നി​ന്ന​നി​ല്പി​ൽ ന​മ്മു​ടെ എം​പി​മാ​ർ​ക്ക് ശ​മ്പ​ള​വും ആ​നു​കൂ​ല‍്യ​ങ്ങ​ളും കൂ​ടി. ഭ​ര​ണ-​പ്ര​തി​പ​ക്ഷ-​നി​ഷ്പ​ക്ഷ എം​പി​മാ​രു​ടെ​യെ​ല്ലാം മു​ഖ​ത്ത് പു​ഞ്ചി​രി​ വി​രി​ഞ്ഞു! പ​ണ​മു​ള്ള​വ​നേ മ​ണ​മു​ള്ളൂ, പ​ണ​മി​ല്ലാ​ത്ത​വ​ൻ പി​ണം, പ​ണ​ത്തി​നു മീ​തേ പ​രു​ന്തും പ​റ​ക്കി​ല്ല. എ​ന്നി​ങ്ങ​നെ​യു​ള്ള പ​ഴ​ഞ്ചൊ​ല്ലു​ക​ളു​ടെ പൊ​രു​ള​റി​ഞ്ഞു പ്ര​തി​ക​രി​ക്കു​ക​യും പ്ര​വ​ർ​ത്തി​ക്കു​ക​യും ചെ​യ്യു​ന്ന ന​മ്മു​ടെ പാ​വ​പ്പെ​ട്ട എ​ല്ലാ എം​പി​മാ​ർ​ക്കും ഇ​ന്ത്യ​യി​ലെ ദ​രി​ദ്ര​നാ​രാ​യ​ണ​ന്മാ​രു​ടെ ഹൃ​ദ്യ​മാ​യ അ​ഭി​വാ​ദ്യ​ങ്ങ​ൾ! മു​ന​ന്പം ജ​ന​ത​യു​ടെ​യും ആ​ശാ​ വ​ർ​ക്ക​ർ​മാ​രു​ടെ​യും ക​ർ​ഷ​ക​വ​ർ​ഗ​ത്തി​ന്‍റെ​യും പ്ര​ത്യേ​ക​മാ​യ അ​ഭി​ന​ന്ദ​ന​ങ്ങ​ൾ!

ചെലവില്ലാ ജീവിതം

ന​മ്മു​ടെ പാ​വ​പ്പെ​ട്ട എം​പി​മാ​രു​ടെ പ​ര​മ​ദ​യ​നീ​യ​മാ​യ സാ​ന്പ​ത്തി​കാ​വ​സ്ഥ അ​റി​യ​ണ്ടേ? ശ​ന്പ​ളം ഒ​രു ല​ക്ഷ​മെ​ന്ന​ത് ഒ​ന്നേ​കാ​ൽ ല​ക്ഷ​മാ​യി. എം​പി ആ​യി​ക്ക​ഴി​ഞ്ഞാ​ൽ രാ​ജ്യ​ത്തി​ന്‍റെ ത​ല​സ്ഥാ​ന​ന​ഗ​രി​യി​ൽ ക​ണ്ണാ​യ സ്ഥ​ല​ത്ത് ആ​ഡം​ബ​ര താ​മ​സ​സൗ​ക​ര്യം ല​ഭി​ക്കും. ഒ​രു രൂ​പ പോ​ലും ചെ​ല​വി​ല്ല.ഭ​ക്ഷ​ണം, വൈ​ദ്യു​തി, യാ​ത്ര എ​ല്ലാം സൗ​ജ​ന്യം. ജീ​വ​ന​ക്കാ​രെ നി​യ​മി​ക്കാം, ശ​ന്പ​ളം സ​ർ​ക്കാ​ർ കൊ​ടു​ക്കും. സൗ​ജ​ന്യ ചി​കി​ത്സ. അ​വ​ർ​ക്കും കു​ടും​ബ​ത്തി​നും മാ​ത്ര​മ​ല്ല ജോ​ലി​ക്കാ​ർ​ക്കു​മു​ൾ​പ്പെ​ടെ​യാ​ണ​ത്. ഏ​ത് ആ​ശു​പ​ത്രി​യി​ലും ചി​കി​ത്സ നേ​ടാം. വാ​ഹ​ന​വും ഇ​ന്ധ​ന​വും സൗ​ജ​ന്യ​മാ​ണ്.

