എല്‍സിയെ കാത്ത് പാവങ്ങളുടെ കൊച്ചി
വി​ശ​ന്ന വ​യ​റു​മാ​യി കാ​ത്തി​രി​ക്കു​ന്ന​വ​ർ​ക്കു മു​ന്നി​ൽ ക​ട​ന്നു​വ​രു​ന്ന എ​ൽ​സി ദേ​വ​ദൂ​തികയാ​ണ്. ഒ​രു നേ​ര​ത്തെ ഭ​ക്ഷ​ണ​ത്തി​നാ​യി, ന​ല്ല വ​സ്ത്ര​ങ്ങ​ൾ ഇ​ല്ലാ​തെ, നി​ത്യ​ജീ​വി​ത​ത്തി​നു വ​ക​യി​ല്ലാ​തെ വി​ഷ​മി​ക്കു​ന്ന നൂ​റു​ക​ണ​ക്കി​നു പേ​ർ​ക്കു കൈ​ത്താ​ങ്ങാ​കു​ക​യാ​ണ് ഈ ​വീ​ട്ട​മ്മ. ഇ​വ​ർ​ക്കെ​ല്ലാം ഇ​ന്ന് എ​ൽ​സി ത​ങ്ങ​ളു​ടെ സു​ഹൃ​ത്തും അ​ന്ന​ദാ​താ​വും മാ​ത്ര​മ​ല്ല....​അ​മ്മ​യും ചേ​ച്ചി​യും അ​നി​യ​ത്തി​യു​മൊ​ക്കെ​യാ​ണ്. പ​റ​ഞ്ഞു​വ​രു​ന്ന​തു പാ​ലാ​രി​വ​ട്ടം പ​ള്ളി​ച്ചാ​ൽ റോ​ഡ് സാ​ബു ജോ​സി​ന്‍റെ ഭാ​ര്യ എ​ൽ​സി​യെ​ക്കു​റി​ച്ചും തെ​രു​വി​ൽ സ്നേ​ഹ​ത്തി​ന്‍റെ അ​ന്നം വി​ള​ന്പി എ​ൽ​സി തു​ട​ങ്ങി​യ ല​വ് ആ​ൻ​ഡ് കെ​യ​ർ എ​ന്ന സ​ന്ന​ദ്ധ സം​ഘ​ട​ന​യെ​ക്കു​റി​ച്ചു​മാ​ണ്. കൃ​ത്യം പ​റ​ഞ്ഞാ​ൽ 2003 സെ​പ്തം​ബ​ർ ര​ണ്ടി​നു മ​ക​ന്‍റെ എ​ട്ടാം പി​റ​ന്നാ​ളി​നാ​ണ് എ​ൽ​സി വി​ശ​ക്കു​ന്ന​വ​രെ​ക്കു​റി​ച്ച് ചി​ന്തി​ച്ച​ത്. ആ​ഘോ​ഷം തു​ട​ങ്ങു​ന്ന​തി​നു തൊ​ട്ടു​മു​ന്പ് വീ​ട്ടി​ൽ അ​തി​ഥി​ക​ൾ​ക്കാ​യി ഒ​രു​ക്കി​യ ഭ​ക്ഷ​ണ​ത്തി​ൽ കു​റ​ച്ച് എ​ടു​ത്തു​മാ​റ്റി പൊ​തി​ച്ചോ​റു​ക​ളൊ​രു​ക്കി തെ​രു​വി​ലേ​ക്കി​റ​ങ്ങി. അ​വ​രു​ടെ ന​ല്ല മ​ന​സ്സ് തി​രി​ച്ച​റി​ഞ്ഞ അ​യ​ൽ​ക്കാ​രും വീ​ട്ടു​കാ​രും സു​ഹൃ​ത്തു​ക്ക​ളും ഒ​പ്പം കൂ​ടി. പി​ന്നീ​ട് കേ​ട്ട​റി​ഞ്ഞ് പ​ല​രും. അ​ങ്ങ​നെ, തെ​രു​വി​ൽ സ്നേ​ഹ​ത്തി​ന്‍റെ അ​ന്നം വി​ള​ന്പി തു​ട​ങ്ങി​യ ല​വ് ആ​ൻ​ഡ് കെ​യ​ർ എ​ന്ന സ​ന്ന​ദ്ധ സം​ഘ​ട​ന​യു​ടെ നേ​തൃ​ത്വ​ത്തി​ൽ ഇ​ന്നു കൊ​ച്ചി​യി​ൽ ദി​ന​വും നൂ​റു​ക​ണ​ക്കി​നു​പേ​ർ​ക്കു ഭ​ക്ഷ​ണം ന​ൽ​കി​വ​രു​ന്നു.

