ഒ​രു വ്യ​ക്തി​യെ മ​റ്റു വ്യ​ക്തി​ക​ളി​ൽ​നി​ന്നു വ്യ​ത്യ​സ്ത​നാ​ക്കു​ന്ന സ​വി​ശേ​ഷ​ത​ക​ളാ​ണ് ഒ​രു​വ​ന്‍റെ സ്വ​ത്വം (ഐ​ഡ​ന്‍റി​റ്റി). സ്വ​ത്വം ഒ​രു​വ​ന്‍റെ ച​രി​ത്ര​ത്തി​ലൂ​ടെ നി​ർ​മി​ച്ചെ​ടു​ക്കു​ക​യാ​ണ്. ഒ​രു​വ​ൻ ത​നി​ക്കു ല​ഭി​ച്ച ആ​ത്മീ​യ​വും ഭൗ​തി​ക​വു​മാ​യ സാ​ഹ​ച​ര്യ​ങ്ങ​ളെ പൊ​തു​ന​ന്മ​യി​ലേ​ക്കു​ള്ള സം​ഭാ​വ​ന​ക​ളാ​ക്കി മാ​റ്റി​ക്കൊ​ണ്ടാ​ണ് ത​ന്‍റെ സ്വ​ത്വം നി​ർ​മി​ക്കു​ന്ന​ത്. അ​തു​പോ​ലെ ഭാ​ര​ത​ത്തി​ലെ ക​ത്തോ​ലി​ക്ക​രു​ൾ​പ്പെ​ടെ എ​ല്ലാ വി​ഭാ​ഗം ക്രൈ​സ്ത​വ​രും ത​ങ്ങ​ൾ​ക്കു ല​ഭി​ച്ച ആ​ത്മീ​യ​വും ഭൗ​തി​ക​വു​മാ​യ സാ​ഹ​ച​ര്യ​ങ്ങ​ളെ പൊ​തു​ന​ന്മ വ​ള​ർ​ത്താ​ൻ ഉ​ത​കു​ന്ന​വി​ധ​ത്തി​ൽ, ഭാ​ര​ത​സ​മൂ​ഹ​ത്തി​നു ചെ​യ്ത സം​ഭാ​വ​ന​ക​ളാ​ണ് ക്രൈ​സ്ത​വസ്വ​ത്വം.

ര​ണ്ടാ​യി​രം വ​ർ​ഷ​മാ​യി ഭാ​ര​ത​ത്തി​ലും ലോ​ക​ത്തി​ലും പൊ​തു​ന​ന്മ വ​ർ​ധി​പ്പി​ക്കാ​ൻ ക്രൈ​സ്ത​വ​ർ ചെ​യ്ത ന​ന്മ​ക​ളു​ടെ ച​രി​ത്ര​മാ​ണ് സ്വ​ത്വം. അ​തി​നാ​ൽ ക്രൈ​സ്ത​വ​ർ ഭാ​ര​ത​ത്തി​നു ചെ​യ്ത സം​ഭാ​വ​ന​ക​ളെ മാ​യ്ക്കു​ക​യോ മ​റ​ക്കു​ക​യോ മ​ലീ​മ​സ​മാ​ക്കു​ക​യോ ചെ​യ്താ​ൽ സ്വ​ത്വ​ബോ​ധം ന​ഷ്ട​പ്പെ​ടും. സ്വ​ത്വ​ബോ​ധ​മി​ല്ലാ​ത്ത​വ​രു​ടെ ആ​ത്മാ​ഭി​മാ​നം ന​ഷ്ട​പ്പെ​ട്ടാ​ൽ ക്രൈ​സ്ത​വ​ർ സ്വ​യം ത​ക​രു​മെ​ന്നു ചി​ല​ർ വ്യാ​മോ​ഹി​ക്കു​ന്നു.

