പള പളാ മിനുങ്ങാൻ : Deepika.com Special News

ഇതു രക്ഷാകർത്താക്കൾ വായിക്കാതെ പോവരുത്! ഒരു വയസാകും മുൻപേ കുരുന്നുകൈകളിൽ മൊബൈൽ ഫോണോ ടാബ്‌ലെറ്റോ കൊടുക്കുന്നവരാണ് ഇന്നു നല്ലൊരു ശതമാനം മാതാപിതാക്കളും. കരച്ചിലടക്കുക, പഠിപ്പിക്കുക, ഭക്ഷണം കഴിപ്പിക്കുക തുടങ്ങി കുട്ടികളെ വളയ്ക്കുന്നതിനുള്ള ഒറ്റമൂലിയായാണ് രക്ഷിതാക്കൾ പലപ്പോഴും മൊബൈൽ ഫോണിനെ കാണുന്നത്. ആദ്യം തമാശയ്ക്കു കൊടുക്കുന്ന ഇത്തരം ഡിജിറ്റൽ സ്ക്രീനുകൾ പിന്നീട് കുട്ടികളുടെ കൈയിൽ നിന്നു തിരികെ വാങ്ങാനാകാത്ത സ്ഥിതി വരുന്നു. മയക്കുമരുന്നുകൾ പോലെ ഒഴിവാക്കാനാകാത്ത ഒന്നായി ഈ സ്ക്രീനുകൾ മാറുന്ന കാഴ്ചയാണ് ഇന്നുള്ളത്. തുടർച്ചയായ ഡിജിറ്റൽ സ്ക്രീനുകളുടെ ഉപയോഗം കുട്ടികളിൽ ഗുരുതരമായ ആരോഗ്യപ്രശ്നങ്ങളുണ്ടാക്കുമെന്നു പഠനങ്ങൾ തെളിയിക്കുന്നു. മൊബൈൽ ഫോണ്‍ കൊടുത്തുള്ള സ്നേഹപ്രകടനം അവരോടുചെയ്യുന്ന ഏറ്റവും വലിയ അപരാധമായി മാറും. ഡിജിറ്റൽ സ്ക്രീനുകൾക്ക് അടിമകളായ കുട്ടികൾ അതു ലഭിക്കാതെ വരുമ്പോൾ ഒരു പ്രത്യേക മാനസികാവസ്ഥയിലേക്ക് എത്തുന്നു

പള പളാ മിനുങ്ങാൻ

വടിപോലെ തെല്ലും ഉടയാത്ത തൂവെള്ള ഷർട്ടും മുണ്ടുമാണ് സ്ഥാനാർഥികളുടെ വേഷം. രാഷ്‌ട്രീയക്കാരനെങ്കിൽ വെള്ളഷർട്ടു വേണം. ഖദറെങ്കിൽ കേമം. സ്ഥാനാർഥികളുടെ വസ്ത്രങ്ങൾ അലക്കി ഉണക്കി ഇസ്തിരിയിട്ടു മോടിയാക്കുന്ന അലക്ക് തൊഴിലാളികൾക്ക് തെരഞ്ഞെടുപ്പു കാലം തിരക്കുകാലമാണ്.

പതിവിനെക്കാൾ പതിൻമടങ്ങ് തുണികളാണ് ഇപ്പോൾ അലക്കുകേന്ദ്രങ്ങളിൽ എത്തുന്നത്. എല്ലാവർക്കും വേഗം തിരികെ കിട്ടുകയും വേണം. തിരുവഞ്ചൂർ രാധാകൃഷ്ണൻ, എൻ. ഹരി, ടി.എൻ. ഹരികുമാർ, കെ. അനിൽകുമാർ തുടങ്ങിയവരുടെയും പ്രമുഖ നേതാക്കളുടെയും വസ്ത്രങ്ങൾ അലക്കി ഇസ്തിരിയിടുന്ന നാഗന്പടം പള്ളിപ്പുറത്തുമാലിൽ പി. സജിക്ക് തിരക്കിന്‍റെ കാലമാണ്.

ഒരോ ആഴ്ചയും 20 ജോഡി മുതൽ 40 ജോഡി വരെ വസ്ത്രങ്ങളാണ് സ്ഥാനാർഥികളുടെ വീതം എത്തുന്നത്. വിയർത്തുകുളിച്ച ചൂടിൽ ദിവസം മൂന്നു തവണയെങ്കിലും വസ്ത്രം മാറേണ്ടിവരും. പ്രവർത്തകരോ ജോലിക്കാരോ ആയിരിക്കും അലക്കാനുള്ളവ എത്തിക്കുന്നത്. തുണികൾ മാറിപ്പോകാതിരിക്കാൻ ഓരോന്നിനും മാർക്കർ ഉപയോഗിച്ച് കോഡ് നൽകുകയാണ് ആദ്യത്തെ ജോലി.

തുടർന്നു സോപ്പുവെള്ളത്തിൽ കുതിർത്തു വയ്ക്കും. പിറ്റേദിവസം ബ്ലീച്ചിംഗ് വാട്ടറിൽ കരിന്പനും കറയും കഴുകി കളയും. പിന്നീട് മീനച്ചിലാറ്റിൽ എത്തിച്ചു നന്നായി അലക്കും. ഉണക്കിയ വസ്ത്രങ്ങൾ നീലവും പശയും മുക്കി വീണ്ടും ഉണക്കി തേച്ചെടുക്കും.

ചവ്വരി പൊടി കുറുക്കിയെടുത്ത് അതിൽ വസ്ത്രങ്ങൾ മുക്കിയെടുത്താൽ തുണിക്കു വടിവു കിട്ടുന്ന പശ ലഭിക്കും. മഴക്കാലമായാൽ ഉണക്കിയെടുക്കാൻ ഏറെ ക്ലേശമുണ്ടാകും. രാത്രിയിലാണ് വെള്ളം തളിച്ചുള്ള ഇസ്തിരിയിടൽ. ഒരു ഷർട്ടിനും മുണ്ടിനും അലക്കി പശമുക്കി ഇസ്തിരിയിടുന്നതിന് 50 രൂപയാണ് നിരക്ക്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.