ക്രൂ​ര​ത... എ​ന്തി​നി​ങ്ങ​നെ?

ഭ​ക്ഷ​ണ സാ​ധ​ന​ങ്ങ​ൾ മോ​ഷ്ടി​ച്ചെ​ന്ന് ആ​രോ​പി​ച്ച് ആ​ദി​വാ​സി യു​വാ​വാ​യ മ​ധു​വി​നെ മ​ർ​ദി​ച്ചു കൊ​ല​പ്പെടു​ത്തി​യ സം​ഭ​വം ക്രൂ​ര​ത​യെ​ന്നു മാ​ത്ര​മേ പ​റ​യാ​ൻ സാ​ധി​ക്കു​വെ​ന്ന്എ​ൽ​സി പ​റ​യു​ന്നു. എ​ന്തി​നി​ങ്ങ​നെ അ​തി​ക്ര​മം കാ​ട്ടു​ന്നു​വെ​ന്നു നാ​മെ​ല്ലാം ചി​ന്തി​ക്കേ​ണ്ടി​യി​രി​ക്കു​ന്നു. ഒ​രു നേ​ര​ത്തെ ആ​ഹാ​ര​ത്തി​നാ​യി അ​ല​യു​ന്ന​വ​രെ ആ​ക്ര​മി​ക്കാ​തെ അ​വ​രെ സ​ഹാ​യി​ക്കു​വാ​നു​ള്ള മന​സാ​ണ് ഒാരോ​രു​ത്ത​ർ​ക്കും വേ​ണ്ട​തെ​ന്നും എ​ൽ​സി പ​റ​യു​ന്നു. കൊ​ച്ചി​യി​ൽ വി​വി​ധ സ്ഥ​ല​ങ്ങ​ളി​ലാ​യി നി​ര​വ​ധി ആ​ളു​ക​ൾ ഒ​രു നേ​ര​ത്തെ ഭ​ക്ഷ​ണം പ്ര​തീ​ക്ഷി​ച്ചു ക​ഴി​യു​ന്നു​ണ്ട്. ഇ​വ​ർ​ക്കെ​ല്ലാം ഭ​ക്ഷ​ണം എ​ത്തി​ച്ചു ന​ൽ​കു​ക​യെ​ന്ന​തു ശ്ര​മ​ക​ര​മെ​ങ്കി​ലും ത​ങ്ങ​ൾ​ക്കു ക​ഴി​യാ​വു​ന്ന സ​ഹാ​യ​മാ​ണു ചെ​യ്തു​വ​രു​ന്ന​തെ​ന്നു ഹൈ​ക്കോ​ർ​ട്ട് ജം​ഗ്ഷ​നു സ​മീ​പം പൊ​തി​ച്ചോ​റി​നാ​യി കാ​ത്തി​രി​ക്കു​ന്ന​വ​ർ​ക്കു ഭ​ക്ഷ​ണപ്പൊ​തി​ക​ൾ കൈ​മാ​റിക്കൊ​ണ്ട് എ​ൽ​സി പ​റ​യു​ന്നു. വി​വി​ധ കോ​ള​ജു​ക​ൾ, സ്കൂ​ളു​ക​ൾ, റെ​സി​ഡ​ന്‍റ്സ് അ​സോ​സി​യേ​ഷ​നു​ക​ൾ, ഹൈ​ക്കോ​ട​തി ജീ​വ​ന​ക്കാ​ർ തു​ട​ങ്ങി വി​വി​ധ സ്ഥ​ല​ങ്ങ​ളി​ൽ​നി​ന്നു ല​ഭി​ക്കു​ന്ന ഭ​ക്ഷ​ണപ്പൊതി​ക​ളാ​ണ് ഇ​വ​ർ വി​ത​ര​ണം ചെ​യ്യു​ന്ന​ത്.

