2013 മാ​ർ​ച്ച് 13, വ​ത്തി​ക്കാ​ൻ​സ​മ​യം വൈ​കി​ട്ട് 7.01. സി​സ്റ്റൈ​ൻ ചാ​പ്പ​ലി​ന്‍റെ ചി​മ്മി​നി​യി​ൽ​നി​ന്നും വെ​ള്ള​പ്പു​ക ഉ​യ​ർ​ന്നു. സെ​ന്‍റ് പീ​റ്റേ​ഴ്സ് ച​ത്വ​ര​ത്തി​ൽ ത​ടി​ച്ചു​കൂ​ടി​യ പ​തി​നാ​യി​ര​ക്ക​ണ​ക്കി​നു വി​ശ്വാ​സി​ക​ളു​ടെ മു​ഖ​ത്ത് അ​ദ്ഭു​ത​വും ആ​കാം​ക്ഷ​യും. അ​വ​രു​ടെ ക​ണ്ഠ​ങ്ങ​ളി​ൽ​നി​ന്ന് ആ​ഹ്ലാ​ദാ​ര​വ​മു​യ​ർ​ന്നു. "ഹബേ​മൂ​സ് പാ​പ്പാം'. അ​ന്ത​രീ​ക്ഷ​ത്തി​ലാ​കെ പ​രി​ശു​ദ്ധി​യു​ടെ പ​രി​മ​ളം പ​ര​ന്നു. ദേ​വാ​ല​യ​മ​ണി​ക​ൾ അ​ന​സ്യൂ​തം മു​ഴ​ങ്ങി. ത​ങ്ങ​ളു​ടെ പു​തി​യ പ​പ്പാ​യെ കാ​ണാ​ൻ വി​ശ്വാ​സി​സ​ഹ​സ്ര​ങ്ങ​ൾ ബാ​ൽ​ക്ക​ണി​യി​ലേ​ക്കു ക​ണ്ണും​ന​ട്ടി​രു​ന്നു.

ഏ​താ​ണ്ട് അ​ര​മ​ണി​ക്കൂ​ർ ക​ഴി​ഞ്ഞ​തോ​ടെ ക​ർ​ദി​നാ​ൾ​സം​ഘ​ത്തി​ന്‍റെ ഡീ​നാ​യ ഫ്ര​ഞ്ച് ക​ർ​ദി​നാ​ൾ ഷോ​ണ്‍ ലൂ​യി ടെ​റാ​ൻ അ​വി​ടേ​ക്കെ​ത്തി. പു​തി​യ മാ​ർ​പാ​പ്പ​യു​ടെ പ്ര​ഖ്യാ​പ​നം ന​ട​ത്തി; ക​ർ​ദി​നാ​ൾ ജോ​ർ​ജ് മ​രി​യ ബ​ർ​ഗോ​ളി​യോ. "വി​വാ ഇ​ൽ പാ​പ്പാ' (പാ​പ്പാ, നീ​ണാ​ൾ വാ​ഴ​ട്ടെ) വി​ളി​ക​ൾ​ക്കി​ടെ മി​നി​റ്റു​ക​ൾ​ക്ക​കം ജ​നാ​ല​യി​ൽ ഒ​രു സാ​ധു​മ​നു​ഷ്യ​ൻ പ്ര​ത്യ​ക്ഷ​പ്പെ​ട്ടു. പ​തി​വി​നു വി​പ​രീ​ത​മാ​യി വ​ന്ന​പാ​ടെ കൈ​നീ​ട്ടി, ശി​ര​സ​ല്പം കു​നി​ച്ച്, ദൈ​വം എ​ന്നെ അ​നു​ഗ്ര​ഹി​ക്കാ​ൻ നി​ങ്ങ​ൾ എ​നി​ക്കു​വേ​ണ്ടി പ്രാ​ർ​ഥി​ക്ക​ണ​മേ, എ​ന്ന് അ​ഭ്യ​ർ​ഥി​ച്ചു. തു​ട​ർ​ന്നാ​യി​രു​ന്നു റോ​മാ ന​ഗ​ര​ത്തി​നും ലോ​ക​ത്തി​നു​മാ​യു​ള്ള ഔ​ദ്യോ​ഗി​ക ആ​ശീ​ർ​വാ​ദം (ഊ​ർ​ബി എ​ത് ഓ​ർ​ബി).

