തി​രു​വ​ന​ന്ത​പു​രം: ചാ​ക്ക​യി​ൽ നി​ന്നു കാ​ണാ​താ​യ ര​ണ്ട​ര വ​യ​സു​കാ​രി​യാ​യ നാ​ടോ​ടി ബാ​ലി​ക​യെ ക​ണ്ടെ​ത്തി​യ​ത് 19 മ​ണി​ക്കൂ​റി​ലേ​റെ നീ​ണ്ട തെ​ര​ച്ചി​ലി​നൊ​ടു​വി​ൽ.

പു​ല​ർ​ച്ചെ ഒ​ന്നോ​ടെ​യാ​ണ് ത​ങ്ങ​ൾ​ക്കൊ​പ്പം ഉ​റ​ങ്ങി​ക്കി​ട​ന്നി​രു​ന്ന കു​ട്ടി​യെ കാ​ണാ​നി​ല്ലെ​ന്ന് ര​ക്ഷി​താ​ക്ക​ൾ അ​റി​ഞ്ഞ​ത്. തേ​ൻ ശേ​ഖ​രി​ക്കു​ന്ന​തി​നാ​യി കേ​ര​ള​ത്തി​ലെ​ത്തി​യ ബീ​ഹാ​ർ സ്വ​ദേ​ശി​ക​ളാ​യ നാ​ടോ​ടി കു​ടും​ബം തി​രു​വ​ന​ന്ത​പു​രം ചാ​ക്ക​യി​ൽ ബ്ര​ഹ്മോ​സി​നും ഓ​ൾ​സെ​യി​ന്‍റ്സ് കോ​ള​ജി​നു​മി​ട​യി​ലു​ള്ള ആ​ളൊ​ഴി​ഞ്ഞ പ്ര​ദേ​ശ​ത്ത് ടെ​ന്‍റ് കെ​ട്ടി​യാ​യി​രു​ന്നു താ​മ​സി​ച്ചി​രു​ന്ന​ത്.

രാ​ത്രി 11.30 ഓ​ടെ എ​ല്ലാ​വ​രും ഒ​രു​മി​ച്ചാ​ണ് ഉ​റ​ങ്ങാ​ൻ കി​ട​ന്ന​തെ​ന്നും പു​ല​ർ​ച്ചെ ഉ​ണ​ർ​ന്നു നോ​ക്കു​ന്പോ​ൾ കു​ട്ടി​യെ കാ​ണാ​നി​ല്ലെ​ന്നു​മാ​യി​രു​ന്നു കു​ട്ടി​യു​ടെ ര​ക്ഷി​താ​ക്ക​ൾ പോ​ലീ​സി​ന് മൊ​ഴി ന​ൽ​കി​യ​ത്.

പു​ല​ർ​ച്ചെ ര​ണ്ട​ര​യോ​ടെ​യാ​ണ് സ​മീ​പ​പ്ര​ദേ​ശ​ത്തെ​ല്ലാം തെ​ര​ച്ചി​ൽ ന​ട​ത്തി​യ ശേ​ഷം കു​ട്ടി​യു​ടെ മാ​താ​പി​താ​ക്ക​ൾ പേ​ട്ട പോ​ലീ​സ് സ്റ്റേ​ഷ​നി​ലെ​ത്തി​യ​ത്. തു​ട​ർ​ന്ന് ഇ​വ​ർ ന​ൽ​കി​യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ പോ​ലീ​സും കു​ട്ടി​ക്കാ​യി അ​ന്വേ​ഷ​ണം ആ​രം​ഭി​ച്ചു.

മ​ഞ്ഞ സ്കൂ​ട്ട​റി​ൽ വ​ന്ന ഒ​രാ​ൾ കു​ട്ടി​യെ എ​ടു​ത്ത് കൊ​ണ്ട് പോ​കു​ന്ന​ത് ക​ണ്ട​താ​യി കു​ട്ടി​യു​ടെ നാ​ല് സ​ഹോ​ദ​രന്മാരി​ൽ ഒ​രാ​ൾ പോ​ലീ​സി​നോ​ട് പ​റ​ഞ്ഞു. എ​ന്നാ​ൽ പി​ന്നീ​ട് ഇ​ക്കാ​ര്യ​ത്തി​ൽ അ​വ്യ​ക്ത​ത​യു​ണ്ടെ​ന്ന നി​ഗ​മ​ന​ത്തി​ൽ പോ​ലീ​സ് എ​ത്തി​ച്ചേ​ർ​ന്നു. കു​ട്ടി​യെ ക​ണ്ടെ​ത്തു​ന്ന​തി​നാ​യി രാ​വി​ലെ​യോ​ടെ ത​ന്നെ പോ​ലീ​സ് കൂ​ടു​ത​ൽ ന​ട​പ​ടി​ക​ൾ ആ​രം​ഭി​ച്ചു.

