡൽ നേടി. കരാട്ടെ, യോഗ, ബോക്സിംഗ്, കളരി എന്നീ ഇനങ്ങളിലും റിഫ മെഡൽ നേടിയിട്ടുണ്ട്. കട്ടുപ്പാറ ഐഡികെവൈ മാർഷ്യൽ ആർട്സിലെ വി.കെ.നബീൽ, കെ.സരള എന്നിവരുടെ കീഴിലാണ് റിഫ പരിശീലനം നേടുന്നത്. കട്ടുപ്പാറ ചേലക്കാട് സ്വദേശി പുല്ലാനിക്കാട്ടിൽ പി.കെ.അബ്ദുൾ ഗഫൂറിന്‍റെയും കെ.റനീഷയുടെയും മകളാണ്.

മഞ്ചേരി ജനറൽ ആശുപത്രി: യുഡിഎഫ് നിവേദനം നൽകി

മഞ്ചേരി: മഞ്ചേരിയിലെ ശിഹാബ് തങ്ങൾ സ്മാരക ജനറൽ ആശുപത്രി താനൂരിലേക്ക് മാറ്റാനുള്ള നീക്കത്തിൽ നിന്ന് സർക്കാർ പിൻമാറണമെന്നാവശ്യപ്പെട്ട് യുഡിഎഫ് മുനിസിപ്പൽ കമ്മിറ്റി ജില്ലാ കളക്ടർ വി.ആർ. വിനോദ്, ജില്ലാ മെഡിക്കൽ ഓഫിസർ ഡോ. ആർ. രേണുക എന്നിവർക്ക് നിവേദനം നൽകി. ദിനംപ്രതി ആയിരക്കണക്കിന് രോഗികളാണ് ആശുപത്രിയെ ആശ്രയിക്കുന്നത്. ജില്ലയിലെ ഏക ജനറൽ ആശുപത്രിയാണ് മഞ്ചേരിയിലേത്. മെഡിക്കൽ കോളജാക്കി ഉയർത്തിയെങ്കിലും ജനറൽ ആശുപത്രിയിലെ ഡോക്ടർമാരെയും മറ്റു ജീവനക്കാരെയും ഉപയോഗിച്ചാണ് ആശുപത്രിയുടെ പ്രവർത്തനം മുന്നോട്ടുപോകുന്നത്. തീരദേശ മേഖലയായ താനൂരിൽ പുതിയ ജനറൽ ആശുപത്രി ആരംഭിക്കുന്നതിന് യുഡിഎഫ് എതിരല്ല. എന്നാൽ മഞ്ചേരിയിലെ ജനറൽ ആശുപത്രി മഞ്ചേരിയിൽ തന്നെ നിലനിർത്തുന്നതിന് ആവശ്യമായ നടപടി സ്വീകരിക്കണമെന്ന് നിവേദനത്തിലൂടെ ആവശ്യപ്പെട്ടു. സർക്കാർ നീക്കത്തിൽ പ്രതിഷേധിച്ച് 21ന് യുഡിഎഫ് മെഡിക്കൽ കോളജിലേക്ക് മാർച്ച് നടത്തും. അഡ്വ. യു.എ. ലത്തീഫ് എംഎൽഎ, മുസ്ലിം ലീഗ് ജില്ലാ സെക്രട്ടറി പി. അബ്ദുൾ ഹമീദ് എംഎൽഎ, നഗരസഭ ചെയർപേഴ്സണ്‍ വി.എം. സുബൈദ, വൈസ് ചെയർമാൻ വി.പി. ഫിറോസ്, യുഡിഎഫ് നേതാക്കളായ ഹനീഫ മേച്ചേരി, കെ.കെ.ബി. മുഹമ്മദാലി, കബീർ നെല്ലിക്കുത്ത്, ഹുസൈൻ വല്ലാഞ്ചിറ, ഹുസൈൻ പുല്ലഞ്ചേരി തുടങ്ങിയവർ സംബന്ധിച്ചു.

