കേ​ര​ള രാ​ഷ്‌​ട്രീ​യ​ത്തി​ലെ ഏ​റ്റ​വും ശ​ക്ത​മാ​യ ര​ണ്ടു പാ​ർ​ട്ടി​ക​ളാ​യ സി​പി​എ​മ്മി​ന്‍റെ​യും കോ​ണ്‍ഗ്ര​സി​ന്‍റെ​യും ദേ​ശീ​യ സ​മ്മേ​ള​ന​ങ്ങ​ളാ​ണു ക​ഴി​ഞ്ഞ ദി​വ​സ​ങ്ങ​ളി​ലെ രാ​ഷ്‌​ട്രീ​യ സം​ഭ​വം. മ​ധു​ര​യി​ലും അ​ഹ​മ്മ​ദാ​ബാ​ദി​ലെ സ​ബ​ർ​മ​തി ന​ദീ​തീ​ര​ത്തും നി​ന്നു​യ​രു​ന്ന സ​ന്ദേ​ശ​ങ്ങ​ളാ​ണു മു​ഖ്യം. സി​പി​എം 24-ാം പാ​ർ​ട്ടി കോ​ണ്‍ഗ്ര​സും ഇ​ന്ത്യ​ൻ നാ​ഷ​ണ​ൽ കോ​ണ്‍ഗ്ര​സി​ന്‍റെ 86-ാമ​തു സ​മ്മേ​ള​ന​വും വ​ൻ വി​ജ​യ​മാ​യി. കേ​ര​ള, ദേ​ശീ​യ രാ​ഷ്‌​ട്രീ​യ​ങ്ങ​ളി​ൽ സു​പ്ര​ധാ​ന വ​ഴി​ത്തി​രി​വാ​കു​ന്ന​താ​ണു ര​ണ്ടു പ്ര​ധാ​ന പാ​ർ​ട്ടി​ക​ളു​ടെ​യും ഏ​റ്റ​വും പ്ര​ധാ​ന ദേ​ശീ​യ സ​മ്മേ​ള​ന​ങ്ങ​ൾ.

പ​ക്ഷേ, ബി​ജെ​പി​ക്കെ​തി​രേ ഫ​ല​വ​ത്താ​യ ബ​ദ​ൽ സൃ​ഷ്ടി​ക്കു​ന്ന​തി​ൽ കോ​ണ്‍ഗ്ര​സും സി​പി​എ​മ്മും ഇ​നി​യും അ​ക​ലെ​യാ​ണെ​ന്ന​താ​ണു ശ്ര​ദ്ധേ​യം. ഇ​ക്കാ​ര്യ​ത്തി​ൽ ര​ണ്ടു പാ​ർ​ട്ടി​ക​ൾ​ക്കു​ള്ളി​ലും അ​വ​ർ ത​മ്മി​ലും യോ​ജി​പ്പി​നേ​ക്കാ​ളേ​റെ വി​യോ​ജി​പ്പു​ക​ളാ​ണു ശേ​ഷി​ക്കു​ന്ന​ത്. സ്വ​യം വീ​ന്പി​ള​ക്കു​ന്ന വീ​ര്യ​വും ശ​ക്തി​യു​മൊ​ന്നും കോ​ണ്‍ഗ്ര​സി​നും സി​പി​എ​മ്മി​നും ഇ​ന്നി​ല്ല.

ബേ​ബി​യും വേ​ണു​ഗോ​പാ​ലും

രാ​ഷ്‌​ട്രീ​യ, ഭ​ര​ണ, ക​ലാ, സാ​ഹി​ത്യ മേ​ഖ​ല​ക​ളി​ൽ ക​ഴി​വു തെ​ളി​യി​ച്ച പ​രി​ണത​പ്ര​ജ്ഞ​നാ​യ സ​ഖാ​വ് എം.​എ. ബേ​ബി സി​പി​എം അ​ഖി​ലേ​ന്ത്യാ ജ​ന​റ​ൽ സെ​ക്ര​ട്ട​റി​യാ​യി തെ​ര​ഞ്ഞെ​ടു​ക്ക​പ്പെ​ട്ട​തി​ൽ അ​ഭി​മാ​നി​ക്കാം. മു​ഖ്യ​മ​ന്ത്രി പി​ണ​റാ​യി വി​ജ​യ​നു പു​റ​മെ ബേ​ബി​യും സി​പി​എ​മ്മി​ന്‍റെ നി​ർ​ണാ​യ​ക ശ​ക്തി​യാ​കും. അ​തു​പോ​ലെ എ​ഐ​സി​സി​യു​ടെ സം​ഘ​ട​നാ ചു​മ​ത​ല​യു​ള്ള ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ലി​ന്‍റെ ക​രു​ത്തു കാ​ട്ടി​യ സം​ഘാ​ട​നാ മി​ക​വാ​ണ് 64 വ​ർ​ഷ​ത്തി​നു ശേ​ഷം ഗു​ജ​റാ​ത്തി​ൽ ന​ട​ന്ന എ​ഐ​സി​സി സ​മ്മേ​ള​നം. കോ​ണ്‍ഗ്ര​സി​ൽ രാ​ഹു​ൽ ഗാ​ന്ധി ചോ​ദ്യം ചെ​യ്യ​പ്പെ​ടാ​നി​ല്ലാ​ത്ത നേ​താ​വാ​ണെ​ങ്കി​ലും വേ​ണു​ഗോ​പാ​ലി​നെ ആ​രും കു​റ​ച്ചു​കാ​ണി​ല്ല.