വ​ക്രീ​ക​രി​ക്കപ്പെടുന്ന ക്രൈ​സ്ത​വച​രി​ത്രം

അ​ടു​ത്തി​ടെ​യാ​യി ക്രൈ​സ്ത​വ​രു​ടെ സം​ഭാ​വ​ന​ക​ളെ വ​ക്രീ​ക​രി​ക്കു​ന്ന ചി​ല ലേ​ഖ​ന​ങ്ങ​ൾ ആ​ർ​എ​സ്എ​സി​ന്‍റെ മു​ഖ​പ​ത്ര​മാ​യ ഓ​ർ​ഗ​നൈ​സ​റി​ൽ വ​രി​ക​യു​ണ്ടാ​യി. പ്ര​സ്തു​ത ലേ​ഖ​ന​ങ്ങ​ളോ​ടു​ള്ള എ​തി​ർ​പ്പ് രൂ​ക്ഷ​മാ​യി; അ​തി​ലൊ​ന്ന് അ​വ​ർ പി​ൻ​വ​ലി​ച്ചു.

എ​ന്നാ​ൽ, അ​തി​ലെ ഉ​ള്ള​ട​ക്കം വ​സ്തു​താ​വി​രു​ദ്ധ​വും തെ​റ്റി​ദ്ധാ​ര​ണാ​ജ​ന​ക​വു​മാ​ണ് എ​ന്ന​തു സ​മ്മ​തി​ച്ചു​കൊ​ണ്ട​ല്ല പി​ൻ​വ​ലി​ച്ച​ത്. പ്ര​സ്തു​ത ലേ​ഖ​ന​ത്തി​ലെ വ​സ്തു​താ​വി​രു​ദ്ധ​മാ​യ ഉ​ള്ള​ട​ക്കം ചി​ല തീ​വ്ര​വാ​ദ മു​സ്‌​ലിം വി​ഭാ​ഗ​ങ്ങ​ൾ തീ​ക്ഷ്ണ​ത​യോ​ടെ പ്ര​ച​രി​പ്പി​ച്ച് സാ​യുജ്യ​മ​ട​യു​ന്നു. ഇ​ത്ത​ര​ത്തി​ലു​ള്ള ചി​ല ആ​രോ​പ​ണ​ങ്ങ​ൾ ആ​ദ്യം പ​രി​ശോ​ധി​ക്കാം.

(1) ക​ത്തോ​ലി​ക്കാ സ​ഭ​യു​ടെ ഉ​ട​മ​സ്ഥ​ത​യി​ൽ 2457 ആ​ശു​പ​ത്രി​ക​ൾ, 240 മെ​ഡി​ക്ക​ൽ-​ന​ഴ്സിം​ഗ് കോ​ള​ജു​ക​ൾ, 28 ജ​ന​റ​ൽ കോ​ള​ജു​ക​ൾ, അ​ഞ്ച് എ​ൻ​ജി​നി​യ​റിം​ഗ് കോ​ള​ജു​ക​ൾ, 3765 സെ​ക്ക​ൻ​ഡ​റി സ്കൂ​ളു​ക​ൾ, 7319 പ്രൈ​മ​റി സ്കൂ​ളു​ക​ൾ, 3187 ന​ഴ്സ​റി സ്കൂ​ളു​ക​ൾ മു​ത​ലാ​യ​വ​യു​ണ്ട്.

(2) ഇ​വ​യെ​ല്ലാം 1927 ച​ർ​ച്ച് ബി​ൽ വ​ഴി​യാ​യി ബ്രി​ട്ടീ​ഷു​കാ​ർ ക​ത്തോ​ലി​ക്കാ സ​ഭ​യ്ക്ക് ന​ൽ​കി​യി​ട്ടു​ള്ള​താ​ണ്. ഇ​വ​യു​ടെ​യെ​ല്ലാം പാ​ട്ട​ക്ക​രാ​ർ ക​ഴി​ഞ്ഞ​താ​ണ്, അ​തു​കൊ​ണ്ട് അ​വ സ​ർ​ക്കാ​ർ ക​ണ്ടു​കെ​ട്ട​ണം.

(3) മ​ല​യോ​ര മേ​ഖ​ല​യി​ലെ ഭൂ​മി, ഭൂ​പ​രി​ഷ്ക​ര​ണ​ത്തി​ൽ ന​ഷ്ട​പ്പെ​ടാ​തി​രി​ക്കാ​ൻ വേ​ണ്ടി​യാ​ണ് ചി​ല വി​ള​ക​ൾ തോ​ട്ട​വി​ള​ക​ളാ​യി (പ്ലാ​ന്‍റേ​ഷ​ൻ ക്രോ​പ്സ്) ആ​യി ക​മ്യൂ​ണി​സ്റ്റ് മ​ന്ത്രി​സ​ഭ നി​ശ്ച​യി​ച്ച​ത്. അ​ങ്ങ​നെ അ​വ​ർ ഭൂ​പ​രി​ധി നി​യ​മ​ത്തി​ൽ​നി​ന്നു ര​ക്ഷ​നേ​ടി.

