ട്രാഫിക് പോലീസ് ഉദ്യോഗസ്ഥർക്ക് മഴക്കോട്ടുകൾ വിതരണം ചെയ്തു
1301192
Thursday, June 8, 2023 11:54 PM IST
തിരുവനന്തപുരം: തിരുവനന്തപുരം സിറ്റി ട്രാഫികിൽ സേവനം ചെയ്യുന്ന പോലീസ് ഉദ്യോഗസ്ഥർക്കായി മഴക്കോട്ടുകൾ വിതരണം ചെയ്ത് കിംസ്ഹെൽത്ത് കാൻസർ സെന്റർ. തിരുവനന്തപുരം കിംസ്ഹെൽത്തിൽ വച്ച് നടന്ന ചടങ്ങിൽ ചെയർമാൻ ആൻഡ് മാനേജിംഗ് ഡയറക്ടർ ഡോ. എം.ഐ സഹദുള്ള, ഡപ്യൂട്ടി കമ്മീഷണർ ഓഫ് പോലീസ് ലോ ആൻഡ് ഓർഡർ ആൻഡ് ട്രാഫിക് വി.അജിത്തിന് 430 മഴക്കോട്ടുകൾ കൈമാറി.
പ്രതികൂല കാലാവസ്ഥയിലും അർപ്പണമനോഭാവത്തോടെ സേവനം ചെയ്യുന്ന ട്രാഫിക് പോലീസ് ഉദ്യോഗസ്ഥർക്കുള്ള ആദരസൂചകമായാണ് മഴക്കോട്ടുകൾ വിതരണം ചെയ്തതെന്ന് കിംസ്ഹെൽത്ത് കാൻസർ സെന്റർ ആൻഡ് സിഎസ്ആർ സിഇഓ രശ്മി ആയിഷാ പറഞ്ഞു. തിരുവനന്തപുരം നോർത്ത് എസിപി പി.നിയാസ് , സൗത്ത് എസിപി ഷീൻ തറയിൽ എന്നിവരേയും ചടങ്ങിൽ ആദരിച്ചു. കിംസ്ഹെൽത്ത് എമർജൻസി മെഡിസിൻ വിഭാഗം, ഫാമിലി മെഡിസിൻ ആൻഡ് ഫാർമസി സർവീസസ് ഡയറക്ടർ ഡോ. പി.എം.സുഹ്റ , ക്ലിനിക്കൽ ഡയറക്ടർ ഡോ. ബി.രാജൻ, സൈബർ പോലീസ് സബ് ഡിവിഷൻ അസിസ്റ്റന്റ്കമ്മീഷണർ സി.എസ്.ഹരി , സബ് ഇൻസ്പെക്ടർമാരായ ജയപ്രകാശ് (ചീറ്റാ പട്രോൾ ഓഫീസർ), സജി കുമാർ (അഡ്മിനിസ്ട്രേഷൻ)എന്നിവരും ചടങ്ങിൽ പങ്കെടുത്തു.