മ​ല​യാ​ളി നേ​താ​ക്ക​ളു​ടെ നി​യ​ന്ത്ര​ണ​ത്തി​ലാ​ണു ഫ​ല​ത്തി​ൽ സി​പി​എ​മ്മും കോ​ണ്‍ഗ്ര​സും. കേ​ര​ള​ത്തി​ൽ ഭ​ര​ണം പി​ടി​ക്കാ​ൻ പ​ര​സ്പ​രം മ​ത്സ​രി​ക്കു​ന്ന സി​പി​എ​മ്മും കോ​ണ്‍ഗ്ര​സും ദേ​ശീ​യ ത​ല​ത്തി​ൽ കൂ​ടു​ത​ൽ അ​ടു​ക്കാ​തി​രി​ക്കാ​ൻ ച​ര​ടു​വ​ലി​ക്കു​ന്ന​ത് ഇ​രു​പാ​ർ​ട്ടി​ക​ളി​ലെ​യും കേ​ര​ള ലോ​ബി​യാ​ണ്. ദേ​ശീ​യ രാ​ഷ്‌​ട്രീ​യ​ത്തി​ൽ ബി​ജെ​പി മു​ഖ്യ​ശ​ത്രു​വാ​ണ​ങ്കി​ലും കേ​ര​ള​ത്തി​ൽ അ​ങ്ങി​നെ​യ​ല്ല. ദേ​ശീ​യ രാ​ഷ്‌​ട്രീ​യ​ത്തി​ൽ പ്ര​തി​പ​ക്ഷ ഐ​ക്യ​ത്തി​നു വി​ല​ങ്ങു​ത​ടി​യാ​വു​ക​യാ​ണ് ഈ ​പോ​ര്.

മു​ഖംമി​നു​ക്ക​ൽ പോ​രാ

മു​ഖം മി​നു​ക്ക​ലു​ക​ളേ​ക്കാ​ളേ​റെ ആ​ശ​യ​ത​ല​ത്തി​ലും പ്രാ​യോ​ഗി​ക രാ​ഷ്‌​ട്രീ​യ​ത്തി​ലും കാ​ര്യ​മാ​യ മാ​റ്റ​ങ്ങ​ൾ​ക്കു നാ​ന്ദി​യാ​കു​മെ​ന്ന സൂ​ച​ന ന​ൽ​കി​യാ​ണ് മ​ധു​ര​യി​ലെ​യും അ​ഹ​മ്മ​ദാ​ബാ​ദി​ലെ​യും സി​പ​ിഎം, കോ​ണ്‍ഗ്ര​സ് സ​മ്മേ​ള​ന​ങ്ങ​ൾ സ​മാ​പി​ച്ച​ത്. സം​ഘ​ട​നാ ത​ല​ത്തി​ൽ ജി​ല്ലാ​ത​ലം മു​ത​ൽ ദേ​ശീ​യ​ത​ലം വ​രെ വ​ൻ അ​ഴി​ച്ചു​പ​ണി​ക്കു കോ​ണ്‍ഗ്ര​സ് തീ​രു​മാ​നി​ച്ചി​ട്ടു​ണ്ട്. പ​റ​ഞ്ഞ​തു​പോ​ലു​ള്ള സ​മ​ഗ്ര അ​ഴി​ച്ചു​പ​ണി ന​ട​ക്കു​മോ​യെ​ന്നു ന​ട​ന്നാ​ൽ പ​റ​യാം; നി​ല​നി​ൽ​പി​നു പോ​രാ​ടേ​ണ്ട ഗ​തി​കേ​ടി​ലാ​ണു സി​പി​എ​മ്മും കോ​ണ്‍ഗ്ര​സും.

