പ​ഹ​ൽ​ഗാ​മി​ൽ ബൈ​സ​ര​ണി​ലെ പു​ൽ​മേ​ട്ടി​ലു​ണ്ടാ​യ ഭീ​ക​രാ​ക്ര​മ​ണം ജ​മ്മു കാ​ഷ്മീ​രി​ലെ സ​മാ​ധാ​ന​ത്തി​നും സ്വ​സ്ഥ​ത​യ്ക്കും ക​ന​ത്ത പ്ര​ഹ​ര​മാ​യി. ആ​ണ​വാ​യു​ധം കൈ​വ​ശ​മു​ള്ള ര​ണ്ട് അ​യ​ൽ​ക്കാ​ർ​ക്കി​ട​യി​ലു​ള്ള അ​തി​ർ​ത്തി സം​ഘ​ർ​ഷ​ങ്ങ​ൾ കൂ​ടു​ന്ന​തി​നും ഇ​തു കാ​ര​ണ​മാ​യേ​ക്കും. 26 വി​നോ​ദ​സ​ഞ്ചാ​രി​ക​ളെ വെ​ടി​വ​ച്ചു​കൊ​ല്ലു​ക​യും നി​ര​വ​ധി പേ​രെ പ​രി​ക്കേ​ൽ​പ്പി​ക്കു​ക​യും ചെ​യ്ത മാ​ര​ക​മാ​യ ആ​ക്ര​മ​ണം തീ​വ്ര​വാ​ദ പ്ര​വ​ർ​ത്ത​നം പൂ​ർ​ണ​മാ​യും ത​ക​ർ​ന്നി​ട്ടി​ല്ലെ​ന്നു വ്യ​ക്ത​മാ​ക്കു​ന്നു. നി​ര​പ​രാ​ധി​ക​ളാ​യ മ​നു​ഷ്യ​രെ ല​ക്ഷ്യം​വ​ച്ച് സു​ര​ക്ഷാ​വ​ല​യം ഭേ​ദി​ക്കു​ന്ന​തി​ൽ ഭീ​ക​ര​ർ വി​ജ​യി​ച്ചു​വെ​ന്ന​തും ആ​ശ​ങ്ക​പ്പെ​ടു​ത്തും​വി​ധം വ്യ​ക്ത​മാ​യി​രി​ക്കു​ക​യാ​ണ്.

ത​ന്ത്ര​പ​ര​മാ​യ പ​ങ്കാ​ളി​ത്ത​ത്തി​ന് ഊ​ർ​ജം പ​ക​രു​ക എ​ന്ന ല​ക്ഷ്യ​ത്തോ​ടെ അ​മേ​രി​ക്ക​ൻ വൈ​സ് പ്ര​സി​ഡ​ന്‍റ് ജെ. ​ഡി. വാ​ൻ​സ് ഇ​ന്ത്യ​യി​ലേ​ക്കും പ്ര​ധാ​ന​മ​ന്ത്രി ന​രേ​ന്ദ്ര മോ​ദി സൗ​ദി​യി​ലേ​ക്കും ന​ട​ത്തി​യ സ​ന്ദ​ർ​ശ​ന​ത്തി​നി​ടെ​യാ​ണ് ഈ ​ആ​ക്ര​മ​ണം ന​ട​ന്ന​ത്.