(4) അ​തി​നാ​ൽ ബ്രി​ട്ടീ​ഷു​കാ​രി​ൽ​നി​ന്ന് ക​ത്തോ​ലി​ക്കാ​ സ​ഭ അ​വി​ഹി​ത​മാ​യി സ​ന്പാ​ദി​ച്ച സ്വ​ത്തു​വ​ക​ക​ൾ സ​ർ​ക്കാ​ർ ക​ണ്ടു​കെ​ട്ടി അ​വ​യെ ച​ർ​ച്ച് ബോ​ർ​ഡി​ന്‍റെ കീ​ഴി​ൽ കൊ​ണ്ടു​വ​ര​ണം.

മു​ക​ളി​ൽ പ​റ​ഞ്ഞ സി​ദ്ധാ​ന്തം ആ​ർ​എ​സ്എ​സ് മാ​ത്ര​മ​ല്ല, ക​മ്യൂ​ണി​സ്റ്റ് പാ​ർ​ട്ടി​യും കോ​ൺ​ഗ്ര​സ് പാ​ർ​ട്ടി​യും പ​ല കാ​ല​ഘ​ട്ട​ങ്ങ​ളി​ലും ന​ട​ത്തി​യി​ട്ടു​ണ്ട് എ​ന്ന​താ​ണ് യാ​ഥാ​ർ​ഥ്യം. 1945ൽ ​സ​ർ സി​പി ന​ട​ത്തി​യ സ്കൂ​ൾ ദേ​ശ​സാ​ത്ക​ര​ണ നി​യ​മ​വും 1957ൽ ​ഇ​എം​എ​സ് ന​ട​ത്തി​യ സ്വ​കാ​ര്യ സ്കൂ​ൾ പി​ടി​ച്ച​ട​ക്ക​ൽ ശ്ര​മ​വും 1972ൽ ​എ.​കെ. ആ​ന്‍റ​ണി​യു​ടെ നേ​തൃ​ത്വ​ത്തി​ൽ ന​ട​ന്ന കേ​ര​ള ക്രൈ​സ്ത​വ​രു​ടെ സ്വ​കാ​ര്യ കോ​ള​ജു​ക​ൾ ദേ​ശ​സാ​ത്ക​രി​ക്കാ​നു​ള്ള ശ്ര​മ​വും നാം ​ഓ​ർ​ക്ക​ണം.