അ​ർ​ജ​ന്‍റീ​ന​ക്കാ​ര​നാ​യ ക​ർ​ദി​നാ​ൾ ബ​ർ​ഗോ​ളി​യോ ച​രി​ത്ര​ത്തി​ൽ ആ​ദ്യ​മാ​യി വി​ശു​ദ്ധ ഫ്രാ​ൻ​സി​സ് അ​സീ​സി​യു​ടെ നാ​മം സ്വീ​ക​രി​ക്കാ​ൻ തീ​രു​മാ​നി​ച്ചു; പോ​പ്പ് ഫ്രാ​ൻ​സി​സ്. 1282 വ​ർ​ഷ​ങ്ങ​ൾ​ക്കു​ശേ​ഷം യൂ​റോ​പ്പി​നു പു​റ​ത്തു​നി​ന്നു​ള്ള മാ​ർ​പാ​പ്പ. സ​ഭ സാ​ർ​വ​ത്രി​ക​മാ​ണെ​ന്ന് അ​ടി​വ​ര​യി​ട്ട ഒ​രു തെ​ര​ഞ്ഞെ​ടു​പ്പ്. ഈ​ശോ​സ​ഭ​യി​ൽ നി​ന്നു​ള്ള ആ​ദ്യ​ത്തെ മാ​ർ​പാ​പ്പ; ലാ​റ്റി​ന​മേ​രി​ക്ക​യി​ൽ​നി​ന്നു​ള്ള ആ​ദ്യ പാ​പ്പാ.

സ്വ​ർ​ണ​ക്കു​രി​ശും മാ​ല​യും വേ​ണ്ടെ​ന്നു​വ​ച്ചു

അ​സീ​സി​യി​ലെ വി​ശു​ദ്ധ ഫ്രാ​ൻ​സീ​സി​നെ​പ്പോ​ലെ ലാ​ളി​ത്യം ജീ​വി​ത​വ്ര​ത​മാ​ക്കി​യ നി​ഷ്ക​ള​ങ്ക​നാ​യ മ​നു​ഷ്യ​ൻ. വ​ത്തി​ക്കാ​ൻ കൊ​ട്ടാ​രം വേ​ണ്ടെ​ന്നു​വ​ച്ച് ക​ർ​ദി​നാ​ൾ എ​ന്ന നി​ല​യി​ൽ കോ​ണ്‍​ക്ലേ​വി​നാ​യി താ​മ​സി​ച്ച അ​തേ അ​പ്പാ​ർ​ട്ട്മെ​ന്‍റ് താ​മ​സ​ത്തി​നാ​യി തെ​ര​ഞ്ഞെ​ടു​ത്ത​തോ​ടെ പോ​പ്പ് ഫ്രാ​ൻ​സി​സ് ത​ന്‍റെ ന​യം വ്യ​ക്ത​മാ​ക്കു​ക​യാ​യി രു​ന്നു. കോ​ണ്‍​ക്ലേ​വി​നു​ശേ​ഷം മ​റ്റ് ക​ർ​ദി​നാ​ൾ​മാ​ർ​ക്കൊ​പ്പം ബ​സി​ൽ യാ​ത്ര​ചെ​യ്ത​തും സാ​ന്തോം മ​രി​യാ​യി​ൽ താ​മ​സി​ക്കാ​ൻ തീ​രു​മാ​നി​ച്ച​തു​മെ​ല്ലാം ഏ​വ​രി​ലും ഏ​റെ അ​ന്പ​ര​പ്പു​ള​വാ​ക്കി. മാ​ർ​പാ​പ്പ​മാ​ർ പ​ര​ന്പ​രാ​ഗ​ത​മാ​യി ധ​രി​ക്കു​ന്ന ചു​വ​ന്ന ഷൂ​സും സ്വ​ർ​ണ​ക്കു​രി​ശും മാ​ല​യും വേ​ണ്ടെ​ന്നു​വ​ച്ചു. താ​ൻ ധ​രി​ച്ചി​രു​ന്ന വെ​ള്ളി​ക്കു​രി​ശു​മാ​ല​യും ക​റു​ത്ത ഷൂ​സും തു​ട​ർ​ന്നും ധ​രി​ക്കാ​ൻ തീ​രു​മാ​ന​മെ​ടു​ത്തു. മോ​തി​ര​വും വെ​ള്ളി​യു​ടേ​തു​മാ​ത്രം.