ക​ഴി​ഞ്ഞ കു​റ​ച്ചു വ​ർ​ഷ​ങ്ങ​ളാ​യി പി​ർ​പ​ഞ്ജ​ൽ പ​ർ​വ​ത​ശ്രേ​ണി ഭീ​ക​രപ്ര​വ​ർ​ത്ത​ന​ങ്ങ​ളു​ടെ കേ​ന്ദ്ര​മാ​യി മാ​റി​യി​രി​ക്കു​ന്നു. പ്ര​കൃ​തി​ദ​ത്ത​മാ​യ വ​ള​വും തി​രി​വു​മു​ള്ള ഇ​ട​തൂ​ർ​ന്ന വ​ന​ങ്ങ​ളും പ​ർ​വ​ത​നി​ര​ക​ളും തീ​വ്ര​വാ​ദി​ക​ൾ​ക്ക് സു​ര​ക്ഷി​ത താവളങ്ങളാണ്. ഏ​റ്റ​വും പു​തി​യ ആ​ശ​യ​വി​നി​മ​യ സം​വി​ധാ​ന​ങ്ങ​ളു​ടെ സ​ഹാ​യ​ത്തോ​ടെ ഒ​രി​ട​ത്തു​നി​ന്ന് മ​റ്റൊ​രി​ട​ത്തേ​ക്ക് മാ​റി ഒ​ളി​ക്കു​ന്ന ഭീ​ക​ര​ർ​ക്ക് നി​രോ​ധി​ത ല​ഷ്ക​ർ-​ഇ- തൊ​യ്ബ​യു​മാ​യും അ​തി​ന്‍റെ അ​നു​ബ​ന്ധ ഗ്രൂ​പ്പാ​യ റെ​സി​സ്റ്റ​ൻ​സ് ഫ്ര​ണ്ടു​മാ​യും (ടി​ആ​ർ​എ​ഫ്) ബ​ന്ധ​മു​ണ്ട്. ഈ ​തീ​വ്ര​വാ​ദി​ക​ൾ​ക്ക് അ​ത്യാ​ധു​നി​ക ജി​പി​എ​സ് ആ​ശ​യ​വി​നി​മ​യ സം​വി​ധാ​ന​മു​ണ്ട്. ഇ​ത് നി​മ്നോ​ന്ന​ത​ങ്ങ​ളാ​യ ഭൂ​പ്ര​കൃ​തി​യി​ലൂ​ടെ​യും ഇ​ട​തൂ​ർ​ന്ന കാ​ടു​ക​ളി​ലൂ​ടെ​യും സ​ഞ്ച​രി​ക്കാ​ൻ അ​വ​രെ പ്രാ​പ്ത​രാ​ക്കു​ന്നു.

ക​ഴി​ഞ്ഞ വ​ർ​ഷം 23 ദ​ശ​ല​ക്ഷം വി​നോ​ദ​സ​ഞ്ചാ​രി​ക​ളെ​ത്തി​യ താഴ്‌വരയി​ലെ വി​നോ​ദ​സ​ഞ്ചാ​ര​ത്തെ ഈ ​ആ​ക്ര​മ​ണം സാ​ര​മാ​യി ബാ​ധി​ക്കും. പ​ഹ​ൽ​ഗാം ഏ​റ്റ​വും അ​റി​യ​പ്പെ​ടു​ന്ന​തും ഏ​റ്റ​വും പ്രി​യ​പ്പെ​ട്ട​തു​മാ​യ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ ഒ​ന്നാ​ണ്. ആ​യി​ര​ക്ക​ണ​ക്കി​ന് ആ​ഭ്യ​ന്ത​ര, വി​ദേ​ശ വി​നോ​ദ​സ​ഞ്ചാ​രി​ക​ളെ ഈ ​പ്ര​ദേ​ശം ആ​ക​ർ​ഷി​ക്കു​ന്നു. ആ​ഭ്യ​ന്ത​രമ​ന്ത്രി അ​മി​ത് ഷാ ​അ​ടു​ത്തി​ടെ കാ​ഷ്മീ​രി​ൽ ഒ​രു ഉ​ന്ന​ത​ത​ല സു​ര​ക്ഷാ യോ​ഗം വി​ളി​ച്ചു​ചേ​ർ​ത്ത് തീ​വ്ര​വാ​ദ​ കാ​ലാ​വ​സ്ഥ​യെ ചെ​റു​ക്കു​ന്ന​തി​ന് ന​യ​വും ത​ന്ത്ര​വും തയാറാ​ക്കാ​ൻ സു​ര​ക്ഷാ ഏ​ജ​ൻ​സി​ക​ളോ​ട് ആ​വ​ശ്യ​പ്പെ​ട്ടി​രു​ന്നു.

