പെ​രി​ന്ത​ൽ​മ​ണ്ണ: സാ​മൂ​ഹ്യ​ക്ഷേ​മം, പാ​ർ​പ്പി​ടം, വ​നി​താ വി​ക​സ​ന പ​ദ്ധ​തി​ക​ൾ​ക്ക് ഉൗ​ന്ന​ൽ ന​ൽ​കി പെ​രി​ന്ത​ൽ​മ​ണ്ണ ന​ഗ​ര​സ​ഭ ബ​ജ​റ്റ് അ​വ​ത​രി​പ്പി​ച്ചു. 2023-24 വ​ർ​ഷ​ത്തി​ൽ, മു​ൻ നീ​ക്കി​യി​രി​പ്പ് 2.34 കോ​ടി രൂ​പ​യ​ട​ക്കം 83,22,87,715 രൂ​പ വ​ര​വും 80,55,67,566 രൂ​പ ചെ​ല​വും 2,67, 201,49 രൂ​പ മി​ച്ച​വു​മു​ള്ള ബ​ജ​റ്റാ​ണ് ഉ​പാ​ധ്യ​ക്ഷ എ.​ന​സീ​റ അ​വ​ത​രി​പ്പി​ച്ച​ത്. ദാ​രി​ദ്യ്ര ല​ഘൂ​ക​ര​ണം, ചേ​രി പ​രി​ഷ്ക​ര​ണം, പാ​ർ​പ്പി​ടം എ​ന്നി​വ​ക്ക് 179.50 ല​ക്ഷം രൂ​പ വ​ക​യി​രു​ത്തി.
ഇ​തി​ൽ 142 കോ​ടി​യും പാ​ർ​പ്പി​ട നി​ർ​മാ​ണ​ത്തി​നാ​ണ്. സാ​മൂ​ഹ്യ​നീ​തി പ​ദ്ധ​തി​ക​ൾ​ക്ക് 148.95 ല​ക്ഷം അ​നു​വ​ദി​ച്ച​തി​ൽ ഒ​രു കോ​ടി രൂ​പ അ​ങ്ക​ണ​വാ​ടി പോ​ഷ​കാ​ഹാ​ര​ത്തി​നാ​യി നീ​ക്കി​വ​ച്ചു. പൊ​തു​മ​രാ​മ​ത്ത് ന​ഗ​രാ​സൂ​ത്ര​ണ ഉൗ​ർ​ജ പ​ദ്ധ​തി​ക​ൾ​ക്ക് മൂ​ന്നു കോ​ടി​യാ​ണ് വ​ക​യി​രു​ത്തി​യ​ത്. കൃ​ഷി, ജ​ല​സം​ര​ക്ഷ​ണം, കൃ​ഷി വ്യാ​പി​പ്പി​ക്ക​ൽ എ​ന്നി​വ​ക്ക് 40 ല​ക്ഷ​വും വ​നി​താ ക്ഷേ​മ​കാ​ര്യ​ങ്ങ​ൾ​ക്ക് 76 ല​ക്ഷ​വും ആ​രോ​ഗ്യ​മേ​ഖ​ല​ക്ക് 43 ല​ക്ഷ​വും ശു​ചി​ത്വ, മാ​ലി​ന്യ സം​സ്ക​ര​ണ​ത്തി​ന് 61 ല​ക്ഷ​വും വി​ദ്യാ​ഭ്യാ​സം, ക​ലാ, കാ​യി​ക, യു​വ​ജ​ന ക്ഷേ​മ​പ​ദ്ധ​തി​ക​ൾ​ക്ക് 113 ല​ക്ഷ​വും കു​ടി​വെ​ള്ള അ​മൃ​ത് പ​ദ്ധ​തി​ക​ൾ​ക്ക് 25 ല​ക്ഷ​വും വ​ക​യി​രു​ത്തി. നെ​ൽ​കൃ​ഷി വി​ക​സ​ന​ത്തി​ന് 35 ല​ക്ഷ​വും ആ​യു​ർ​വേ​ദാ​ശു​പ​ത്രി​യി​ൽ മ​രു​ന്നി​ന് 22 ല​ക്ഷ​വും സ​മ​ഗ്ര മാ​ലി​ന്യ സം​സ്ക​ര​ണ പ​ദ്ധ​തി​ക്ക് 50 ല​ക്ഷ​വും നീ​ക്കി​വ​ച്ചു. ന​ഗ​ര​സ​ഭ​യി​ലെ വി​ധ​വ​ക​ളു​ടെ ക്ഷേ​മ​വും പു​രോ​ഗ​തി​ക്കു​മാ​യി ’സം​വി​ധം ’ പ​ദ്ധ​തി ആ​വി​ഷ്ക​രി​ച്ചു. ഇ​തി​നു 15 ല​ക്ഷം വ​ക​യി​രു​ത്തി. ഡ​യാ​ലി​സി​സ് ചെ​യ്യു​ന്ന നി​ർ​ധ​ന രോ​ഗി​ക​ൾ​ക്ക് പ്ര​തി​മാ​സം 4000 രൂ​പ ന​ൽ​കു​ന്ന ഹൃ​ദ്യം പ​ദ്ധ​തി ആ​വി​ഷ്ക​രി​ച്ചു. 15 ല​ക്ഷം രൂ​പ ഇ​തി​നാ​യി മാ​റ്റി​വ​ച്ചു. ന​ഗ​ര​സ​ഭ​യി​ലെ ട്രാ​ൻ​സ്ജെ​ന്‍റ​ർ വി​ഭാ​ഗ​ത്തി​ന് തൊ​ഴി​ലി​നാ​യി ട്രാ​ൻ​സ് ബി​സ് പ​ദ്ധ​തി​ക്ക് ര​ണ്ട് ല​ക്ഷം ന​ൽ​കും.