മാ​ർ​പാ​പ്പ സ്ഥാ​നം ആ​ഡം​ബ​ര​പൂ​ർ​ണ​മാ​ക്കു​ന്ന​തെ​ല്ലാം അ​ദ്ദേ​ഹം ഉ​പേ​ക്ഷി​ച്ചു; താ​ൻ സ്വീ​ക​രി​ച്ച പേ​ര് അ​ന്വ​ർ​ഥ​മാ​ക്കു​ന്ന അ​സീ​സി​യി​ലെ വി​ശു​ദ്ധ ഫ്രാ​ൻ​സി​സി​നെ​പ്പോ​ലെ. മാ​ർ​പാ​പ്പ​മാ​ർ സാ​ധാ​ര​ണ​യാ​യി ഞാ​യ​റാ​ഴ്ച​ക​ളി​ൽ സ്ഥാ​ന​മേ​ൽ​ക്കാ​റു​ള്ള​തി​നു​പ​ക​രം വി​ശു​ദ്ധ യൗ​സേ​പ്പി​താ​വി​ന്‍റെ മ​ര​ണ​ത്തി​രു​നാ​ളാ​യ മാ​ർ​ച്ച് 19 നു ​ചൊ​വ്വാ​ഴ്ച സ്ഥാ​ന​മേ​റ്റു. ഇ​തോ​ടെ ആ​ഗോ​ള ക​ത്തോ​ലി​ക്കാ​സ​ഭ​യി​ൽ ഒ​രു പു​തു​യു​ഗ​പ്പി​റ​വി​ക്കു നാ​ന്ദി കു​റി​ക്കു​ക​യാ​യി​രു​ന്നു.

അ​നു​ക​ന്പ​യു​ടെ ആ​ൾ​രൂ​പം

മേ​ഘാ​വൃ​ത​മാ​യ ആ​കാ​ശ​ത്തി​ലും പ്ര​ത്യാ​ശ​യു​ടെ വെ​ള്ളി​വെ​ളി​ച്ചം കാ​ണാ​ൻ ന​മു​ക്കു ക​ഴി​യ​ണ​മെ​ന്നാ​ണു സ്ഥാ​നാ​രോ​ഹ​ണ ദി​വ്യ​ബ​ലി​മ​ധ്യേ പാ​പ്പാ പ​റ​ഞ്ഞ​ത്. വി​ശ​ക്കു​ന്ന​വ​നും ദാ​ഹി​ക്കു​ന്ന​വ​നും പ​ര​ദേ​ശി​ക്കും ന​ഗ്ന​നും രോ​ഗി​ക്കും കാ​രാ​ഗൃ​ഹ​വാ​സി​ക്കും എ​ല്ലാം ഈ ​പ്ര​ത്യാ​ശ​യു​ടെ പ്ര​കാ​ശം പ​ക​ർ​ന്നു​ന​ൽ​കാ​ൻ ക്രൈ​സ്ത​വ​രാ​യ ന​മു​ക്കു ക​ട​മ​യു​ണ്ട് എ​ന്നാ​യി​രു​ന്നു അ​ന്ന​ദ്ദേ​ഹം പ​റ​ഞ്ഞു​വ​ച്ച​ത്.

സ്ഥാ​നാ​രോ​ഹ​ണ​ശു​ശ്രൂ​ഷ​ക​ൾ​ക്കു വ​രും​വ​ഴി ശാ​രീ​രി​ക​ന്യൂ​ന​ത​യു​ള്ള ചെ​സ​റേ ചി​ച്ചോ​ണി എ​ന്ന അ​ന്പ​തു​കാ​ര​നും കു​ഞ്ഞു​ങ്ങ​ൾ​ക്കും സ്നേ​ഹ​ചും​ബ​നം ന​ൽ​കി​യാ​ണ് അ​ദ്ദേ​ഹം എ​ത്തി​യ​തു​ത​ന്നെ. അ​ധി​കാ​രം ശു​ശ്രൂ​ഷ​യാ​ണെ​ന്നു പ​റ​യു​ക മാ​ത്ര​മ​ല്ല, ദി​വ​സ​ങ്ങ​ൾ​ക്കു​ള്ളി​ൽ ലോ​ക​ത്തി​നു കാ​ണി​ച്ചു​കൊ​ടു​ക്കു​ക​യും ചെ​യ്തു പാ​പ്പാ. സ്ഥാ​ന​മേ​റ്റ് ഒ​ന്പ​താം​ദി​നം പെ​സ​ഹാ​വ്യാ​ഴാ​ഴ്ച റോ​മി​ലെ കാ​സ​ൽ ദെ ​മാ​ർ​മോ​യി​ലെ 12 ത​ട​വു​കാ​രു​ടെ കാ​ലു​ക​ൾ ക​ഴു​കി​യാ​ണ് അ​ദ്ദേ​ഹം ക്രി​സ്തു​വി​ന്‍റെ പാ​ത പി​ന്തു​ട​ർ​ന്ന​ത്. ക​ർ​ദി​നാ​ളാ​യി​രി​ക്കേ 2001ൽ 12 ​എ​യ്ഡ്സ് രോ​ഗി​ക​ളു​ടെ കാ​ലു​ക​ൾ ക​ഴു​കി ചും​ബി​ച്ച് പെ​സ​ഹാ​യി​ലെ പാ​ദ​ക്ഷാ​ള​ന​ശു​ശ്രൂ​ഷ​യ്ക്ക് ആ​ധു​നി​ക​ലോ​ക​ത്തി​ൽ പു​ത്ത​ൻ​ഭാ​ഷ്യം ച​മ​ച്ചി​രു​ന്നു ക്രി​സ്തു​വി​ന്‍റെ ഈ ​പ്ര​തി​പു​രു​ഷ​ൻ.