സി​പി​എം പി​ബി​യി​ലെ ഏ​താ​നും പു​തു​മു​ഖ​ങ്ങ​ളു​ടെ ക​ട​ന്നു​വ​ര​വും ബേ​ബി​യു​ടെ ജ​ന​റ​ൽ സെ​ക്ര​ട്ട​റിപ​ദ​വി​യും പ്ര​തീ​ക്ഷ​യാ​ണ്. ഇ​ന്ത്യ​യി​ലെ ഇ​ട​തു​പ​ക്ഷ നേ​തൃ​ത്വ​ത്തി​ലെ​ത്തി​യ ബേ​ബി​യു​ടെ സ​മീ​പ​ന​ങ്ങ​ളി​ൽ അ​തി​നൊ​ത്ത ഉ​യ​ർ​ച്ച നേ​ടാ​നാ​ക​ണം. പി​ണ​റാ​യി-പ്ര​കാ​ശ് കാ​രാ​ട്ട് ലോ​ബി​യു​ടെ താ​ത്പ​ര്യ​ങ്ങ​ൾ​ക്ക​പ്പു​റം പോ​കാ​ൻ ബേ​ബി​ക്കും പി​ബി​ക്കും എ​ളു​പ്പ​മാ​കി​ല്ല. പ​ക്ഷേ, കോ​ണ്‍ഗ്ര​സ് വി​രോ​ധം മു​ത​ൽ ചി​ല ക്രൈ​സ്ത​വവി​രു​ദ്ധ നി​ല​പാ​ടു​ക​ൾ വ​രെ​യു​ള്ള​വ​യി​ൽ മാ​റ്റം ആ​വ​ശ്യ​മാ​യേ​ക്കാം.

പ​ഴ​യ ക​മ്യൂ​ണി​സ്റ്റു​ക​ളു​ടെ ലാ​ളി​ത്യ​വും സ​ത്യ​സ​ന്ധ​ത​യും പു​ല​ർ​ത്താ​ൻ ശ്ര​മി​ക്കു​ന്ന​യാ​ളാ​ണു ബേ​ബി. പ​ക്ഷേ, പാ​ർ​ട്ടി​യി​ലെ ചി​ല പ്ര​ബ​ല​രും പു​തു​ത​ല​മു​റ നേ​താ​ക്ക​ളും ലാ​ളി​ത്യ​വും ജ​ന​കീ​യ​ത​യും ന​ഷ്ട​പ്പെ​ടു​ത്തി. സി​പി​എ​മ്മി​നെ ബാ​ധി​ച്ച തെ​റ്റു​ക​ളും അ​പ​ച​യ​ങ്ങ​ളും മ​റി​ക​ട​ക്കാ​ൻ ക​ഴി​യു​ക​യെ​ന്ന​തു പ്ര​ധാ​ന​മാ​ണ്. സി​പി​എം നേ​തൃ​ത്വം ന​ൽ​കു​ന്ന ഇ​ട​തു​പ​ക്ഷ രാ​ഷ്‌​ട്രീ​യം​പോ​ലും അ​പ്ര​സ​ക്ത​മാ​കു​ന്ന സ്ഥി​തി മ​റി​ക​ട​ക്കാ​ൻ ബേ​ബി ത​നി​യെ വി​ചാ​രി​ച്ചാ​ൽ പോ​രാ.

