ഇ​ന്ത്യ​യി​ലേ​ക്കു​ള്ള വി​ദേ​ശ​പൗ​ര​ന്മാ​രു​ടെ അ​ന​ധി​കൃ​ത കു​ടി​യേ​റ്റം ത​ട​യു​ന്ന​തി​നാ​യി കേ​ന്ദ്ര​സ​ര്‍​ക്കാ​ര്‍ കൂ​ടു​ത​ല്‍ ക​ര്‍​ക്ക​ശ​മാ​യ നി​യ​മ​നി​ര്‍​മാ​ണ​ത്തി​ലേ​ക്കു ക​ട​ക്കു​ന്നു. ഇ​മി​ഗ്രേ​ഷ​ന്‍ ആ​ൻ​ഡ് ഫോ​റി​നേ​ഴ്സ് ബി​ല്‍ 2025 ദേ​ശീ​യ സു​ര​ക്ഷ​യും രാ​ജ്യ​ത്തി​ന്‍റെ പ​ര​മാ​ധി​കാ​ര​വും നി​ല​നി​ര്‍​ത്തു​ന്ന​തി​നോ​ടൊ​പ്പം ഇ​ന്ത്യ​യെ ല​ക്ഷ്യം​വ​യ്ക്കു​ന്ന രാ​ജ്യാ​ന്ത​ര ഭീ​ക​ര​വാ​ദ അ​ജ​ണ്ട​ക​ള്‍​ക്കു ക​ടി​ഞ്ഞാ​ണി​ടാ​നും ഉ​ദ്ദേ​ശി​ച്ചു​ള്ള​താ​ണ്.

പാ​സ്പോ​ര്‍​ട്ട് ആ​ക്‌​ട് 1920, ര​ജി​സ്ട്രേ​ഷ​ന്‍ ഓ​ഫ് ഫോ​റി​നേ​ഴ്സ് ആ​ക്‌​ട് 1939, ഫോ​റി​നേ​ഴ്സ് ആ​ക്‌​ട് 1946, ഇ​മി​ഗ്രേ​ഷ​ന്‍ ആ​ക്‌​ട് 2000 എ​ന്നി​വ റ​ദ്ദു​ചെ​യ്താ​ണ് പു​തി​യ ബി​ല്‍ ഒ​രു​ങ്ങു​ന്ന​ത്. മേ​ല്പ​റ​ഞ്ഞ​വ​യി​ല്‍ മൂ​ന്നെ​ണ്ണ​വും സ്വാ​ത​ന്ത്ര്യ​പ്രാ​പ്തി​ക്കു മു​മ്പു​ള്ള​വ​യാ​ണ്. നാ​ല് നി​യ​മ​ങ്ങ​ള്‍​ക്കി​ട​യി​ലും അ​ടി​സ്ഥാ​ന​പ​ര​മാ​യ തു​ട​ര്‍​ച്ച​യും ല​ക്ഷ്യ​ങ്ങ​ളു​ടെ പൊ​തു​വാ​യ സ്വ​ഭാ​വ​വും ഉ​ണ്ടെ​ങ്കി​ലും ചി​ല​യി​ട​ങ്ങ​ളി​ല്‍ ആ​വ​ര്‍​ത്തി​ക്കു​ന്ന വ്യ​വ​സ്ഥ​ക​ളു​മു​ണ്ട്. അ​തി​നാ​ല്‍​ത​ന്നെ ഇ​ന്ത്യ​യു​ടെ ഇ​ന്ന​ത്തെ സു​ര​ക്ഷ, കു​ടി​യേ​റ്റ വെ​ല്ലു​വി​ളി​ക​ളെ അ​തി​ജീ​വി​ക്കാ​ന്‍ നി​ല​വി​ലു​ള്ള നി​യ​മ​ങ്ങ​ള്‍ പോ​രാ എ​ന്നാ​ണു സ​ര്‍​ക്കാ​രി​ന്‍റെ പ്ര​ധാ​ന വാ​ദം.

പു​തി​യ നി​യ​മ​ത്തി​ന്‍റെ ല​ക്ഷ്യ​മെ​ന്ത്?