ലൈവ്‌ലി ഹുഡ് സർവീസ് സെന്‍റർ ആരംഭിച്ചു

എടക്കര: കുടുംബശ്രീ ജില്ലാ മിഷൻ, വഴിക്കടവ് ഗ്രാമപഞ്ചായത്ത് കുടുംബശ്രീ മോഡൽ സിഡിഎസ് സംയോജിത കൃഷി ക്ലസ്റ്ററിന്‍റെ ഭാഗമായി ലൈവ്‌ലി ഹുഡ് സർവീസ് സെന്‍റർ ആരംഭിച്ചു. സെന്‍ററിന്‍റെ ഉദ്ഘാടനം ആര്യാടൻ ഷൗക്കത്ത് എംഎൽഎ നിർവഹിച്ചു. വഴിക്കടവ് ഗ്രാമപഞ്ചായത്ത് പ്രസിഡന്‍റ് തങ്കമ്മ നെടുന്പടി അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്‍റ് പി. പുഷ്പവല്ലി സന്ദേശം നൽകി. ജില്ലാമിഷൻ കോ ഓർഡിനേറ്റർ സുരേഷ് കുമാർ, ഡിപിഎം പി.എം. മൻഷുബ എന്നിവർ പദ്ധതി വിശദീകരണം നടത്തി. ബ്ലോക്ക് പഞ്ചായത്ത് വൈസ് പ്രസിഡന്‍റ് പാത്തുമ്മ ഇസ്മായിൽ, പഞ്ചായത്ത് വൈസ് പ്രസിഡന്‍റ് റെജി ജോസഫ്, സ്റ്റാൻഡിംഗ് കമ്മിറ്റി ചെയർപേഴ്സണ്‍മാരായ സിന്ധുരാജൻ, ഹഫ്സത്ത് പുളിക്കൽ, ജയ്മോൾ വർഗീസ്, പി.കെ. അബ്ദുൾ കരീം, മുജീബ് തുറയ്ക്കൽ, മിനി അശോകൻ എസ്. ശരത്ത് കൃഷ്ണ, സിഡിഎസ് പ്രസിഡന്‍റ് എലിസബത്ത് മാത്യു തുടങ്ങിയവർ പ്രസംഗിച്ചു.

വെറ്റിലപ്പാറയിൽ വൈഎംസിഎ ആംബുലൻസ് സർവീസ്

വെറ്റിലപ്പാറ: ജീവകാരുണ്യ രംഗത്ത് കാൽനൂറ്റാണ്ടിലധികമായി പ്രവർത്തിക്കുന്ന വെറ്റിലപ്പാറ വൈഎംസിഎ യുടെ ആംബുലൻസ് സർവീസ് വൈഎംസിഎ നാഷണൽ പ്രസിഡന്‍റ് ഡോ. വിൻസന്‍റ് ജോർജ് ഫ്ളാഗ് ഓഫ് ചെയ്തു. തുടർന്ന് വെറ്റിലപ്പാറ വൈഎംസിഎ ഹാളിൽ ചേർന്ന പൊതുസമ്മേളനം ഡോ. വിൻസന്‍റ് ജോർജ് ഉദ്ഘാടനം ചെയ്തു. പ്രസിഡന്‍റ് പി.എസ്. സേവ്യർ അധ്യക്ഷത വഹിച്ചു. ഫാ. ജോസഫ് വടക്കേൽ അനുഗ്രഹ പ്രഭാഷണം നടത്തി. വൈഎംസിഎ കോഴിക്കോട് സബ് റീജിയൻ ചെയർമാൻ ജേക്കബ് ജോണ്‍, വൈഎംസിഎ നാഷണൽ എക്സിക്യൂട്ടീവ് അംഗങ്ങളായ വി.എം. മത്തായി, സാമുവൽ, പഞ്ചായത്ത് മെംബർ ദീപ രജിദാസ്, ഹോളി ക്രോസ് കോണ്‍വെന്‍റ് സ്കൂൾ പ്രിൻസിപ്പൽ സിസ്റ്റർ സ്മിത, വനിതാ ഫോറം സെക്രട്ടറി എം.പി. ബബ്ലു, വൈഎംസിഎ വൈസ് പ്രസിഡന്‍റ് എം.സി. ജോസ്, ജോയിന്‍റ് സെക്രട്ടറി ജോയ് ജോർജ് എന്നിവർ പ്രസംഗിച്ചു. മുൻ സെക്രട്ടറി ജോസ് അബ്രഹാം ആംബുലൻസ് പ്രൊജക്ട് അവതരണം നടത്തി. ചടങ്ങിൽ ആംബുലൻസ് ഡ്രൈവർമാരെ വൈഎംസിഎ നാഷണൽ പ്രസിഡന്‍റ് പൊന്നാടയണിയിച്ച് ആദരിച്ചു.

