മൃഗനീതികള്‍ എന്ന ആ കവിതാസമാഹാരത്തില്‍ വ്യത്യസ്തങ്ങളായ 25 കവിതകളാണുള്ളത്. 2010 ല്‍ പോലീസ് സേനയുടെ ഭാഗമായതോടെ തിരക്കുകള്‍ക്കിടയിലും അദേഹം പുസ്തകവായനയ്ക്കും എഴുത്തിനുമുള്ള സമയം കണ്ടെത്തി തുടങ്ങി.
ഫയര്‍ ഫോഴ്‌സ് മേധാവിയായിരുന്ന ഡോ. ബി. സന്ധ്യയുടെ പേഴ്‌സണൽ സ്റ്റാഫായിരുന്നു അന്ന് അദ്ദേഹം. 2013ല്‍ കെ.പി. അപ്പന്‍റെ കൃതികളെക്കുറിച്ചു സമഗ്രമായൊരു പഠനഗ്രന്ഥം മലയാളത്തില്‍ ഇദേഹം തയാറാക്കി.
വാക്കും കുരിശും എന്ന ആ ഗ്രന്ഥം അപ്പന്‍റെ കൃതികളിലെ ക്രിസ്തു സാന്നിധ്യത്തെക്കുറിച്ചായിരുന്നു. രാമായണത്തെ അലംബിച്ചുള്ള അയനങ്ങളുടെ നാനാര്‍ഥങ്ങള്‍ എന്ന ഗ്രന്ഥത്തിന്‍റെ രചനയ്ക്കായി ആയിരത്തോളം റഫറന്‍സ് പുസ്തകങ്ങള്‍ രതീഷ് വായിച്ചു.
വ്യത്യസ്ത രാമായണങ്ങള്‍, മലയാള കവിതയില്‍ രാമായണങ്ങളുടെ സ്വാധീനം, രാമായണത്തിന്‍റെ ബഹുസ്വരമായ പ്രത്യേകത ഇവയെല്ലാമാണ് ആ ഗ്രന്ഥത്തില്‍ പ്രതിപാദിച്ചിരിക്കുന്നത്.
ഒന്നര വര്‍ഷം മുമ്പ് 15 ലേഖനങ്ങളുമായി രഹസ്യവനങ്ങളില്‍ പൂത്ത ഒറ്റമരം എന്ന പുസ്തകം പ്രസിദ്ധീകരിച്ചു. ഈ പുസ്തകത്തിന്‍റെ അഞ്ച് പതിപ്പ് പിന്നിട്ടു.
എം.എന്‍. വിജയനെക്കുറിച്ചുള്ള മറ്റൊരു പുസ്തകത്തിന്‍റെ അവസാനവട്ട ഒരുക്കത്തിലാണ് ഇപ്പോള്‍ രതീഷ് ഇളമാട്. പ്രസംഗവും നിരൂപണവും വായനയുമൊക്കെ ഇദേഹം ഏറെ ഇഷ്ടപ്പെടുന്നു.
അക്ഷരങ്ങളുടെ വിസ്മയലോകംമലയാളത്തിലും ഇംഗ്ലീഷിലുമുള്ള പുസ്തകങ്ങളാണ് ഈ വീട്ടുലൈബ്രറിയിലുള്ളത്. മലയാളത്തിലെ പ്രമുഖ സമ്പൂര്‍ണകൃതികള്‍, പുതു കവിതകള്‍, നിരൂപണ പുസ്തകങ്ങള്‍ എല്ലാം ഇവിടെയുണ്ട്.
ആശാന്‍, ശ്രീനാരായണഗുരു, ഉള്ളൂര്‍, വള്ളത്തോള്‍, വൈലോപ്പിള്ളി, ബഷീര്‍, മാധവിക്കുട്ടി തുടങ്ങിയവരുടെ സമ്പൂര്‍ണ കൃതികള്‍, വിശ്വസാഹിത്യ താരാവലി, മാര്‍ക്കേസ്, നെരൂദ എന്നിവരുടെ പുസ്തകങ്ങള്‍ ഉള്‍പ്പെടെയുള്ളവ ഇവിടത്തെ അലമാരയില്‍ ഇടംപിടിച്ചിട്ടുണ്ട്.
വില്പനയില്‍ ഇല്ലാത്ത പല കൃതികളും രതീഷിന്‍റെ പക്കലുണ്ട്. വായനയെ ഗൗരവമായി കാണുന്ന ഗവേഷക വിദ്യാര്‍ഥികള്‍ക്കു മാത്രമാണ് രതീഷ് തന്‍റെ പുസ്തകങ്ങള്‍ നൽകുന്നത്.
പലപ്പോഴും തന്‍റെ പക്കല്‍നിന്ന് പുസ്തകം വാങ്ങിക്കൊണ്ടുപോയ പലരും ഇന്നുവരെ അതു തിരിച്ചു തന്നിട്ടില്ലെന്നു പുസ്തകങ്ങളെ മക്കളെ പോലെ സ്‌നേഹിക്കുന്ന ഈ പോലീസുകാരന്‍ പറയുന്നു.
ഡിജിപിയുടെ കോണ്‍ഫിഡന്‍ഷ്യല്‍ അസിസ്റ്റന്‍റ് സനൂജയും പോലീസ് ഉദ്യോഗസ്ഥനായ ആര്‍.കെ. ജ്യോതിഷും സേനയിലെ മറ്റു സഹപ്രവര്‍ത്തകരും എപ്പോഴും പ്രോത്സാഹനവുമായി ഇദേഹത്തോടൊപ്പമുണ്ട്.
ഭാര്യ ആതിരയും അഞ്ചുവയസുകാരി മകള്‍ ഇളയും അടങ്ങുന്നതാണ് രതീഷിന്‍റെ കുടുംബം. ഒരു പെണ്‍കുട്ടിയെ കല്യാണം കഴിച്ചു വിടാനുള്ളത്ര പണം താന്‍ പുസ്തകങ്ങള്‍ വാങ്ങാനായി മുടക്കിയിട്ടുണ്ട്.
പക്ഷേ, അതൊരിക്കലും നഷ്ടമായി കരുതിയിട്ടില്ലെന്നാണ് ഈ പോലീസ് ഉദ്യോഗസ്ഥന്റെ ഭാഷ്യം.