ഇ​ന്ത്യ​യു​ടെ കു​ടി​യേ​റ്റ നി​യ​മ​ങ്ങ​ള്‍ ആ​ധു​നി​ക കാ​ല​ഘ​ട്ട​ത്തി​നും രാ​ജ്യാ​ന്ത​ര​ത​ല​ത്തി​ലു​ള്ള ഒ​ട്ടേ​റെ മാ​റ്റ​ങ്ങ​ള്‍​ക്കു​മ​നു​സ​രി​ച്ച് പു​തു​ക്കു​ക, വി​ദേ​ശി​ക​ളു​ടെ ര​ജി​സ്ട്രേ​ഷ​ന്‍, പാ​സ്പോ​ര്‍​ട്ട്, വീ​സ എ​ന്നീ രേ​ഖ​ക​ളി​ല്‍ കൃ​ത്രി​മ​ത്വം കാ​ണി​ക്കു​ന്ന​തു ത​ട​ഞ്ഞ് അ​ന​ധി​കൃ​ത കു​ടി​യേ​റ്റം നി​യ​ന്ത്രി​ക്കു​ക​യും നി​രോ​ധി​ക്കു​ക​യും ചെ​യ്യു​ക എ​ന്ന​താ​ണ് പു​തി​യ നി​യ​മ​ത്തി​ന്‍റെ മു​ഖ്യ​ല​ക്ഷ്യം.

സ​ര്‍​ക്കാ​ര്‍ ക​ണ​ക്കു​പ്ര​കാ​രം 2023 ഏ​പ്രി​ല്‍ ഒ​ന്നി​നും 2024 മാ​ര്‍​ച്ച് 31നു​മി​ട​യി​ല്‍ ആ​കെ 9,840,321 വി​ദേ​ശി​ക​ള്‍ ഇ​ന്ത്യ സ​ന്ദ​ര്‍​ശി​ച്ചി​ട്ടു​ണ്ട്. നി​ര്‍​ദി​ഷ്‌​ട​ ബി​ല്ലി​ലെ 8(3) വ​കു​പ്പു​പ്ര​കാ​രം ഇ​ന്ത്യ​ന്‍ പൗ​ര​ത്വ​മു​ള്ള ഓ​രോ വ്യ​ക്തി​യും ത​ങ്ങ​ളു​ടെ താ​മ​സസ്ഥ​ല​ത്തി​ന്‍റെ പ​രി​സ​ര​ത്തു താ​മ​സി​ക്കു​ന്ന വി​ദേ​ശി​ക​ളെ​ക്കു​റി​ച്ചു​ള്ള വി​വ​ര​ങ്ങ​ള്‍ ര​ജി​സ്ട്രേ​ഷ​ന്‍ ഓ​ഫീ​സ​ര്‍​ക്കു സ​മ​ര്‍​പ്പി​ക്കേ​ണ്ട​താ​ണ്.

സ്ഥാ​പ​ന​ങ്ങ​ള്‍ കേ​ന്ദ്രീ​ക​രി​ച്ച്

വി​ദേ​ശി​ക​ളെ പ്ര​വേ​ശി​പ്പി​ക്കു​ന്ന സ​ര്‍​വ​ക​ലാ​ശാ​ല​ക​ള്‍ ഉ​ള്‍​പ്പെ​ടെ വി​ദ്യാ​ഭ്യാ​സ സ്ഥാ​പ​ന​ങ്ങ​ള്‍, ആ​ശു​പ​ത്രി​ക​ള്‍, ന​ഴ്സിം​ഗ് ഹോ​മു​ക​ള്‍, വി​വി​ധ മെ​ഡി​ക്ക​ല്‍ സ്ഥാ​പ​ന​ങ്ങ​ള്‍ എ​ന്നി​വ​യു​ടെ ഉ​ത്ത​ര​വാ​ദി​ത്വ​വും കൃ​ത്യ​മാ​യി പ്ര​തി​പാ​ദി​ക്കു​ന്നു​ണ്ട്. ഈ ​സ്ഥാ​പ​ന​ങ്ങ​ളി​ല്‍ ഏ​തു​ സാ​ഹ​ച​ര്യ​ത്തി​ലും സ​മ​യ​ത്തും കൃ​ത്യ​മാ​യ നേ​രി​ട്ടു​ള്ള പ​രി​ശോ​ധ​ന​യു​മു​ണ്ടാ​കു​മെ​ന്നും സൂ​ചി​പ്പി​ക്കു​ന്നു.