രാ​വി​ലെ എ​ഴു​ന്നേ​റ്റ് വീ​ട്ടു​ജോ​ലി​ക​ൾ തീ​ർ​ത്ത​ശേ​ഷം മ​റ്റു​ള്ള വീ​ട്ട​മ്മ​മാ​ർ ടി​വി​യു​ടെ മു​ന്നി​ലേ​ക്ക് ചേ​ക്കേ​റു​ന്പോ​ഴാ​ണ് എ​ൽ​സി​യു​ടെ​യും സ​ഹ​പ്ര​വ​ർ​ത്ത​ക​രു​ടെ​യും ദി​വ​സ​ങ്ങ​ൾ വ്യ​ത്യ​സ്ത​മാ​കു​ന്ന​ത്.

വി​ശ​പ്പി​ലേ​ക്കു ക​ണ്‍​മി​ഴി​ക്കു​ന്ന​വ​രു​ടെ മു​ന്നി​ലേ​ക്കു സ​ന്തോ​ഷ​ത്തി​ന്‍റെ പൊ​തി​ക​ളു​മാ​യി എ​ത്തു​ന്ന ഇ​വ​രെ തെ​രു​വോ​ര​ങ്ങ​ളി​ൽ ക​ഴി​യു​ന്ന​വ​ർ മാ​ത്ര​മ​ല്ല കാ​ത്തി​രി​ക്കു​ന്ന​ത്. കൊ​ച്ചി​യി​ലെ വി​വി​ധ കോ​ള​നി നി​വാ​സി​ക​ളും അ​ഭ​യകേ​ന്ദ്ര​ങ്ങ​ളി​ലെ അ​ന്തേ​വാ​സി​ക​ളും എ​ൽ​സി​യു​ടെ സ്നേ​ഹം അ​റി​ഞ്ഞു വ​ള​രു​ന്ന​വ​ർ ത​ന്നെ​യാ​ണ്.

ന​ല്ല​വ​രാ​യ ഒ​രു കൂ​ട്ടം ആ​ളു​ക​ളു​ടെ പ്രോ​ത്സാ​ഹ​ന​മാ​ണു വി​ശ​ക്കു​ന്ന​വ​ർ​ക്ക് ആ​ഹാ​രം ന​ൽ​കി​വ​രു​ന്ന​തി​പ്പോ​ഴും തു​ട​രാ​ൻ കാ​ര​ണ​മെ​ന്നും എ​ൽ​സി പ​റ​യു​ന്നു.

കൊ​ച്ചി​യെ ര​ണ്ടാ​യി തി​രി​ച്ചാ​ണ് ഇ​വ​രു​ടെ പ്ര​വ​ർ​ത്ത​നം. ന​ഗ​ര​ത്തി​നു​ള്ളി​ൽ ഹൈ​ക്കോ​ട​തി​യി​ലും അ​ടു​ത്ത പ്ര​ദേ​ശ​ങ്ങ​ളി​ൽ​നി​ന്നും ക​ള​മ​ശേ​രി, തൃ​ക്കാ​ക്ക​ര, കാ​ക്ക​നാ​ട്, മൂ​ലം​പ​ള്ളി, ക​ട​വ​ന്ത്ര എ​ന്നി​വി​ട​ങ്ങ​ളി​ൽ​നി​ന്നൊ​ക്കെ ഇ​വ​ർ ഭ​ക്ഷ​ണം ശേ​ഖ​രി​ക്കു​ന്നു. ചി​ല​ർ ദി​വ​സ​വും മ​റ്റു ചി​ല​ർ ഇ​ട​വി​ട്ട ദി​വ​സ​ങ്ങ​ളി​ലു​മാ​ണു ഭ​ക്ഷ​ണം ന​ൽ​കു​ന്ന​ത്.