കാട്ടുപന്നി ശല്യം രൂക്ഷം: 13 പന്നികളെ വെടിവച്ച് കൊന്നു

നിലന്പൂർ: മന്പാട് പഞ്ചായത്തിൽ കാട്ടുപന്നി വേട്ട. ഒറ്റ ദിവസം വെടിവച്ച് കൊന്നത് 13 കാട്ടുപന്നികളെ. കാട്ടുപന്നി ശല്യം രൂക്ഷമായ മന്പാട് പഞ്ചായത്തിലെ കാട്ടുമുണ്ട വാർഡിലെ പള്ളിപ്പടി, ചെമ്മരം, കൂട്ടിലങ്ങാടി, കാട്ടുമുണ്ട ഭാഗങ്ങളിലായി ഇറങ്ങിയ കാട്ടുപന്നികളെയാണ് മന്പാട് ഗ്രാമപഞ്ചായത്ത് ചുമതലപ്പെടുത്തിയ തോക്ക് ലൈസൻസുള്ള ഷൂട്ടർ പത്തപ്പിരിയം സ്വദേശി അഹമ്മദ് നിസാർ വെടിവച്ച് കൊന്നത്. തുടർന്ന് വനപാലകരുടെ സാന്നിധ്യത്തിൽ മണ്ണെണ്ണ ഒഴിച്ച് ജഡങ്ങൾ കുഴിച്ചിട്ടു. മന്പാട് പഞ്ചായത്തിന്‍റെ വിവിധ ഭാഗങ്ങളിൽ കാട്ടുപന്നി ശല്യം വർധിച്ചിട്ടുണ്ട്. കഴിഞ്ഞ മാസം രണ്ടു ദിവസങ്ങളിലായി കാട്ടുപന്നികളുടെ ആക്രമണങ്ങളിൽ ഏഴ് പേർക്ക് പരിക്കേറ്റിരുന്നു. സ്വകാര്യ സ്ഥലങ്ങളിലെ കുറ്റിക്കാടുകളിലും ചതുപ്പുനിലങ്ങളിലുമായി നൂറുക്കണക്കിന് കാട്ടുപന്നികളാണുള്ളത്. രാത്രികാലങ്ങളിൽ കൃഷിയിടങ്ങളിലേക്ക് ഇറങ്ങുന്ന കാട്ടുപന്നികൾ പുലർച്ചെയാണ് മടങ്ങുന്നത്. ടാപ്പിംഗ് തൊഴിലാളികൾ, പ്രഭാത സവാരിക്കാർ, തൊഴിലാളികൾ, മദ്രസകളിലേക്ക് പോകുന്ന കുട്ടികൾ ഉൾപ്പെടെ കാട്ടുപന്നി ശല്യം മൂലം ഭീതിയിലാണ്. വരും ദിവസങ്ങളിലും പന്നികളെ വെടിവച്ച് കൊല്ലാൻ നടപടി ഉണ്ടാകുമെന്ന് കാട്ടുമുണ്ട വാർഡ് അംഗം വെള്ളംകുന്നൻ ശിഹാബ് പറഞ്ഞു.