വോ​ട്ടു​ബാ​ങ്ക് രാ​ഷ്‌​ട്രീ​യം

സി​പി​എ​മ്മി​ന്‍റെ​യും കോ​ണ്‍ഗ്ര​സി​ന്‍റെ​യും ദൗ​ർ​ബ​ല്യ​ങ്ങ​ളും വീ​ഴ്ച​ക​ളും ത​മ്മി​ല​ടി​ക​ളു​മാ​ണു ബി​ജെ​പി​യു​ടെ നേ​ട്ടം. സം​ഘ​ട​നാ ത​ല​ത്തി​ൽ അ​ഴി​ച്ചു​പ​ണി ന​ട​ത്തി​യാ​ലും തെ​ര​ഞ്ഞെ​ടു​പ്പു രാ​ഷ്‌​ട്രീ​യ​ത്തി​ലെ പ്രാ​യോ​ഗി​ക​ത​യി​ൽ നേ​ട്ടം കൊ​യ്യാ​ൻ എ​ളു​പ്പ​മ​ല്ല. കോ​ണ്‍ഗ്ര​സി​ന്‍റെ​യും ക​മ്യൂ​ണി​സ്റ്റ് പാ​ർ​ട്ടി​ക​ളു​ടെ​യും പ​ര​ന്പ​രാ​ഗ​ത വോ​ട്ടു​ബാ​ങ്കു​ക​ൾ ചോ​ർ​ന്നു​ക​ഴി​ഞ്ഞു. വ​ഖ​ഫ് ഭേ​ദ​ഗ​തി ബി​ല്ലി​ലെ ഇ​രു​പാ​ർ​ട്ടി​ക​ളു​ടെ​യും ഏ​ക​പ​ക്ഷീ​യ നി​ല​പാ​ടു​ക​ൾ​ പോ​ലും ബി​ജെ​പി മു​ത​ലാ​ക്കു​ന്നു. ഹി​ന്ദു​ത്വ​വാ​ദ​ത്തി​ലൂ​ന്നി​ക്കൊ​ണ്ടു​ത​ന്നെ കേ​ര​ളം അ​ട​ക്ക​മു​ള്ള സം​സ്ഥാ​ന​ങ്ങ​ളി​ൽ ത​ന്ത്ര​പ​ര​മാ​യാ​ണു ബി​ജെ​പി ക​ളി​ക്കു​ന്ന​ത്. മു​സ്‌​ലിം വോ​ട്ട​ർ​മാ​രെ പ്രീ​ണി​പ്പി​ക്കാ​നാ​യി യു​ഡി​എ​ഫും എ​ൽ​ഡി​എ​ഫും മ​ത്സ​രി​ക്കു​ന്പോ​ൾ ബി​ജെ​പി​യാ​ണു സ​ന്തോ​ഷി​ക്കു​ന്ന​ത്.

മ​ണി​പ്പു​രി​ലും മ​ധ്യ​പ്ര​ദേ​ശി​ലും ഒ​ഡീ​ഷ​യി​ലും അ​ട​ക്കം ഉ​ത്ത​രേ​ന്ത്യ​ൻ സം​സ്ഥാ​ന​ങ്ങ​ളി​ൽ സം​ഘ​പ​രി​വാ​ർ ശ​ക്തി​ക​ൾ ക്രൈ​സ്ത​വ​രെ വേ​ട്ട​യാ​ടു​ന്ന​തു തു​ട​രു​ന്പോ​ഴും കേ​ര​ള​ത്തി​ലെ ഇ​ട​തു, വ​ല​തു മു​ന്ന​ണി​ക​ളു​ടെ ചി​ല നി​ല​പാ​ടു​ക​ൾ ബി​ജെ​പി​ക്കു ഗു​ണ​ക​ര​മാ​കു​ന്ന​തി​ന്‍റെ കാ​ര​ണം വ്യ​ക്തം. ഹി​ന്ദു, ക്രി​സ്ത്യ​ൻ വോ​ട്ട​ർ​മാ​രി​ൽ ഒ​രു വി​ഭാ​ഗ​മെ​ങ്കി​ലും എ​ൽ​ഡി​എ​ഫി​നെ​യും യു​ഡി​എ​ഫി​നെ​യും കൈ​വി​ടു​ന്ന​തി​ൽനി​ന്നു പാ​ഠം പ​ഠി​ക്കു​മോ​യെ​ന്ന​താ​ണു ചോ​ദ്യം. ഭൂ​രി​പ​ക്ഷ വ​ർ​ഗീ​യ​ത​യെ നേ​രി​ടേ​ണ്ടത്, ന്യൂ​ന​പ​ക്ഷ വ​ർ​ഗീ​യ​തകൊ​ണ്ടോ, മൃ​ദു വ​ർ​ഗീ​യ​തകൊ​ണ്ടോ​ അല്ലെ​ന്ന് കോ​ണ്‍ഗ്ര​സും ഇ​ട​തു​പാ​ർ​ട്ടി​ക​ളും മ​ന​സി​ലാ​ക്കു​ക.

