നൊ​മ്പ​രത്തിൽ മു​ങ്ങിയ ചീ​നി​വി​ള ഗ്രാ​മം വത്സലയ്ക്കു വിടനൽകി
Monday, October 14, 2024 5:58 AM IST
കാ​ട്ടാ​ക്ക​ട: ശ​നി​യാ​ഴ്ച മാ​റ​ന​ല്ലൂ​ർ പ​ഞ്ചാ​യ​ത്തി​ലെ ചീ​നി​വി​ള ഗ്രാ​മം ഞെ​ട്ട​ലോ​ടെ​യാ​ണ് ആ ​വാ​ർ​ത്ത കേ​ട്ട​ത്. ഷോ​ക്കേ​റ്റു വ​ത്സ​ല മ​രി​ച്ച വി​വ​രം ആ​ർ​ക്കും വി​ശ്വ​സി​ക്കാ​നു​മാ​യി​ല്ല. ആ ​വി​തു​മ്പ​ലാ​ണ് ഇ​ന്ന​ലെ വത്സലയുടെ സംസ്കാര ചടങ്ങുകളിൽ കണ്ടത്.

നാ​ട്ടി​ലെ സ​ക​ല​ർ​ക്കും പ്രി​യ​ങ്ക​രി​യാ​യി​രു​ന്നു വ​ത്സ​ല. തൊ​ഴി​ലു​റ​പ്പു തൊ​ഴി​ൽ ക​ഴി​ഞ്ഞി​ട്ടും എന്തു ജോ​ലി​യും ചെ​യ്യാ​ൻ ത​യാ​റാ​യിരുന്ന ഇ​വ​ർ നാ​ട്ടുകാരുടെ ക​ണ്ണി​ലു​ണ്ണി​യാ​യിരുന്നു. അ​താ​ണ് നാട്ടുകാരെ ഏറെ വേ​ദ​നി​പ്പി​ക്കു​ന്ന​തും. സാ​മ്പ​ത്തി​ക​മാ​യി തീ​രെ പിന്നോക്കം നിൽക്കുന്നതാണ് വത്സലയുടെ കു​ടും​ബം. ഇ​വ​രു​ടെ മ​ര​ണ​ത്തോ​ടെ ഇപ്പോൾ ആ​കെ​യു​ള്ള വ​രു​മാ​നം കൂ​ടി നി​ല​ച്ചിരിക്കുകയാണ്.

ചീ​നി​വി​ള അ​ഞ്ച​റ​വി​ള ല​ക്ഷം​വീ​ട് നി​വാ​സി​യാ​യ വ​ത്സ​ലയ്ക്കു ശ​നി​യാ​ഴ്ച​യാ​ണു ഷോക്കേറ്റത്. അം​ബി​ക ദേ​വി​യു​ടെ പു​ര​യി​ട​ത്തി​ൽ സ്വ​കാ​ര്യ​വ്യ​ക്തി​യാ​യ മാ​റ​ന​ല്ലൂ​ർ സ്വ​ദേ​ശി അ​ര​വി​ന്ദ് ന​ട​ത്തു​ന്ന കോ​ഴി​ഫാ​മി​ൽ നി​ന്നാ​ണ് ഇവർക്കു ഷോ​ക്കേ​റ്റ​ത്. ഒ​രു ജോ​ലി​ക്കും മ​ടി​യി​ല്ലാ​ത്ത ഇ​വ​ർ കോ​ഴി​ഫാ​മി​ൽ തെങ്ങിൻതൈ ന​ടാ​ൻ കു​ഴി എ​ടു​ക്കു​ന്ന​തി​നു മു​ൻ​പാ​യി മ​ൺ​വെ​ട്ടി കൊ​ണ്ടു വെ​ട്ടി​യ​പ്പോ​ൾ കോ​ഴി ഫാ​മി​ന്‍റെ അ​ഴി​ക​ളി​ൽ മ​ൺ​വെ​ട്ടി കു​ടു​ങ്ങി​യ പ്പോ​ഴാ​ണ് ഷോ​ക്കേ​റ്റ​തും സം​ഭ​വ​സ്ഥ​ല​ത്തു തന്നെ മ​രി​ച്ച​തും.


കോ​ഴി​ഫാ​മി​ൽ കെ​ട്ടി​യ ക​മ്പി വ​ല​യി​ൽ വൈദ്യു​തി ക​ട​ത്തി വി​ടു​ന്ന​ത് അ​ന​ധി​കൃ​ത​മാ​ണെന്നു വൈദ്യുതി ബോ​ർ​ഡ് പ​റ​യു​ന്നു. എ​ന്നാ​ൽ മാ​സ​ങ്ങ​ളാ​യി ഇ​ത്ത​ര​ത്തി​ൽ വൈ​ദ്യു​തി ക​ട​ത്തിവി​ട്ട വി​വ​രം ബോ​ർ​ഡ് അ​റി​ഞ്ഞിരുന്നുവെന്ന് പ​ര​ക്കെ ആ​ക്ഷേ​പ​മു​യ​രുന്നുണ്ട്.

വൈദ്യുതി ബോർഡിന്‍റെ ര​ഹ​സ്യ​മാ​യ അ​റി​വോ​ടെ​യാ​ണ് ഉ​ട​മ ഇപ്രകാരം ചെയ്തിരു ന്നതെന്നും പ​രാ​തി​യു​ണ്ട്. ഉ​ട​മ​യെ മാ​റ​ന​ല്ലൂ​ർ പോ​ലീ​സ് അ​റ​സ്റ്റ് ചെ​യ്തു റി​മാ​ൻഡ് ചെയ്തി ട്ടുണ്ട്. ഇതോടെ ഇ​തി​നു മു​ൻ​പും ഇ​ത്ത​ര​ത്തി​ൽ പ​ല​ർ​ക്കും ഇ​വി​ടെനിന്നു ഷോ​ക്കേ​റ്റ വി​വ​ര​വും പു​റ​ത്തു വ​ന്നി​ട്ടു​ണ്ട്.

അ​തി​നി​ടെ തൊ​ഴി​ലു​റ​പ്പ് ജോ​ലി​ക്കി​ടെ ക​മ്പിവലയി​ൽ നി​ന്നും ഷോ​ക്കേ​റ്റു മ​ര​ണം സം​ഭവി​ച്ച​തി​ൽ വിഷയത്തിൽ സ​മ​ഗ്ര അ​ന്വേ​ഷ​ണം വേ​ണ​മെ​ന്നുള്ള ആ​വ​ശ്യ​വും ഉ​യർന്നു. അ​വ​ധി ദി​വ​സ​ങ്ങ​ളി​ൽ പോ​ലും തൊ​ഴി​ലു​റ​പ്പു തൊ​ഴി​ലാ​ളി​ക​ളെ അ​തു ബാ​ധ​ക​മാ​ക്കാ​തെ തൊ​ഴി​ലെ​ടു​പ്പി​ക്കു​ന്നതു ​മ​നു​ഷ്യാ​വ​കാ​ശ ലം​ഘ​നമാ​ണെ​ന്നും ആ​ക്ഷേ​പ​മു​ണ്ട്.