ചാലിയാർ മൈലാടിപൊട്ടിയിൽ കാട്ടാന വീടിന്‍റെ മതിൽ തകർത്തു

രണ്ട് മാസത്തിനിടയിൽ തകർത്തത് ഏഴ് വീടുകളുടെ മതിലുകൾ നിലന്പൂർ: നിലന്പൂർ മൈലാടിപൊട്ടിയിൽ കാട്ടാന വീടിന്‍റെ മതിൽ തകർത്തു. സ്വകാര്യസ്ഥലത്തെ മതിലും തകർത്തു. മൈലാടിപൊട്ടി നിവാസികൾ ആശങ്കയിൽ. രണ്ട് മാസത്തിനിടയിൽ കാട്ടാന തകർത്തത് പ്രദേശത്തെ ഏഴ് വീടുകളുടെ മതിലുകളാണ്. പുത്തൻവീട്ടിൽ സാബുവിന്‍റെ വീടിന് മുന്നിലെ മതിലാണ് തകർത്തത്. ഇന്നലെ പുലർച്ചെ 4.30 ഓടെയാണ് വീടിന്‍റെ മുന്നിലെ മതിൽ തകർത്തതെന്ന് സാബു പറഞ്ഞു. ആന മതിൽ പൊളിക്കുന്ന ശബ്ദം കേട്ടെങ്കിലും ഭയം കൊണ്ട് പുറത്തിറങ്ങിയില്ലെന്നും ചിന്നംവിളിക്കുന്നത് കേട്ടുവെന്നും നേരം പുലർന്ന് നോക്കുന്പോഴാണ് മതിൽ തകർത്ത നിലയിൽ കണ്ടതെന്നും സാബു പറഞ്ഞു. മഞ്ചേരി സ്വദേശി ഫെബിൻ പണ്ടപ്പാടന്‍റെ മൈലാടിയിലെ സ്ഥലത്ത് നിർമിച്ച മതിലും തകർത്തിട്ടുണ്ട്. മൈലാടിപൊട്ടി പുളിക്കൽ ബാലചന്ദ്രന്‍റെ വീടിന്‍റെ മുൻഭാഗത്തും നാശനഷ്ടം വരുത്തി. ഇവിടെയുള്ള 30 രാസവള ചാക്കുകൾ വലിച്ചെറിഞ്ഞ ശേഷമാണ് കാട്ടാന മതിൽ തകർത്തത്. 200 ലേറെ കുടുബങ്ങൾ താമസിക്കുന്നിടത്തായിരുന്നു കാട്ടാനയുടെ പരാക്രമം. പ്രശ്നത്തിൽ അധികൃതർ ശക്തമായ നടപടി സ്വീകരിക്കണമെന്ന് നിലന്പൂർ ബ്ലോക്ക് പഞ്ചായത്തംഗം സഹൽ അകന്പാടം ആവശ്യപ്പെട്ടു. നാട്ടിലിറങ്ങുന്ന കൊന്പൻ നിരന്തരം വീടുകളുടെ മതിലുകൾ തകർക്കുകയാണ്. മൂന്ന് കൊന്പനാനകൾ ഉൾപ്പെടെ ഏഴ് ആനകളാണ് മൈലാടിപൊട്ടി ഭാഗങ്ങളിൽ കാണപ്പെടുന്നത്. പൊക്കോട് വനമേഖലയിൽ നിന്നാണ് കാട്ടാനകൾ ഇറങ്ങുന്നത്. രാത്രി മൈലാടിപൊട്ടിയിൽ കാട്ടാന ഇറങ്ങിയതായി അറിയിച്ചതോടെ അകന്പാടം വനം സ്റ്റേഷനിലെ വനപാലകരും ദ്രുതകർമസേനയും എത്തി കാട്ടാനയെ സമീപത്തെ വനമേഖലയിലേക്ക് കയറ്റി വിട്ടിരുന്നെങ്കിലും പുലർച്ചെ എത്തിയാണ് മതിലുകൾ തകർത്തതെന്ന് അകന്പാടം ഡെപ്യൂട്ടി റേഞ്ചർ വി.കെ. മുഹസിൻ പറഞ്ഞു. വന്യമൃഗ വിഷയത്തിൽ എംപി, എംഎൽഎ ഉൾപ്പെടെ ജനപ്രതിനിധികൾ ഇടപെടണമെന്ന് നാട്ടുകാരും ആവശ്യപ്പെട്ടു.

ഭിന്നശേഷിക്കാരനോട് കണ്ടക്ടർ മോശമായി പെരുമാറിയ സംഭവം; ബസിന്‍റെ പെർമിറ്റ് റദ്ദാക്കാൻ ശിപാർശ