2007ൽ ​ഹൈ​ക്കോ​ട​തി ചീ​ഫ് ജ​സ്റ്റി​സ് ആ​യി​രു​ന്ന എ​ച്ച്.​എ​ൽ. ദ​ത്തു​വി​ന്‍റെ കാ​ല​ത്ത് തു​ട​ങ്ങി​യ കീ​ഴ്‌വഴ​ക്കം ഇ​പ്പോ​ഴും തു​ട​രു​ന്ന​താ​യി എ​ൽ​സി പ​റ​യു​ന്നു. ഇ​വി​ടെ​നി​ന്നു ദി​വ​സ​വും നൂ​റി​ലേ​റെ പൊ​തി​ച്ചോ​റു​ക​ൾ ല​ഭി​ക്കു​ന്ന​താ​യും അ​വ​ർ കൂ​ട്ടി​ച്ചേ​ർ​ത്തു. ഹൈ​ക്കോ​ട​തി​യി​ൽ​നി​ന്നും ഇ​തി​നോ​ട​കം ഏ​ക​ദേ​ശം 2,10,258 ഭ​ക്ഷ​ണ​പ്പൊ​തി​ക​ൾ കൈ​മാ​റി​ക്ക​ഴി​ഞ്ഞു.

വി​ദ്യാ​ർ​ഥി​ക​ളു​ടെ പി​ന്തു​ണ​യ്ക്കു വാക്കു​ക​ളി​ല്ല

കൊ​ച്ചി​യി​ലെ കു​ട്ടി​ക​ളു​ടെ സം​ഭാ​വ​ന​യ്ക്കു വാ​ക്കു​ക​ളി​ല്ലെ​ന്നാ​ണ് എ​ൽ​സി പ​റ​യു​ന്ന​ത്. സ​മൂ​ഹ​ത്തി​ൽ ത​ങ്ങ​ളു​ടെ ചു​റ്റി​നും ക​ഴി​യു​ന്ന​വ​രു​ടെ വി​ഷ​മ​ത​ക​ൾ ക​ണ്ട​റി​ഞ്ഞു​ത​ന്നെ​യാ​ണു കു​ട്ടി​ക​ൾ വ​ള​രു​ന്ന​ത്. ഇ​തി​ന് ആ​ഴ്ച​യി​ൽ ഒ​രു ദി​വ​സം ഇ​വ​ർ വീ​ട്ടി​ൽ​നി​ന്നു കൊ​ണ്ടു​വ​ന്നു ന​ൽ​കു​ന്ന പൊ​തി​ച്ചോ​ർ​ത​ന്നെ​യാ​ണ് ഉ​ദാ​ഹ​ര​ണ​മെ​ന്നും എ​ൽ​സി പ​റ​യു​ന്നു. വി​ദ്യാ​ല​യ​ങ്ങ​ളി​ൽ ഉ​ൾ​പ്പെ​ടെ സ്ഥാ​പി​ച്ചി​രി​ക്കു​ന്ന ബോ​ക്സി​ലാ​ണ് ഏ​വ​രും പൊ​തി​ച്ചോ​ർ നി​ക്ഷേ​പി​ക്കു​ന്ന​ത്. ഇ​തു പി​ന്നീ​ട് ല​വ് ആ​ൻ​ഡ് കെ​യ​ർ പ്ര​വ​ർ​ത്ത​ക​ർ ശേ​ഖ​രി​ച്ച് വി​ത​ര​ണം ന​ട​ത്തു​ക​യാ​ണു രീ​തി. മ​ഹാ​രാ​ജാ​സ്, തേ​വ​ര സേ​ക്ര​ട്ട് ഹാ​ർ​ട്ട്സ്, ഭാ​ര​ത് മാ​ത, ആ​ൽ​ബ​ർ​ട്സ് തു​ട​ങ്ങി​യ കോ​ള​ജു​ക​ളി​ൽ​നി​ന്നും കൊ​ച്ചി​യി​ലെ വി​വി​ധ വി​ദ്യാ​ല​യ​ങ്ങ​ളി​ൽ നി​ന്നും ഇ​വ​ർ ഭ​ക്ഷ​ണ​പ്പൊ​തി ശേ​ഖ​രി​ക്കു​ന്നു​ണ്ട്. കൂ​ടാ​തെ, ബാ​ങ്കു​ക​ൾ, വി​വി​ധ സ്ഥാ​പ​ന​ങ്ങ​ൾ, റെ​സി​ഡ​ന്‍റ്സ് അ​സോ​സി​യേ​ഷ​നു​ക​ൾ, ഫ്ളാ​റ്റു​ക​ൾ എ​ന്നി​വി​ട​ങ്ങ​ളി​ൽ​നി​ന്നെ​ല്ലാം പ​ല​രും ക​നി​വി​ന്‍റെ ഉ​റ​വ​ക​ളാ​കു​ന്നു. മി​ക്ക​വ​രും കേ​ട്ട​റി​ഞ്ഞ് എ​ത്തു​ന്ന​താ​ണ്. ന​ന്മ​യു​ടെ ഭാ​ഗ​മാ​കാ​ൻ എ​ല്ലാ​വ​ർ​ക്കും അ​വ​സ​രം ന​ൽ​കു​ക മാ​ത്ര​മാ​ണ് ത​ങ്ങ​ൾ ചെ​യ്യു​ന്ന​തെ​ന്ന് എ​ൽ​സി പ​റ​യു​ന്നു.

