സം​ഗീ​ത​വും സാ​ഹി​ത്യ​വും സ്പോ​ർ​ട്സും സി​നി​മ​യും സൗ​ഹൃ​ദ​ങ്ങ​ളും ഏ​റെ പ്രി​യ​മു​ള്ള സി​പി​എം ദേ​ശീ​യ ജ​ന​റ​ൽ സെ​ക്ര​ട്ട​റി എം.​എ. ബേ​ബി​ക്ക് അ​തി​നെ​ല്ലാം ഉ​പ​രി​യാ​ണു രാ​ഷ്‌​ട്രീ​യം. എ​ഴു​ത്തും വാ​യ​ന​യു​മു​ള്ള ക​ലാ​സ്വാ​ദ​ക​നാ​യ രാ​ഷ്‌​ട്രീ​യ​ക്കാ​രന്‍. ഇ​എം​എ​സ് ന​ന്പൂ​തി​രി​പ്പാ​ടി​നു​ശേ​ഷം ആ​ദ്യ​മാ​യി കേ​ര​ള​ത്തി​ൽ​നി​ന്ന് സി​പി​എം അ​ഖി​ലേ​ന്ത്യാ സെ​ക്ര​ട്ട​റി​യാ​യ ബേ​ബി​ക്ക് ത​ന്‍റെ ദൗ​ത്യ​ത്തെ​ക്കു​റി​ച്ചും നി​ല​പാ​ടു​ക​ളെ​ക്കു​റി​ച്ചും ന​ല്ല വ്യ​ക്ത​ത​യു​ണ്ട്.

വാ​ഹ​ന​മോ​ടി​ക്കാ​നു​ള്ള ഡ്രൈ​വിം​ഗ് വ​ശ​മി​ല്ലെ​ങ്കി​ലും ഇ​ട​തു​പ​ക്ഷ രാ​ഷ്‌​ട്രീ​യ​ത്തി​ന്‍റെ ഡ്രൈ​വിം​ഗ് വി​ദ​ഗ്ധ​നാ​ണ്. ഭ​ര​ണ​ഘ​ട​ന​യ്ക്കും മ​ത​നി​ര​പേ​ക്ഷ​ത​യ്ക്കും ബി​ജെ​പി​യും ആ​ർ​എ​സ്എ​സും ഉ​യ​ർ​ത്തു​ന്ന അ​പ​ക​ട​ങ്ങ​ൾ​ക്കെ​തി​രേ ദേ​ശീ​യ​ത​ല​ത്തി​ൽ കോ​ണ്‍​ഗ്ര​സ് അ​ട​ക്ക​മു​ള്ള പ്ര​തി​പ​ക്ഷ​ പാ​ർ​ട്ടി​ക​ളു​ടെ ഏ​കോ​പ​നം അ​നി​വാ​ര്യ​മാ​യ യാ​ഥാ​ർ​ഥ്യ​മാ​ണെ​ന്ന ബോ​ധ്യം അ​ദ്ദേ​ഹം മ​റ​ച്ചു​വ​യ്ക്കു​ന്നി​ല്ല. ജീ​വി​ത​ലാ​ളി​ത്യ​ത്തി​ലും പേ​രി​ലും ബേ​ബി ആ​ണെ​ങ്കി​ലും രാ​ഷ്‌​ട്രീ​യ​ത്തി​ൽ പ​രി​ണ​ത​പ്ര​ജ്ഞ​നും ക​രു​ത്ത​നു​മാ​ണ്.

കേ​ര​ള​ത്തി​ലെ അ​ധി​കാ​ര​ സ​മ​വാ​ക്യ​ങ്ങ​ൾ മു​ത​ൽ ദേ​ശീ​യ​ രാ​ഷ്‌​ട്രീ​യ​ത്തി​ലെ സ​ങ്കീ​ർ​ണ​ത​ക​ളിൽ വ​രെ കൃ​ത്യ​മാ​യ അ​റി​വും കാ​ഴ്ച​പ്പാ​ടു​ക​ളു​മു​ള്ള ബേ​ബി​ക്ക്, പാ​ർ​ട്ടി ലൈ​നി​ൽ​നി​ന്നു വ്യ​തി​ച​ലി​ക്കാ​തെ​ത​ന്നെ ശ്ര​മ​ക​ര​മാ​യ പു​തി​യ വ​ലി​യ ദൗ​ത്യ​ം നിർവഹിക്കാമെന്ന ആ​ത്മ​വി​ശ്വാ​സ​മു​ണ്ട്.

കൊ​ല്ലം പ്രാ​ക്കു​ളം സ്വ​ദേ​ശി​യും സ്കൂ​ൾ ഹെ​ഡ്മാ​സ്റ്റ​റു​മാ​യി​രു​ന്ന പി.​എം. അ​ല​ക്സാ​ണ്ട​റി​ന്‍റെ​യും ലി​ല്ലി​യു​ടെ​യും എ​ട്ടു മ​ക്ക​ളി​ൽ ഇ​ള​യ​വ​നാ​യ മ​രി​യ​ൻ അ​ല​ക്സാ​ണ്ട​ർ ബേ​ബി​യെ​ന്ന 71കാ​ര​ന് ദേ​ശീ​യ ​രാ​ഷ്‌​ട്രീ​യ​ത്തി​ലെ പു​തി​യ ചു​മ​ത​ല​യി​ലും, പ​ഴ​യ രീ​തി​ക​ളി​ൽ മാ​റ്റ​മി​ല്ല.