വി​ദ്യാ​ഭ്യാ​സ സ്ഥാ​പ​ന​ങ്ങ​ള്‍ വി​ദേ​ശ​വി​ദ്യാ​ര്‍​ഥി​ക​ളെ ര​ജി​സ്റ്റ​ര്‍ ചെ​യ്താ​ൽ അ​ധി​കാ​രി​ക​ളെ വി​ശ​ദാം​ശ​ങ്ങ​ള്‍ കൃ​ത്യ​മാ​യി അ​റി​യി​ക്കേ​ണ്ട​താ​ണ്. പ​ഠ​ന​വീ​സ​യു​ടെ കാ​ലാ​വ​ധി പൂ​ര്‍​ത്തി​യാ​ക്കി​യ​തി​നു​ശേ​ഷം വി​ദേ​ശ​വി​ദ്യാ​ർ​ഥി​ക​ൾ സ്വ​ദേ​ശ​ത്തേ​ക്കു മ​ട​ങ്ങി​പ്പോ​യെ​ന്നു സ്ഥാ​പ​ന​ങ്ങ​ള്‍ ഉ​റ​പ്പാ​ക്ക​ണം. പ​ഠ​ന​ത്തി​നാ​യി എ​ത്തു​ന്ന​വ​രെ നി​രീ​ക്ഷി​ക്കാ​നു​ള്ള പ്ര​ത്യേ​ക സ​ര്‍​ക്കാ​ര്‍ സം​വി​ധാ​ന​വു​മു​ണ്ടാ​കും. അ​ഫ്ഗാ​നി​സ്ഥാ​ന്‍, പാ​ക്കി​സ്ഥാ​ന്‍, ബം​ഗ്ലാ​ദേ​ശ്, ശ്രീ​ല​ങ്ക, ഇ​റാ​ന്‍ ഉ​ള്‍​പ്പെ​ടെ​യു​ള്ള രാ​ജ്യ​ങ്ങ​ളി​ല്‍​നി​ന്ന് ഇ​ന്ത്യ​യി​ലെ​ത്തു​ന്ന​വ​രാ​ണു നി​ല​വി​ൽ ഭൂ​രി​ഭാ​ഗം വി​ദേ​ശ വി​ദ്യാ​ര്‍​ഥി​ക​ളും. പ​ഠ​നം മാ​ത്ര​മാ​ണ് ഇ​വ​രു​ടെ ല​ക്ഷ്യ​മെ​ന്ന് ഉ​റ​പ്പാ​ക്കേ​ണ്ട ഉ​ത്ത​ര​വാ​ദി​ത്വം സ്ഥാ​പ​ന​ങ്ങ​ള്‍ ന​ട​ത്തു​ന്ന​വ​ര്‍​ക്കു​ണ്ടാ​യി​രി​ക്കും.