പെരിന്തൽമണ്ണ: ഭിന്നശേഷിക്കാരനായ എട്ടാംക്ലാസ് വിദ്യാർഥിയോട് ബസിൽ മോശമായി പെരുമാറിയ കണ്ടക്ടർക്കെതിരെ ശിക്ഷാനടപടി സ്വീകരിക്കും. ബസിന്‍റെ പെർമിറ്റ് റദ്ദാക്കാൻ പെരിന്തൽമണ്ണ ജോയിന്‍റ് ആർടിഒ പാലക്കാട് ആർടിഒയ്ക്ക് കത്ത് നൽകി. പെരിന്തൽമണ്ണ പൊന്ന്യാകുർശി കിഴിശേരി സൈനുദ്ദീന്‍റെ പരാതിയിലാണ് നടപടി. പെരിന്തൽമണ്ണ ബോയ്സ് ഹൈസ്കൂളിലെ എട്ടാം ക്ലാസിൽ പഠിക്കുന്ന 75 ശതമാനം ശാരീരിക അവശതയുള്ള മകൻ ബസിൽ സഞ്ചരിക്കുന്പോൾ യാത്രക്കാർക്കും വിദ്യാർഥികൾക്കുമി ടയിൽ വച്ച് ഭിന്നശേഷിയെ അപമാനിക്കും വിധം സംസാരിച്ചതായാണ് പിതാവിന്‍റെ പരാതി. കണ്ടക്ടർ മോശമായ പെരുമാറിയത് വിദ്യാർഥിക്ക് മാനസിക പ്രയാസത്തിനിടയാക്കിയെന്നും പരാതിയിൽപറയുന്നു. ജൂണ്‍ 26 ന് വൈകുന്നേരം സ്കൂൾ വിട്ട് മടങ്ങുന്പോഴാണ് സംഭവം. പെരിന്തൽമണ്ണ - മണ്ണാർക്കാട് റൂട്ടിലോടുന്ന പിടിവി ബസിലെ കണ്ടക്ടറായ മണ്ണാർക്കാട് നാട്ടുകൽ സായിവാനിൽ വീരാൻ എന്ന കണ്ടക്ടറാണ് മോശമായി പെരുമാറിയതെന്ന് സംഭവത്തെക്കുറിച്ച് അന്വേഷിച്ച എഎംവിഐ മുഹമ്മദ് ബഷീർ സമർപ്പിച്ച റിപ്പോർട്ടിൽ പറയുന്നു. ഇയാൾ സംഭവ ദിവസം കാലാവധി കഴിഞ്ഞ കണ്ടക്ടർ പാസ് ഉപയോഗിച്ചാണ് ജേലി ചെയ്തതെന്നും ഇയാളുടെ കണ്ടക്ടർ പാസ് കാലാവധി 2021 ഫെബ്രുവരിയിൽ കാലഹരണപ്പെട്ടതായും കാലാവധിയില്ലാത്ത പാസ് ഉപയോഗിച്ച് കണ്ടക്ടർ ജോലി ചെയ്യിച്ചതിന് ബസിന്‍റെ ആർസി ഉടമയും നിയമലംഘനം നടത്തിയതായും അന്വേഷണ റിപ്പോർട്ടിലുണ്ട്. റിപ്പോർട്ടിന്‍റെ അടിസ്ഥാനത്തിൽ പെരിന്തൽമണ്ണ ജോയിന്‍റ് ആർടിഒ ഓഫീസ് മുന്പാകെ ഹാജരാകാൻ കണ്ടക്ടർ, ആർസി ഉടമ എന്നിവരോട് ആവശ്യപ്പെട്ടെങ്കിലും കൂട്ടാക്കിയില്ല. ഇതേത്തുടർന്നാണ് പാലക്കാട് ജില്ലയിലെ ആർടിഒയോട് ശിക്ഷനടപടി ആവശ്യപ്പെട്ട് പെരിന്തൽമണ്ണ ജോയിന്‍റ് ആർടിഒ കത്ത് നൽകിയത്.

കാറും ബൈക്കും കൂട്ടിയിടിച്ച് യുവാവ് മരിച്ചു

പെരിന്തൽമണ്ണ: പെരിന്തൽമണ്ണ - ചെർപ്പുളശേരി റോഡിൽ ആനമങ്ങാട് കൃഷ്ണപ്പടിയിൽ കാറും ബൈക്കും കൂട്ടിയിടിച്ച് യുവാവ് മരിച്ചു. ആനമങ്ങാട് ഓടമല വട്ടപ്പറന്പിൽ മുഹമ്മദലിയുടെ മകൻ മുഹമ്മദ് ആഷിഖ് (23) ആണ് മരിച്ചത്. ഇൻഡസ്ട്രിയൽ ജോലിക്കാരനാണ്ആഷിക്. മാതാവ്: ഹാജറ. സഹോദരങ്ങൾ: അർഷിദ (മാവുണ്ടിരി), ഹാഷിം (വിദ്യാർഥി).

മലയാളി വിദ്യാർഥി മടിക്കേരിയിൽ വാഹനാപകടത്തിൽ മരിച്ചു

എടക്കര: പോത്തുകൽ സ്വദേശിയയ വിദ്യാർഥി കർണാടകയിലെ മടിക്കേരിയിൽ വാഹനാപകടത്തിൽ മരിച്ചു. മുണ്ടേരി കല്ലുങ്ങൽ സെയ്നുദീന്‍റെ മകൻ സെയ്നുൽ ഫാരിസാണ് (21) മരിച്ചത്. പഠനത്തിന്‍റെ ഭാഗമായുള്ള ഇന്േ‍റണ്‍ഷിപ്പിനാണ് യുവാവ് കർണാടകയിലെ കൂർഗിലെത്തിയത്. ബുധനാഴ്ച രാവിലെ സുഹൃത്തിനെ യാത്രയാക്കാൻ ബൈക്കിൽ പോകുന്പോൾ മടിക്കേരിയിൽ വച്ച് ബൈക്ക് തെന്നി മറിഞ്ഞ് അപകത്തിൽപെടുകയായിരുന്നു. അപകട സ്ഥലത്ത് തന്നെ സെയ്നുൽ ഫാരിസ് മരിച്ചു. പുലർച്ചെ അഞ്ചരക്കായിരുന്നു അപകടം. ഒപ്പമുണ്ടായിരുന്ന സുഹൃത്തുക്കൾക്ക് പരിക്കേറ്റു. വീട്ടിലേക്ക് വരാനിരിക്കെയാണ് ഇന്നലെ അപകടമുണ്ടായത്. സൈറാബാനുവാണ് മാതാവ്. സഹോദരങ്ങൾ: സൈബാൻ യൂസുഫ്, ഷഹല ജാസ്മിൻ. കബറടക്കം ഇന്ന് രാവിലെ പത്തിന് മുണ്ടേരി മഹല്ല് കബർസ്ഥാനിൽ.

