മാല പൊട്ടിക്കാൻ ശ്രമിച്ച യുവാവിനെ നടുറോഡിൽ നേരിട്ട അശ്വതിയെ അനുമോദിച്ചു
1429681
Sunday, June 16, 2024 6:58 AM IST
കഴക്കൂട്ടം : ജനമൈത്രി പോലീസിന്റെയും റോട്ടറി ക്ലബിന്റെയും നേതൃത്വത്തിൽ ചേങ്കോട്ടുകോണത്ത് മാല പൊട്ടിക്കുവാൻ ശ്രമിച്ച യുവാവിനെ നടുറോഡിൽ നേരിട്ട ചന്തവിള സ്വദേശി എസ് അശ്വതിയെ അനുമോദിച്ചു. ഗവ. വനിത ഐടിഐ യിൽ ക്രൈം ഡിസിപി അഡ്മിൻ സോണി ഉമ്മൻകോശി ചടങ്ങ് ഉദ്ഘാടനം ചെയ്തു.
പ്രിൻസിപ്പൽ എം .സുരേഷ് കുമാർ അധ്യക്ഷനായി, എസിപി എൻ.ബാബുക്കുട്ടൻ, എസ്എച്ച്ഒ ആർ.വിനോദ് , ജനമൈത്രി ബിറ്റ് ഓഫീസർ എസ്.സജി ,റോട്ടറി ക്ലബ് പ്രസിഡന്റ് ബാലഭാസ്കരൻ, ജീവ , മിഥുന തുടങ്ങിയവർ പ്രസംഗിച്ചു.