വ​കു​പ്പ് 10 പ്ര​കാ​രം ഇ​ന്ത്യ​യി​ല്‍ താ​മ​സി​ച്ച് വൈ​ദ്യ​സ​ഹാ​യം സ്വീ​ക​രി​ക്കു​ന്ന ഏ​തൊ​രു വി​ദേ​ശി​യെ​ക്കു​റി​ച്ചും അ​വ​രു​ടെ സ​ഹാ​യി​യെ​ക്കു​റി​ച്ചും ര​ജി​സ്ട്രേ​ഷ​ന്‍ ഓ​ഫീ​സ​റെ അ​റി​യി​ക്കേ​ണ്ട​താ​ണ്. വി​ദേ​ശ​പൗ​ര​ന്മാ​രെ പ്ര​വേ​ശി​പ്പി​ക്കു​ന്ന ആ​ശു​പ​ത്രി​ക​ള്‍​ക്കും ഇ​ത​ര മെ​ഡി​ക്ക​ല്‍ സ്ഥാ​പ​ന​ങ്ങ​ള്‍​ക്കും അ​വ​രു​ടെ രേ​ഖ​ക​ള്‍ സൂ​ക്ഷി​ക്കാ​ന്‍ നി​യ​മ​പ​ര​മാ​യ ഉ​ത്ത​ര​വാ​ദി​ത്വ​മു​ണ്ട്. ഇ​ങ്ങ​നെ ചി​കി​ത്സ​യ്ക്കാ​യി എ​ത്തു​ന്ന വി​ദേ​ശി​ക​ളെ ട്രാ​ക്ക് ചെ​യ്യാ​നും വീ​സ ദു​രു​പ​യോ​ഗം ത​ട​യാ​നും നി​ര്‍​ദി​ഷ്ട​ബി​ല്ലി​ല്‍ വ​കു​പ്പു​ക​ളു​ണ്ട്. ആ​ശു​പ​ത്രി​ക​ളി​ല്‍ ചി​കി​ത്സ​ക​ള്‍​ക്കു​ വ​രു​ന്ന വി​ദേ​ശ​പൗ​ര​ന്മാ​രു​മാ​യി ബ​ന്ധ​പ്പെ​ടു​ന്ന​വ​രെ​യും സ​ര്‍​ക്കാ​രി​ന്‍റെ നി​രീ​ക്ഷ​ണ​വ​ല​യ​ത്തി​ലാ​ക്കും.

വീ​സ, പാ​സ്പോ​ര്‍​ട്ട് നി​യ​മ​ങ്ങ​ള്‍

വീ​സ, പാ​സ്പോ​ര്‍​ട്ട്, വി​ദേ​ശി​ക​ളു​ടെ ര​ജി​സ്ട്രേ​ഷ​ന്‍ എ​ന്നി​വ​യി​ല്‍ കൂ​ടു​ത​ല്‍ നി​യ​ന്ത്ര​ണ​ങ്ങ​ളും ക​ര​ടു​ബി​ല്ലി​ല്‍ നി​ര്‍​ദേ​ശി​ക്കു​ന്നു​ണ്ട്. ഇ​ന്ത്യ​ന്‍ വീ​സ ല​ഭി​ക്കു​ന്ന​തി​നു ക​ര്‍​ശ​ന​മാ​യ നി​യ​ന്ത്ര​ണ വ്യ​വ​സ്ഥ​ക​ളു​ണ്ടാ​കും. ഹ്ര​സ്വ​കാ​ല​ത്തേക്ക് ഇ​ന്ത്യ സ​ന്ദ​ര്‍​ശി​ക്കാ​നെ​ത്തു​ന്ന​വ​രും ദീ​ര്‍​ഘ​കാ​ല താ​മ​സ​ത്തി​നെ​ത്തു​ന്ന​വ​രും അ​വ​ര്‍ ഇ​ന്ത്യ​യി​ലാ​യി​രി​ക്കു​ന്ന കാ​ല​ത്തോ​ളം സ​ര്‍​ക്കാ​രി​ന്‍റെ​യും രാ​ജ്യ​സു​ര​ക്ഷാ ഉ​ദ്യോ​ഗ​സ്ഥ​രു​ടെ​യും പ​രി​പൂ​ര്‍​ണ നി​രീ​ക്ഷ​ണ​ത്തി​ലും നി​യ​ന്ത്ര​ണ​ത്തി​ലു​മാ​യി​രി​ക്കും.