ചാലിയാർ പഞ്ചായത്തിൽ പന്നിവേട്ട തുടങ്ങി

നിലന്പൂർ: ചാലിയാർ പഞ്ചായത്തിൽ കാട്ടുപന്നി വേട്ട തുടങ്ങി. ഒറ്റരാത്രി കൊണ്ട് വെടിവച്ചിട്ടത് 12 കാട്ടുപന്നികളെ. വൈലാശേരി ഭാഗത്തെ കൃഷിയിടങ്ങളിലേക്ക് എത്തിയ പന്നികളെയാണ് ചാലിയാർ ഗ്രാമപഞ്ചായത്ത് ചുമതലപ്പെടുത്തിയ ഷൂട്ടർമാർ വെടിവച്ച്് വീഴ്ത്തിയത്. ശല്യക്കാരായ മുഴുവൻ കാട്ടുപന്നികളെയും ഒരു മാസത്തിനുള്ളിൽ വെടിവച്ച് കൊല്ലുന്ന പദ്ധതിക്കാണ് പഞ്ചായത്തിൽ തുടക്കമായത്. തോക്ക് ലൈസൻസുള്ള 17 ഷൂട്ടർമാരെയാണ് ഇതിനായി നിയമിച്ചിട്ടുള്ളത്. ജില്ലയിൽ തന്നെ ഇത്രയേറെ ഷൂട്ടർമാരെ ഒന്നിച്ചിറക്കി കാട്ടുപന്നികളെ വെടിവച്ച് കൊല്ലുന്നത് ആദ്യമായാണ്. പന്നി ശല്യം രൂക്ഷമായ പഞ്ചായത്തുകളിൽ ഒന്നാണ് ചാലിയാർ പഞ്ചായത്ത്. വനമേഖലകളോട് അതിർത്തി പങ്കിടുന്ന പഞ്ചായത്താണിത്. നിലന്പൂർ മേഖലയിലെ പ്രധാന രണ്ട് വനമേഖലകളായ മൂവായിരം, പന്തീരായിരം വനമേഖലകൾ ഈ പഞ്ചായത്തിലാണ്. മലപ്പുറം ജില്ലയിലെ പ്രധാന ഷൂട്ടർമാരിൽ ഒരാളായ വഴിക്കടവ് സ്വദേശി മൂച്ചിക്കോടൻ ഗഫൂർ ഉൾപ്പെടെ ഷൂട്ടർ സംഘത്തിലുണ്ട്.