കൂ​ടാ​തെ, 2007ൽ ​എം.​എ. ബേ​ബി വി​ദ്യാ​ഭ്യാ​സ മ​ന്ത്രി​യാ​യി​രി​ക്കു​ന്പോ​ൾ നി​ർ​മി​ച്ച വി​ദ്യാ​ഭ്യാ​സ ബി​ല്ലി​ൽ കേ​ര​ള​ത്തി​ലെ ക്രൈ​സ്ത​വ​ർ ന്യൂ​ന​പ​ക്ഷ​മ​ല്ല എ​ന്ന് സ്ഥാ​പി​ക്കാ​നു​ള്ള പു​തി​യ നി​ർ​വ​ച​നം ഉ​ൾ​പ്പെ​ടു​ത്തി. ഈ ​നി​ർ​വ​ച​ന​ത്തെ നി​യ​മ​സ​ഭ​യി​ൽ അ​ന്നു​ണ്ടാ​യി​രു​ന്ന 140 നി​യ​മ​സ​ഭാ സാ​മാ​ജി​ക​ർ ഐ​ക​ക​ണ്ഠ്യേ​ന പാ​സാ​ക്കി​യ​ത് നാം ​മ​റ​ക്ക​രു​ത്. പ്ര​സ്തു​ത ബി​ല്ലി​ലെ വ്യ​വ​സ്ഥ​ക​ൾ ഭ​ര​ണ​ഘ​ട​നാവി​രു​ദ്ധ​മാ​ണെ​ന്നു കോ​ട​തി ക​ണ്ടെ​ത്തി ച​വ​റ്റു​കൊ​ട്ട​യി​ലെ​റി​ഞ്ഞു. ഇ​തി​ന്‍റെ അ​ർ​ഥ​മെ​ന്താ​ണ്? ഒ​രു പൗ​ര​ൻ ഭാ​ര​ത​ത്തി​ൽ അ​നു​ഭ​വി​ക്കു​ന്ന ഭ​ര​ണ​ഘ​ട​നാ​പ​ര​മാ​യ അ​വ​കാ​ശ​ങ്ങ​ളെ സം​ര​ക്ഷി​ക്കേ​ണ്ട കേ​ര​ള​ത്തി​ലെ രാ​ഷ്‌​ട്രീ​യ നേ​താ​ക്ക​ൾ, ഭ​ര​ണ​ഘ​ട​ന​യെ ബ​ലാ​ത്സം​ഗം ചെ​യ്ത​തു​കൊ​ണ്ടാ​ണ് ബി​ൽ ച​വ​റ്റു​കൊ​ട്ട​യി​ലെ​റി​ഞ്ഞ​ത്. അ​തു​കൊ​ണ്ട് ഞ​ങ്ങ​ളാ​ണ് ഭ​ര​ണ​ഘ​ട​ന​യു​ടെ സം​ര​ക്ഷ​ക​ർ എ​ന്ന അ​വ​കാ​ശ​വാ​ദം ഉ​ന്ന​യി​ക്കാ​ൻ കേ​ര​ള​ത്തി​ലെ പാ​ർ​ട്ടി​ക​ൾ​ക്ക് ക​ഴി​യി​ല്ല. ആ​ർ​എ​സ്എ​സി​ന്‍റെ ലേ​ഖ​ന​ത്തെ വി​മ​ർ​ശി​ക്കു​ന്ന ഈ ​പാ​ർ​ട്ടി​ക​ൾ ഇ​ക്കാ​ര്യ​ങ്ങ​ൾ സൗ​ക​ര്യ​പൂ​ർ​വം മ​റ​ക്കു​ക​യാ​ണ്.

ഓ​ർ​ഗ​നൈ​സ​ർ ലേ​ഖ​ന​ത്തി​ലെ വ​സ്തു​ത​ക​ൾ

ഒ​രു​ത​ര​ത്തി​ൽ പ​ഞ്ഞാ​ൽ ഓ​ർ​ഗ​നൈ​സ​ർ ലേ​ഖ​നം ഓ​രോ ക്രൈ​സ്ത​വ​ന്‍റെ​യും അ​ഭി​മാ​നം ഉ​യ​ർ​ത്താ​ൻ പ​ര‍്യ​പ്ത​മാ​ണ്. നി​ങ്ങ​ൾ ക്രൈ​സ്ത​വ​ർ ഭാ​ര​ത​ത്തി​ന്‍റെ നി​ർ​മി​തി​യി​ൽ പൊ​തു​ന​ന്മ വ​ർ​ധി​പ്പി​ക്കാ​ൻ എ​ന്താ​ണ് ചെ​യ്ത​ത് എ​ന്ന ചോ​ദ്യ​ത്തി​ന്‍റെ ഉ​ത്ത​ര​മാ​യി ആ​ർ​എ​സ്എ​സു​കാ​ർ പൊ​തു​സ​മൂ​ഹ​ത്തി​ൽ പ​ങ്കു​വ​ച്ച ചി​ല ക​ണ​ക്കു​കൾ വ‍്യാ​ഖ‍്യാ​നി​ക്കാം. പ്രാ​ഥ​മി​ക വി​ദ്യാ​ഭ്യാ​സം, ഉ​ന്ന​ത​വി​ദ്യാ​ഭ്യാ​സം, ശാ​സ്ത്ര-​സാ​ങ്കേ​തി​ക വി​ദ്യ​യു​ടെ വ്യാ​പ​നം, ആ​രോ​ഗ്യ ശു​ശ്രൂ​ഷ​യു​ടെ സാ​ർ​വ​ത്രി​ക​വ​ത്ക​ര​ണം എ​ന്നി​വ​യ്ക്കാ​യി ഒ​രു ചെ​റി​യ അ​ജ​ഗ​ണം ഭാ​ര​ത​ത്തി​ൽ ചെ​യ്യു​ന്ന കാ​ര‍്യ​ങ്ങ​ളെ ഈ ​ലേ​ഖ​നം പ​രാ​മ​ർ​ശി​ക്കു​ന്നു.