ഏ​തെ​ങ്കി​ലും ഒ​രു ദി​വ​സം ഭ​ക്ഷ​ണപ്പൊതി​ക​ളു​ടെ എ​ണ്ണം കു​റ​ഞ്ഞു​പോ​യാ​ലും എ​ൽ​സി​യെ കാ​ത്തി​രി​ക്കു​ന്ന​വ​ർ പ​ട്ടി​ണി​യാ​കി​ല്ല.

വീ​ട്ടി​ലു​ണ്ടാ​ക്കു​ന്ന ഉ​ച്ച​ഭ​ക്ഷ​ണ​ത്തി​ന്‍റെ ഒ​രു ഭാ​ഗം ഇ​വ​ർ​ക്ക് ഉ​റ​പ്പാ​ണ്. ഓ​ണം, വി​ഷു, ക്രി​സ്മ​സ് തു​ട​ങ്ങി​യ വി​ശേ​ഷദി​വ​സ​ങ്ങ​ളി​ൽ പൊ​തി​ച്ചോ​റു​ക​ളാ​യെ​ത്തു​ന്ന​തു സ​ദ്യ​യോ ബി​രി​യാ​ണി​യോ ഒ​ക്കെ​യാ​വാം.

സ​മ്മാ​ന​പ്പെ​ട്ടി​ക​ൾ

ഭ​ക്ഷ​ണ​പ്പൊ​തി​ക​ൾ ശേ​ഖ​രി​ച്ച് വി​ത​ര​ണം ചെ​യ്യു​ന്ന​തി​ൽ ഒ​തു​ങ്ങു​ന്നി​ല്ല ഇ​വ​രു​ടെ പ്ര​വ​ർ​ത്ത​ന​ങ്ങ​ൾ. കൊ​ച്ചി​യി​ലെ​യും സ​മീ​പ​പ്ര​ദേ​ശ​ങ്ങ​ളി​ലെ​യും വി​വി​ധ ഭാ​ഗ​ങ്ങ​ളി​ൽ ല​വ് ആ​ൻ​ഡ് കെ​യ​റി​ന്‍റെ സ​മ്മാ​ന​പ്പെ​ട്ടി​ക​ൾ സ്ഥാ​പി​ച്ചി​ട്ടു​ണ്ട് ഇ​വ​ർ. ത​നി​ക്ക് ഉ​പ​യോ​ഗ​മി​ല്ലാ​ത്ത​തും മ​റ്റു​ള്ള​വ​ർ​ക്ക് ഉ​പ​യോ​ഗ​പ്പെ​ടു​ന്ന​തു​മാ​യ വ​സ്ത്ര​മോ ക​ളി​പ്പാ​ട്ട​മോ അ​ങ്ങ​നെ​യെ​ന്തും ഈ ​സ​മ്മാ​ന​പ്പെ​ട്ടി​ക​ളി​ൽ നി​ക്ഷേ​പി​ക്കാം. അ​ത്, ആ​വ​ശ്യ​ക്കാ​രു​ടെ കൈ​ക​ളി​ൽ ഇ​വ​രെ​ത്തി​ക്കും. കാ​ൻ​സ​റോ മ​റ്റു രോ​ഗ​ങ്ങ​ളോ ബാ​ധി​ച്ച് കി​ട​പ്പി​ലാ​യി​പ്പോ​യ​വ​രു​ടെ വീ​ടു​ക​ളി​ൽ അ​രി​യും മ​റ്റു സാധ​ന​ങ്ങ​ളും