ഉ​ദ്യോ​ഗ​സ്ഥ​ര്‍​ക്ക് അ​ധി​കാ​ര​ങ്ങ​ള്‍

നി​യ​മ​വി​രു​ദ്ധ കു​ടി​യേ​റ്റ​ക്കാ​രെ ക​സ്റ്റ​ഡി​യി​ലെ​ടു​ക്കാ​നും അ​വ​രെ​ക്കു​റി​ച്ച് അ​ന്വേ​ഷി​ക്കാ​നും ആ​വ​ശ്യ​മെ​ങ്കി​ല്‍ നാ​ടു​ക​ട​ത്താ​നും ഇ​മി​ഗ്രേ​ഷ​ന്‍ ഉ​ദ്യോ​ഗ​സ്ഥ​ന് പ​രി​പൂ​ര്‍​ണ അ​ധി​കാ​രം പു​തി​യ നി​യ​മ​ത്തി​ലു​ണ്ടാ​കും. ഇ​ന്ത്യ​യി​ലേ​ക്കു ക​ട​ന്നു​വ​രു​ന്ന വി​ദേ​ശി​ക​ളു​ടെ നീ​ക്ക​ങ്ങ​ള്‍ നി​യ​ന്ത്രി​ക്കാനും ഇ​മി​ഗ്രേ​ഷ​ൻ ഉ​ദ്യോ​ഗ​സ്ഥ​ർ​ക്ക് പു​തി​യ നി​യ​മം അ​ധി​കാ​രം ന​ല്‍​കു​ന്നു. രാ​ജ്യ​സു​ര​ക്ഷ​യ്ക്ക് അ​പ​ക​ട​സാ​ധ്യ​ത​യു​ണ്ടെ​ന്ന് തോ​ന്നു​ന്ന​പ​ക്ഷം പ്ര​വേ​ശ​നം നി​ഷേ​ധി​ക്കാ​ൻ കൂ​ടു​ത​ല്‍ ഉ​ത്ത​ര​വാ​ദി​ത്വ​വും ന​ല്‍​കു​ന്നു. അ​തി​ര്‍​ത്തി സു​ര​ക്ഷ​യും ആ​ഭ്യ​ന്ത​ര നി​രീ​ക്ഷ​ണ സം​വി​ധാ​ന​ങ്ങ​ളും ശ​ക്തി​പ്പെ​ടു​ത്തേ​ണ്ട അ​വ​ശ്യ​ക​ത​യി​ലേ​ക്കും മൈ​ഗ്രേ​ഷ​ന്‍ നി​മ​യ​ത്തി​ന്‍റെ ക​ര​ട് ബി​ല്‍ വി​ര​ല്‍​ചൂ​ണ്ടു​ന്നു.


ടൂ​ർ ഓ​പ​റേ​റ്റ​ര്‍​മാ​രും ഉ​ത്ത​ര​വാ​ദി​ക​ള്‍

ഇ​ന്ത്യ​യി​ലേ​ക്ക് അ​ന​ധി​കൃ​ത വി​ദേ​ശി​ക​ളെ​ത്തി​യാ​ല്‍ അ​വ​രെ കൊ​ണ്ടു​വ​രു​ന്ന ട്രാ​വ​ല്‍, ടൂ​ര്‍ ഓ​പ​റേ​റ്റ​ര്‍​മാ​രാ​യി​രി​ക്കും പ്ര​ധാ​ന ഉ​ത്ത​ര​വാ​ദി​ക​ളെ​ന്നും പു​തി​യ ബി​ല്ലി​ലു​ണ്ട്. വി​മാ​ന ക​മ്പ​നി​ക​ള്‍, ഷി​പ്പിം​ഗ് ക​മ്പ​നി​ക​ള്‍, വി​വി​ധ ടൂ​ര്‍ ഓ​പ​റേ​റ്റ​ര്‍​മാ​ര്‍, ഗ​താ​ഗ​ത ഏ​ജ​ന്‍​സി​ക​ള്‍ എ​ന്നി​വ​ര്‍ യാ​ത്ര​ക്കാ​രു​ടെ രേ​ഖ​ക​ള്‍ അ​വ​ര്‍ ഇ​ന്ത്യ​യി​ലേ​ക്ക് യാ​ത്ര​തി​രി​ക്കു​ന്ന​തി​നു മു​ന്പേ പ​രി​ശോ​ധി​ച്ച് ഉ​റ​പ്പു​വ​രു​ത്ത​ണം. നി​യ​മ​ലം​ഘ​നം ക​ണ്ടെ​ത്തി​യാ​ല്‍ ശി​ക്ഷാ​ന​ട​പ​ടി​ക​ളു​ണ്ടാ​കും. അ​ന്താ​രാ​ഷ്‌ട്ര യാ​ത്രാ​മാ​ന​ദ​ണ്ഡ​ങ്ങ​ള്‍ പാ​ലി​ച്ച് ഇ​ന്ത്യ​യി​ലേ​ക്കു​ള്ള നി​യ​മ​വി​രു​ദ്ധ പ്ര​വേ​ശ​നം ത​ട​യു​വാ​ന്‍ ഓ​പ​റേ​റ്റ​ര്‍​മാ​ര്‍ ശ്ര​ദ്ധി​ക്ക​ണ​മെ​ന്നും ബി​ല്ലി​ല്‍ അ​നു​ശാ​സി​ക്കു​ന്നു.

