കാ​ട്ടാ​ക്ക​ട: ക​ണ്ട​ല ബാ​ങ്ക് മുൻ പ്ര​സി​ഡ​ന്‍റ് ബി​ജെ​പി നേ​താ​വി​നെ കാ​റി​ടി​പ്പി​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ചെ​ന്നാ​രോ​പി​ച്ച് ബാ​ങ്കി​ന് മു​ന്നി​ൽ ന​ട​ത്തി​യ പ്ര​തി​ഷേ​ധം സം​ഘ​ർ​ഷ​ത്തി​ലും തുടർന്ന് അ​റ​സ്റ്റി​ലും ക​ലാ​ശി​ച്ചു.

ബി​ജെ​പി നേ​താ​വ് തൂ​ങ്ങാം​പാ​റ ബാ​ല​കൃ​ഷ്ണ​ൻ ഇ​ന്ന​ലെ രാ​വി​ലെ ബാ​ങ്കി​നു സ​മീ​പം സ​മ​ര​ക്കാ​രെ ക​ണ്ടു​മ​ട​ങ്ങു​ന്ന​തി​നി​ടെ സ്ഥ​ല​ത്തെ​ത്തി​യ ബാ​ങ്ക് മുൻ പ്ര​സി​ഡ​ന്‍റ് എ​ൻ. ഭാ​സു​രാം​ഗ​ൻ കാ​റി​ടി​ച്ചു കൊ​ല്ലാ​ൻ ശ്ര​മി​ച്ചെ​ന്നാ​ണ് ആ​രോ​പ​ണം. ഇ​തേ തു​ട​ർ​ന്ന് ബിജെപി ജി​ല്ലാ നേ​താ​ക്ക​ളു​ടെ നേ​തൃ​ത്വ​ത്തി​ൽ റോ​ഡ് ഉ​പ​രോ​ധി​ച്ചു. തൂ​ങ്ങാം​പാ​റ ജം​ഗ്ഷ​നു സ​മീ​പ​മാ​യി​രു​ന്നു ബി​ജെ​പി പ്ര​വ​ർ​ത്ത​ക​രും പോ​ലീ​സും ത​മ്മി​ൽ സം​ഘ​ർ​ഷം ഉ​ണ്ടാ​യ​ത്.

ക​ണ്ട​ല ബാ​ങ്കി​നെ​തി​രെ ആ​ദ്യ​ഘ​ട്ടം മു​ത​ൽ സ​മ​ര​ത്തി​നു നേ​തൃ​ത്വം ന​ൽ​കി​യ ബി​ജെ​പി കാ​ട്ടാ​ക്ക​ട മ​ണ്ഡ​ലം വൈ​സ് പ്ര​സി​ഡ​ന്‍റും പ​ഞ്ചാ​യ​ത്തി​ലെ മു​തി​ർ​ന്ന നേ​താ​വു​മാ​ണ് തൂ​ങ്ങാം​പാ​റ ബാ​ല​കൃ​ഷ്ണ​ൻ. ഭാ​സു​രാ​ഗം​നും മ​ക​നും തൂ​ങ്ങാ​മ്പാ​റ ഓ​ഡി​റ്റോ​റി​യ​ത്തി​നു സ​മീ​പ​ത്തു​വ​ച്ചു കാ​റി​ടി​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ച​തെ​ന്നാ​രോ​പി​ച്ച് ബാ​ല​കൃ​ഷ്ണ​ൻ മാ​റ​ന​ല്ലൂ​ർ പോ​ലീ​സി​ലും ഡി​വൈ​എ​സ്പി​ക്കും പ​രാ​തി ന​ൽ​കി. ബാ​ങ്കി​നെ​യും ത​ന്‍റെ കു​ടും​ബ​ത്തേ​യും ത​ക​ർ​ക്കാ​ൻ ശ്ര​മി​ക്കു​ന്ന​ത് എ​ന്തി​നെ​ന്ന് ചോ​ദി​ച്ചാ​യി​രു​ന്നു ഭാസുരാംഗൻ കാ​റി​ടി​പ്പി​ക്കാ​ൻ ശ്ര​മി​ച്ച​തെ​ന്ന് ബാ​ല​കൃ​ഷ്ണ​ൻ ആ​രോ​പി​ക്കു​ന്നു.