പാ​ർ​ല​മെ​ന്‍റി​ൽ സി​റ്റിം​ഗ് ഉ​ള്ള​പ്പോ​ൾ ദി​വ​സം​പ്ര​തി 2500 രൂ​പ ല​ഭി​ക്കും. എ​ത്ര ദി​വ​സ​മു​ണ്ടോ അ​ത്ര​യും ദി​വ​സം അ​തു ല​ഭി​ക്കും. മ​ണ്ഡ​ലം അ​ല​വ​ൻ​സ് 70,000 രൂ​പ​യാ​യി​രു​ന്ന​ത് 87,000 ആ​യി! ഓ​ഫീ​സ് ചെ​ല​വു​ക​ളെ​ല്ലാം സൗ​ജ​ന്യം. അ​ത് 60,000 ആ​യി​രു​ന്ന​ത് 70,000 രൂ​പ​യാ​ക്കി. ഫ​ർ​ണി​ച്ച​ർ വാ​ങ്ങു​ന്ന​തി​ന് ഒ​രു ല​ക്ഷ​മാ​യി​രു​ന്ന​ത് ഒ​ന്നേ​കാ​ൽ ല​ക്ഷ​മാ​ക്കി. ഇ​തി​നെ​ല്ലാം പു​റ​മേ, പെ​ൻ​ഷ​നു​ണ്ട്. മാ​സം 25,000 രൂ​പ​യാ​യി​രു​ന്ന​ത് 31,000 രൂ​പ​യാ​യി. ഒ​രു വ​ർ​ഷം 34 വി​മാ​ന​യാ​ത്ര​ക​ൾ സൗ​ജ​ന്യം. ട്രെ​യി​നി​ൽ എ​പ്പോ​ൾ ക​യ​റി​യാ​ലും ഫ​സ്റ്റ്ക്ലാ​സി​ൽ സൗ​ജ​ന്യ​യാ​ത്ര. ഇ​ന്ത്യ​യി​ൽ ഇ​തി​ൽ കൂ​ടു​ത​ൽ എ​ന്തു ചെ​ല​വാ​ണു​ള്ള​ത്? ഇ​തി​ൽ​കൂ​ടു​ത​ൽ എ​ന്തു​വ​രു​മാ​ന​മാ​ണു​ള്ള​ത്?

തുടക്കം പാർട്ടിയിലൂടെ

ഒ​രു എം​പി പ്ര​സ്തു​ത സ്ഥാ​ന​ത്തെ​ത്തു​ന്ന​തി​നു​ള്ള ചെ​ല​വോ? പ​ഠി​ച്ചു​പാ​സാ​ക​ണ​മെ​ന്നി​ല്ല. അ​പ്പോ​ൾ അ​തി​നു ചെ​ല​വൊ​ന്നു​മി​ല്ല. ഇ​ന്ത്യ​യി​ലെ ഏ​തൊ​രു പൗ​ര​നും എം​പി​യാ​കാം. വി​ദ്യാ​ഭ്യാ​സ യോ​ഗ്യ​ത ബാ​ധ​ക​മ​ല്ല; പ​ത്തു​പോ​ലും പാ​സാ​ക​ണ​മെ​ന്നി​ല്ല. പി​ന്നെ​യു​ള്ള ചെ​ല​വ് സ്കൂ​ളി​ലോ കോ​ള​ജി​ലോ പോ​യി​ട്ടു​ണ്ടെ​ങ്കി​ൽ അ​തു​മാ​യി ബ​ന്ധ​പ്പെ​ട്ട ചെ​ല​വു​ക​ളു​ണ്ടാ​കും. ഏ​തെ​ങ്കി​ലും പാ​ർ​ട്ടി​യി​ൽ പേ​ര് ര​ജി​സ്റ്റ​ർ ചെ​യ്യു​ന്ന​തോ​ടെ ചെ​ല​വു​ക​ളെ​ല്ലാം പാ​ർ​ട്ടി നോ​ക്കി​ക്കൊ​ള്ളും.

