വള്ളം മ​റി​ഞ്ഞ് മ​ത്സ്യ​ത്തൊ​ഴി​ലാ​ളി​യെ കാ​ണാ​താ​യ സം​ഭ​വം : ഇന്നലത്തെ തെര​ച്ചി​ലും ഫ​ലംക​ണ്ടി​ല്ല
Monday, October 7, 2024 6:38 AM IST
പൂ​ന്തു​റ: ശ​ക്ത​മാ​യ തി​ര​യി​ല്‍ മ​ത്സ്യ​ബ​ന്ധ​ന വള്ളം മ​റി​ഞ്ഞ് മ​ത്സ്യ​ത്തൊ​ഴി​ലാ​ളി​യെ ക​ട​ലി​ല്‍ കാ​ണാ​താ​യ സം​ഭ​വ​ത്തി​ല്‍ ഞാ​യ​റാ​ഴ്ച തെര​ച്ചി​ല്‍ ന​ട​ത്തി​യെ​ങ്കി​ലും ആ​ളെ ക​ണ്ടെ​ത്താ​ന്‍ ക​ഴി​ഞ്ഞി​ല്ല. പു​ല്ലു​വി​ള ക​രി​ങ്കു​ളം കു​ള​പ്പു​ര ഹൗ​സി​ല്‍ ജോ​സി​നെ (54) യാ​ണ് ക​ട​ലി​ല്‍ കാ​ണാ​താ​യ​ത്.

വെ​ള്ളി​യാ​ഴ്ച രാ​തി ഒ​മ്പ​തു മ​ണി​യോ​ടു​കൂ​ടി പൂ​ന്തു​റ പ​ന​ത്തു​റ ഭാ​ഗ​ത്തു​ള​ള ക​ട​ലി​ലാ​ണ് അ​പ​ക​ടം ന​ട​ന്ന​ത്. ക​ര​യി​ല്‍നി​ന്ന് ര​ണ്ട​ര നോ​ട്ടി​ക്ക​ല്‍ മൈ​ല്‍ അ​ക​ലെ​യാ​യി​രു​ന്നു അ​പ​ക​ടം. വെ​ള​ളി​യാ​ഴ്ച വൈ​കി​ട്ടോ​ടെ പു​തി​യ​തു​റ ക​ട​പ്പു​റ​ത്തു​നി​ന്നാ​ണ് കാ​ണാ​താ​യ ജോ​സി​ന്‍റെ വ​ള്ള​ത്തി​ല്‍ മൂ​ന്നു​പേ​രും മ​ത്സ്യ​ബ​ന്ധ​ന​ത്തി​നാ​യി പോ​യ​ത്.

സം​ഭ​വം ന​ട​ന്ന​യു​ട​ന്‍ ജോ​സി​നൊ​പ്പ​മു​ണ്ടാ​യി​രു​ന്ന ര​ണ്ടുപേ​ര്‍ ഏ​റെ ദൂ​രം നീ​ന്തി​യശേ​ഷം മ​റ്റൊ​രു വ​ള്ള​ത്തി​ല്‍ ക​യ​റി ര​ക്ഷ​പ്പെ​ടു​ക​യാ​യി​രു​ന്നു. ജോ​സ് അ​ര​മ​ണി​യ്ക്കൂ​റോ​ളം ക​ട​ല്‍ നീ​ന്തി​യെ​ങ്കി​ലും കൈ​കാ​ലു​ക​ള്‍ കു​ഴ​ഞ്ഞു വെ​ള​ള​ത്തി​ല്‍ താ​ഴു​ക​യാ​ണു​ണ്ടാ​യ​ത്.