പ്ര​തി​സ​ന്ധി​ക​ളു​ടെ ഗ​തി​കേ​ട്

മു​പ്പ​തു കൊ​ല്ലം തു​ട​ർ​ച്ച​യാ​യി ഭ​രി​ച്ച പ​ശ്ചി​മബം​ഗാ​ളി​ലും ത്രി​പു​ര​യി​ലും സി​പി​എം അ​പ്ര​സ​ക്ത​മാ​യി. കേ​ര​ള​ത്തി​നു പു​റ​ത്തു​ള്ള സം​സ്ഥാ​ന​ങ്ങ​ളി​ൽ സം​ഘ​ട​നാ​പ​ര​മാ​യി സി​പി​എം ഏ​താ​ണ്ട് ഇല്ലാ​താ​യി. കേ​ര​ള​ത്തി​ൽ തു​ട​ർ​ച്ച​യാ​യി ര​ണ്ടുവ​ട്ടം പി​ണ​റാ​യി​യു​ടെ നേ​തൃ​ത്വ​ത്തി​ൽ എ​ൽ​ഡി​എ​ഫ് അ​ധി​കാ​ര​ത്തി​ലെ​ത്തി​യ​താ​ണ് ഏ​ക ആ​ശ്വാ​സം. പ്രാ​യ​പ​രി​ധി​യി​ൽ ഇ​ള​വു ലഭിച്ച പി​ണ​റാ​യി​യാ​ണ് സി​പി​എ​മ്മി​ന്‍റെ ഇ​നി​യു​മു​ള്ള പ്ര​തീ​ക്ഷ​യെ​ന്ന​തും കാ​ണാ​തെ പോ​കി​ല്ല. കോ​ണ്‍ഗ്ര​സി​ന്‍റെ ത​ക​ർ​ച്ച​യെ പ​രി​ഹ​സി​ക്കു​ന്ന സി​പി​എ​മ്മി​നും സി​പി​ഐ​ക്കും സ്വ​ന്തം പാ​ർ​ട്ടി​യു​ടെ ത​ക​ർ​ച്ച​യു​ടെ ദു​ർ​ഗ​തി എ​ത്ര ശ്ര​മി​ച്ചാ​ലും മ​റ​യ്ക്കാ​നാ​കി​ല്ല. കാ​ര​ണ​ങ്ങ​ൾ പ​ല​താ​ണെ​ങ്കി​ലും പി​ണ​റാ​യി​ക്കു ശേ​ഷം കേ​ര​ള​ത്തി​ൽ​പോ​ലും സി​പി​എ​മ്മി​ന്‍റെ നി​ല​വി​ലെ ശ​ക്തി നി​ല​നി​ർ​ത്തു​ക വെ​ല്ലു​വി​ളി​യാ​ണ്.


സ്വാ​ത​ന്ത്ര്യം കി​ട്ടി​യ കാ​ലം മു​ത​ൽ കേ​ന്ദ്ര​വും സം​സ്ഥാ​ന​ങ്ങ​ളും അ​ട​ക്കി​വാ​ണ കോ​ണ്‍ഗ്ര​സും വ​ല്ലാ​തെ ക്ഷ​യി​ച്ചു. കേ​ന്ദ്ര​ത്തി​ലും ഭൂ​രി​പ​ക്ഷം സം​സ്ഥാ​ന​ങ്ങ​ളി​ലും തു​ട​ർ​ച്ച​യാ​യി അ​ധി​കാ​ര​ത്തി​നു പു​റ​ത്താ​ണു കോ​ണ്‍ഗ്ര​സ്. ക​ർ​ണാ​ട​ക, തെ​ലു​ങ്കാ​ന, ഹി​മാ​ച​ൽ​പ്ര​ദേ​ശ് സം​സ്ഥാ​ന​ങ്ങ​ളി​ലെ​ങ്കി​ലും അ​ധി​കാ​ര​ത്തി​ലു​ണ്ടെ​ന്ന​താ​ണ് ആ​ശ്വാ​സം. മ​ധ്യ​പ്ര​ദേ​ശ്, രാ​ജ​സ്ഥാ​ൻ, മ​ഹാ​രാ​ഷ്‌​ട്ര, ആ​സാം, പ​ഞ്ചാ​ബ്, ഗു​ജ​റാ​ത്ത് തു​ട​ങ്ങി ചി​ല സം​സ്ഥാ​ന​ങ്ങ​ളി​ൽ ര​ണ്ടാ​മ​ത്തെ വ​ലി​യ പാ​ർ​ട്ടി​യു​മാ​ണു കോ​ണ്‍ഗ്ര​സ്. സം​ഘ​ട​നാ ത​ല​ത്തി​ൽ ല​ക്ഷ്യ​മി​ട്ട മാ​റ്റ​ങ്ങ​ൾ ഒ​രു പ​രി​ധി വ​രെ ന​ട​പ്പാ​ക്കി​യാ​ലും കോ​ണ്‍ഗ്ര​സ് എന്ന മ​ഹാ​മേ​രു​വി​നെ പ​ഴ​യ പ്ര​താ​പ​ത്തി​ലേ​ക്കു തി​രി​കെ കൊ​ണ്ടു​വ​രാ​ൻ ന​രേ​ന്ദ്ര മോ​ദി​യും ബി​ജെ​പി​യും ത​ള​രേ​ണ്ട നി​ല​യാ​ണു​ള്ള​ത്. സം​ഘ​ട​നാ​പ​ര​വും നേ​തൃ​പ​ര​വും ആ​ശ​യ​പ​ര​വു​മാ​യ പ്ര​തി​സ​ന്ധി​യി​ലാ​ണു രാ​ജ്യ​ത്തെ ഏ​റ്റ​വും പു​രാ​ത​ന പാ​ർ​ട്ടി.