സ​മ​ര​ത്തി​നു പോ​കു​ക എ​ന്ന​താ​ണ​ല്ലോ മു​ഖ്യ​മാ​യ പ്ര​വ​ർ​ത്ത​നപ​രി​പാ​ടി. അ​ടി​പി​ടി, ക​ത്തി​ക്കു​ത്ത്, കൊ​ല​പാ​ത​കം എ​ന്നി​വ​യ്ക്കു​ള്ള സാ​ധാ​ന​സാ​മ​ഗ്രി​ക​ളെ​ല്ലാം പാ​ർ​ട്ടി ന​ല്കി​കൊ​ള്ളും. പ​രി​ക്കേ​റ്റാ​ൽ ചാ​കു​ന്ന​തു​ വ​രെ​യു​ള്ള ചെ​ല​വു​ക​ളും പാ​ർ​ട്ടി​നോ​ക്കി​ക്കൊ​ള്ളും. അ​ങ്ങ​നെ സം​ഘ​ടി​ച്ചും സം​ഘ​ടി​പ്പി​ച്ചും സ​മ​രം ചെ​യ്തും ചെ​യ്യി​പ്പി​ച്ചും ക​രു​ത്താ​ർ​ജി​ക്കു​ന്ന​തോ​ടെ തെ​ര​ഞ്ഞെ​ടു​പ്പ് മ​ത്സ​ര​ത്തി​നു​ള്ള കു​റി വീ​ണെ​ന്നി​രി​ക്കും.

കു​റി വീ​ണാ​ൽ​പി​ന്നെ ജ​യി​പ്പി​ക്കാ​നു​ള്ള ചെ​ല​വു​ക​ളെ​ല്ലാം പാ​ർ​ട്ടി​ വ​ക​യാ​ണ്. പ്ര​ചാ​ര​ണ​ത്തി​നി​റ​ങ്ങു​ന്പോ​ൾ ആ​ള​പാ​യം സം​ഭ​വി​ച്ചി​ല്ലെ​ങ്കി​ൽ എം​പി ആ​ക്കു​ന്ന കാ​ര്യം പാ​ർ​ട്ടി​ നോ​ക്കി​ക്കൊ​ള്ളും. ചെ​ല​വി​ന്‍റെ കാ​ര്യ​മാ​ണ് പ​റ​ഞ്ഞു​വ​ന്ന​ത്. ജ​യി​ച്ചാ​ൽ പി​ന്നെ​യു​ള്ള കാ​ര്യം ഫ്ളാ​ഷ് ബാ​ക്കി​ലു​ണ്ട​ല്ലോ. ഇ​നി മ​ത്സ​ര​ത്തി​നു​ള്ള അ​വ​സ​രം കി​ട്ടാ​തെ പോ​യാ​ൽ, മേ​ൽ​വി​ലാ​സ​മു​ണ്ടെ​ങ്കി​ൽ രാ​ജ്യ​സ​ഭ​യി​ൽ അം​ഗ​മാ​കാം. അം​ഗ​മാ​യാ​ൽ​പി​ന്നെ ബാ​ക്കി കാ​ര്യ​ങ്ങ​ളെ​ല്ലാം മു​റ​പോ​ലെ ന​ട​ന്നു​കൊ​ള്ളും.