2006ൽ ​കു​ണ്ട​റ​യി​ൽ​നി​ന്നു നി​യ​മ​സ​ഭ​യി​ലേ​ക്കു ജ​യി​ച്ച് അ​ച്യു​താ​ന​ന്ദ​ൻ മ​ന്ത്രി​സ​ഭ​യി​ലെ വി​ദ്യാ​ഭ്യാ​സ​മ​ന്ത്രി​യാ​യി. 2011ലും ​വി​ജ​യം ആ​വ​ർ​ത്തി​ച്ച​ങ്കി​ലും 2014ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ തോ​റ്റു. സി​പി​എം കേ​ന്ദ്ര ക​മ്മി​റ്റി​യി​ൽ 1999ൽ ​അം​ഗ​മാ​യ ബേ​ബി​ക്ക് പ​ക്ഷേ പോ​ളി​റ്റ് ബ്യൂ​റോ​യി​ലെ​ത്താ​ൻ ര​ണ്ട​ര പ​തി​റ്റാ​ണ്ട് കാ​ത്തി​രി​ക്കേ​ണ്ടിവ​ന്നു. ആ​രോ​ടും പ​രി​ഭ​വ​വും പ​രാ​തി​യും പ​റ​യാ​ത്ത ബേ​ബി, ഒ​ന്ന​ര ദ​ശാ​ബ്‌​ദം ക​ഴി​ഞ്ഞാ​ണ് ഇ​ന്ത്യ​യി​ലെ ഇ​ട​തു​പ​ക്ഷ​ത്തി​ന്‍റെ അ​മ​ര​ക്കാ​ര​നാ​കുന്നത്.

ദേ​ശീ​യ, കേ​ര​ള രാ​ഷ്‌​ട്രീ​യ​ത്തെ​ക്കു​റി​ച്ചും ത​ന്‍റെ വെ​ല്ലു​വി​ളി​ക​ളെ​ക്കു​റി​ച്ചും ഡ​ൽ​ഹി​യി​ലെ സി​പി​എം ആ​സ്ഥാ​ന​മാ​യ എ​കെ​ജി ഭ​വ​നി​ലെ ജ​ന​റ​ൽ സെ​ക്ര​ട്ട​റി​യു​ടെ ക​സേ​ര​യി​ലി​രു​ന്ന് എം.​എ. ബേ​ബി ദീ​പി​ക​യു​മാ​യി മ​ന​സ് തു​റ​ന്നു. ദീ​പി​ക നാ​ഷ​ണ​ൽ അ​ഫ​യേ​ഴ്സ് എ​ഡി​റ്റ​റും ഡ​ൽ​ഹി ബ്യൂ​റോ ചീ​ഫു​മാ​യ ജോ​ർ​ജ് ക​ള്ളി​വ​യ​ലി​നു ന​ൽ​കി​യ പ്ര​ത്യേ​ക അ​ഭി​മു​ഖം.

☛പ​ഴ​യ കോ​ണ്‍​ഗ്ര​സ് വി​രോ​ധ​ത്തി​ന്‍റെ കാ​ലം ക​ഴി​ഞ്ഞി​ല്ലേ; ഇ​ട​തു​പ​ക്ഷ പാ​ർ​ട്ടി​ക​ളു​ടെ അ​മ​ര​ക്കാ​ര​നെ​ന്ന നി​ല​യി​ൽ പു​തി​യ സാ​ഹ​ച​ര്യ​ത്തി​ൽ പ്ര​തി​പ​ക്ഷ ‘ഇ​ന്ത്യ’ സ​ഖ്യ​ത്തെ ശ​ക്തി​പ്പെ​ടു​ത്താ​നാ​യി താ​ങ്ക​ൾ മു​ൻ​കൈ​യെ​ടു​ക്കു​മോ?

കോ​ണ്‍​ഗ്ര​സ് വി​രോ​ധ​ത്തി​ന്‍റെ നാ​ളു​ക​ൾ ക​ഴി​ഞ്ഞി​ല്ലേ​യെ​ന്ന ചോ​ദ്യ​ത്തി​ന് ഒ​രു​പ​രി​ധി​വ​രെ പ്ര​സ​ക്തി​യു​ണ്ട്. പ​ക്ഷേ, സി​പി​എ​മ്മി​നെ സം​ബ​ന്ധി​ച്ചി​ട​ത്തോ​ളം ഒ​രു​കാ​ല​ത്തും അ​ന്ധ​മാ​യ കോ​ണ്‍​ഗ്ര​സ് വി​രോ​ധം സ്വീ​ക​രി​ച്ചി​ട്ടി​ല്ല. കൂ​ടു​ത​ൽ വ​ല​തു​പ​ക്ഷ ജ​ന​വി​രു​ദ്ധ രാ​ഷ്‌​ട്രീ​യ​ഭീ​ഷ​ണി ഉ​യ​ർ​ന്നു​വ​രു​ന്പോ​ൾ അ​തി​നെ നേ​രി​ടാ​ൻ ഉ​ചി​ത​മാ​യ തീ​രു​മാ​ന​മാ​ണു സി​പി​എം എ​ടു​ത്തി​ട്ടു​ള്ള​ത്.

☛ മു​ന​ന്പ​ത്തെ 600-ലേ​റെ മ​ത്സ്യ​ത്തൊ​ഴി​ലാ​ളി കു​ടും​ബ​ങ്ങ​ളു​ടെ വേ​ദ​ന കാ​ണു​ന്നി​ല്ലേ?