ഗാ​ന്ധി, നെ​ഹ്റു, പ​ട്ടേ​ൽ

ആ​റു പ​തി​റ്റാ​ണ്ടി​നു ശേ​ഷം ഗു​ജ​റാ​ത്തി​ലെ സ​ബ​ർ​മ​തി ന​ദീ​തീ​ര​ത്തു ന​ട​ന്ന എ​ഐ​സി​സി സ​മ്മേ​ള​ന​ത്തി​ൽ മ​ഹാ​ത്മാ​ഗാ​ന്ധി​യു​ടെ​യും സ​ർ​ദാ​ർ പ​ട്ടേ​ലി​ന്‍റെ​യും പാ​ര​ന്പ​ര്യം വീ​ണ്ടെ​ടു​ക്കാ​നാ​യി​രു​ന്നു ശ്ര​മം. ഗു​ജ​റാ​ത്തു​കാ​ര​നാ​യ ആ​ർ​എ​സ്എ​സു​കാ​ര​ൻ ന​രേ​ന്ദ്ര മോ​ദി പ്ര​ധാ​ന​മ​ന്ത്രി​യാ​യ 2014 മു​ത​ൽ ത​ട്ടി​യെ​ടു​ത്ത പാ​ര​ന്പ​ര്യ​ത്തി​ന് ഒ​രു പ​തി​റ്റാ​ണ്ടി​നു ശേ​ഷ​മാ​ണ് യ​ഥാ​ർ​ഥ ഉ​ട​മ​സ്ഥ​രാ​യ കോ​ണ്‍ഗ്ര​സ് അ​വ​കാ​ശ​മു​ന്ന​യി​ച്ച​തെ​ന്ന​താ​ണു ദു​ര്യോ​ഗം. ആ​ർ​എ​സ്എ​സി​നെ നി​രോ​ധി​ച്ച ഉ​പ​പ്ര​ധാ​ന​മ​ന്ത്രി​യും കോ​ണ്‍ഗ്ര​സ് നേ​താ​വു​മാ​യി​രു​ന്ന പ​ട്ടേ​ലി​നെ തി​രി​കെ​പ്പി​ടി​ക്കാ​ൻ വൈ​കി​യെ​ങ്കി​ലും ഓ​ർ​ത്ത​തു ന​ന്നാ​യി. കോ​ണ്‍ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ പ​റ​ഞ്ഞ​തു പോ​ലെ, ബി​ജെ​പി​യു​ടെ ക​പ​ട​ദേ​ശീ​യ​ത​യ്ക്കും ഹി​ന്ദു​ത്വ രാ​ഷ്‌​ട്രീ​യ​ത്തി​നും ബ​ദ​ലാ​കാ​ൻ പ​ഴ​യ രാ​ഷ്‌​ട്രീ​യം പോ​രാ.