തി​രു​മു​റി​വു​ക​ളെ ചും​ബി​ച്ച്...

മാ​ർ​പാ​പ്പ​യാ​യ​ശേ​ഷം ആ​ദ്യ​ത്തെ സെ​ന്‍റ് തോ​മ​സി​ന്‍റെ തി​രു​നാ​ളി​ൽ വി​ശു​ദ്ധ​കു​ർ​ബാ​ന​മ​ധ്യേ അ​ദ്ദേ​ഹം പ​റ​ഞ്ഞ​ത് തോ​മാ​ശ്ലീ​ഹാ​യെ​പ്പോ​ലെ ക്രി​സ്തു​വി​ന്‍റെ തി​രു​മു​റി​വു​ക​ളെ ചും​ബി​ക്ക​ണ​മെ​ന്നാ​ണ്. "ആ ​മു​റി​വു​ക​ളെ സ്പ​ർ​ശി​ക്കാ​ൻ ന​മു​ക്കു ക​ഴി​യ​ണം. അ​പാ​ര​മാ​യ ദ​യാ​വാ​യ്പോ​ടെ, അ​നു​ക​ന്പ​യോ​ടെ ന​മു​ക്കു മു​റി​വു​ക​ൾ വ​ച്ചു​കെ​ട്ടാ​നാ​ക​ണം. അ​ക്ഷ​രാ​ർ​ഥ​ത്തി​ൽ അ​വി​ടത്തെ മു​റി​വു​ക​ളെ ന​മു​ക്കു ചും​ബി​ക്കാം; അ​സീ​സി​യി​ലെ വി​ശു​ദ്ധ ഫ്രാ​ൻ​സി​സ് കു​ഷ്ഠ​രോ​ഗി​യെ ഉ​മ്മ​വ​ച്ച​പോ​ലെ. അ​പ്പോ​ൾ, അ​വ​ന്‍റെ ജീ​വി​ത​മാ​കെ മാ​റി​മ​റി​യും.

ലോ​കം ഞെ​ട്ടി​യ ആ​ലിം​ഗ​നം, ചും​ബ​നം

മാ​സ​ങ്ങ​ൾ ക​ഴി​ഞ്ഞു. ന​വം​ബ​ർ ആ​റ് ബു​ധ​നാ​ഴ്ച. സെ​ന്‍റ് പീ​റ്റേ​ഴ്സ് ച​ത്വ​ര​ത്തി​ൽ ജ​ന​റ​ൽ ഓ​ഡി​യ​ൻ​സി​നാ​യി പാ​പ്പാ ജ​ന​മ​ധ്യ​ത്തി​ലേ​ക്ക് എ​ത്തു​ക​യാ​ണ്. പെ​ട്ടെ​ന്നാ​ണ് ആ ​ദൃ​ശ്യം ഏ​വ​രെ​യും അ​ദ്ഭു​ത​സ്ത​ബ്ധ​രാ​ക്കി​യ​ത്.

