മെ​ഡി​ക്ക​ല്‍ കോ​ള​ജ്: തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ വെന്‍റിലേ​റ്റ​റി​നും ഐ സിയു​വി​നും കോ​വി​ഡ് സ​മ​യ​ത്ത് ഒ​ഴി​വാ​ക്കി​യി​രു​ന്ന ചാ​ര്‍​ജ് പു​ന​രാ​രം​ഭി​ച്ച​തി​ല്‍ പ്ര​തി​ഷേ​ധ​ത്തി​നൊ​രു​ങ്ങി രോ​ഗി​ക​ളും ബ​ന്ധു​ക്ക​ളും. വെ​ന്‍റിലേ​റ്റ​റി​ന് 1000 രൂ​പ​യും ഐസി​യു​വി​ന് 500 രൂ​പ​യു​മാ​ണ് ചാ​ര്‍​ജ് ഏ​ര്‍​പ്പെ​ടു​ത്തി​യ​ത്.

ഗു​രു​ത​രാ​വ​സ്ഥ​യി​ലു​ള്ള രോ​ഗി​ക​ളെ​യാ​ണ് ഐ​സി​യു​വി​ല്‍ പ്ര​വേ​ശി​പ്പി​ക്കു​ന്ന​ത്. അ​തീ​വ ഗു​രു​ത​രാ​വ​സ്ഥ​യി​ല്‍ ക​ഴി​യു​ന്ന​വ​രെ​യാ​ണ് വെ​ന്‍റിലേ​റ്റ​റി​ല്‍ പ്ര​വേ​ശി​പ്പി​ച്ച് ജീ​വ​ന്‍ നി​ല​നി​ര്‍​ത്തു​ന്ന​തും. ഉ​യ​ര്‍​ന്ന വ​രു​മാ​ന​ക്കാ​ര്‍​ക്കാ​ണ് ഈ ​ര​ണ്ടുസേ​വ​ന​ങ്ങ​ള്‍​ക്കും പ​ണം ന​ല്‍​കേ​ണ്ടി വ​രു​ന്ന​ത്. ബിപി എ​ല്‍ കാ​ര്‍​ഡു​കാ​ര്‍​ക്ക് ഈ ​സേ​വ​ന​ങ്ങ​ള്‍ തി​ക​ച്ചും സൗ​ജ​ന്യ​മാ​യി ന​ല്‍​കും.

എ​ന്നാ​ല്‍ ഉ​യ​ര്‍​ന്ന വ​രു​മാ​ന​ത്തി​ന്‍റെ അ​ടി​സ്ഥാ​ന​ത്തി​ല്‍ കാ​ര്‍​ഡു​ക​ള്‍ കൈ​വ​ശം വ​യ് ക്കു​ന്ന ഭൂ​രി​ഭാ​ഗം രോ​ഗി​ക​ള്‍​ക്കും ദി​നംപ്ര​തി മ​രു​ന്നു വാ​ങ്ങാ​നോ ഡ​യാ​ലി​സി​സ് തു​ട​ങ്ങി​യ​വ ചെ​യ്യാ​നോ ക​ഴി​യാ​ത്ത സാ​ഹ​ച​ര്യ​ത്തി​ലാ​ണ് വെ​ന്‍റി​ലേ​റ്റ​റി​നും ഐ​സിയു​വി​നും ചാ​ര്‍​ജ് ഏ​ര്‍​പ്പെ​ടു​ത്തി​യെ​തെ​ന്നാ​ണ് രോ​ഗി​ക​ളും ബ​ന്ധു​ക്ക​ളും ആ​രോ​പി​ക്കു​ന്ന​ത്.

എ​ന്നാ​ല്‍ കോ​വി​ഡ് സ​മ​യ​ത്ത് ഒ​ഴി​വാ​ക്കി​യി​രു​ന്ന തു​ക പു​ന​രാ​രം​ഭി​ക്കു​ക മാ​ത്ര​മാ​ണു​ണ്ടാ​യ​തെ​ന്നാ​ണ് ബ​ന്ധ​പ്പെ​ട്ട അ​ധി​കൃ​ത​ര്‍ ന്യാ​യീ​ക​രി​ക്കു​ന്ന​ത്. ചാ​ര്‍​ജു​ക​ള്‍ ഏ​ര്‍​പ്പെ​ടു​ത്തി​യ​ത് സ​ര്‍​ക്കാ​ര്‍ നി​ര്‍​ദേ​ശ​ത്തെ തു​ട​ര്‍​ന്നാ​ണെ​ന്നും പ​റ​യു​ന്നു.

ദി​വ​സ​ങ്ങ​ള്‍​ക്ക് മു​മ്പ് കി​ട​പ്പ് രോ​ഗി​ക​ള്‍​ക്കുന​ല്‍​കി വ​ന്നി​രു​ന്ന ബ്ര​ഡും പാ​ലും നി​ര്‍​ത്ത​ലാ​ക്കി​യ​ത് വ​ന്‍ പ്ര​തി​ഷേ​ധ​ത്തി​ന് ഇ​ട​യാക്കിയി രുന്നു. അതിനു പിന്നാലെ വെ​ന്‍റിലേ​റ്റ​റി​നും ഐ​സി​യു​വി​നും ചാ​ര്‍​ജ് ഏ​ര്‍​പ്പെ​ടു​ത്തിയത് ഇ​രു​ട്ട​ടിയായെന്നും ആക്ഷേപമുണ്ട്.