മ​ഹാ​ത്മാഗാ​ന്ധി​യും ജ​വ​ഹ​ർ​ലാ​ൽ നെ​ഹ്റു​വും സ​ർ​ദാ​ർ പ​ട്ടേ​ലും ന​ൽ​കി​യ ദി​ശാ​ബോ​ധ​ത്തി​ലേ​ക്കു വീ​ണ്ടും തി​രി​യ​ണ​മെ​ന്ന കോ​ണ്‍ഗ്ര​സു​കാ​രു​ടെ തി​രി​ച്ച​റി​വു നി​സാ​ര​മ​ല്ല. ഗാ​ന്ധി​ജി​യു​ടെ ക​ണ്ണ​ട​യും നെ​ഹ്റു​വി​ന്‍റെ കോ​ട്ടും പ​ട്ടേ​ലി​ന്‍റെ തൊ​പ്പി​യും മാ​ത്ര​മേ ബി​ജെ​പി​ക്കു റാ​ഞ്ചാ​നാ​കൂ​ എ​ന്ന തി​രി​ച്ച​റി​വു​ണ്ടാ​കാ​ൻ ഇ​ത്ര​യും വൈ​കി​യെ​ന്നു കോ​ണ്‍ഗ്ര​സ് മ​ന​സി​ലാ​ക്കി​യ​തു ഭാ​ഗ്യം. മൂ​വ​രു​ടെ​യും ആ​ശ​യ​ങ്ങ​ളും ദ​ർ​ശ​ന​ങ്ങ​ളും മ​റ്റാ​ർ​ക്കും ത​ട്ടി​യെ​ടു​ക്കാ​നാ​കി​ല്ല. ഗാ​ന്ധി​ജി​യും നെ​ഹ്റു​വും പ​ട്ടേ​ലും കാ​ണി​ച്ച മ​തേ​ത​ര​, സോ​ഷ്യ​ലി​സ്റ്റ് നി​ല​പാ​ടു​ക​ളും കോ​ണ്‍ഗ്ര​സു​കാ​ർ വീ​ണ്ടെ​ടു​ക്ക​ട്ടെ. നി​ഷേ​ധാ​ത്മ​ക​തയ​ല്ല, മ​റി​ച്ചു യു​വാ​ക്ക​ൾ​ക്കു പ്ര​തീ​ക്ഷ ന​ൽ​കു​ന്ന ക്രി​യാ​ത്മ​ക രാ​ഷ്‌​ട്രീ​യ​മാ​ണു കോ​ണ്‍ഗ്ര​സി​ന്‍റെ പു​ന​രു​ജ്ജീ​വ​ന​ത്തി​നു പ്ര​ധാ​ന​മെ​ന്ന ഡോ. ​ശ​ശി ത​രൂ​രി​ന്‍റെ വാ​ക്കു​ക​ളും സു​പ്ര​ധാ​ന​മാ​ണ്.

വേ​ണം, പൂ​ർ​ണ ന​വീ​ക​ര​ണം

സം​ഘ​ട​നാ ത​ല​ത്തി​ൽ മാ​ത്ര​മ​ല്ല, പ്ര​ത്യ​യ​ശാ​സ്ത്ര​പ​ര​മാ​യും കോ​ണ്‍ഗ്ര​സും സി​പി​മ്മും വ​ലി​യ ന​വീ​ക​ര​ണ​ത്തി​നു ത​യാ​റാ​ക​ണം. ആ​ശ​യ​ങ്ങ​ളി​ലും ന​യ​പ​രി​പാ​ടി​ക​ളി​ലും ദൃ​ഢ​ത​യും നി​ഷ്പ​ക്ഷ​ത​യും നീ​തി​യും കൈ​വ​രി​ക്കേ​ണ്ട​തു​ണ്ട്. നേ​താ​ക്ക​ളെ ബാ​ധി​ച്ചി​ട്ടു​ള്ള അ​ഴി​മ​തി, സ്വ​ജ​ന​പ​ക്ഷ​പാ​തം, വ​ർ​ഗീ​യ​ത, ഗ്രൂ​പ്പു​ക​ളി എ​ന്നി​വ അ​വ​സാ​നി​പ്പി​ക്കാ​നുമാക​ണം. ദേ​ശീ​യ, പ്രാ​ദേ​ശി​ക ത​ല​ത്തി​ലെ വ്യാ​പ​ക​മാ​യ കു​ടും​ബ, വ്യ​ക്തി ആ​ധി​പ​ത്യ​ങ്ങ​ളും മ​റി​ക​ട​ന്നേ മ​തി​യാ​കൂ.