അ​സാ​ധാ​ര​ണ​മാ​യ ച​ർ​മ​രോ​ഗം​മൂ​ലം (ന്യൂ​റോ ഫൈ​ബ്രോ​മാ​റ്റോ​സി​സ്) മു​ഖം തി​രി​ച്ച​റി​യാ​നാ​വാ​ത്ത​വി​ധം കു​രു​ക്ക​ളും മു​ഴ​ക​ളും​കൊ​ണ്ട് മൂ​ടി​യ വി​രൂ​പ​നാ​യ ഒ​രു മ​നു​ഷ്യ​നെ മാ​ർ​പാ​പ്പ ആ​ശ്ലേ​ഷി​ക്കു​ക​യും ചും​ബി​ക്കു​ക​യും ആ​ശ്വ​സി​പ്പി​ക്കു​ക​യും ചെ​യ്യു​ന്ന കാ​ഴ്ച. മി​നി​റ്റു​ക​ൾ​ക്കു​ള്ളി​ലാ​ണ് ഈ ​പ്ര​വൃ​ത്തി ലോ​കം മു​ഴു​വ​ൻ വൈ​റ​ൽ ആ​യ​ത്.

ഇ​തേ​ക്കു​റി​ച്ച് വി​നീ​ഷ്യ റി​വ എ​ന്ന ആ ​ഇ​റ്റ​ലി​ക്കാ​ര​ൻ പി​ന്നീ​ട് പ​റ​ഞ്ഞ​തി​പ്ര​കാ​ര​മാ​ണ്: ""പ​രി​ശു​ദ്ധ പി​താ​വ് എ​ന്നെ അ​ദ്ദേ​ഹ​ത്തോ​ട് അ​ടു​പ്പി​ച്ചു. ത​ന്‍റെ മൃ​ദു​ല​വും സു​ന്ദ​ര​വു​മാ​യ കൈ​ക​ൾ നീ​ട്ടി ജ​ന്മ​നാ വി​രൂ​പ​നാ​യ എ​ന്നെ ആ​ലിം​ഗ​നം ചെ​യ്തു. ക​വി​ളി​ൽ ഉ​മ്മ​വ​ച്ചു. വ​ല​തു​കൈ എ​ന്‍റെ കൈ​യി​ലെ​ടു​ത്തു​വ​ച്ച് ഇ​ട​തു​കൈ​കൊ​ണ്ട് എ​ന്നെ ഒ​ന്നു​കൂ​ടി ചേ​ർ​ത്തു​പി​ടി​ച്ചു. അ​പ്പോ​ൾ എ​ന്‍റെ വി​രൂ​പ​മാ​യ മു​ഖം അ​ദ്ദേ​ഹ​ത്തി​ന്‍റെ നെ​ഞ്ചോ​ടു ചേ​ർ​ന്നി​രു​ന്നു. ഒ​ന്നു​കൂ​ടി അ​ദ്ദേ​ഹം മു​റു​ക്കി കെ​ട്ടി​പ്പി​ടി​ച്ചു. എ​ന്തൊ​ക്കെ​യോ സം​സാ​രി​ക്ക​ണ​മെ​ന്ന് എ​നി​ക്കു തോ​ന്നി. പ​ക്ഷേ, ഒ​ര​ക്ഷ​രം​പോ​ലും പു​റ​ത്തു​വ​ന്നി​ല്ല. എ​ന്‍റെ ക​ണ്ണു​ക​ൾ നി​റ​ഞ്ഞൊ​ഴു​കി. എ​ന്‍റെ ജീ​വി​ത​ത്തി​ലെ മു​ഴു​വ​ൻ ദുഃ​ഖ​ഭാ​ര​വും, എ​നി​ക്ക് ആ​രു​മി​ല്ല, എ​ന്നെ ആ​ർ​ക്കും വേ​ണ്ട എ​ന്ന തോ​ന്ന​ലു​മെ​ല്ലാം അ​ലി​ഞ്ഞു​പോ​യി. വ​ല്ലാ​ത്തൊ​രു സ്നേ​ഹാ​നു​ഭ​വം എ​ന്‍റെ ഉ​ള്ളി​ൽ വ​ന്നു​നി​റ​ഞ്ഞു.''

ര​ണ്ടാം​ക്രി​സ്തു എ​ന്ന​റി​യ​പ്പെ​ട്ട വി​ശു​ദ്ധ ഫ്രാ​ൻ​സി​സ് അ​സീ​സി​യു​ടെ പാ​ത​ത​ന്നെ അ​ദ്ദേ​ഹ​ത്തി​ന്‍റെ നാ​മ​ധാ​രി​യാ​യ മാ​ർ​പാ​പ്പ ഈ ​യു​ഗ​ത്തി​ലും അ​നു​വ​ർ​ത്തി​ക്കു​ന്നു​വെ​ന്നാ​യി​രു​ന്നു ലോ​കം ഈ ​പ്ര​വൃ​ത്തി​യെ വി​ല​യി​രു​ത്തി​യ​ത്.