ഇ​വ​ർ എ​ത്തി​ച്ചുകൊ​ടു​ക്കു​ന്നു. സ്കൂ​ളി​ൽ പോ​കു​ന്ന പാ​വ​പ്പെ​ട്ട കു​ട്ടി​ക​ൾ​ക്കു പു​സ്ത​ക​ങ്ങ​ൾ, ബാ​ഗ്, കു​ട അ​ങ്ങനെ പ​ല​തും ഇ​വ​ർ ന​ൽ​കു​ന്നു. റ​ഫ്രി​ജ​റേ​റ്റ​റു​ക​ൾ, വാ​ഷിം​ഗ് മെ​ഷീ​നു​ക​ൾ തു​ട​ങ്ങി ഇ​വ​ർ​ക്കു ല​ഭി​ച്ചു​കൊ​ണ്ടി​രി​ക്കു​ന്ന​തും വി​ത​ര​ണ​ം ചെ​യ്തു​വ​രു​ന്ന​തു​മാ​യ നി​ര​വ​ധി സാ​ധ​ന​ങ്ങ​ളു​ണ്ട്. വീ​ടി​നോ​ട് ചേ​ർ​ന്നു പ്ര​വ​ർ​ത്തി​ക്കു​ന്ന ല​വ് ആ​ൻ​ഡ് കെ​യ​റി​ൽ അ​രി​യും മ​റ്റ് സാ​ധ​ന​ങ്ങ​ളും എ​പ്പോ​ഴും കാ​ണും.

അ​ത്യാ​വ​ശ്യ ഘ​ട്ട​ങ്ങ​ളി​ൽ എ​ത്തു​ന്ന​വ​ർ​ക്കു ന​ൽ​കു​വാ​നു​ള്ള​താ​ണ് ഈ ​സൂ​ക്ഷി​ച്ചി​രി​ക്കു​ന്ന സാ​ധ​ന​ങ്ങ​ൾ. രോ​ഗി​ക​ളും ആ​രോ​രു​മി​ല്ലാ​ത്ത​വ​രു​മാ​യ നി​ര​വ​ധി ആ​ളു​ക​ൾ ഇ​വി​ടെ​യെ​ത്തി സാ​ധ​ന​ങ്ങ​ൾ വാ​ങ്ങി മ​ട​ങ്ങു​ന്ന​തും നി​ത്യ​സം​ഭ​വ​മാ​ണ്.

ജീ​വി​ത​ത്തി​ന്‍റെ വി​വി​ധ തു​റ​ക​ളി​ൽഉ​യ​ർ​ന്നുവ​രു​ന്ന സ്ത്രീ​ക​ളെ ന​മു​ക്ക് കാ​ണാ​ൻ സാ​ധി​ക്കും. പ​ക്ഷേ, സ​മൂ​ഹ​ത്തി​ന് വ​ഴി​കാ​ട്ടി​യാ​കു​ന്ന എ​ൽ​സി​യെ​പ്പോലെ​യു​ള്ള​വ​വ​ർ വി​ര​ലി​ലെ​ണ്ണാ​വു​ന്ന​വ​ർ മാ​ത്ര​മാ​കും.

റോ​ബി​ൻ ജോ​ർ​ജ്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.