തി​ക​ഞ്ഞ മ​ത​നി​ര​പേ​ക്ഷ​ത മു​ത​ൽ ക​ർ​ഷ​ക​ർ, തൊ​ഴി​ലാ​ളി​ക​ൾ, യു​വാ​ക്ക​ൾ, സ്ത്രീ​ക​ൾ, ദ​ളി​ത്- ആ​ദി​വാ​സി-പി​ന്നാ​ക്ക-ന്യൂ​ന​പ​ക്ഷ വി​ഭാ​ഗ​ങ്ങ​ൾ വ​രെ​യു​ള്ള​വ​ർ​ക്കു പ്ര​തീ​ക്ഷ​യും സം​ര​ക്ഷ​ണ​വും സു​ര​ക്ഷ​യും ന​ൽ​കു​ന്ന പാ​ർ​ട്ടി​യാ​യി മാ​റു​ക​യെ​ന്ന​താ​കും കോ​ണ്‍ഗ്ര​സി​നും സി​പി​എ​മ്മി​നും വെ​ല്ലു​വി​ളി. സി​പി​എ​മ്മും കോ​ണ്‍ഗ്ര​സും ത​മ്മി​ല​ടി​ക്കു​ന്പോ​ൾ മു​ട്ട​നാ​ടു​ക​ൾ​ക്കി​ട​യി​ൽ നി​ന്നു ചോ​ര കു​ടി​ക്കു​ന്ന കു​റു​ക്ക​ന്‍റെ റോ​ളി​ലാ​കും കേ​ര​ള​ത്തി​ലെ ബി​ജെ​പി. ബി​ജെ​പി​ക്കും സം​ഘ​പ​രി​വാ​റി​നു​മെ​തി​രേ ദേ​ശീ​യ ബ​ദ​ൽ സൃ​ഷ്ടി​ക്കാ​ൻ പ്ര​തി​പ​ക്ഷ ഐ​ക്യം അ​നി​വാ​ര്യ​മാ​ണെ​ന്ന​തു പ​ല​പ്പോ​ഴും ക​മ്യൂ​ണി​സ്റ്റു​ക​ളും കോ​ണ്‍ഗ്ര​സും മ​റ​ക്കു​ന്നു.

ഇ​ന്ത്യ​യും ജ​നാ​ധി​പ​ത്യ​വും

ഭ​ര​ണ​ഘ​ട​ന​യും ഭ​ര​ണ​ഘ​ട​നാ സ്ഥാ​പ​ന​ങ്ങ​ളും ജ​നാ​ധി​പ​ത്യ​വും മ​ത​നി​ര​പേ​ക്ഷ​ത​യും ശ​രി​യാ​യ അ​ർ​ഥ​ത്തി​ൽ നി​ല​നി​ന്നാ​ൽ മാ​ത്ര​മേ ഇ​ന്ത്യ നി​ല​നി​ൽ​ക്കു​ക​യു​ള്ളൂ. രാ​ജ്യ​ത്തു സ​മാ​ധാ​ന​വും സു​ര​ക്ഷ​യും വി​ക​സ​ന​വും സാ​ന്പ​ത്തി​ക വ​ള​ർ​ച്ച​യും നി​ല​നി​ർ​ത്തു​ന്ന​തി​ലും ഇ​വ​യെ​ല്ലാം സു​പ്ര​ധാ​ന​മാ​ണ്. ബി​ജെ​പി​യും ആ​ർ​എ​സ്എ​സ് ഉ​ൾ​പ്പെ​ട്ട സം​ഘ​പ​രി​വാ​റി​ന്‍റെ​യും ഭീ​ഷ​ണി​ക​ളെ​ക്കു​റി​ച്ചു​ള്ള വി​ലാ​പം കൊ​ണ്ടു മാ​ത്രം പ്ര​തി​പ​ക്ഷ പാ​ർ​ട്ടി​ക​ൾ​ക്കു ര​ക്ഷ​യി​ല്ല. പ​ഴ​യ രാ​ഷ്‌​ട്രീ​യ ശ​ത്രു​ത​യും കേ​ര​ള​ത്തി​ലെ പോ​രും മാ​റ്റി​വ​ച്ച് കോ​ണ്‍ഗ്ര​സും സി​പി​എ​മ്മും അ​ട​ക്ക​മു​ള്ള പ്ര​തി​പ​ക്ഷം ദേ​ശീ​യ ത​ല​ത്തി​ൽ ഒ​രു മ​ന​സോ​ടെ ഒ​റ്റ​ക്കെ​ട്ടാ​യി പ്ര​വ​ർ​ത്തി​ക്കു​മോ​യെ​ന്ന​താ​ണ് ഇ​രു​പാ​ർ​ട്ടി​ക​ളു​ടെ​യും നേ​തൃ​ത്വം തെ​ളി​യി​ക്കേ​ണ്ട​ത്. ശ​ക്ത​മാ​യ ഭ​ര​ണ​പ​ക്ഷ​വും അ​തേ​പോ​ലെ ശ​ക്ത​മാ​യ പ്ര​തി​പ​ക്ഷ​വും ഉ​ണ്ടെ​ങ്കി​ലേ ജ​നാ​ധി​പ​ത്യം വി​ജ​യി​ക്കൂ.