ഒ​രു രാ​ഷ്‌​ട്ര​ത്തി​ന്‍റെ വ​ള​ർ​ച്ച​യു​ടെ അ​ടി​ത്ത​റ ശാ​സ്ത്ര-​സാ​ങ്കേ​തി​ക വി​ദ്യ​യു​ടെ വ്യാ​പ​ന​മാ​ണെ​ന്ന തി​രി​ച്ച​റി​വാ​ണ് ക്രൈ​സ്ത​വ​രെ ഇ​ക്കാ​ര്യ​ത്തി​നു പ്രേ​രി​പ്പി​ച്ച​ത്. ഇ​ന്ത്യ​യി​ൽ നി​ല​വി​ലു​ണ്ടാ​യി​രു​ന്ന​ത് അ​നൗ​പ​ചാ​രി​ക വി​ദ്യാ​ഭ്യാ​സ​മാ​യി​രു​ന്നു. അ​തി​നെ ഔ​പ​ചാ​രി​ക വി​ദ്യാ​ഭ്യാ​സ സ​ന്പ്ര​ദാ​യ​മാ​ക്കി മാ​റ്റി​യ​തി​ന്‍റെ ക്രെ​ഡി​റ്റ് ഭാ​ര​ത​ത്തി​ലെ ക്രൈ​സ്ത​വ​ർ​ക്കു മാ​ത്രം അ​വ​കാ​ശ​പ്പെ​ട്ട​താ​ണ്. ക്രി​സ്ത്യ​ൻ മി​ഷ​ണ​റി​മാ​ർ​ക്കു മു​ന്പും ഇ​വി​ടെ വി​ദ്യാ​ഭ്യാ​സ സം​വി​ധാ​ന​ങ്ങ​ൾ ഉ​ണ്ടാ​യി​രു​ന്നു. പ​ക്ഷേ, അ​വ എ​ല്ലാ വി​ഭാ​ഗം ജ​ന​ങ്ങ​ൾ​ക്കും അ​വ​സ​രം ന​ൽ​കി​യി​രു​ന്നി​ല്ല. തി​രു​വി​താം​കൂ​ർ സ​ർ​ക്കാ​രി​ന്‍റെ ഉ​ട​മ​സ്ഥ​ത​യി​ലു​ള്ള മെ​ഡി​ക്ക​ൽ കോ​ള​ജി​ൽ താ​ഴ്ന്ന ജാ​തി​ക്കാ​ര​നാ​യ​തു​കൊ​ണ്ട് പ്ര​വേ​ശ​നം നി​ഷേ​ധി​ക്ക​പ്പെ​ട്ട വ്യ​ക്തി​യാ​ണ് ഡോ​ക്‌​ട​ർ പ​ൽ​പ്പു എ​ന്നോ​ർ​ക്ക​ണം.