ഡൽഹിക്കു പോണം, വരണം

പാ​ർ​ല​മെ​ന്‍റം​ഗം എ​ന്ന നി​ല​യി​ൽ ചെ​യ്യേ​ണ്ട​ കാ​ര്യ​ങ്ങ​ൾ....? സ​മ്മേ​ള​നം ന​ട​ക്കു​ന്പോ​ൾ ഡ​ൽ​ഹി​ക്കു​ പോ​ക​ണം, സ​മ്മേ​ള​ന​ത്തി​ൽ പ​ങ്കെ​ടു​ത്തി​ല്ലെ​ങ്കി​ൽ 25,000 രൂ​പ പോ​കു​മെ​ന്നേ​യു​ള്ളൂ. പ​ല​പ്പോ​ഴും അ​തി​ൽ കൂ​ടു​ത​ൽ വ​രു​മാ​ന​മു​ള്ള പ​രി​പാ​ടി​ക​ൾ കാ​ണും. അ​തി​നു പോ​കാം, ന​ഷ്ടം 25,000 രൂ​പ മാ​ത്രം. സ​മ്മേ​ള​ന​ത്തി​നെ​ത്തി​യാ​ൽ രാ​ജ​കീ​യ​മാ​യ ഇ​രി​പ്പി​ട​മു​ള്ള​തി​നാ​ൽ സു​ഖ​മാ​യി ഉ​റ​ങ്ങി ക്ഷീ​ണം​തീ​ർ​ക്കാം. പി​ന്നെ സ്വ​ന്തം പാ​ർ​ട്ടി​യി​ൽ​പെ​ട്ട ആ​രെ​ങ്കി​ലും എ​ന്തെ​ങ്കി​ലും പ​റ​ഞ്ഞാ​ൽ കൈ​യ​ടി​ച്ചോ മു​ദ്രാ​വാ​ക്യം വി​ളി​ച്ചോ ഒ​ന്നു പ്രോ​ത്സാ​ഹി​പ്പി​ക്ക​ണം. വ​ല്ല അ​ബ​ദ്ധ​വും പ​റ​ഞ്ഞു​പി​ടി​പ്പി​ച്ചാ​ൽ, പു​ച്ഛ​മോ പ​രി​ഹാ​സ​മോ മ​റു​ഭാ​ഗ​ത്തു​നി​ന്നു​ണ്ടാ​യാ​ൽ ഒ​ച്ച​പ്പാ​ടും ബ​ഹ​ള​വും​ കൂ​ട്ടി പ്ര​തി​രോ​ധി​ക്ക​ണം. മു​ദ്രാ​വാ​ക്യ​മൊ​ക്കെ മ​ല​യാ​ള​ത്തി​ൽ വി​ളി​ച്ചാ​ലും​ മ​തി. വി​വ​ര​മു​ള്ള കു​റെ​പ്പേ​ർ ഉ​ള്ള​തി​നാ​ൽ അ​വ​ർ സം​സാ​രി​ച്ചു​കൊ​ള്ളും. ഐ​ക്യ​ദാ​ർ​ഢ്യം പ്ര​ഖ്യാ​പി​ച്ചാ​ൽ മ​തി.


അ​ഞ്ചു​കൊ​ല്ല​ത്തെ സേ​വ​നം അ​വ​സാ​നി​ക്കു​ന്പോ​ൾ ഒ​രി​ക്ക​ൽ​പോ​ലും ശ​ബ്ദി​ച്ചി​ട്ടി​ല്ലെ​ങ്കി​ലും ഒ​രു കു​ഴ​പ്പ​വു​മി​ല്ല. ഇ​തി​ൽ​പ്പ​രം സു​ഖ​മാ​യ മ​റ്റെ​ന്തു തൊ​ഴി​ലാ​ണു​ള്ള​ത്? എം​പി​യാ​യാ​ൽ, ബൈ​ബി​ളി​ൽ പ​റ​യു​ന്ന​തു​പോ​ലെ അ​വ​നും അ​വ​ന്‍റെ കു​ടും​ബ​വും ര​ക്ഷ​പ്പെ​ട്ടു! ജ​നം ശി​ക്ഷി​ക്ക​പ്പെ​ടു​ന്ന​ കാ​ര്യം എം​പി​ക്കി​ല്ല​ല്ലോ? എം​പി​യും എം​എ​ൽ​എ​യും നേ​രേ ചേ​ട്ടാ​നു​ജ​ന്മാ​ര​ാണ​ല്ലോ. അ​വ​രു​ടെ​യും കാ​ര്യം ഇ​ങ്ങ​നെ​ത​ന്നെ. എം​പി​യും എം​എ​ൽ​എ​യു​മൊ​ന്നു​മാ​യി​ല്ലെ​ങ്കി​ലും അ​വ​രു​ടെ പി​എ ആ​യാ​ലും ന​ഷ്ട​മി​ല്ല. ആ​നു​പാ​തി​ക​മാ​യ ആ​നു​കൂ​ല്യ​ങ്ങ​ളെ​ല്ലാം, പെ​ൻ​ഷ​ൻ ഉ​ൾ​പ്പെ​ടെ കി​ട്ടി​ക്കൊ​ള്ളും. എം​പി​യു​ടെ​യോ എം​എ​ൽ​എ​യു​ടെ​യോ പ​ട്ടി​യോ പ​ശു​വോ ആ​യാ​ലും ന​ഷ്ട​മി​ല്ല. വ​ല്ല മ​ന്ത്രി​യോ മ​റ്റോ ആ​യി​പ്പോ​യാ​ൽ വ​ള​ർ​ത്തു​മൃ​ഗ​ങ്ങ​ൾ​ക്കു​ൾ​പ്പെ​ടെ ജോ​ലി​ക്കാ​രും എ​സി സൗ​ക​ര്യ​ങ്ങ​ളും ല​ഭി​ച്ചു​കൊ​ള്ളും!