മു​ന​ന്പം പ്ര​ശ്നത്തിന് ക്ഷ​മാ​പൂ​ർ​വ​മാ​യ പ​രി​ഹാ​രമാണു വേണ്ടത്. വ​ഖ​ഫ് ഭേ​ദ​ഗ​തി നി​യ​മം​കൊ​ണ്ടു മു​ന​ന്പം പ്ര​ശ്നം പ​രി​ഹ​രി​ക്ക​പ്പെ​ടു​മെന്ന​ത് തെ​റ്റാ​യ ധാ​ര​ണ​യാ​ണ്.

☛ ഇ​ന്ത്യ​ൻ ഭ​ര​ണ​ഘ​ട​ന​യ്ക്കു മു​ക​ളി​ൽ മ​ത​നി​യ​മം ന​ട​പ്പാ​ക്കു​ന്ന​തി​ലെ അ​നീ​തി​യെ​ക്കു​റി​ച്ച് സി​ബി​സി​ഐ​യും കെ​സി​ബി​സി​യും പ​റ​ഞ്ഞ​തു ശ​രി​യ​ല്ലെ​ന്ന് വാ​ദ​മു​ണ്ടോ?

ഒ​രു മ​ത​വി​ഭാ​ഗ​വു​മാ​യി ബ​ന്ധ​പ്പെ​ട്ട വ​ഖ​ഫ് നി​യ​മം ഭേ​ദ​ഗ​തി ചെ​യ്യു​ന്ന​തി​നു​മു​ന്പേ ആ​ദ്യം സ​മ​വാ​യമു​ണ്ടാ​ക്ക​ണം. അ​വ​രെ വി​ളി​ച്ചു​കൂ​ട്ടി ച​ർ​ച്ച ചെ​യ്യ​ണം. പ​രാ​തി​ക​ൾ കേ​ൾ​ക്ക​ണം. പ​രാ​തി അ​ടി​സ്ഥാ​ന​ര​ഹി​ത​മാ​ണെ​ങ്കി​ൽ അ​വ​ർ​ക്ക​തു വി​ശ​ദീ​ക​രി​ച്ചു​ കൊ​ടു​ക്ക​ണം. ആ ​ജ​നാ​ധി​പ​ത്യ​സ​മീ​പ​ന​മൊ​ന്നും കേ​ന്ദ്ര​സ​ർ​ക്കാ​ർ സ്വീ​ക​രി​ച്ചി​ട്ടി​ല്ല. വെ​ട​ക്കാ​ക്കി ത​നി​ക്കാ​ക്കു​ക​യെ​ന്ന​താ​ണു ത​ന്ത്രം. കെ​സി​ബി​സി​യു​ടെ പ്ര​സ്താ​വ​ന​യെ വി​മ​ർ​ശി​ച്ച​ത് ഇ​തു​കൊ​ണ്ടാ​ണ്.

☛ ബി​ജെ​പി​യെ മു​ഖ്യ​ശ​ത്രു​വാ​യി അം​ഗീ​ക​രി​ക്കു​ന്നു​ണ്ടോ? ഉ​ണ്ടെ​ങ്കി​ൽ എ​ങ്ങ​നെ നേ​രി​ടും?

മു​ഖ്യ​ശ​ത്രു, ന​വ​ഫാ​സി​സ്റ്റ് പ്ര​വ​ണ​ത​ക​ൾ ഭ​ര​ണ​ത്തി​ന്‍റെ വി​വി​ധ മേ​ഖ​ല​ക​ളി​ൽ പ്ര​ദ​ർ​ശി​പ്പി​ച്ചു​കൊ​ണ്ടി​രി​ക്കു​ന്ന ആ​ർ​എ​സ്എ​സ് നി​യ​ന്ത്ര​ണ​ത്തി​ലു​ള്ള ബി​ജെ​പി​യാ​ണ്. ഇ​ക്കാ​ര്യം പാ​ർ​ട്ടി കോ​ണ്‍​ഗ്ര​സി​ലെ രാ​ഷ്‌​ട്രീ​യപ്ര​മേ​യം അ​സ​ന്നി​ഗ്ധ​മാ​യി വ്യ​ക്ത​മാ​ക്കി​യ​താ​ണ്. ആ ​​പ്ര​മേ​യ​ത്തി​ലെ കാ​ര്യ​ങ്ങ​ൾ​ക്ക് അ​ടി​വ​ര​യി​ടു​ന്ന കാ​ര്യ​ങ്ങ​ളാ​ണു ക​ണ്ടു​കൊ​ണ്ടി​രി​ക്കു​ന്ന​ത്. ബി​ജെ​പി​ സ​ർ​ക്കാ​രി​ന്‍റെ സെ​ൻ​സ​ർ ബോ​ർ​ഡ് അ​നു​മ​തി കൊ​ടു​ത്ത സി​നി​മ​യ്ക്കു​ നേ​രേയു​ള്ള ആ​ക്ര​മ​ണം ഉ​ദാ​ഹ​ര​ണ​മാ​ണ്. നി​ർ​മാ​താ​വി​നെ​യും ന​ടീ-​ന​ട​ന്മാ​രെ​യും വേ​ട്ട​യാ​ടു​ന്ന​തും ക​ണ്ടു. ല​ക്ഷ​ക്ക​ണ​ക്കി​ന് വോ​ള​ണ്ടി​യ​ർ​മാ​രു​ള്ള ഒ​രു സൈ​നി​ക​ദ​ളം ആ​ർ​എ​സ്എ​സി​നു​ണ്ട്. എ​ന്നി​ട്ടും ഇ​ന്ത്യ​യി​ലെ ഭൂ​രി​പ​ക്ഷം ജ​ന​ത​യി​ലും ക​ട​ന്നു​ക​യ​റാ​ൻ അ​വ​ർ​ക്കു ക​ഴി​ഞ്ഞി​ട്ടി​ല്ല. എ​ന്നാ​ൽ, 30 ശ​ത​മാ​ന​ത്തോ​ളം ഇ​ന്ത്യ​ക്കാ​രു​ടെ സ്ഥാ​യി​യാ​യ രാ​ഷ്‌​ട്രീ​യ​പി​ന്തു​ണ നേ​ടാ​ൻ ആ​ർ​എ​സ്എ​സി​ന്‍റെ വി​വി​ധ ദ​ള​ങ്ങി​ലൂ​ടെ ക​ഴി​ഞ്ഞി​ട്ടു​ണ്ടെ​ന്നാ​ണു പാ​ർ​ട്ടി​യു​ടെ വി​ല​യി​രു​ത്ത​ൽ. 30 ശ​ത​മാ​ന​ത്തി​ലേ​റെ ആ​വ​ശ്യ​മാ​യ പി​ന്തു​ണ ജാ​തീ​യ​മാ​യ ചേ​രി​തി​രി​വു​ക​ളി​ലൂ​ടെ വ​ർ​ഗീ​യ​വ​ത്ക​ര​ണം ന​ട​ത്തു​ന്ന സോ​ഷ്യ​ൽ എ​ൻ​ജി​നി​യ​റിം​ഗ് സം​ഘ​പ​രി​വാ​ർ പ്രാ​വ​ർ​ത്തി​ക​മാ​ക്കി​ക്കൊ​ണ്ടി​രി​ക്കു​ന്നു. ഇ​തെ​ല്ലാമാണ് ഭ​ര​ണ​ത്തു​ട​ർ​ച്ച നേ​ടാ​ൻ ബി​ജെ​പി​യെ സ​ഹാ​യി​ക്കു​ന്നുത്.