ക​രു​ണ​യു​ടെ ജൂ​ബി​ലി

മാ​ർ​പാ​പ്പ​യാ​യി തെ​ര​ഞ്ഞെ​ടു​ക്ക​പ്പെ​ട്ട​തി​ന്‍റെ ര​ണ്ടാം വാ​ർ​ഷി​ക​വേ​ള​യി​ലാ​ണ് 2015 ഡി​സം​ബ​ർ എ​ട്ടു​മു​ത​ൽ 2016 ന​വം​ബ​ർ 20 വ​രെ ക​രു​ണ​യു​ടെ അ​സാ​ധാ​ര​ണ ജൂ​ബി​ലി​വ​ർ​ഷ​മാ​യി ഫ്രാ​ൻ​സി​സ് മാ​ർ​പാ​പ്പ പ്ര​ഖ്യാ​പി​ച്ച​ത്. ലോ​ക​മെ​ന്പാ​ടു​മു​ള്ള ജ​ന​ങ്ങ​ളെ അ​നു​ര​ഞ്ജ​ന​ത്തി​ന് ആ​ഹ്വാ​നം​ചെ​യ്തു​കൊ​ണ്ട് സ​ഭ​യു​ടെ ഓ​രോ ദേ​വാ​ല​യ​ങ്ങ​ളി​ലും വി​ശു​ദ്ധ​ക​വാ​ടം തു​റ​ന്നു.

ഓ​രോ മാ​സ​വും ലോ​ക​ത്തി​നു മാ​തൃ​ക​യാ​കു​ന്ന ഒ​രു കാ​രു​ണ്യ​പ്ര​വൃ​ത്തി അ​ദ്ദേ​ഹം ചെ​യ്തു. ത​ട​വു​കാ​രെ​യും അ​വ​രു​ടെ കു​ടും​ബാം​ഗ​ങ്ങ​ളെ​യും അ​ദ്ദേ​ഹം ദി​വ്യ​ബ​ലി​യി​ലേ​ക്കു ക്ഷ​ണി​ച്ചു. വേ​ശ്യാ​വൃ​ത്തി ഉ​പേ​ക്ഷി​ച്ച​വ​രെ സ​ന്ദ​ർ​ശി​ച്ച് ആ​ത്മീ​യ​വും ധാ​ർ​മി​ക​വു​മാ​യ ധൈ​ര്യ​വും പി​ന്തു​ണ​യും പ​ക​ർ​ന്നു.

ജൂ​ബി​ലി​യു​ടെ സ​മാ​പ​ന​ദി​വ്യ​ബ​ലി​യി​ൽ മാ​ർ​പാ​പ്പ പ​റ​ഞ്ഞ​തി​ങ്ങ​നെ: ''ക​രു​ണ​യു​ടെ വി​ശു​ദ്ധ​ക​വാ​ടം ഇ​ന്ന് സ​ഭ ഔ​ദ്യോ​ഗി​ക​മാ​യി അ​ട​യ്ക്കു​മെ​ങ്കി​ലും ക​രു​ണ​യു​ടെ യ​ഥാ​ർ​ഥ​ക​വാ​ടം കു​ടി​കൊ​ള്ളു​ന്ന​തു ക്രി​സ്തു​വി​ന്‍റെ ഹൃ​ദ​യ​ത്തി​ലാ​ണ്. അ​തൊ​രി​ക്ക​ലും അ​ട​യ്ക്ക​പ്പെ​ടു​ക​യി​ല്ലെ​ന്നു​മാ​ത്ര​മ​ല്ല അ​നു​ര​ഞ്ജ​ന​പ്പെ​ട്ട് ഓ​ടി​വ​രു​ന്ന ഏ​തൊ​രാ​ൾ​ക്കു​മാ​യി എ​പ്പോ​ഴും തു​റ​ന്നു​ത​ന്നെ കി​ട​ക്കും’'.
എ​ളി​മ​യു​ടെ​യും ലാ​ളി​ത്യ​ത്തി​ന്‍റെ​യും ക​രു​ണ​യു​ടെ​യും അ​നു​ക​ന്പ​യു​ടെ​യും ജീ​വി​ക്കു​ന്ന സാ​ക്ഷ്യ​മാ​യി​രു​ന്നു, ആ​ൾ​രൂ​പ​മാ​യി​രു​ന്നു ഫ്രാ​ൻ​സി​സ് മാ​ർ​പാ​പ്പ.