വ​ഞ്ചി​യൂ​ർ സ്കൂ​ളി​ന്‍റെ അ​ഭി​മാ​നം രക്ഷിച്ചു താ​ര​മാ​യി ലു​ങ്കി കൻവാർ
Wednesday, June 7, 2023 12:11 AM IST
പ്ര​ശാ​ന്ത്
പേ​രൂ​ർ​ക്ക​ട: രാ​ജ​സ്ഥാ​ൻ സ്വ​ദേ​ശി​ നി​യാ​യ ലു​ങ്കി ക​ൻ​വാ​ർ സ്കൂ​ളി​ന്‍റെ അ​ഭി​മാ​നം കാ​ത്തു. ഒ​ന്നാം ക്ലാ​സി​ൽ ഒ​രു കു​ട്ടി​പോ​ലും ചേ​രാ​ത്ത സ്കൂ​ളെ​ന്ന നാ​ണ​ക്കേ​ട് വ​ഞ്ചി​യൂ​ർ ഗ​വ.​സ്കൂ​ളി​നു ല​ഭി​ക്കു​മാ​യി​രു​ന്നു, ലു​ങ്കി ഒ​ന്നാം ക്ലാ​സി​ൽ ചേ​ർ​ന്നി​ല്ലാ​യി​രു​ന്നു​വെ​ങ്കി​ൽ..! ഒ​ന്നാം ക്ലാ​സ് എ ​ഡി​വി​ഷ​നി​ൽ ഒ​റ്റ​യ്ക്കാ​ണ് ലു​ങ്കി. അ​രു​മ​ക്കു​ട്ടി​യെ ലാ​ളി​ക്കാ​നും പാ​ഠം ചൊ​ല്ലി​ക്കൊ​ടു​ക്കാ​നും ക്ലാ​സ് ടീ​ച്ച​ർ പ്രി​യ ഒ​പ്പ​മു​ണ്ട്. രാ​ജ​സ്ഥാ​ൻ സ്വ​ദേ​ശി​ക​ളും ലു​ങ്കി​യു​ടെ ബ​ന്ധു​ക്ക​ളു​മാ​യ ര​ണ്ടു കു​ട്ടി​ക​ൾകൂ​ടി ഉ​ട​ൻ ഒ​ന്നാം ക്ലാ​സി​ൽ പ്ര​വേ​ശ​നം നേ​ടു​മെ​ന്ന് സ്കൂ​ൾ അ​ധി​കൃ​ത​രെ അ​റി​യി​ച്ചി​ട്ടു​ണ്ട്. നാ​ട്ടി​ൽപോ​യ ഇ​വ​ർ അ​ടു​ത്ത ദി​വ​സം മ​ട​ങ്ങി​വ​രു​മ്പോ​ൾ സ്കൂ​ളി​ലെ​ത്തു​മെ​ന്ന പ്ര​തീ​ക്ഷ​യി​ലാ​ണ് അ​ധ്യാ​പ​ക​ർ. വ്യാ​ഴാ​ഴ്ച പ്ര​വേ​ശ​നോ​ത്സ​വം ന​ട​ന്ന​പ്പോ​ൾ ഒ​ന്നാം ക്ലാ​സി​ൽ ഏ​ക വി​ദ്യാ​ർ​ഥിനി​യാ​യി ലു​ങ്കി ക​ൻ​വാ​ർ സ്ഥാ​നം പി​ടി​ച്ചി​രു​ന്നു. സു​ഖ​മി​ല്ലാ​ത്ത​തു കാ​ര​ണം ക​ഴി​ഞ്ഞ ര​ണ്ടു ദി​വ​സ​മാ​യി ലു​ങ്കി അ​വ​ധി​യി​ലാ​ണ്. രാ​ജ​സ്ഥാ​നി​ലെ ര​ജ​പു​ത്ര വം​ശ​ജ​നാ​യ ലു​ങ്കി​യു​ടെ അ​ച്ഛ​ൻ കേ​സ​ർ ദാ​ൻ എ​ട്ടു​വ​ർ​ഷ​മാ​യി ത​ല​സ്ഥാ​ന​ത്ത് ചെ​റു​കി​ട ക​ച്ച​വ​ട​ക്കാ​ര​നാ​ണ്. കേ​സ​റും ഭാ​ര്യ സു​മ​നും വ​ഞ്ചി​യൂ​രിലാ​ണ് താ​മ​സം. ലു​ങ്കി ജ​നി​ച്ച​തു തി​രു​വ​ന​ന്ത​പു​ര​ത്താ​ണ്. ന​ന്നാ​യി മ​ല​യാ​ളം പ​റ​യും. മ​ക​ളെ മ​ല​യാ​ളം പ​ഠി​പ്പി​ക്കാ​ൻ കേ​സ​റി​നും സു​മ​നും വ​ലി​യ ഉ​ത്സാ​ഹ​മാ​ണ്. പ​ഠി​ക്കാ​ൻ ലു​ങ്കി​ക്കും.
പ​ത്താം ക്ലാ​സു​വ​രെ​യു​ള്ള വ​ഞ്ചി​യൂ​ർ ഹൈ​സ്കൂ​ളി​ൽ നി​ല​വി​ൽ മു​പ്പ​തി​ൽ താ​ഴെ കു​ട്ടി​ക​ളാ​ണ് ഇ​ക്കൊ​ല്ലം പ​ഠ​നം ന​ട​ത്തു​ന്ന​ത്. ഏ​താ​യാ​ലും ലു​ങ്കി ക​ൻ​വാ​ർ സ്കൂ​ളി​ന് അ​ഭി​മാ​ന​മാ​യി മാ​റി​യ​തി​ൽ അ​ധ്യാ​പ​ക​രും അ​ന​ധ്യാ​പ​ക​രും ഏ​റെ സ​ന്തോ​ഷ​ത്തി​ലാ​ണ്.

Copyright @ 2022 , Rashtra Deepika Ltd.