☛ ഇ​ക്കാ​ര്യം പ്ര​തി​പ​ക്ഷ​ത്തി​നു ബോ​ധ്യ​മി​ല്ലേ?

വേ​ണ്ട​ത്ര ആ​ഴ​മാ​യ നി​ല​പാ​ട് വി​ക​സി​പ്പി​ച്ചെ​ടു​ക്കു​ന്ന​തി​ൽ പ്ര​തി​പ​ക്ഷ​ത്തി​നു ചി​ല ബ​ല​ഹീ​ന​ത​ക​ളു​ണ്ടാ​യി​ട്ടു​ണ്ട്. മ​റ്റൊ​രു രാ​ഷ്‌​ട്രീ​യ​ പാ​ർ​ട്ടി​യാ​യി മാ​ത്രമേ ബി​ജെ​പി​യെ ഇ​ട​തു​പ​ക്ഷ ഇ​ത​ര പ്ര​തി​പ​ക്ഷ പാ​ർ​ട്ടി​ക​ൾ കാ​ണു​ന്നു​ള്ളൂ. ത​ങ്ങ​ൾ ഒ​രു​മി​ച്ചു​ നി​ന്നു തോ​ൽ​പ്പി​ക്കേ​ണ്ട മ​റ്റൊ​രു പാ​ർ​ട്ടി. അ​ർ​ധ​ഫാ​സി​സ്റ്റ് സ്വ​ഭാ​വ​മു​ള്ള ആ​ർ​എ​സ്എ​സി​നാ​ൽ നി​യ​ന്ത്രി​ക്ക​പ്പെ​ടു​ന്ന പാ​ർ​ട്ടി​യാ​ണു ബി​ജെ​പി​യെ​ന്ന ബോ​ധ്യമാണ് ഉ​ണ്ടാ​കേണ്ടത്. ഇ​തു​വ​രെ സം​ഭ​വി​ച്ച പോ​രാ​യ്മ​ക​ൾ തി​രു​ത്ത​ണം. കേ​ന്ദ്ര​ഭ​ര​ണ​ത്തി​ൽ​നി​ന്നു മോ​ദി​യെ​യും ബി​ജെ​പി​യെ​യും നി​ഷ്കാ​സ​നം ചെ​യ്യു​ന്ന​തി​ന്‍റെ വ​ക്കി​ൽ​വ​രെ​യെ​ത്താ​ൻ ക​ഴി​ഞ്ഞ തെ​ര​ഞ്ഞെ​ടു​പ്പി​ൽ ഇ​ന്ത്യ ബ്ലോ​ക്കി​നു ക​ഴി​ഞ്ഞു. ര​ണ്ടു ശ​ത​മാ​ന​ത്തി​ൽ താ​ഴെ​യേ വോ​ട്ടു​വ്യ​ത്യാ​സ​മു​ള്ളൂ. ബി​ജെ​പി​ക്കു ത​നി​ച്ചി​പ്പോ​ൾ ലോ​ക്സ​ഭ​യി​ൽ ഭൂ​രി​പ​ക്ഷ​മി​ല്ല.

☛ഇ​ന്ത്യ സ​ഖ്യ​ത്തി​ലെ ക​ക്ഷി​ക​ൾ പ​ര​സ്പ​രം ത​മ്മി​ല​ടി​ക്കു​ക​യ​ല്ലേ. കേ​ര​ള​ത്തി​ൽ സി​പി​എ​മ്മും കോ​ണ്‍​ഗ്ര​സും പ​ര​സ്പ​രം മ​ത്സ​രി​ക്കു​ന്നു. ഏ​താ​ണ്ടെ​ല്ലാ സം​സ്ഥാ​ന​ങ്ങ​ളി​ലും സ​മാ​ന ​സ്ഥി​തി​യു​ണ്ട്. ഈ ​വൈ​രു​ധ്യ​ങ്ങ​ളെ എ​ങ്ങ​നെ മ​റി​ക​ട​ക്കും?