തീ​വ്ര​വാ​ദം അ​ദൃ​ശ്യ​വും അ​തി​രു​ക​ളി​ല്ലാ​ത്ത​തു​മാ​യി മാ​റി​യി​ട്ടു​ണ്ട്. മ​യ​ക്കു​മ​രു​ന്ന് ക​ച്ച​വ​ട​ത്തി​ൽ​നി​ന്നു​ള്ള വ​രു​മാ​നം തീ​വ്ര​വാ​ദ​ത്തി​ന് ധ​ന​സ​ഹാ​യം ന​ൽ​കു​ന്ന​തി​നും നു​ഴ​ഞ്ഞു​ക​യ​റ്റം സു​ഗ​മ​മാ​ക്കു​ന്ന​തി​നും ഉ​പ​യോ​ഗി​ക്കു​ന്ന​താ​യും ക​ണ്ടെ​ത്തി​യി​ട്ടു​ണ്ട്. എ​ന്നി​രു​ന്നാ​ലും, ആ​ക്ര​മ​ണസ​മ​യ​ത്ത് നൂ​റു​ക​ണ​ക്കി​ന് വി​നോ​ദ​സ​ഞ്ചാ​രി​ക​ൾ ഉ​ണ്ടാ​യി​രു​ന്ന ബൈ​സ​ര​ൺ പു​ൽ​മേ​ട്ടി​ൽ മ​തി​യാ​യ സു​ര​ക്ഷാ ക്ര​മീ​ക​ര​ണ​ങ്ങ​ൾ ഉ​ണ്ടാ​യി​രു​ന്നി​ല്ല എ​ന്ന​ത് എ​ടു​ത്തു​പ​റ​യേ​ണ്ട​താ​ണ്.


കേ​ന്ദ്ര​ഭ​ര​ണ പ്ര​ദേ​ശ​മാ​യ കാ​ഷ്മീ​രി​ൽ നൂ​റോ​ളം തീ​വ്ര​വാ​ദി​ക​ൾ പ്ര​വ​ർ​ത്തി​ക്കു​ന്നു​ണ്ടെ​ന്ന് സു​ര​ക്ഷാ​വി​ദ​ഗ്ധ​ർ അ​ടു​ത്തി​ടെ അ​വ​കാ​ശ​പ്പെ​ട്ടി​രു​ന്നു. പാ​ക് അ​ധീ​ന കാ​ഷ്മീ​രി​ൽ ഭീ​ക​ര​ർ​ക്കു നു​ഴ​ഞ്ഞു​ക​യ​റാ​നാ​യി 42 ലോ​ഞ്ച്പാ​ഡു​ക​ൾ സ​ജീ​വ​മാ​ണെ​ന്നും റി​പ്പോ​ർ​ട്ടു​ക​ളു​ണ്ട്.

ഈ ​ഭീ​ക​രാ​ക്ര​മ​ണ​ത്തി​ന്‍റെ മു​ഖ്യ സൂ​ത്ര​ധാ​ര​നും ബു​ദ്ധി​കേ​ന്ദ്ര​വും ഖാ​ലി​ദ് എ​ന്ന​റി​യ​പ്പെ​ടു​ന്ന സൈ​ഫു​ള്ള ക​സൂ​രി ആ​ണെ​ന്ന് വി​ശ്വ​സി​ക്ക​പ്പെ​ടു​ന്നു. നി​രോ​ധി​ത ല​ഷ്ക​ർ-​ഇ- തൊ​യ്ബ​യു​ടെ ഏ​റ്റ​വും മു​തി​ർ​ന്ന ക​മാ​ൻ​ഡ​റാ​ണ് അ​യാ​ൾ. പാക്കിസ്ഥാ​നി​ലെ പ​ഞ്ചാ​ബ് പ്ര​വി​ശ്യ​യി​ലെ ഗു​ജ്റ​ൻ​വാ​ല​യാ​ണ് ഇ​യാ​ളു​ടെ പ്ര​വ​ർ​ത്ത​ന​കേ​ന്ദ്രം. കാ​ഷ്മീ​രു​മാ​യി ബ​ന്ധ​പ്പെ​ട്ട് പാ​കി​സ്ഥാ​ൻ സ​ർ​ക്കാ​രി​ന്‍റെ ന​യം​മാ​റ്റ​ത്തി​ലും തീ​വ്ര​വാ​ദ ഗ്രൂ​പ്പു​ക​ളോ​ട് പ്ര​വ​ർ​ത്ത​നം കു​റ​യ്ക്കാ​ൻ നി​ർ​ദേ​ശി​ച്ച​തി​ലും ക​സൂ​രി അ​തൃ​പ്ത​നാ​യി​രു​ന്നു.