അ​തേ​സ​മ​യം ബാ​ല​കൃ​ഷ്ണ​ന്‍റെ പ​രാ​തി പോ​ലീ​സ് ഗൗ​ര​വ​ത്തി​ലെ​ടു​ക്കാ​തി​രുന്ന​തോ​ടെ ബി​ജെ​പി ജി​ല്ലാ നേ​താ​ക്ക​ൾ ഉ​ൾ​പ്പെ​ടെ​യു​ള്ളവരും പ്രാ​ദേ​ശി​ക നേതാക്കളും പ്ര​വ​ർ​ത്ത​ക​രും സ്ഥ​ല​ത്തെ​ത്തു​ക​യാ​യി​രു​ന്നു. സം​ഭ​വ​ത്തെ തു​ട​ർ​ന്ന് ബാ​ല​കൃ​ഷ്ണ​ൻ റോ​ഡി​ൽ കി​ട​ന്നു പ്ര​തി​ഷേ​ധം തു​ട​ങ്ങി. ബി​ജെ​പി പ്ര​വ​ർ​ത്ത​ക​രും നേ​താ​ക്ക​ളും ചേ​ർ​ന്ന് കാ​ട്ടാ​ക്ക​ട, നെ​യ്യാ​റ്റി​ൻ​ക​ര റോ​ഡ് ഉ​പ​രോ​ധി​ച്ചു. ഇക്കാര്യമറിഞ്ഞ് പോ​ലീ​സെത്തി​യ​തോ​ടെ പ്രദേ ശത്ത് വ​ൻ സം​ഘ​ർ​ഷ​മു​ണ്ടാ​യി.

ഡി​വൈ​എ​സ്പി ഉ​ൾ​പ്പെ​ടെ​യു​ള്ള പോ​ലീ​സ് സം​ഘം സ​മ​ര​ക്കാ​രെ നീ​ക്കംചെ​യ്യാ​ൻ തു​ട​ങ്ങി​യ​തോ​ടെ പ​ര​സ്പ​ര​മു​ള്ള ബാ​ല​പ്ര​യോ​ഗം കൈയാങ്കളിയിലേ ക്കു ന​യി​ച്ചു. പോ​ലീ​സു​കാ​രും ബി​ജെ​പി പ്ര​വ​ർ​ത്ത​ക​രും ത​മ്മി​ൽ ഉ​ന്തും ത​ള്ളു​മാ​യി. ഇ​തി​നി​ടെ പോ​ലീ​സു​കാ​ര​ൻ തൂ​ങ്ങാം​പാ​റ ബാ​ല​കൃ​ഷ്ണ​നെ നെ​ഞ്ചി​ൽ ഇ​ടി​ച്ചു​വെ​ന്നാ​രോ​പി​ച്ചും വാ​ക്കു​ത​ർ​ക്ക​മു​ണ്ടാ​യി. തു​ട​ർ​ന്ന് പോ​ലീ​സ് തൂ​ങ്ങാം​പാ​റ ബാ​ല​കൃ​ഷ്ണ​ൻ ഉ​ൾ​പ്പെ​ടെ​യു​ള്ള​വ​രെ അ​റ​സ്റ്റ് ചെ​യ്തു​നീ​ക്കി. ബി​ജെ​പി ജി​ല്ലാ പ്ര​സി​ഡ​ന്‍റ് വി.​വി. രാ​ജേ​ഷ് ഉ​ൾ​പ്പ​ടെ​യു​ള്ള​വ​രും പോ​ലീ​സു​മാ​യി രൂ​ക്ഷ​മാ​യ വാ​ക്കേ​റ്റ​വു​മു​ണ്ടാ​യി. പ്ര​തി​ഷേ​ധം അ​വ​സാ​നി​പ്പി​ച്ച ശേ​ഷം വൈ​കു​ന്നേ​ര​ത്തോ​ടെ യോ​ഗം സം​ഘ​ടി​പ്പി​ച്ചു.