സാ​ധ്യ​മാ​യി​ട​ത്തോ​ളം ബി​ജെ​പി​ക്കെ​തി​രേ ഒ​റ്റ സ്ഥാ​നാ​ർ​ഥി​യെ നി​ർ​ത്തി പോ​രാ​ടാ​നാ​ണു പ്ര​തി​പ​ക്ഷം ശ്ര​മി​ക്കു​ന്ന​ത്. ആ​കെ​യു​ള്ള 543 ലോ​ക്സ​ഭാ സീ​റ്റു​ക​ളി​ൽ 400 സീ​റ്റു​ക​ളി​ലെ​ങ്കി​ലും പ​ര​സ്പ​ര മ​ത്സ​രം ഒ​ഴി​വാ​ക്കു​ക​യെ​ന്നാ​ണ് ഇ​ന്ത്യ ബ്ലോ​ക്ക് ത​ന്നെ എ​ടു​ത്തി​ട്ടു​ള്ള തീ​രു​മാ​നം. ക​ഴി​ഞ്ഞ ലോ​ക്സ​ഭാ തെ​ര​ഞ്ഞെ​ടു​പ്പി​ൽ​ത്ത​ന്നെ ബി​ജെ​പി​യെ തോ​ൽ​പ്പി​ക്കാ​ൻ ക​ഴി​യു​മാ​യി​രു​ന്നു. കേ​ര​ള​ത്തി​ൽ സി​പി​എ​മ്മും കോ​ണ്‍​ഗ്ര​സും പ​ര​സ്പ​രം മ​ത്സ​രി​ക്കു​ന്പോ​ഴും ബി​ജെ​പി​ക്കെ​തി​രേ​യാ​ണു ജ​യി​ക്കു​ന്ന​ത്.

☛ തൃ​ശൂ​രി​ലെ ബി​ജെ​പി​യു​ടെ വി​ജ​യം അ​ങ്ങ​നെ​യ​ല്ല​ല്ലോ?

തൃ​ശൂ​രി​ലെ ഒ​രു സീ​റ്റി​ൽ ബി​ജെ​പി ജ​യി​ച്ച​ത് എ​ങ്ങ​നെ​യെ​ന്ന് അ​വി​ടു​ത്തെ വോ​ട്ട് ക​ണ​ക്കു​കൂ​ട്ടി​യാ​ൽ മ​ന​സി​ലാ​കും. യു​ഡി​എ​ഫി​ന്‍റെ എ​ത്ര വോ​ട്ടു​ക​ൾ കു​റ​ഞ്ഞു? എ​ൽ​ഡി​എ​ഫി​ന്‍റെ വോ​ട്ടു​ക​ളി​ൽ 16,000 വ​ർ​ധ​ന​യു​ണ്ട്.

☛ബി​ജെ​പി ഭൂ​രി​പ​ക്ഷ വ​ർ​ഗീ​യ​ത ക​ളി​ക്കു​ന്പോ​ൾ സി​പി​എ​മ്മും കോ​ണ്‍​ഗ്ര​സും ന​ട​ത്തു​ന്ന​തു മു​സ്‌​ലിം പ്രീ​ണ​ന​മാ​ണെ​ന്ന ആ​രോ​പ​ണ​ത്തെ​ക്കു​റി​ച്ച്?

ആ​ർ​എ​സ്എ​സി​ന്‍റെ​യും ബി​ജെ​പി​യു​ടെ​യും ത​ന്ത്രം ഭി​ന്നി​പ്പി​ച്ച് നേ​ട്ട​മു​ണ്ടാ​ക്കു​ക​യെ​ന്ന​താ​ണ്. അ​താ​ണ് ന്യൂ​ന​പ​ക്ഷ​ത്തി​ൽ​പ്പെ​ട്ട​വ​ർ മ​ന​സി​ലാ​ക്കേ​ണ്ട​ത്. മു​സ്‌​ലിം​ക​ളും ക്രി​സ്ത്യാ​നി​ക​ളും മൂ​ന്നാ​മ​താ​യി ക​മ്യൂ​ണി​സ്റ്റു​ക​ളു​മാ​ണ് ആ​ഭ്യ​ന്ത​ര​ശ​ത്രു​ക്ക​ൾ എ​ന്നു മാ​ധ​വ് ഗോ​ൾ​വാ​ൾ​ക്ക​റു​ടെ വി​ചാ​ര​ധാ​ര​യി​ൽ പ​റ​ഞ്ഞ​ത് ഓ​ർ​ക്ക​ണം.

☛ദേ​ശീ​യ​ത​ല​ത്തി​ൽ താ​ങ്ക​ളു​ടെ പ്ര​ധാ​ന ഉ​ത്ത​ര​വാ​ദി​ത്വങ്ങൾ എ​ന്തൊ​ക്കെ​യാ​ണ് ?