ഏഴു താലൂക്കുകളിലായി 2187 പട്ടയങ്ങൾ വിതരണം ചെയ്തു

മലപ്പുറം: എല്ലാവർക്കും ഭൂമി, എല്ലാ ഭൂമിക്കും രേഖ, എല്ലാ സേവനങ്ങളും സ്മാർട്ട്, രഹിതരായ മുഴുവൻ ആളുകളെയും ഭൂമിയുടെ അവകാശികളാക്കുക എന്നീ ലക്ഷ്യങ്ങളോടെ ജില്ലയിലെ ഏഴു താലൂക്കുകളിലായി നടന്ന പട്ടയമേളയിൽ 2187 പട്ടയങ്ങൾ വിതരണം ചെയ്തു. എല്ലാ താലൂക്കുകളിലെയും പട്ടയമേളയുടെ ഉദ്ഘാടനം റവന്യൂ-ഭവന നിർമാണ വകുപ്പു മന്ത്രി കെ.രാജൻ ഓണ്‍ലൈനായി നിർവഹിച്ചു. മലപ്പുറം ജില്ലയിൽ ഇന്നലെ 2187 പട്ടയങ്ങൾ വിതരണം ചെയ്തു. ഇതിൽ 2032 ലാൻഡ് ട്രിബ്യൂണൽ പട്ടയങ്ങളും 155 ഭൂപതിവ് പട്ടയങ്ങളും ഉൾപ്പെടും. തിരൂരിൽ 258, മഞ്ചേരിയിൽ 410, തിരൂരങ്ങാടിയിൽ 750 ലാൻഡ് ട്രിബ്യൂണൽ പട്ടയങ്ങളും 614 ദേവസ്വം പട്ടയങ്ങളുമാണ് വിതരണം ചെയ്തത്. കൊണ്ടോട്ടി മോയിൻകുട്ടി വൈദ്യർ അക്കാഡമി ഹാളിൽ നടന്ന കൊണ്ടോട്ടി താലൂക്ക് പട്ടയമേളയിൽ 110 പട്ടയങ്ങൾ വിതരണം ചെയ്തു. ഇതിൽ 23 എൽഎ പട്ടയങ്ങളും മൂന്ന് ലക്ഷംവീട് പട്ടയങ്ങളും 84 ലാൻഡ് ട്രിബ്യൂണൽ പട്ടയങ്ങളും ഉൾപ്പെടുന്നു. ചടങ്ങിൽ ജില്ലാ കളക്ടർ വി.ആർ. വിനോദ്, ബ്ലോക്ക് പഞ്ചായത്ത് പ്രസിഡന്‍റ് കെ. ബിന്ദു, പള്ളിക്കൽ ഗ്രാമപഞ്ചായത്ത് പ്രസിഡന്‍റ് സി.കെ. അബ്ബാസ്, വിവിധ രാഷ്ട്രീയ പാർട്ടി പ്രതിനിധികളായ മോഹൻദാസ്, അഡ്വ. കെ.കെ. സമദ്, ചുക്കാൻ മുഹമ്മദലി, പി.കെ.സി. അബ്ദുറഹിമാൻ, കൊണ്ടോട്ടി തഹസിൽദാർ ജി. അനിത, എൽആർ തഹസിൽദാർ എ. മുഹമ്മദ് മുനീർ തുടങ്ങിയവർ പങ്കെടുത്തു. തിരൂർ സാംസ്കാരിക സമുച്ചയത്തിൽ നടന്ന തിരൂർ താലൂക്ക്തല പട്ടയമേളയിൽ 215 പട്ടയങ്ങൾ വിതരണം ചെയ്തു. കുറുക്കോളി മൊയ്തീൻ എംഎൽഎ അധ്യക്ഷനായിരുന്നു. 61 എൽഎ പട്ടയങ്ങളും 154 ലാൻഡ് ട്രിബ്യൂണൽ പട്ടയങ്ങളുമാണ് വിതരണം ചെയ്തത്. തിരൂരങ്ങാടി ബ്ലോക്ക് പഞ്ചായത്ത് ഓഡിറ്റോറിയത്തിൽ നടന്ന പട്ടയമേളയിൽ 272 പട്ടയങ്ങൾ വിതരണം ചെയ്തു. കെ.പി.എ.മജീദ് എംഎൽഎ അധ്യക്ഷത വഹിച്ചു. തിരൂരങ്ങാടി നിയോജക മണ്ഡലത്തിലെ 44 പട്ടയങ്ങളും വേങ്ങര നിയോജകമണ്ഡലത്തിലെ 51 പട്ടയങ്ങളും വള്ളിക്കുന്ന് നിയോജകമണ്ഡത്തിലെ 81 പട്ടയങ്ങളും വിതരണം ചെയ്തു. മലപ്പുറം കളക്ടറേറ്റ് കോണ്‍ഫറൻസ് ഹാളിൽ നടന്ന ഏറനാട് താലൂക്ക് പട്ടയമേളയിൽ 219 പട്ടയങ്ങൾ വിതരണം ചെയ്തു. ഇതിൽ 140 ലാൻഡ് ട്രിബ്യൂണൽ പട്ടയങ്ങളും 78 ദേവസ്വം പട്ടയങ്ങളും ഒരു ലക്ഷംവീട് പട്ടയവും ഉൾപ്പെടുന്നു. പി. ഉബൈദുള്ള എംഎൽഎ അധ്യക്ഷനായിരുന്നു. നിലന്പൂർ വ്യാപാര ഭവനിൽ നടന്ന പട്ടയമേളയിൽ 116 പട്ടയങ്ങൾ വിതരണം ചെയ്തു. 105 ലാൻഡ് ട്രിബ്യൂണൽ പട്ടയങ്ങളും 11 ദേവസ്വം പട്ടയങ്ങളും വിതരണം ചെയ്തു. ആര്യാടൻ ഷൗക്കത്ത് എംഎൽഎ അധ്യക്ഷത വഹിച്ചു. പൊന്നാനി താലൂക്കിൽ 145 പട്ടയങ്ങൾ വിതരണം. ചെയ്തു. പി. നന്ദകുമാർ എംഎൽഎ അധ്യക്ഷത വഹിച്ചു. മങ്കട ബ്ലോക്ക് പഞ്ചായത്ത് ഹാളിൽ നടന്ന പെരിന്തൽമണ്ണ പട്ടയ മേളയിൽ 162 പട്ടയങ്ങൾ വിതരണം ചെയ്തു. എംഎൽഎമാരായ നജീബ് കാന്തപുരം, മഞ്ഞളാംകുഴി അലി, ഗ്രാമപഞ്ചായത്ത് പ്രസിഡന്‍റുമാരായ കെ. സോഫിയ, അഡ്വ. അസ്കറലി സബ് കളക്ടർ അപൂർവ ത്രിപാഠി രാഷ്ട്രീയ പാർട്ടി പ്രതിനിധികൾ പങ്കെടുത്തു.