ക​ര​ട് വ​കു​പ്പ് 17 പ്ര​കാ​രം ഇ​ന്ത്യ​യി​ല്‍ വി​മാ​ന​മി​റ​ക്കു​ന്ന വി​മാ​ന​ക്ക​മ്പ​നി​യും ഇ​ന്ത്യ​ന്‍ ക​ട​ല്‍​ത്തീ​ര​ത്ത് (തു​റ​മു​ഖം) എ​ത്തി​ച്ചേ​രു​ന്ന ക​പ്പ​ലു​ക​ളും മ​റ്റേ​തു ഗ​താ​ഗ​ത മാ​ര്‍​ഗ​ത്തി​ലൂ​ടെ​യാ​ണെ​ങ്കി​ലും മ​റ്റൊ​രു രാ​ജ്യ​ത്തു​നി​ന്ന് ക​ട​ന്നു​വ​രു​ന്ന​വ​രു​ണ്ടെ​ങ്കി​ല്‍ അ​വ​രു​മാ​യി എ​ത്തു​ന്ന​വ​ര്‍ യാ​ത്ര​ക്കാ​രു​ടെ​യും ജീ​വ​ന​ക്കാ​രു​ടെ​യും പൂ​ര്‍​ണ​വി​വ​ര​ങ്ങ​ള്‍ മു​ന്‍​കൂ​ട്ടി ന​ല്‍​ക​ണ​മെ​ന്ന് സൂ​ചി​പ്പി​ക്കു​ന്നു.

ആ​ശ​ങ്ക​ക​ള്‍ ഇ​ങ്ങ​നെ

കു​ടി​യേ​റ്റ​വും വി​ദേ​ശി​ക​ളും ബി​ല്‍ 2025നെ​ക്കു​റി​ച്ചു​ള്ള ആ​ശ​ങ്ക​ക​ൾ വി​വി​ധ കോ​ണു​ക​ളി​ല്‍ നി​ന്നു​യ​രു​ന്നു​ണ്ട്. വി​ദേ​ശ​ത്തു​നി​ന്ന് ഇ​ന്ത്യ​യി​ല്‍ കു​ടി​യേ​റി ദീ​ര്‍​ഘ​കാ​ല​മാ​യി താ​മ​സി​ക്കു​ക​യും ഇ​ന്ത്യ​യി​ൽ അ​ഭ​യം തേ​ടു​ക​യും ചെ​യ്ത​വ​ര്‍ നാ​ടു​ക​ട​ത്ത​ലി​ന് വി​ധേ​യ​രാകു​മ്പോ​ള്‍ ഒ​രു ജ​ന്മം മു​ഴു​വ​ന്‍ അ​വ​ര്‍ നേ​ടി​യെ​ടു​ത്ത അ​ധ്വാ​ന​ങ്ങ​ള്‍ ന​ഷ്ട​പ്പെ​ടു​ക മാ​ത്ര​മ​ല്ല ഒ​ന്നു​മി​ല്ലാ​തെ പെ​രു​വ​ഴി​യി​ലേ​ക്കി​റ​ങ്ങേ​ണ്ടി​യും വ​രി​ല്ലേ എ​ന്ന ആ​ശ​ങ്ക സ്വാ​ഭാ​വി​ക​മാ​ണ്. ഇ​വ​രെ നാ​ടു​ക​ട​ത്തു​ന്ന​ത് മ​നു​ഷ്യാ​വ​കാ​ശ​ധ്വം​സ​ന​മ​ല്ലേ​യെ​ന്ന ചോ​ദ്യ​വും ഉ​യ​ര്‍​ന്നേ​ക്കാം.