ഏ​കോ​പ​ന​ച്ചു​മ​ത​ലയാണ് പ്രധാനം. കൂ​ട്ടാ​യ തീ​രു​മാ​ന​മാ​ണു സി​പി​എ​മ്മി​ലേ​ത്. ഭ​ര​ണ​സി​രാ​കേ​ന്ദ്രം ഡ​ൽ​ഹി​യാ​ണെ​ങ്കി​ലും ബി​ജെ​പി​യു​ടെ സി​രാ​കേ​ന്ദ്രം നാ​ഗ്പു​രി​ലെ ആ​ർ​എ​സ്എ​സ് ആ​സ്ഥാ​ന​മാ​ണ്. അ​തു​കൊ​ണ്ടു​ത​ന്നെ വ​ള​രെ വ​ലു​തും സ​ങ്കീ​ർ​ണ​വു​മാ​ണ് എ​ന്‍റെ ക​ട​മ. ബി​ജെ​പി​യെ​യും അ​വ​രു​ടെ സ​ഖ്യ​ക​ക്ഷി​ക​ളെ​യും തോ​ൽ​പ്പി​ക്കു​ക​യെ​ന്ന​താ​ണ് മു​ഖ്യ രാ​ഷ്‌​ട്രീ​യ ക​ട​മ. സി​പി​എ​മ്മി​ന്‍റെ​യും ഇ​ട​തു​പ​ക്ഷ​ത്തി​ന്‍റെ​യും സ്വാ​ധീ​നം വ​ർ​ധി​പ്പി​ക്കു​ക​യാ​ണ് ര​ണ്ടാ​മ​ത്തെ ക​ട​മ. ഈ ​ക​ട​മ​ക​ൾ നി​ർ​വ​ഹി​ക്കാ​ൻ ശ്ര​മി​ക്കു​ന്പോ​ൾ ഇ​ന്ത്യ​ൻ രാ​ഷ്‌​ട്രീ​യ​ത്തി​ൽ സ​ങ്കീ​ർ​ണ​ത​ക​ളു​ണ്ട്. ആം ​ആ​ദ്മി പാ​ർ​ട്ടി​യും കോ​ണ്‍​ഗ്ര​സും പ​ര​സ്പ​രം മ​ത്സ​രി​ച്ച​തു​കൊ​ണ്ടാ​ണ് ഡ​ൽ​ഹി​യി​ൽ ബി​ജെ​പി​ക്കു ഭ​ര​ണ​ത്തി​ലേ​റാ​നാ​യ​ത്. ഇ​ന്ത്യ ബ്ലോ​ക്കി​ലെ യോ​ജി​പ്പി​ല്ലാ​യ്മ​യാ​ണു കാ​ര​ണം. ഇ​തു​പോ​ലു​ള്ള പ്ര​ശ്ന​ങ്ങ​ളു​ണ്ട്. മ​മ​ത ബാ​ന​ർ​ജി​യു​ടെ പാ​ർ​ട്ടി​യും ഇ​ന്ത്യ ബ്ലോ​ക്കി​ലു​ണ്ടെ​ങ്കി​ലും ബം​ഗാ​ളി​ൽ പ​ര​സ്പ​രം മ​ത്സ​​രി​ക്കു​ന്ന സ്ഥിതിയാണ്.

☛അ​ന്ധ​മാ​യ കോ​ണ്‍​ഗ്ര​സ് വി​രോ​ധ​മി​ല്ലെ​ന്ന വാ​ദം വി​ശ​ദീ​ക​രി​ക്കാ​മോ?

അ​തി​ന് ഏ​റ്റ​വും വ​ലി​യ ഉ​ദാ​ഹ​ര​ണ​മാ​ണ് ഇ​ന്ദി​രാ​ഗാ​ന്ധി​യു​ടെ രാ​ഷ്‌​ട്രീ​യ​ നി​ല​പാ​ടു​ക​ളെ വി​മ​ർ​ശ​ന​പ​ര​മാ​യി സി​പി​എം പി​ന്താ​ങ്ങി​യി​ട്ടു​ള്ള​ത്. 1969ൽ ​ത​ല​മു​തി​ർ​ന്ന കോ​ണ്‍​ഗ്ര​സ് നേ​താ​ക്ക​ളാ​യ നി​ജ​ലിം​ഗ​പ്പ​യെ പോ​ലു​ള്ള​വ​ർ ചേ​ർ​ന്നു സം​ഘ​ട​നാ കോ​ണ്‍​ഗ്ര​സ് ഉ​ണ്ടാ​ക്കി. മ​റു​ഭാ​ഗ​ത്ത് ഇ​ന്ദി​രാ കോ​ണ്‍​ഗ്ര​സ് എ​ന്ന വി​ഭാ​ഗ​വും. പാ​ർ​ല​മെ​ന്‍റ് അം​ഗ​ങ്ങ​ൾ​ക്കി​ട​യി​ൽ പി​ള​ർ​പ്പു​ണ്ടാ​യി. ഇ​ന്ദി​രാ​ഗാ​ന്ധി​ക്കു പ്ര​ധാ​ന​മ​ന്ത്രി​പ​ദ​ത്തി​ൽ തു​ട​രാ​നു​ള്ള ഭൂ​രി​പ​ക്ഷം ലോ​ക്സ​ഭ​യി​ൽ ഉ​ണ്ടാ​യി​രു​ന്നി​ല്ല.

ആ ​സ​മ​യ​ത്ത് സി​പി​എ​മ്മി​ന്‍റെ​യും ഇ​ട​തു​പ​ക്ഷ​ത്തി​ന്‍റെ​യും ലോ​ക്സ​ഭ​യി​ലെ എം​പി​മാ​ർ പി​ന്തു​ണ ന​ൽ​കി​യ​തു​കൊ​ണ്ടാ​ണ് ഇ​ന്ദി​രാ​ഗാ​ന്ധി കാ​ലാ​വ​ധി പൂ​ർ​ത്തി​യാ​ക്കി​യ​ത്. ഇ​ന്ദി​ര​യെ പി​ന്താ​ങ്ങി​യെ​ന്ന​ത് പു​തി​യ ത​ല​മു​റ​യി​ലെ പ​ല​ർ​ക്കും അ​റി​യാ​ൻ സാ​ധ്യ​ത​യി​ല്ല.