ന​ഗ​ര​ത്തി​ലെ ഗ​വ​ണ്‍​മെ​ന്‍റ് ഹ​യ​ർ സെ​ക്ക​ൻ​ഡ​റി​ക​ളി​ൽ പ​ഠ​ന രീ​തി മെ​ച്ച​പ്പെ​ടു​ത്താ​ൻ ഓ​ഗു​മെ​ന്‍റ​ഡ് റി​യാ​ലി​റ്റി ലാ​ബു​ക​ൾ​ക്കാ​യി 35 ല​ക്ഷം രൂ​പ​യാ​ണ് വ​ക​യി​രു​ത്തി​യ​ത്.
പ​ട്ടി​ക​ജാ​തി​ക്കാ​ർ​ക്ക് പ​ഠ​ന​മു​റി ഒ​രു​ക്കാ​ൻ 20 ല​ക്ഷ​വും അ​നു​വ​ദി​ച്ചു. പു​തി​യ വ​ർ​ഷം ’ജ്വാ​ല’ എ​ന്ന പേ​രി​ൽ വെ​ളി​ച്ച വി​പ്ല​വം ന​ട​പ്പി​ൽ വ​രും. ന​ഗ​ര​സ​ഭ​യി​ലെ 55 പ​ട്ടി​ക​ജാ​തി കോ​ള​നി​ക​ളി​ൽ 55 ല​ക്ഷം രൂ​പ ചെ​ല​വി​ൽ സോ​ളാ​ർ മി​നി മാ​സ്റ്റ് ലൈ​റ്റ് സ്ഥാ​പി​ക്കും. ഇ​തി​ന് 55 ല​ക്ഷം രൂ​പ വ​ക​യി​രു​ത്തി. നി​ല​വി​ലെ തെ​രു​വു​വി​ള​ക്കു​ക​ൾ​ക്ക് പു​റ​മേ പു​തു​താ​യി 500 തെ​രു​വു വി​ള​ക്കു​ക​ൾ കൂ​ടി സ്ഥാ​പി​ക്കും. ഇ​തി​ന് 12.5 ല​ക്ഷം നീ​ക്കി വ​ച്ചു. ച​ല​ന​ശേ​ഷി ഇ​ല്ലാ​ത്ത​വ​ർ​ക്ക് വീ​ൽ​ചെ​യ​ർ ന​ൽ​കാ​ൻ 20 ല​ക്ഷം വ​ക​യി​രു​ത്തി. ന​ഗ​ര​ത്തി​ന്‍റെ പ്ര​ധാ​ന കേ​ന്ദ്ര​ങ്ങ​ളി​ൽ ഓ​പ്പ​ണ്‍ ജിം ​ആ​രം​ഭി​ക്കും. നെ​ഹ്റു സ്റ്റേ​ഡി​യ​ത്തി​ൽ പ്ര​ഥ​മ ഓ​പ്പ​ണ്‍ ജിം ​തു​റ​ക്കാ​ൻ 10 ല​ക്ഷം അ​നു​വ​ദി​ച്ചു. കി​ട​പ്പി​ലാ​യ രോ​ഗി​ക​ളെ വി​ട്ടി​ലെ​ത്തി പ​രി​ച​രി​ക്കാ​ൻ പു​തി​യ വാ​ഹ​നം ല​ഭ്യ​മാ​ക്കാ​ൻ 15 ല​ക്ഷം അ​നു​വ​ദി​ച്ചു. മാ​സ​ത്തി​ൽ ഒ​രു ത​വ​ണ രോ​ഗി​യെ വീ​ട്ടി​ലെ​ത്തി പ​രി​ച​രി​ക്കും. ബ​ജ​റ്റി​ൻ​മേ​ൽ ഇ​ന്ന് ച​ർ​ച്ച ന​ട​ക്കും.