ആ​ഢ്യ​ൻ​പാ​റ ജ​ല​വൈ​ദ്യു​ത പ​ദ്ധ​തി: ജ​ലം ത​ട​ഞ്ഞു​വ​ച്ചി​ട്ടി​ല്ലെന്ന് കെഎസ്ഇ​ബി
Tuesday, March 28, 2023 11:41 PM IST
നി​ല​ന്പൂ​ർ: ആ​ഢ്യ​ൻ​പാ​റ ചെ​റു​കി​ട ജ​ല​വൈ​ദ്യു​ത നി​ല​യ​ത്തി​ൽ വൈ​ദ്യു​തി ഉ​ത്പാ​ദ​ന​ത്തി​നാ​യി ജ​ലം ത​ട​ഞ്ഞു​വ​ച്ചു​വെ​ന്ന വാ​ർ​ത്ത നി​ഷേ​ധി​ച്ച് കെഎ​സ്ഇ​ബി അ​ധി​കൃ​ത​ർ. കാ​ഞ്ഞി​ര​പ്പു​ഴ വ​റ്റി​വ​ര​ണ്ട​താ​ണ് ക​ടു​ത്ത ജ​ല​ക്ഷാ​മ​ത്തി​ന് കാ​ര​ണ​മെ​ന്ന് ആ​ഢ്യ​ൻ​പാ​റ ചെ​റു​കി​ട ജ​ല​വൈ​ദ്യു​ത പ​ദ്ധ​തി​യു​ടെ ചു​മ​ത​ല​യു​ള്ള അ​സി​സ്റ്റ​ന്‍റ് എ​ക്സി​ക്യു​ട്ടി​വ് എ​ൻ​ജി​നീ​യ​ർ ഗ​ണ​ദീ​പ​ൻ പ​റ​ഞ്ഞു. ജ​ല​ക്ഷാ​മം രൂ​ക്ഷ​മാ​യ സാ​ഹ​ച​ര്യ​ത്തി​ൽ മാ​ർ​ച്ച് 17 ന് ​വൈ​ദ്യു​തി ഉ​ത്പാ​ദ​നം നി​റു​ത്തി​വ​ച്ചി​ട്ടു​ണ്ട്.
എ​ന്നാ​ൽ വൈ​ദ്യു​തി ഉ​ത്പാ​ദ​ന​ത്തി​നാ​യി വെ​ള്ളം ത​ട​ഞ്ഞു നി​റു​ത്തി​യി​ട്ടി​ല്ല. കാ​ഞ്ഞി​ര​പ്പു​ഴ​യി​ൽ നീ​രൊ​ഴു​ക്ക്് നി​ല​ച്ച അ​വ​സ്ഥ​യി​ലാ​ണ്. അ​തി​നാ​ൽ ത​ട​ഞ്ഞു നി​റു​ത്തി വെ​ള്ളം ശേ​ഖ​രി​ക്കാ​നു​ള്ള സാ​ഹ​ച​ര്യ​വും നി​ല​വി​ലി​ല്ല. ട​ണ​ൽ വ​ഴി നി​ല​യ​ത്തി​ലേ​ക്ക് എ​ത്തി​ക്കു​ന്ന ജ​ലം വൈ​ദ്യു​തി ഉ​ത്പാ​ദ​ന​ത്തി​ന് ശേ​ഷം പു​ഴ​യി​ലേ​ക്ക് ത​ന്നെ തു​റ​ന്നു വി​ടു​ന്ന സം​വി​ധാ​ന​മാ​ണു​ള്ള​ത്. അ​തി​നാ​ൽ ത​ന്നെ ഇ​തു പു​ഴ​യു​ടെ നീ​രൊ​ഴു​ക്കി​നെ ബാ​ധി​ക്കി​ല്ല. ചെ​റു​കി​ട ജ​ല​വൈ​ദ്യു​തി പ​ദ്ധ​തി​യി​ലേ​ക്ക് വെ​ള്ളം എ​ത്തി​ക്കു​ന്ന മാ​യം​പ​ള്ളി​യി​ലെ ട​ണ​ലി​ന് മു​ക​ളി​ലു​ള്ള കാ​ഞ്ഞി​ര​പ്പു​ഴ​യു​ടെ ഭാ​ഗ​വും വ​റ്റി​വ​ര​ണ്ടി​ട്ടു​ണ്ട്. കാ​ഞ്ഞി​ര​പ്പു​ഴ​യി​ൽ ജ​ല​വി​താ​നം ഏ​റ്റ​വും താ​ഴ്ന്ന അ​വ​സ്ഥ​യി​ലാ​ണ്. കാ​ഞ്ഞി​ര​പ്പു​ഴ​യി​ൽ വൈ​ദ്യു​തി ഉ​ത്പാ​ദ​ന​ത്തി​ന്‍റെ പേ​രി​ൽ വെ​ള്ളം ത​ട​ഞ്ഞു നി​റു​ത്തി​യി​രി​ക്കു​ന്ന​താ​യി ആ​രും ഇ​തു​വ​രെ പ​രാ​തി പ​റ​ഞ്ഞി​ട്ടി​ല്ലെ​ന്നും അ​ദ്ദേ​ഹം പ​റ​ഞ്ഞു.