1971ലെ ​തെ​ര​ഞ്ഞെ​ടു​പ്പി​ൽ ഇ​ന്ദി​ര​യ്ക്കു മൂ​ന്നി​ൽ ര​ണ്ട് ഭൂ​രി​പ​ക്ഷം കി​ട്ടി. 1991ൽ ​പി.​വി. ന​ര​സിം​ഹ റാ​വു പ്ര​ധാ​ന​മ​ന്ത്രി​യാ​കു​ന്പോ​ൾ കോ​ണ്‍​ഗ്ര​സി​നു ഭൂ​രി​പ​ക്ഷ​മി​ല്ല. സി​പി​എം പു​റ​ത്തു​നി​ന്ന് പി​ന്താ​ങ്ങി​യതുകൊ​ണ്ടാ​ണ് റാ​വു സ​ർ​ക്കാ​ർ പ്ര​വ​ർ​ത്തി​ച്ച​ത്. പി​ന്നീ​ട് 2004ൽ ​മ​ൻ​മോ​ഹ​ൻ സിം​ഗി​ന്‍റെ സ​ർ​ക്കാ​രി​നെയും സി​പി​എം പി​ന്തു​ണ​ച്ചു. ആ ​തെ​ര​ഞ്ഞെ​ടു​പ്പി​ൽ കേ​ര​ള​ത്തി​ൽ കോ​ണ്‍​ഗ്ര​സി​ന് ഒ​റ്റ സീ​റ്റു​പോ​ലും കി​ട്ടി​യി​രു​ന്നി​ല്ല.

കേ​ര​ള​ത്തി​ലെ 20ൽ 18 ​സീ​റ്റി​ലും കോ​ണ്‍​ഗ്ര​സി​നെ തോ​ൽ​പ്പി​ച്ചു ജ​യി​ച്ച ഇ​ട​തു​പ​ക്ഷ എം​പി​മാ​രാ​ണ് കേ​ന്ദ്ര​ത്തി​ൽ കോ​ണ്‍​ഗ്ര​സ് മ​ന്ത്രി​സ​ഭ​യെ പി​ന്തു​ണ​ച്ച​ത്. മ​ൻ​മോ​ഹ​ൻ സ​ർ​ക്കാ​രി​ന്‍റെ പ്ര​ധാ​ന നേ​ട്ട​ങ്ങ​ളാ​യ തൊ​ഴി​ലു​റ​പ്പ്, ഭ​ക്ഷ്യ​സു​ര​ക്ഷ, വി​വ​രാ​വ​കാ​ശം, വി​ദ്യാ​ഭ്യാ​സ അ​വ​കാ​ശം തു​ട​ങ്ങി​യ​വ​യു​ടെ​യെ​ല്ലാം ക​ര​ട് ത​യാ​റാ​ക്കി​യ​തി​ൽ എ​ന്‍റെ മു​ൻ​ഗാ​മി​യാ​യ സീ​താ​റാം യെ​ച്ചൂ​രി​ക്കും പ​ങ്കു​ണ്ട്. ഹ​ർ​കി​ഷ​ൻ സിം​ഗി​ന്‍റെ സ​ഹാ​യി​യാ​യി അ​ദ്ദേ​ഹ​വും യു​പി​എ യോ​ഗ​ങ്ങ​ളി​ൽ പ​ങ്കെ​ടു​ക്കു​മാ​യി​രു​ന്നു. സീ​താ​റാ​മും പി. ​ചി​ദം​ബ​ര​വും അ​ട​ങ്ങു​ന്ന ഉ​പ​സ​മി​തി​യാ​ണ് യു​പി​എ​യു​ടെ പൊ​തു​മി​നി​മം പ​രി​പാ​ടി (സി​എം​പി) ത​യാ​റാ​ക്കി​യ​ത്.

☛ആ​ണ​വ​ക്ക​രാ​റി​ന്‍റെ പേ​രി​ൽ യു​പി​എ സ​ർ​ക്കാ​രി​നു​ള്ള പി​ന്തു​ണ പി​ൻ​വ​ലി​ച്ച​തു തെ​റ്റാ​യെ​ന്ന് ഇ​നി​യെ​ങ്കി​ലും സ​മ്മ​തി​ക്കു​മോ? അ​തി​നെ തു​ട​ർ​ന്നാ​ണ​ല്ലോ സി​പി​എ​മ്മി​ന്‍റെ ദേ​ശീ​യ​ത​ല​ത്തി​ലെ ത​ക​ർ​ച്ച. പ്ര​ത്യേ​കി​ച്ച് പാ​ർ​ല​മെ​ന്‍റി​ലെ അം​ഗ​ബ​ലം പി​ന്നീ​ട് വ​ലി​യ​തോ​തി​ൽ കു​റ​ഞ്ഞി​ല്ലേ?