പ്ര​ദേ​ശ​ത്ത് സി​സി​ടി​വി കാ​മ​റ​ക​ൾ ഇ​ല്ലാ​തി​രു​ന്ന​ത് ആ​ദ്യ​ഘ​ട്ട​ത്തി​ൽ അ​ന്വേ​ഷ​ണ​ത്തെ ബാ​ധി​ച്ചു. എ​ന്നാ​ൽ പ്ര​ദേ​ശ​ത്തി​നു സ​മീ​പ​ത്തും മ​റ്റി​ട​ങ്ങ​ളി​ലു​മു​ള്ള സി​സി​ടി​വി ദൃ​ശ്യ​ങ്ങ​ൾ പോ​ലീ​സ് വ്യാ​പ​ക​മാ​യി ത​ന്നെ ശേ​ഖ​രി​ച്ചു പ​രി​ശോ​ധി​ച്ചു. ഇ​തി​നാ​യി ഒ​രു എ​സി​പി​യെ ത​ന്നെ ചു​മ​ത​ല​പ്പെ​ടു​ത്തി. എ​ന്നാ​ൽ നി​ര​വ​ധി സി​സി​ടി​വി കാ​മ​റ​ക​ളി​ൽ നി​ന്നു​ള്ള ദൃ​ശ്യ​ങ്ങ​ൾ പ​രി​ശോ​ധി​ച്ചെ​ങ്കി​ലും വി​വ​ര​മൊ​ന്നും ല​ഭി​ച്ചി​ല്ല. ന​ഗ​ര​ത്തി​ലെ വി​വി​ധ ഇ​ട​ങ്ങ​ളി​ൽ നി​ന്നു​മു​ള്ള സി​സി​ടി​വി ദൃ​ശ്യ​ങ്ങ​ൾ, ക​ട​ക​ൾ, വീ​ടു​ക​ൾ എ​ന്നി​വി​ട​ങ്ങ​ളി​ൽ നി​ന്നു​ള്ള ദൃ​ശ്യ​ങ്ങ​ൾ തു​ട​ങ്ങി​യ​വ​യും പോ​ലീ​സ് പ​രി​ശോ​ധി​ച്ചു. എ​ന്നാ​ൽ ഒ​രു സൂ​ച​ന​യും ല​ഭി​ച്ചി​ല്ല.

ജി​ല്ല​യു​ടേ​യും സം​സ്ഥാ​ന​ത്തി​ന്‍റെ​യും അ​തി​ർ​ത്തി​ക​ൾ, റെ​യി​ൽ​വേ​സ്റ്റേ​ഷ​ൻ, ബ​സ്‌​സ്റ്റാ​ന്‍റു​ക​ൾ തു​ട​ങ്ങി​യ സ്ഥ​ല​ങ്ങ​ളി​ലും പോ​ലീ​സ് പ​രി​ശോ​ധ​ന ശ​ക്ത​മാ​ക്കി. ഭി​ക്ഷാ​ട​ന സം​ഘ​ങ്ങ​ൾ, കു​ട്ടി​ക​ളെ ത​ട്ടി​ക്കോ​ണ്ടു​പോ​യ കേ​സി​ൽ പ്ര​തി​ക​ളാ​യി​ട്ടു​ള്ള​വ​ർ, ല​ഹ​രി വി​ൽ​പ​ന കേ​സു​ക​ളി​ൽ പ്ര​തി​ക​ളാ​യ​വ​ർ തു​ട​ങ്ങി​യ​വ​രെ​യും പോ​ലീ​സ് നി​രീ​ക്ഷി​ച്ചു വ​രി​ക​യാ​യി​രു​ന്നു.