‘കെഎൻജി റോഡിലെ കുഴികളടച്ച് സഞ്ചാര യോഗ്യമാക്കണം’

നിലന്പൂർ: ചന്തക്കുന്ന് മുതൽ വെളിയംതോട് ഭാഗം വരെയുള്ള കഐൻജി റോഡിലെ കുഴികൾ അടിയന്തരമായി അടച്ച് ഗതാഗത യോഗ്യമാക്കണമെന്ന് ഓൾ കേരള ബസ് ഓപ്പറേറ്റേഴ്സ് ഓർഗനൈസേഷൻ നിലന്പൂർ താലൂക്ക് കമ്മിറ്റി ആവശ്യപ്പെട്ടു. നിലവിൽ വാഹനങ്ങൾ ഈ ഭാഗത്ത് നിർത്തി കയറിയിറങ്ങി പോകുന്നതിനാൽ റോഡിൽ വലിയ ഗതാഗതകുരുക്കാണ് നേരിടുന്നത്. കോഴിക്കോട് - നിലന്പൂർ -ഗൂഢല്ലൂർ പാതയായതിനാൽ ആയിരക്കണക്കിന് വാഹനങ്ങൾ പോകുന്ന റോഡാണിത്. റോഡ് തകർന്നതിനാൽ വെളിയംതോട് മുതൽ ചന്തക്കുന്ന് വരെയുള്ള ഒരു കിലോമീറ്റർ ഭാഗം കടന്നുപോകാൻ 15 മിനിറ്റിലേറെ വേണ്ടിവരുന്നു. കുഴികളിലൂടെ പോകുന്ന ചെറുവാഹനങ്ങളുടെ പിന്നിൽ വരുന്ന ബസുകൾക്ക് ഏറെ സമയം ഗതാഗതക്കുരുക്കിൽപ്പെട്ട് നിർത്തിയിടേണ്ടി വരുന്നതിനാൽ ബസുകളുടെ ട്രിപ്പുകൾ മുടങ്ങുകയാണെന്ന് ഭാരവാഹികൾ പറഞ്ഞു. കുഴികളിൽ വെള്ളം കെട്ടി നിൽക്കുന്നതിനാൽ റോഡും കുഴികളും തിരിച്ചറിയാനാകുന്നില്ല. ഇതുകാരണം വാഹനങ്ങൾ അപകടത്തിൽപ്പെടുന്നു. ഈ ഭാഗത്ത് നേരത്തെ അപകട മരണങ്ങൾ സംഭവിച്ചിട്ടുണ്ട്. റോഡിന്‍റെ അടിഭാഗം പൂർണമായും തകർന്ന സ്ഥിതിയാണെന്നും മഴക്കാലമാകുന്പോൾ ഈ ഭാഗത്തുണ്ടാകുന്ന റോഡ് തകർച്ചക്ക് ശാശ്വത പരിഹാരം വേണമെന്നും യോഗം ആവശ്യപ്പെട്ടു. പ്രശ്ന പരിഹാരം ആവശ്യപ്പെട്ട് പൊതുമരാമത്ത് റോഡ് വിഭാഗം സെക്ഷൻ എൻജിനീയർക്ക് ഓൾ കേരള ബസ് ഓപ്പറേറ്റേഴ്സ് ഓർഗനൈസേഷൻ നിലന്പൂർ താലൂക്ക് കമ്മിറ്റി നിവേദനവും നൽകി. ജില്ലാ പ്രസിഡന്‍റ് മുസ്തഫ കളത്തുംപടിക്കൽ അധ്യക്ഷത വഹിച്ചു. താലൂക്ക് വൈസ് പ്രസിഡന്‍റ് നിയാസ് ചാലിയാർ, താലൂക്ക് ഭാരവാഹികളായ ഷൗക്കത്തലി ഉള്ളാട്ട് പറന്പൻ, കെ.ടി. മെഹബൂബ്, എ വണ്‍ ബാബു മന്പാട്, ഹമീദ് കുരിക്കൾ, എ. ഷെമീർ ബാബു, ജസ്‌ല കുട്ടൻ എന്നിവർ പ്രസംഗിച്ചു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]