ക്രൈ​സ്ത​വ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ ഭാ​ര​തത്തി​ൽ എ​ല്ലാ​ വി​ഭാ​ഗം ജ​ന​ങ്ങ​ൾ​ക്കും വി​ദ്യാ​ഭ്യാ​സം നേ​ടാ​നു​ള്ള സാ​ഹ​ച​ര്യമൊ​രു​ക്കി. ഇ​ക്കാ​ര്യ​ത്തി​ൽ ഓ​രോ പ്ര​ദേ​ശ​ത്തും ഉ​ണ്ടാ​യി​രു​ന്ന രാ​ജാ​ക്ക​ന്മാ​രാ​ണു സ​ഹാ​യി​ച്ചി​രു​ന്ന​ത്. ഉ​ദാ​ഹ​ര​ണ​മാ​യി, ഭാ​ര​ത​ത്തി​ലെ ആ​ദ്യ​ത്തെ ഉ​ന്ന​ത​വി​ദ്യാ​ഭ്യാ​സ കേ​ന്ദ്രം കോ​ട്ട​യം സി​എം​എ​സ് കോ​ള​ജാ​ണ്. 1855 മു​ത​ൽ സി​എം​എ​സ് കോ​ള​ജ് സ​ർ​ക്കാ​ർ സ​ഹാ​യി​ക്കു​ന്ന (എ​യ്ഡ​ഡ്) ക​ലാ​ല​യ​മാ​യി മാ​റി. സ​ർ​ക്കാ​ർ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്കു ന​ല്കു​ന്ന സ​ഹാ​യം ഔ​ദാ​ര്യ​മാ​ണോ? അ​ന്നു​മു​ത​ൽ ഇ​ന്നു​വ​രെ ഇ​ക്കാ​ര്യ​ത്തെ​ക്കു​റി​ച്ച് ന​ട​ത്തി​യ പ​ഠ​ന​ങ്ങ​ൾ തെ​ളി​യി​ക്കു​ന്ന ചി​ല വ​സ്തു​ത​ക​ളു​ണ്ട്. ഒ​ന്നാ​മ​താ​യി ജ​ന​ങ്ങ​ൾ​ക്കു വി​ദ്യാ​ഭ്യാ​സം, ആ​തു​ര ശു​ശ്രൂ​ഷ എ​ന്നി​വ ന​ൽ​കേ​ണ്ട ചു​മ​ത​ല ക്രൈ​സ്ത​വ​രു​ടേ​ത​ല്ല, സ​ർ​ക്കാ​രി​ന്‍റേ​താ​ണ്. അ​തി​നാ​ൽ വി​ദ്യാ​ഭ്യാ​സ സ്ഥാ​പ​ന​ങ്ങ​ളും ആ​ശു​പ​ത്രി​ക​ളും തു​ട​ങ്ങു​ന്ന​വ​ർ സ​ർ​ക്കാ​രി​നെ സ​ഹാ​യി​ക്കു​ക​യാ​ണ്.

ര​ണ്ടാ​മ​താ​യി ഒ​രു സ​ർ​ക്കാ​ർ സ്ഥാ​പ​ന​ത്തി​ൽ ഒ​രു വി​ദ്യാ​ർ​ഥി​യെ പ​ഠി​പ്പി​ക്കാ​ൻ സ​ർ​ക്കാ​രി​നു വ​രു​ന്ന ചെ​ല​വി​ന്‍റെ 65 ശ​ത​മാ​ന​മാ​ണ് ഒ​രു എ​യ്ഡ​ഡ് സ്ഥാ​പ​ന​ത്തി​ൽ ഒ​രു വി​ദ്യാ​ർ​ഥി​യെ പ​ഠി​പ്പി​ക്കാ​ൻ സ​ർ​ക്കാ​രി​നു വ​രു​ന്ന​ത്. അ​തി​നാ​ൽ എ​യ്ഡ​ഡ് സ്ഥാ​പ​ന​ങ്ങ​ൾ നി​ല​നി​ർ​ത്തു​ന്ന​തി​ലൂ​ടെ കോ​ടി​ക്ക​ണ​ക്കി​നു രൂ​പ​യാ​ണ് സ​ർ​ക്കാ​ർ ഖ​ജ​നാ​വി​ലേ​ക്കു വ​രു​ന്ന​ത്. ജീ​വ​ന​ക്കാ​ർ​ക്ക് വേ​ത​നം ന​ൽ​കു​ക എ​ന്ന ബാ​ധ്യ​ത​യൊ​ഴി​കെ ഒ​രു വി​ദ്യാ​ഭ്യാ​സ സ്ഥാ​പ​ന​ത്തി​നു വേ​ണ്ടി​വ​രു​ന്ന എ​ല്ലാ ചെ​ല​വും വ​ഹി​ക്കു​ന്ന​ത് മാ​നേ​ജ്മെ​ന്‍റു​ക​ളാ​ണ്. ക്രൈ​സ്ത​വ മാ​നേ​ജ്മെ​ന്‍റു​ക​ളു​ടെ കാ​ര‍്യ​ത്തി​ൽ സ​ഭാം​ഗ​ങ്ങ​ളു​ടെ പ​ങ്കാ​ളി​ത്ത​ത്തോ​ടെ സ്വ​രൂ​പി​ക്കു​ന്ന വ​രു​മാ​ന​ത്തി​ൽ​നി​ന്നാ​ണ് അ​തു ക​ണ്ടെ​ത്തു​ന്ന​ത്.