സി​റ്റി പോ​ലീ​സ് ക​മ്മീ​ഷ​ണ​ർ സി.​എ​ച്ച് നാ​ഗ​രാ​ജു​വി​ന്‍റെ മേ​ൽ​നോ​ട്ട​ത്തി​ലാ​യി​രു​ന്നു കു​ട്ടി​ക്കാ​യി അ​ന്വേ​ഷ​ണം ഉൗ​ർ​ജി​ത​മാ​ക്കി​യ​ത്. രാ​വി​ലെ പ​ത്തോ​ടെ പേ​ട്ട പോ​ലീ​സ് സ്റ്റേ​ഷ​നി​ലെ​ത്തി​യ ഡ​പ്യൂ​ട്ടി ക​മ്മീ​ഷ​ണ​ർ നി​ധി​ന്‍റെ നേ​തൃ​ത്വ​ത്തി​ൽ പോ​ലീ​സ് അ​ഞ്ചു ടീ​മു​ക​ളാ​യി തി​രി​ഞ്ഞ് പ്ര​ദേ​ശ​മാ​കെ കു​ട്ടി​ക്കാ​യി തെ​ര​ച്ചി​ൽ ശ​ക്ത​മാ​ക്കി.

ഇ​തി​നി​ട​യി​ൽ മ​ന്ത്രി വി. ​ശി​വ​ൻ​കു​ട്ടി പേ​ട്ട പോ​ലീ​സ് സ്റ്റേ​ഷ​നി​ലെ​ത്തി അ​ന്വേ​ഷ​ണ​പു​രോ​ഗ​തി വി​ല​യി​രു​ത്തി. കു​ഞ്ഞി​ന്‍റെ ര​ക്ഷി​താ​ക്ക​ളെ അ​ദ്ദേ​ഹം ആ​ശ്വ​സി​പ്പി​ച്ചു. കു​ട്ടി​യെ ക​ണ്ടെ​ത്തു​ന്ന​തി​ന് സ​ർ​ക്കാ​രും പോലീ​സും എ​ല്ലാ സം​വി​ധാ​ന​വും ഉ​പ​യോ​ഗി​ക്കു​മെ​ന്ന് മ​ന്ത്രി ഉ​റ​പ്പു​ന​ൽ​കി. എം​എ​ൽ​എ​മാ​രാ​യ ആ​ന്‍റ​ണി രാ​ജു, ക​ട​കം​പ​ള്ളി സു​രേ​ന്ദ്ര​ൻ എ​ന്നി​വ​രും കു​ഞ്ഞി​ന്‍റെ ര​ക്ഷി​താ​ക്ക​ളെ സ​ന്ദ​ർ​ശി​ച്ചു.

എ​ന്നാ​ൽ വൈ​കു​ന്നേ​ര​മാ​യി​ട്ടും കു​ട്ടി​യെ കു​റി​ച്ച് ഒ​രു വി​വ​ര​വും ല​ഭി​ക്കാ​ത്ത​തി​നെ തു​ട​ർ​ന്ന് സാ​മൂ​ഹ്യ മാ​ധ്യ​മ​ങ്ങ​ളി​ല​ട​ക്കം പോ​ലീ​സി​നെ​തി​രേ വ്യാ​പ​ക​മാ​യ വി​മ​ർ​ശ​ന​വും ഉ​യ​ർ​ന്നു. അ​തി​നി​ട​യി​ലും പോ​ലീ​സ് പ​രി​ശോ​ധ​ന തു​ട​ർ​ന്നു.

വൈ​കു​ന്നേ​രം ഏ​ഴ​ര​യോ​ടെ കു​ട്ടി​യെ ക​ണ്ടെ​ത്തി​യ​താ​യു​ള്ള ആ​ശ്വാ​സ വാ​ർ​ത്ത​യെ​ത്തി. കു​ട്ടി​യെ കാ​ണാ​താ​യ സ്ഥ​ല​ത്തു നി​ന്നും ഒ​രു കി​ലോ​മീ​റ്റ​റോ​ളം അ​ക​ലെ ബ്ര​ഹ്മോ​സി​ന്‍റെ പി​റ​കി​ലാ​യി റെ​യി​ൽ​വേ ട്രാ​ക്കി​നു സ​മീ​പ​ത്തു​ള്ള ഓ​ട​യി​ൽ നി​ന്നാ​ണ് കു​ട്ടി​യെ പോ​ലീ​സ് സം​ഘം ക​ണ്ടെ​ത്തി​യ​ത്. കു​ട്ടി​യെ ക​ണ്ടെ​ത്തി​യ സ്ഥ​ല​ത്ത് പോ​ലീ​സ് നാ​യ​യെ അ​ട​ക്കം എ​ത്തി​ച്ച് രാ​ത്രി വൈ​കി​യും പോ​ലീ​സ് പ​രി​ശോ​ധ​ന തു​ട​രു​ക​യാ​ണ്.

