2025 മാ​ർ​ച്ച് 10 തി​ങ്ക​ൾ മ​ഹാ​ത്മാ​ഗാ​ന്ധി ഇ​ണ്ടം​തു​രു​ത്തി മ​ന സ​ന്ദ​ർ​ശി​ച്ച​തി​ന്‍റെ ശ​താ​ബ്ദി ദി​ന​മാ​ണ്. ഇ​ന്ന് ഇ​ണ്ടം​തു​രു​ത്തി മ​ന വൈ​ക്കം താ​ലൂ​ക്ക് ചെ​ത്തുതൊ​ഴി​ലാ​ളി യൂ​ണി​യ​ൻ ഓ​ഫീ​സ്. ഈ ​ഓ​ഫീ​സി​ന്‍റെ ക​ഥ അ​യി​ത്ത​ത്തി​ന്‍റെ തീ​ണ്ട​ൽ​പ​ല​ക​ക​ൾ തി​രു​ത്തി​യെ​ഴു​തി​യ തൊ​ഴി​ലാ​ളി​വ​ർ​ഗ പോ​രാ​ട്ട​ച​രി​ത്ര​ത്തി​ലേ​ക്കു​ള്ള ചൂ​ണ്ടു​പ​ല​ക​യാ​ണ്. മ​ഹാ​ത്മ​ജി വൈ​ക്കം ഇ​ണ്ടം​തു​രു​ത്തി മ​ന​യി​ൽ വ​ന്ന​തി​ന്‍റെ ശ​താ​ബ്ദി​ദി​നം സ​മു​ചി​ത​മാ​യി ആ​ച​രി​ക്കാ​ൻ വൈ​ക്കം താ​ലൂ​ക്ക് ചെ​ത്തുതൊ​ഴി​ലാ​ളി യൂ​ണി​യ​ൻ വ​ലി​യ ത​യാ​റെ​ടു​പ്പി​ലാ​ണ്.

1924 മാ​ർ​ച്ച് മാ​സം 30നാ​ണ് കേ​ര​ള​ത്തി​ലെ ന​വോ​ത്ഥാ​ന സ​മ​ര​ങ്ങ​ളി​ൽ ഇ​തി​ഹാ​സ സ​മാ​ന​മാ​യ വൈ​ക്കം സ​ത്യ​ഗ്ര​ഹം ആ​രം​ഭി​ക്കു​ന്ന​ത്. ടി.കെ. മാ​ധ​വ​നാ​യി​രു​ന്നു അ​യി​ത്തോ​ച്ചാ​ട​ന​ത്തി​നാ​യി സ​മാ​ന​ത​ക​ളി​ല്ലാ​ത്ത ഈ ​സ​ത്യ​ഗ്ര​ഹ​സ​മ​ര​ത്തി​ന്‍റെ മു​ഖ്യ​കാ​ര്യ​ദ​ർ​ശി. ഗാ​ന്ധി​ജി​യു​ടെ അ​നു​വാ​ദം വാ​ങ്ങി​യായി​രു​ന്നു കോ​ൺ​ഗ്ര​സ് നേ​താ​വും സ്വാ​ത​ന്ത്ര്യ​സ​മ​ര സേ​നാ​നി​യു​മാ​യി​രു​ന്ന ടി.കെ. മാ​ധ​വ​ൻ സ​ത്യ​ഗ്ര​ഹം ആ​രം​ഭി​ച്ചത്.

സ​ത്യ​ഗ്ര​ഹ​ത്തെ അ​ന്ന​ത്തെ സ​വ​ർ​ണ​മേ​ധാ​വി​ക​ൾ എ​ല്ലാ ഭ​ര​ണ​കൂ​ട സം​വി​ധാ​ന​ങ്ങ​ളെ​യും ദു​രു​പ​യോ​ഗം ചെ​യ്തു അ​തി​ക്രൂര​മാ​യി നേ​രി​ട്ടു. ത​ന്തൈ പെ​രി​യോ​ർ അ​ട​ക്കം രാ​ജ്യ​ത്തി​ന്‍റെ നാ​നാ​ഭാ​ഗ​ത്തു​നി​ന്നു ദേ​ശീ​യ​നേ​താ​ക്ക​ളും സ്വാ​ത​ന്ത്ര്യ​സ​മ​ര സേ​നാ​നി​ക​ളും വൈ​ക്ക​ത്തെ​ത്തി സ​മ​ര​ത്തി​ൽ പ​ങ്കു​ചേ​ർ​ന്നു.