അർഥം മാറിയ "ഗ്രാ​മ​സേ​വ​ക്'

ജ​നാ​ധി​പ​ത്യ​സ​ന്പ്ര​ദാ​യ​ത്തി​ൽ മ​ഹാ​ത്മ​ജി പ​റ​ഞ്ഞ​ത് "ഗ്രാ​മ​സേ​വ​ക്' വേ​ണ​മെ​ന്നാ​ണ്. അ​തി​ന്‍റെ​യ​ർ​ഥം ഗ്രാ​മ​ത്തെ സേ​വി​ക്കു​ന്ന​വ​ൻ എ​ന്നാ​ണ്. കാ​ലാ​ന്ത​ര​ത്തി​ൽ അ​ത് "സ്വ​യം സേ​വ​ക്' എ​ന്നാ​യി​പ്പോ​യെ​ന്നേ​യു​ള്ളൂ. ഗാ​ന്ധി​ജി നി​ഷ്കാ​മ സേ​വ​ന​മെ​ന്നാ​ണു പ​റ​ഞ്ഞ​ത്. പ്ര​തി​ഫ​ലം പ​റ്റാ​തെ​യു​ള്ള സേ​വ​ന​മാ​ണ് അ​ദ്ദേ​ഹം ഉ​ദ്ദേ​ശി​ച്ച​ത്. സേ​വ​ന​ത്തി​നു വേ​ത​നം പാ​ടി​ല്ല എ​ന്നാ​ണ് സാ​മാ​ന്യ​ത​ത്വം. പി​ന്നെ ചെ​യ്യാ​വു​ന്ന​ത്, അ​ല​വ​ൻ​സ് ന​ല്കു​ക എ​ന്ന​താ​ണ്. സ്വ​ന്തം പോ​ക്ക​റ്റി​ൽ​നി​ന്നു പ​ണം ചെ​ല​വു ചെ​യ്തു സേ​വ​നം ചെ​യ്യാ​ൻ പോ​യാ​ൽ കു​ടും​ബം പ​ട്ടി​ണി​യാ​കും. അ​തു​കൊ​ണ്ട് മി​ത​മാ​യ വേ​ത​നം, മാ​ന്യ​മാ​യി ജീ​വി​ക്കാ​നു​ള്ള തു​ക വാ​ങ്ങാം; അ​തു​ കൊ​ടു​ക്ക​ണം താ​നും. പാ​വ​പ്പെ​ട്ട മ​നു​ഷ്യ​രെ ഞെ​ക്കി​പ്പി​ഴി​ഞ്ഞ് ആ​ഡം​ബ​ര​മാ​യി ജീ​വി​ക്കു​ന്ന​ത് ന്യാ​യ​മാ​ണോ? ഒ​രു പു​ന​ർ​വി​ചി​ന്ത​നം ന​ട​ത്താ​ൻ അ​പേ​ക്ഷ.