അ​ടി​മു​ടി ദു​രൂ​ഹ​ത;ത​ട്ടി​ക്കൊ​ണ്ടു പോ​യ​വ​ർ കു​ഞ്ഞി​നെ ഉ​പേ​ക്ഷി​ക്കു​ക​യാ​യി​രുന്നു എ​ന്ന് പോ​ലീ​സ്

തി​രു​വ​ന​ന്ത​പു​രം: ചാ​ക്ക​യി​ൽ നി​ന്നു കാ​ണാ​താ​യ ര​ണ്ടു​വ​യ​സു​കാ​രി​യെ ക​ട​ത്തി​ക്കൊ​ണ്ട് പോ​യ​തു ത​ന്നെ​യെ​ന്ന് പോ​ലീ​സ്. പോ​ലീ​സ് പ​രി​ശോ​ധ​ന ഉൗ​ർ​ജി​ത​മാ​ക്കി​യ​തി​നെ തു​ട​ർ​ന്ന് ത​ട്ടി​ക്കൊ​ണ്ട് പോ​യ​വ​ർ കു​ട്ടി​യെ ഉ​പേ​ക്ഷി​ച്ച് ക​ട​ന്ന​താ​കാ​മെ​ന്നാ​ണ് പോ​ലീ​സി​ന്‍റെ നി​ഗ​മ​നം.

കു​ട്ടി​യെ കാ​ണാ​താ​യ​തി​നെ തു​ട​ർ​ന്ന് പ്ര​ദേ​ശ​ത്താ​കെ പോ​ലീ​സ് തെ​ര​ച്ചി​ൽ ന​ട​ത്തി​യി​രു​ന്നു. എ​ന്നാ​ൽ ഇ​വി​ടെ​യൊ​ന്നും സം​ശ​യ​ക​ര​മാ​യി ഒ​ന്നും ത​ന്നെ ക​ണ്ടെ​ത്തി​യി​രു​ന്നി​ല്ല. രാ​ത്രി​യോ​ടെ​യാ​ണ് ബ്ര​ഹ്മോ​സി​നു പി​റ​കി​ൽ റെ​യി​ൽ​വേ ട്രാ​ക്കി​ന് സ​മീ​പ​ത്താ​യി ആ​ളൊ​ഴി​ഞ്ഞ പ്ര​ദേ​ശ​ത്ത് ഓ​ട​യി​ൽ നി​ന്നും കു​ട്ടി​യെ ക​ണ്ടെ​ത്തി​യ​ത്.

പ്ര​ദേ​ശ​വാ​സി​ക​ളും പോ​ലീ​സും ചേ​ർ​ന്ന് രാ​വി​ലെ ഈ ​പ്ര​ദേ​ശ​ങ്ങ​ളി​ല​ട​ക്കം തെ​ര​ച്ചി​ൽ ന​ട​ത്തി​യി​രു​ന്നു. എ​ന്നാ​ൽ ആ ​സ​മ​യ​ത്ത് കു​ട്ടി അ​വി​ടെ ഉ​ണ്ടാ​യി​രു​ന്നി​ല്ല. ഇ​തോ​ടെ​യാ​ണ് കു​ട്ടി​യെ ത​ട്ടി​ക്കൊ​ണ്ടു പോ​വു​ക​യും പി​ന്നീ​ട് ഉ​പേ​ക്ഷി​ക്കു​ക​യു​മാ​യി​രു​ന്നെ​ന്ന നി​ഗ​മ​ന​ത്തി​ൽ പോ​ലീ​സ് എ​ത്തി​ച്ചേ​ർ​ന്ന​ത്.

മ​ഞ്ഞ സ്കൂ​ട്ട​റി​ൽ വ​ന്ന ഒ​രാ​ൾ കു​ട്ടി​യെ എ​ടു​ത്തു കൊ​ണ്ടു പോ​യ​താ​യി ക​ണ്ടെ​ന്ന കു​ട്ടി​യു​ടെ സ​ഹോ​ദ​ര​ന്‍റെ മൊ​ഴി​യു​ടെ അ​ടി​സ്ഥാ​ന​ത്തി​ലും പോ​ലീ​സ് അ​ന്വേ​ഷ​ണം ഉൗ​ർ​ജി​ത​മാ​ക്കി​യി​രു​ന്നു. ത​ട്ടു​ക​ട​യി​ൽ ഭ​ക്ഷ​ണം ക​ഴി​ച്ചു​കൊ​ണ്ടി​രു​ന്ന​പ്പോ​ൾ ഒ​രാ​ൾ സ്കൂ​ട്ട​റി​ൽ കു​ട്ടി​യു​മാ​യി പോ​കു​ന്ന​തു ക​ണ്ടെ​ന്ന് ചാ​ക്ക സ്വ​ദേ​ശി​യാ​യ ഒ​രാ​ൾ പോ​ലീ​സി​നെ അ​റി​യി​ച്ചി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ പോ​ലീ​സ് പ്ര​ദേ​ശ​ത്തെ ചി​ല സി​സി​ടി​വി കാ​മ​റ​ക​ളി​ൽ നി​ന്നു​ള്ള ദൃ​ശ്യ​ങ്ങ​ൾ പ​രി​ശോ​ധി​ച്ചി​രു​ന്നെ​ങ്കി​ലും ദൃ​ശ്യ​ങ്ങ​ൾ​ക്ക് വ്യ​ക്ത​ത​യി​ല്ലാ​യി​രു​ന്നു.