അ​ങ്ങ​നെ ബ​ഹു​ജ​ന പ​ങ്കാ​ളി​ത്തം​കൊ​ണ്ടും സ​മാ​ന​ത​ക​ളി​ല്ലാ​ത്ത സ​മ​ര​മാ​ർ​ഗ​ങ്ങ​ൾ​കൊ​ണ്ടും ദേ​ശീ​യ​ശ്ര​ദ്ധ നേ​ടി​യ വൈ​ക്കം സ​ത്യ​ഗ്ര​ഹ​ത്തി​ന്‍റെ മൂ​ർ​ധ​ന്യ​ത്തി​ലാ​ണ് 1925 മാ​ർ​ച്ച് ഒ​ന്പ​തി​ന് മ​ഹാ​ത്മ​ജി വൈ​ക്ക​ത്തെ​ത്തി​യ​ത്. കെ. ​കേ​ള​പ്പ​ന്‍റെ നേ​തൃ​ത്വ​ത്തി​ൽ ജ​ന​ങ്ങ​ൾ മം​ഗ​ള​പ​ത്രം ന​ൽ​കി ഗാ​ന്ധി​ജി​യെ സ്വീക​രി​ച്ചു. സ​ത്യ​ഗ്ര​ഹ​ത്തെ എ​തി​ർ​ത്ത സ​വ​ർ​ണ​ചേ​രി​യു​ടെ നേ​തൃ​ത്വം ഇ​ണ്ടം​തു​രു​ത്തി മ​ന​യി​ലെ കാ​ര​ണ​വ​രാ​യ ദേ​വ​ൻ നീ​ല​ക​ണ്ഠ​ൻ ന​മ്പ്യാ​തി​രി​ക്കാ​യി​രു​ന്നു.

വൈ​ക്ക​ത്തെ​ത്തി​യ ഗാ​ന്ധി​ജി​യെ വ​ന്നുകാ​ണു​വാ​ൻ ത​യാ​റാ​കാ​ത്ത ന​മ്പ്യാ​തി​രി​യെ നേ​രി​ൽ​ക​ണ്ട് സം​സാ​രി​ക്കാനാ​യി മ​ഹാ​ത്മ​ജി​യും സം​ഘ​വും ഇ​ണ്ടം​തു​രു​ത്തി​മ​ന​യി​ൽ മാ​ർ​ച്ച് 10ന് 2.30 ​ഓ​ടെ എത്തി. അ​ബ്രാ​ഹ്മ​ണ​നാ​യ​തി​നാ​ൽ മ​ഹാ​ത്മ​ജി​യെ ന​മ്പ്യാ​തി​രി മ​ന​യു​ടെ പൂമു​ഖ ഇ​ളം​തി​ണ്ണ​യി​ൽ ഇ​രു​ത്തി. മ​ന​യ്ക്കു​ള്ളി​ൽ ഇ​രു​ന്ന ന​മ്പ്യാ​തി​രി മൂ​ന്നു മ​ണി​ക്കൂ​റി​ലേ​റെ ഗാ​ന്ധി​ജി​യു​മാ​യി വാ​ദ​പ്ര​തി​വാ​ദ​ത്തി​ൽ ഏ​ർ​പ്പെ​ട്ടു. വൈ​ക്കം ക്ഷേ​ത്ര​ത്തി​ന​ടു​ത്തു​ള്ള വ​ഴി​യി​ൽ​കൂ​ടി ന​ട​ക്കാ​നു​ള്ള സ്വാ​ത​ന്ത്ര്യം എ​ല്ലാ​വ​ർ​ക്കും അ​നു​വ​ദി​ക്ക​ണ​മെ​ന്ന് മ​ഹാ​ത്മ​ജി ആ​വ​ശ്യ​പ്പെ​ട്ടെ​ങ്കി​ലും ന​മ്പ്യാ​തി​രി വ​ഴ​ങ്ങി​യി​ല്ല.


വ​ഴി​ന​ട​ക്കാ​നു​ള്ള അ​വ​കാ​ശം നി​ഷേ​ധി​ക്ക​പ്പെ​ട്ട​വ​ർ മു​ജ്ജ​ന്മ​ത്തി​ൽ പാ​പം ചെ​യ്ത​വ​രാ​ണെ​ന്നും അ​തി​ന്‍റെ ശി​ക്ഷ ഈ ​ജ​ന്മ​ത്തി​ൽ അ​വ​ർ അ​നു​ഭ​വി​ക്ക​ണ​മെ​ന്നു​മാ​യി​രു​ന്നു ന​മ്പ്യാ​തി​രി​യു​ടെ നി​ല​പാ​ട്. ച​ർ​ച്ച ഫ​ല​വ​ത്താ​കാ​തെ ഗാ​ന്ധി​ജി​ക്കും സം​ഘ​ത്തി​നും മ​ട​ങ്ങേ​ണ്ടി​വ​ന്നു. മ​ട​ങ്ങി​യ ഉ​ട​ൻ അ​ബ്രാ​ഹ്മ​ണ​നാ​യ ഗാ​ന്ധി ഇ​രു​ന്ന​ സ്ഥ​ല​വും പ​രി​സ​ര​വും അ​വ​ർ ശു​ദ്ധീക​ല​ശം ന​ട​ത്തി.