പ​ട്ട​യ​മി​ല്ലാ​ത്ത ഭൂ​മി​യി​ലോ ക്രൈ​സ്ത​വ സ്ഥാ​പ​ന​ങ്ങ​ൾ?

ഈ ​സ്ഥാ​പ​ന​ങ്ങ​ളെ​ല്ലാം ക​ത്തോ​ലി​ക്കാ സ​ഭ​യു​ടേ​താ​ണെ​ന്നും ഇ​വ​യെ​ല്ലാം 1927ൽ ​ബ്രി​ട്ടീ​ഷ് സ​ർ​ക്കാ​ർ കൊ​ണ്ടു​വ​ന്ന ച​ർ​ച്ച് ബി​ല്ലി​ലൂ​ടെ ക​ത്തോ​ലി​ക്കാ സ​ഭ​യ്ക്ക് പാ​ട്ട​ത്തി​നു കി​ട്ടി​യ ഭൂ​മി​യാ​ണെ​ന്നു​മാ​ണ് മ​റ്റൊ​രു നു​ണ. ഒ​ന്നാ​മ​താ​യി, ക​ത്തോ​ലി​ക്കാ സ​ഭ എ​ന്ന പേ​രി​ൽ ഭാ​ര​ത​ത്തി​ൽ എ​വി​ടെ​യും ഭൂ​മി സ്വ​ന്ത​മാ​യി​ട്ടി​ല്ല, സ്ഥാ​പ​ന​വും സ്വ​ന്ത​മാ​യി​ട്ടി​ല്ല. ക്രൈ​സ്ത​വ​രു​ടെ ചെ​റി​യ കൂ​ട്ടാ​യ്മ​ക​ൾ​ക്കു സ്വ​ന്ത​മാ​യി ഭൂ​മി​യു​ണ്ട്, സ്ഥാ​പ​ന​ങ്ങ​ളു​ണ്ട്. അ​വ​യെ​ല്ലാം ഭ​ര​ണ​ഘ​ട​ന​യു​ടെ കീ​ഴി​ൽ റ​വ​ന്യു അ​ധി​കാ​ര​ത്തോ​ടെ കൈ​വ​ശം വ​യ്ക്കു​ന്ന ഭൂ​മി​ക​ളാ​ണ്. അ​വ​യി​ൽ ചി​ല​ത് രാ​ജാ​ക്ക​ന്മാ​ർ ന​ൽ​കി​യ ഭൂ​മി​ക​ളാ​ണ്. പ്ര​സ്തു​ത ഭൂ​മി രാ​ജാ​ക്ക​ന്മാ​ർ​ക്ക് ചെ​യ്ത സേ​വ​ന​ത്തി​ന്‍റെ പ്ര​തി​ഫ​ല​മാ​യി രാ​ജാ​ക്ക​ന്മാ​ർ ന​ൽ​കി​യ​തോ അ​ല്ലെ​ങ്കി​ൽ, രാ​ജാ​വി​ന്‍റെ ആ​വ​ശ്യം നി​റ​വേ​റ്റാ​ൻ അവർ ന​ൽ​കി​യ​തോ ആ​യി​രി​ക്കും.