പേ​ട്ട, കൊ​ച്ചു​വേ​ളി റെ​യി​ൽ​വേ സ്റ്റേ​ഷ​നി​ലേ​ക്കു പോ​കു​ന്ന വ​ഴി​ക​ളി​ൽ പോ​ലീ​സ് രാ​വി​ലെ ത​ന്നെ പ​രി​ശോ​ധ​ന ന​ട​ത്തി​യി​രു​ന്നെ​ങ്കി​ലും സം​ശ​യി​ക്ക​ത്ത​ക്ക​താ​യി ഒ​ന്നും ക​ണ്ടെ​ത്തി​യി​രു​ന്നി​ല്ല.
കു​ട്ടി​യെ ട്രെ​യി​ൻ മാ​ർ​ഗം ക​ട​ത്തി​ക്കൊ​ണ്ട് പോ​യി​ട്ടി​ല്ലെ​ന്ന് സ്ഥി​രീ​ക​രി​ച്ച​താ​യി സി​റ്റി പോ​ലീ​സ് ക​മ്മീ​ഷ​ണ​ർ സി​എ​ച്ച് നാ​ഗ​രാ​ജു ഇ​തി​നു ശേ​ഷം പ്ര​തി​ക​രി​ച്ചി​രു​ന്നു.

എ​ന്നാ​ൽ രാ​വി​ലെ പ​രി​ശോ​ധ​ന ന​ട​ത്തി​യ സ്ഥ​ല​ത്തു നി​ന്നു ത​ന്നെ രാ​ത്രി​യോ​ടെ കു​ട്ടി​യെ ക​ണ്ടെ​ത്തി​യ​ത് കു​ട്ടി​യെ ത​ട്ടി​ക്കൊ​ണ്ടു പോ​വു​ക​യും ഉ​പേ​ക്ഷി​ക്കു​ക​യു​മാ​യി​രു​ന്നെ​ന്ന നി​ഗ​മ​നം ബ​ല​പ്പെ​ടു​ത്തു​ന്ന​താ​ണ്.

അ​ങ്ങ​നെ​യെ​ങ്കി​ൽ ആ​രാ​ണ് കു​ട്ടി​യെ ത​ട്ടി​ക്കൊ​ണ്ടു പോ​യ​ത് എ​ന്ന​ത് ക​ണ്ടെ​ത്തു​ക​യാ​ണ് പോ​ലീ​സി​നു മു​ന്നി​ലു​ള്ള അ​ടു​ത്ത വെ​ല്ലു​വി​ളി. ഇ​തി​നാ​യി പോ​ലീ​സ് അ​ന്വേ​ഷ​ണം ശ​ക്ത​മാ​ക്കി​യി​രി​ക്കു​ക​യാ​ണ്. പ്ര​തി​യെ കു​റി​ച്ച് ചി​ല സൂ​ച​ന​ക​ൾ ല​ഭി​ച്ച​താ​യും വി​വ​ര​മു​ണ്ട്. എ​ന്നാ​ൽ ആ​രും ത​ന്നെ ക​സ്റ്റ​ഡി​യി​ൽ ഇ​ല്ലെ​ന്നും കാ​ര്യ​ങ്ങ​ൾ സ​മ​ഗ്ര​മാ​യി പ​രി​ശോ​ധി​ച്ചു അ​ന്വേ​ഷ​ണം ഉൗ​ർ​ജി​ത​മാ​ക്കി​യി​രി​ക്കു​ക​യാ​ണെ​ന്നും സി​റ്റി പോ​ലീ​സ് ക​മ്മീ​ഷ​ണ​ർ അ​റി​യി​ച്ചു.