സ​മ​ര​ത്തി​ലു​ള്ള ശ്രീ​നാ​രാ​യ​ണ ഗു​രു​വി​ന്‍റെ ഇ​ട​പെ​ട​ലും മ​ഹാ​ത്മ​ജി അ​ട​ക്ക​മു​ള്ള ദേ​ശീ​യ നേ​താ​ക്ക​ളു​ടെ പ​ങ്കു​ചേ​ര​ലും വ​ഴി വ​ലി​യ ജ​ന​കീ​യ ന​വോ​ത്ഥാ​ന സ​മ​ര​മാ​യി വൈ​ക്കം സ​ത്യ​ഗ്ര​ഹ​സ​മ​രം മാ​റി​യ​തു ച​രി​ത്രം.1925 ന​വം​ബ​ർ 23ന് 603 ​ദി​വ​സം നീ​ണ്ട വൈ​ക്കം സ​ത്യ​ഗ്ര​ഹം വി​ജ​യ​ക​ര​മാ​യി പ​ര്യ​വ​സാ​നി​ച്ചു.

ജ​ന്മി, നാ​ടു​വാ​ഴി​ത്തം അ​വ​സാ​നി​ച്ച​തോ​ടെ ഇ​ണ്ടം​തു​രു​ത്തി മ​ന​യു​ടെ പ്ര​താ​പ​വും ക്ഷ​യി​ച്ചു. ചെ​റു​മ​ക​ളു​ടെ വി​വാ​ഹ​ത്തി​നു പ​ണം ക​ണ്ടെ​ത്താ​ൻ മ​ന വി​ൽ​ക്കാ​ൻ ന​മ്പ്യാ​തി​രി തീ​രു​മാ​നി​ച്ച വി​വ​രം അ​റി​ഞ്ഞ സി​പി​ഐ നേ​താ​വ് സി. ​കെ. വി​ശ്വ​നാ​ഥ​ൻ 1964 മേ​യി​ൽ വൈ​ക്കം താ​ലൂ​ക്ക് ചെ​ത്തു​തൊ​ഴി​ലാ​ളി യൂ​ണി​യ​നു​വേ​ണ്ടി ഇ​ണ്ടം​തു​രു​ത്തി മ​ന​യും മ​ന സ്ഥി​തി​ചെ​യ്യു​ന്ന ര​ണ്ടേ​ക്ക​ർ സ്ഥ​ല​വും സ്വ​ന്ത​മാ​ക്കി​യ​തോ​ടെ അ​ത് വൈ​ക്ക​ത്തെ അ​സം​ഘ​ടി​ത​രാ​യ തൊ​ഴി​ലാ​ളി​ക​ളു​ടെ സം​ഘ​ടി​ത പ്ര​സ്ഥാ​ന​ത്തി​ന്‍റെ കേ​ന്ദ്ര​മാ​യി​ മാ​റി. ഇ​ണ്ടം​തു​രു​ത്തി മ​ന എ​ഐ​ടി​യു​സി ഓ​ഫീ​സാ​യി. ച​രി​ത്ര​ത്തി​ന്‍റെ ഓ​ർ​മ​യാ​യി, ഓ​ർ​മ​പ്പെ​ടു​ത്ത​ലാ​യി, സ്മാ​ര​ക​മാ​യി…

സി.കെ. വി​ശ്വ​നാ​ഥ​ന്‍റെ പേ​രി​ലു​ള്ള അ​വാ​ർ​ഡ് ഏ​റ്റു​വാ​ങ്ങാ​ൻ 2024 ഡി​സം​ബ​ർ 24ന് ​വൈ​ക്ക​ത്തെ​ത്തി​യ മ​ഹാ​ത്മ​ജി​യു​ടെ ചെ​റു​മ​ക​ൻ തു​ഷാ​ർ ഗാ​ന്ധി വി​കാ​ര​വാ​യ്പോ​ടെ​യാ​ണു സ്മ​ര​ണ​ക​ളി​ര​മ്പു​ന്ന ഈ ​മ​ണ്ണി​ൽ കാ​ലു​കു​ത്തി​യ​ത്. മു​ത്ത​ച്ഛ​ന് പ്ര​വേ​ശ​നം നി​ഷേ​ധി​ച്ച ഇ​ട​ങ്ങ​ളി​ലേ​ക്ക് തൊ​ഴി​ലാ​ളി​ക​ൾ വാ​ദ്യ​മേ​ള​ങ്ങ​ളു​ടെ അ​ക​മ്പ​ടി​യോ​ടെ അ​ദ്ദേ​ഹ​ത്തെ ആ​ന​യി​ക്കു​ക​യാ​യി​രു​ന്നു. നൂ​റ്റാ​ണ്ടു​മു​മ്പ് ഗാ​ന്ധി​ജി​ക്ക് ഇ​രി​ക്കാ​ൻ അ​ന്ന​ത്തെ ജ​ന്മി​നാ​ടു​വാ​ഴി​ത്തം നി​ർ​ദേ​ശി​ച്ച പൂമു​ഖ ഇ​ളം​തി​ണ്ണ​യി​ൽ അ​ല്പ​നേ​രം ഇ​രി​ക്കാ​ൻ തു​ഷാ​ർ ഗാ​ന്ധി പ്ര​ത്യേ​ക താ​ത്​പ​ര്യം കാ​ട്ടി​യ​ത് ദേ​ശീ​യ​മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തി​രു​ന്നു.