ഉ​ദാ​ഹ​ര​ണ​ത്തി​ന്, തൃ​ശൂ​ർ അ​തി​രൂ​പ​ത​യു​ടെ കീ​ഴി​ലു​ള്ള ത​ര​ക​ൻ​സ് സ്കൂ​ൾ നി​ല​നി​ൽ​ക്കു​ന്ന സ്ഥ​ലം അ​ര​ണാ​ട്ടു​ക​ര​യി​ലെ ത​ര​ക​ൻ കു​ടും​ബ​ത്തി​ന് ശ​ക്ത​ൻ ത​ന്പു​രാ​ൻ പ​തി​ച്ചു​ന​ൽ​കി​യതാ​ണ്.
അധിനിവേശം നടത്തിയ ടി​പ്പു​വി​ന്‍റെ ആ​ക്ര​മ​ണ​ത്തി​ൽ​നി​ന്നു കൊ​ച്ചി രാ​ജാ​വാ​യി​രു​ന്ന ശ​ക്ത​ൻ ത​ന്പു​രാ​നെ ര​ക്ഷി​ച്ച​തി​ന്‍റെ പ്ര​തി​ഫ​ല​മാ​യി രാ​ജാ​വ് ന​ൽ​കി​യ ഭൂ​മി​യാ​ണ് ത​ര​ക​ൻ​സ് സ്കൂ​ളി​ന്‍റെ അ​ടി​യാ​ധാ​രം. ഈ ​ഭൂ​മി ക്രൈ​സ്ത​വ​രി​ൽ​നി​ന്ന് ഏ​റ്റെ​ടു​ത്ത് ടി​പ്പു​വി​ന്‍റെ പി​ൻ​ഗാ​മി​ക​ൾ​ക്കു ന​ൽ​ക​ണ​മോ? കൊ​ച്ചി രാ​ജാ​വി​ന്‍റെ മ​ക​നെ നാ​സി​ക​ളു​ടെ ജ​യി​ലി​ൽ​നി​ന്ന് മോ​ചി​പ്പി​ക്കാ​ൻ തൃ​ശൂ​ർ ബി​ഷ​പ് ന​ൽ​കി​യ സ​ഹാ​യ​ത്തി​ന് പ്ര​തി​ഫ​ല​മാ​യി​ട്ടാ​ണ് തൃ​ശൂ​ർ വ്യാ​കു​ല​മാ​താ​വി​ന്‍റെ ബ​സി​ലി​ക്ക​യു​ടെ നി​ർ​മാ​ണ​ത്തി​ന് രാ​ജാ​വി​ന്‍റെ സ​ഹാ​യ​മു​ണ്ടാ​യ​ത്. ഈ ​ബ​സി​ലി​ക്ക പ​ണി​യു​ന്ന​തി​ന് ബ്രി​ട്ടീ​ഷു​കാ​ർ എ​തി​രാ​യി​രു​ന്നു. 1927ലെ ​ച​ർ​ച്ച് ബി​ൽ വ​രു​ന്ന​തി​നു മു​ന്പ് നൂ​റു​ക​ണ​ക്കി​ന് സ്കൂ​ളു​ക​ളും ക​ലാ​ല​യ​ങ്ങ​ളും ഭാ​ര​ത​ത്തി​ന്‍റെ വി​വി​ധ​ ഭാ​ഗ​ങ്ങ​ളി​ൽ ക്രൈ​സ്ത​വ​ർ ആ​രം​ഭി​ച്ചു. 1855ലാ​ണ് "പ​ള്ളി​ക്കൊ​പ്പം പ​ള്ളി​ക്കൂ​ടം' എ​ന്ന ക​ത്തോ​ലി​ക്കാ സ​ഭ​യു​ടെ ത​ത്വം ന​ട​പ്പാ​ക്കി​യ​ത്. ഈ ​മു​ന്നേ​റ്റ​ത്തി​ന് ത​ങ്ങ​ളു​ടെ റ​വ​ന്യു ഭൂ​മി ദാ​നം ചെ​യ്ത​വ​രാ​യ ക്രൈ​സ്ത​വ​രെ​യും ഹി​ന്ദു​ക്ക​ളെ​യും സ്നേ​ഹ​പൂ​ർ​വം ഓ​ർ​ക്കു​ന്നു. മാ​ത്ര​മ​ല്ല, ഇ​വ​യെ​ല്ലാം നി​ല​നി​ൽ​ക്കുന്നത് ഇ​തി​ന്‍റെ സം​ഘാ​ട​ക​രാ​യ വൈ​ദി​ക​രും ​സ​ന്യ​സ്ത​രും ത​ങ്ങ​ളു​ടെ അ​ധ്വാ​ന​ഫ​ലം പൊ​തു​ന​ന്മ​യ്ക്ക് സം​ഭാ​വ​ന ചെ​യ്ത​തു​കൊ​ണ്ടാ​ണ്.

(തുടരും)