ശ​നി​യാ​ഴ്ച രാ​വി​ലെ മു​ത​ല്‍ വൈ​കു​ന്നേ​രം വ​രെ കോ​സ്റ്റ​ല്‍ പോ​ലീ​സ്, മ​റൈ​ന്‍ എ​ന്‍​ഫോ​ഴ്‌​സ്‌​മെ​ന്‍റ്, കോ​സ്റ്റ് ഗാ​ര്‍​ഡ് എ​ന്നി​വ​രു​ടെ നേ​തൃ​ത്വ​ത്തി​ല്‍ തീ​ര​ദേ​ശ മേ​ഖ​ല​ക​ളി​ല്‍ തെര​ച്ചി​ല്‍ ന​ട​ത്തി​യെ​ങ്കി​ലും ജോ​സി​നെ ക​ണ്ടെ​ത്താ​ന്‍ ക​ഴി​ഞ്ഞി​രു​ന്നി​ല്ല. എ​ന്നാ​ല്‍ ശ​നി​യാ​ഴ്ച​ത്തെ തെര​ച്ചി​ലി​ല്‍ പ​ന​ത്തു​റ ഭാ​ഗ​ത്തു​നി​ന്നും ത​ക​ര്‍​ന്ന വ​ള്ളത്തി​ന്‍റെ ഭാ​ഗ​ങ്ങ​ളും വ​ള്ള​ത്തി​ല്‍ ഘ​ടി​പ്പി​ച്ചി​രു​ന്ന ര​ണ്ട് എ​ന്‍​ജി​നു​ക​ളും പാ​റ​ക്കു​ട്ട​ങ്ങ​ള്‍​ക്കി​ട​യി​ല്‍ അ​ടി​ഞ്ഞ​നി​ല​യി​ല്‍ തെര​ച്ചി​ല്‍ സം​ഘം ക​ണ്ടെ​ത്തി​യി​രു​ന്നു.


ഞാ​യ​റാ​ഴ്ച രാ​വി​ലെ ഏ​ഴു മ​ണി​യോ​ടു​കൂ​ടി കോ​സ്റ്റ​ല്‍ പോ​ലീ​സി​ന്‍റെ​യും മ​റൈ​ന്‍ എ​ന്‍​ഫോ​ഴ്‌​സ്‌​മെ​ന്‍റ്, കോ​സ്റ്റ് ഗാ​ര്‍​ഡ് എ​ന്നി​വ​രു​ടെ നേ​തൃ​ത്വ​ത്തി​ല്‍ അ​പ​ക​ടം ന​ട​ന്ന സ്ഥ​ലം മു​ത​ല്‍ തു​മ്പ സെ​ന്‍റ് ആ​ന്‍​ഡ്രൂ​സ് പ്ര​ദേ​ശ​ങ്ങ​ളി​ലും തീ​ര​ദേ​ശ​മേ​ഘ​ല​ക​ളി​ലും തെര​ച്ചി​ല്‍ ന​ട​ത്തി​യ​താ​യി വി​ഴി​ഞ്ഞം കോ​സ്റ്റ​ല്‍ പോ​ലീ​സ് എ​സ്എ​ച്ച്ഒ വി.​എ​സ്.​ വി​പി​ന്‍ അ​റി​യി​ച്ചു. വൈ​കു​ന്നേ​രം ആ​റുമ​ണി​വ​രെ തെര​ച്ചി​ല്‍ ന​ട​ത്തി​യെ​ങ്കി​ലും സം​ഘം നി​രാ​ശ​യോ​ടെ മ​ട​ങ്ങു​ക​യാ​ണു​ണ്ടാ​യ​ത്.

ഇന്നു തെ​ര​ച്ചി​ലി​നാ​യി നാ​വി​ക​സേ​ന​യു​ടെ ഹെ​ലി​കോ​പ്റ്റ​ര്‍ എ​ത്തു​മെ​ന്നു ബ​ന്ധ​പ്പെ​ട്ട അ​ധി​കൃ​ത​ര്‍ പ​റ​ഞ്ഞു. സ​മീ​പ പ്ര​ദേ​ശ​ങ്ങ​ളി​ലെ കോ​സ്റ്റ​ല്‍ പോ​ലീ​സ് സ്റ്റേ​ഷ​നു​ക​ളി​ലും ത​മി​ഴ്‌​നാ​ട് തീ​ര​ദേ​ശ സേ​ന​ക്കും വി​വ​രം കൈ​മാ​റി​യ​താ​യി വി​ഴി​ഞ്ഞം കോ​സ്റ്റ​ല്‍ പോലീ​സ് അ​റി​യി​ച്ചു.