സി​പി​എ​മ്മി​ന്‍റെ​യും ഇ​ട​തു​പ​ക്ഷ​ത്തി​ന്‍റെ​യും ലോ​ക്സ​ഭ​യി​ലെ സ്വാ​ധീ​ന​ത്തി​ൽ ഇ​ടി​വു​ണ്ടാ​യ​ത് ആ ​തീ​രു​മാ​നം​കൊ​ണ്ടാ​ണോ അ​ല്ല​യോ എ​ന്നു പ​റ​യാ​നാ​കി​ല്ല. എ​ല്ലാ​വ​രെ​യും സ്വ​ന്തം കാ​ൽ​ച്ചു​വ​ട്ടി​ൽ കൊ​ണ്ടു​വ​രി​ക​യെ​ന്ന​താ​ണ് അ​മേ​രി​ക്ക​യു​ടെ ലോ​ക​സ​മീ​പ​നം. ഇ​ന്നി​പ്പോ​ൾ ട്രം​പ് അ​മേ​രി​ക്ക​യു​ടെ പ്ര​സി​ഡ​ന്‍റാ​യ​ല്ല, ലോ​ക​ത്തി​ന്‍റെ പ്ര​സി​ഡ​ന്‍റാ​ണെ​ന്ന മ​ട്ടി​ലാ​ണു പ്ര​വ​ർ​ത്തി​ക്കു​ന്ന​ത്. ട്രം​പി​നു​ മു​ന്പും അ​മേ​രി​ക്ക​ൻ പ്ര​സി​ഡ​ന്‍റു​മാ​രെ​ല്ലാം ലോ​ക പോ​ലീ​സ് ക​ളി​ക്കു​ക​യാ​യി​രു​ന്നു. അ​ങ്ങ​നെ​യു​ള്ള ഒ​രു രാ​ഷ്‌​ട്ര​വു​മാ​യി പ്ര​തി​രോ​ധ​മേ​ഖ​ല​യി​ൽ അ​ട​ക്കം ത​ന്ത്ര​പ​ര​മാ​യ ബ​ന്ധം സ്ഥാ​പി​ക്കു​ന്ന​താ​ണ് ഇ​ന്ത്യ​ക്കു മെ​ച്ച​മെ​ന്ന നി​ല​പാ​ടി​നോ​ടു യോ​ജി​ച്ചു​കൊ​ണ്ട് സ​ർ​ക്കാ​രി​നു പി​ന്തു​ണ കൊ​ടു​ക്കാ​ൻ ക​മ്യൂ​ണി​സ്റ്റ് പാ​ർ​ട്ടി​ക്കാ​കി​ല്ല. അ​തു ചെ​യ്താ​ൽ ക​മ്യൂ​ണി​സ്റ്റ് പാ​ർ​ട്ടി, ക​മ്യൂ​ണി​സ്റ്റ് അ​ല്ലാ​താ​കും. ബം​ഗ്ലാ​ദേ​ശി​ന്‍റെ വി​മോ​ച​ന​ത്തി​നാ​യി ഇ​ന്ദി​രാ​ഗാ​ന്ധി സ​ർ​ക്കാ​ർ നി​ല​പാ​ടെ​ടു​ത്ത​പ്പോ​ൾ ഇ​ന്ത്യ​യെ ഭീ​ഷ​ണി​പ്പെ​ടു​ത്താ​നാ​യി ആ​ണ​വാ​യു​ധ​ങ്ങ​ളു​ള്ള ഏ​ഴാം ക​പ്പ​ൽ​പ്പ​ട​യെ അ​യ​ച്ച രാ​ജ്യ​മാ​ണ് അ​മേ​രി​ക്ക. അ​ന്ന​ത്തെ സോ​വ്യ​റ്റ് യൂ​ണി​യ​ന്‍റെ കി​ഴ​ക്കേ അ​റ്റ​ത്തു​ള്ള വ്ളോ​ഡി​വോ​സ്റ്റോ​ക് തു​റ​മു​ഖ​ത്തു​നി​ന്ന് ആ​ണ​വ​ശേ​ഷി​യു​ള്ള അ​ന്ത​ർ​വാ​ഹി​നി അ​യ​ച്ച് ഇ​ന്ത്യ​ക്കും ബം​ഗ്ലാ​ദേ​ശി​നും സു​ര​ക്ഷി​ത​ക​വ​ചം തീ​ർ​ത്ത​തു​കൊ​ണ്ടാ​ണ് അ​മേ​രി​ക്ക​ൻ ക​പ്പ​ൽ​പ്പ​ട വാ​ലും​മ​ട​ക്കി പോ​യ​ത്. ഇ​ന്ത്യ​ക്കെ​തി​രേ ആ​ണ​വ​ഭീ​ഷ​ണി മു​ഴ​ക്കി​യ രാ​ജ്യ​മാ​ണ് അ​മേ​രി​ക. ഇ​പ്പോ​ഴും ഇ​ന്ത്യ​ൻ മ​ഹാ​സ​മു​ദ്ര​ത്തി​ലെ ഡീ​ഗോ ഗാ​ർ​ഷ്യ​യി​ൽ അ​മേ​രി​ക്ക​യു​ടെ ആ​ണ​വാ​യു​ധ​ങ്ങ​ൾ അ​ട​ങ്ങു​ന്ന സ​ന്നാ​ഹ​മു​ണ്ട്.

☛വെ​ള്ളാ​പ്പ​ള്ളി ന​ടേ​ശ​ന്‍റെ വി​വാ​ദ പ്ര​സ്താ​വ​ന​യെ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ന്യാ​യീ​ക​രി​ച്ച​തി​നെ​ക്കു​റി​ച്ച് എ​ന്താ​ണ് അ​ഭി​പ്രാ​യം?

അ​തി​നൊ​ക്കെ പാ​ർ​ട്ടി ജ​ന​റ​ൽ സെ​ക്ര​ട്ട​റി അ​ഭി​പ്രാ​യം പ​റ​യേ​ണ്ട കാ​ര്യ​മ​ല്ല.