ന​മ്മു​ടെ എം​പി​മാ​ർ​ക്ക് "മെ​ന്‍റ​ൽ സ്ട്രെ​യി​ൻ' ഉ​ണ്ടാ​കു​ന്ന അ​പൂ​ർ​വ​മാ​യ ചി​ല സ​ന്ദ​ർ​ഭ​ങ്ങ​ളു​ണ്ട്. അ​ഞ്ചു വ​ർ​ഷം കൂ​ടു​ന്പോ​ഴാ​ണ് സാ​ധാ​ര​ണ ഗ​തി​യി​ലി​തു​ണ്ടാ​കു​ന്ന​ത്. അ​പൂ​ർ​വ​ങ്ങ​ളി​ല​പൂ​ർ​വ​മാ​യി ചി​ല​പ്പോ​ൾ സം​ഭ​വി​ക്കാ​റു​മു​ണ്ട്. അ​തും വോ​ട്ടു​ക​ൾ ചോ​രാ​നു​ള്ള സാ​ധ്യ​ത​യു​ണ്ടെ​ന്നു തി​രി​ച്ച​റി​യു​ന്പോ​ൾ മാ​ത്രം!

ഈ​ർ​ക്കി​ലി പാ​ർ​ട്ടി​ക​ൾ​ മു​ത​ൽ കാ​വി-​ഖ​ദ​ർ-​അ​രി​വാ​ൾ പാ​ർ​ട്ടി​ക​ൾ​ വ​രെ സം​യു​ക്ത​മാ​യി പു​റ​പ്പെ​ടു​വി​ക്കാ​ൻ ആ​ഗ്ര​ഹി​ക്കു​ന്ന ഒ​രു ആ​ഹ്വാ​ന​മു​ണ്ട്. പ്രി​യ​പ്പെ​ട്ട കു​ട്ടി​ക​ളേ, നി​ങ്ങ​ൾ പ​ണം മു​ട​ക്കി​യും പ​ഠി​ച്ചു ത​ല​പു​ണ്ണാ​ക്കി​യു​മൊ​ന്നും ഭാ​വി ന​ഷ്ട​പ്പെ​ടു​ത്ത​രു​ത്; ഏ​തെ​ങ്കി​ലും പാ​ർ​ട്ടി​യി​ൽ അം​ഗ​ത്വ​മെ​ടു​ത്ത് പാ​ർ​ട്ടി​ക്കു​വേ​ണ്ടി പ​ണി​യെ​ടു​ക്കു​ക; നി​ങ്ങ​ൾ​ക്ക് ഒ​രു പ​ഞ്ചാ​യ​ത്ത് പ്ര​സി​ഡ​ന്‍റാ​കാ​നെ​ങ്കി​ലും സാ​ധി​ച്ചാ​ൽ നി​ങ്ങ​ൾ ര​ക്ഷ​പ്പെ​ട്ടു. പ്രി​യ​പ്പെ​ട്ട മാ​താ​പി​താ​ക്ക​ളേ, നി​ങ്ങ​ൾ കു​ട്ടി​ക​ളെ വി​ദ്യാ​ല​യ​ത്തി​ൽ ചേ​ർ​ക്കു​ന്ന കൂ​ട്ട​ത്തി​ൽ അ​വ​രെ ഏ​തെ​ങ്കി​ലും പാ​ർ​ട്ടി​യി​ൽ ചേ​ർ​ക്കു​ക. ആ​ദ​ര​ണീ​യ​രാ​യ അ​ധ്യാ​പ​ക​രേ, നി​ങ്ങ​ൾ നി​ങ്ങ​ളു​ടെ സ​മ​യം പ​ഠി​പ്പി​ച്ചു ക​ള​യാ​തെ ഏ​തെ​ങ്കി​ലും പാ​ർ​ട്ടി​യി​ൽ സ​ജീ​വ​മാ​കു​ക; നി​ങ്ങ​ളു​ടെ കു​ട്ടി​ക​ളെ​യും സ​ജീ​വ​മാ​ക്കു​ക! നാ​ട് ന​ര​ക​മാ​യി​ക്കൊ​ള്ളും!