അ​ടു​ത്തി​ടെ പാക്കിസ്ഥാ​ൻ ക​ര​സേ​നാ മേ​ധാ​വി ജ​ന​റ​ൽ ആ​സി​ഫ് മു​നീ​ർ, കാ​ഷ്മീ​ർ പാ​കി​സ്ഥാ​ന്‍റെ “ക​ഴു​ത്തി​ലെ സി​ര’’​യാ​ണെ​ന്നു പ​റ​ഞ്ഞി​രു​ന്നു. ഇ​തി​നെ ഇ​ന്ത്യ ശ​ക്ത​മാ​യി അ​പ​ല​പി​ക്കു​ക​യും ചെ​യ്തു. പാക്കിസ്ഥാ​ൻ ത​ന്നെ ഗു​രു​ത​ര​മാ​യ സു​ര​ക്ഷാ ​പ്ര​ശ്ന​ങ്ങ​ൾ​ക്കു ന​ടു​വി​ലാ​ണ്. ബ​ലൂ​ചി​സ്ഥാ​നി​ലും ഖൈ​ബ​ർ പ​ഖ്തൂ​ൺ​ഖാ​വി​ലും ന​ട​ന്ന വ​ന്പ​ൻ ഭീ​ക​രാ​ക്ര​മ​ണ​ങ്ങ​ളി​ൽ നൂ​റു​ക​ണ​ക്കി​ന് പാ​ക് സു​ര​ക്ഷാ ഉ​ദ്യോ​ഗ​സ്ഥ​രാ​ണ് കൊ​ല്ല​പ്പെ​ട്ട​ത്.

ബ​ലൂ​ചി​സ്ഥാ​ൻ ലി​ബ​റേ​ഷ​ൻ ഫ്ര​ണ്ട് പ്ര​വ​ർ​ത്ത​ക​ർ ജാ​ഫ​ർ എ​ക്സ്പ്ര​സ് ട്രെ​യി​ൻ ത​ട്ടി​യെ​ടു​ത്ത​ത് പാക്കിസ്ഥാ​ൻ സേ​നാ നേ​തൃ​ത്വ​ത്തെ അ​സ്വ​സ്ഥ​രാ​ക്കി​യി​ട്ടു​ണ്ട്. ബ​ലൂ​ചി​സ്ഥാ​ൻ പ്ര​വി​ശ്യ​യി​ലെ ഗു​രു​ത​ര​മാ​യ സു​ര​ക്ഷാ, രാ​ഷ്‌​ട്രീ​യ പ്ര​തി​സ​ന്ധി​യി​ൽ നി​ന്ന് പാക്കിസ്ഥാ​നി​ലെ ജ​ന​ങ്ങ​ളു​ടെ ശ്ര​ദ്ധ തി​രി​ക്കാ​നു​ള്ള ശ്ര​മ​മാ​ണ് അ​വ​ർ ന​ട​ത്തു​ന്ന​ത്.

എ​ന്നാ​ൽ, പ​ഹ​ൽ​ഗാം ആ​ക്ര​മ​ണ​ത്തെ ഇ​ന്ത്യ​ൻ നേ​തൃ​ത്വം ഗൗ​ര​വ​മാ​യി​ത്ത​ന്നെ കാ​ണു​ന്നു. ഇ​തി​ൽ ഉ​ൾ​പ്പെ​ട്ടി​ട്ടു​ണ്ടെ​ന്ന് ക​രു​തു​ന്ന ചി​ല ഘ​ട​ക​ങ്ങ​ൾ ഇ​രു രാ​ജ്യ​ങ്ങ​ളും ത​മ്മി​ലു​ള്ള ബ​ന്ധം കൂ​ടു​ത​ൽ വ​ഷ​ളാ​ക്കി​യേ​ക്കാം.

(കാ​ഷ്മീ​രിലെ മുതിര്‍ന്ന മാ​ധ്യ​മ​പ്ര​വ​ർ​ത്ത​ക​നാ​ണ് ലേ​ഖ​ക​ൻ)