പു​തി​യ ക​ര​ട് നി​ര്‍​ദേ​ശം നി​യ​മ​മാ​കു​മ്പോ​ള്‍ അ​തേ​രീ​തി​യി​ല്‍ അ​നു​സ​രി​ക്കാന്‍ ഇ​ന്ത്യ​യി​ലെ വി​ദ്യാ​ഭ്യാ​സ​സ്ഥാ​പ​ന​ങ്ങ​ള്‍​ക്കും ആ​ശു​പ​ത്രി​ക​ള്‍​ക്കും ക​ട​മ​യു​ണ്ട്. അ​തേ​സ​മ​യം, പ്രാ​രം​ഭ​ഘ​ട്ട​ത്തി​ൽ ബു​ദ്ധി​മു​ട്ട് അ​നു​ഭ​വ​പ്പെ​ടാ​നു​ള്ള സാ​ധ്യ​ത​യു​മു​ണ്ട്. ക​ര്‍​ക്ക​ശ​നി​യ​മ​ങ്ങ​ള്‍ വി​ദേ​ശ വി​ദ്യാ​ര്‍​ഥി​ക​ളു​ടെ വ​ര​വ് കു​റ​ച്ചേ​ക്കാം. ക​ർ​ക്ക​ശ നി​യ​മ​ത്തി​ന്‍റെ മ​റ​വി​ല്‍ ഉ​ദ്യോ​ഗ​സ്ഥ​ര്‍ ഉ​യ​ര്‍​ത്തു​ന്ന അ​നാ​വ​ശ്യ ത​ട​സ​വാ​ദ​ങ്ങ​ള്‍ വി​ദേ​ശ​വി​ദ്യാ​ര്‍​ഥി​ക​ളു​ടെ പ്ര​വേ​ശ​നം ത​ട​സ​പ്പെ​ടു​ത്താം. മെ​ഡി​ക്ക​ല്‍ ടൂ​റി​സ്റ്റു​ക​ളു​ടെ വ​ര​വും ക്ര​മേ​ണ കു​റ​യാം.

അ​ന​ധി​കൃ​ത​ര്‍​ക്കെ​തി​രേ രാ​ജ്യ​ങ്ങ​ള്‍

വി​വി​ധ രാ​ജ്യ​ങ്ങ​ളി​ൽ ആ​ഭ്യ​ന്ത​ര​സു​ര​ക്ഷി​ത്വ​ത്തി​ന് വെ​ല്ലു​വി​ളി​ക​ള്‍ ഉ​യ​രു​ന്ന സം​ഭ​വ​ങ്ങ​ള്‍ സ്ഥി​ര​മാ​യി ആ​വ​ര്‍​ത്തി​ക്കു​ന്നു. പ​ല​പ്പോ​ഴും പി​ന്നി​ലാ​രെ​ന്ന ചോ​ദ്യം എ​ത്തി​ച്ചേ​രു​ന്ന​ത് വി​ദേ​ശ പൗ​ര​ന്മാ​രി​ലാ​യി​രി​ക്കു​ന്ന ആ​നു​കാ​ലി​ക സം​ഭ​വ​ങ്ങ​ള്‍ നി​ര​വ​ധി​യു​ണ്ട്.

ബം​ഗ്ലാ​ദേ​ശ്, മ്യാ​ന്‍​മ​ര്‍, പാ​ക്കി​സ്ഥാ​ന്‍, ശ്രീ​ല​ങ്ക, ഭൂ​ട്ടാ​ന്‍, നേ​പ്പാ​ള്‍, മാ​ലി​ദ്വീ​പ് തു​ട​ങ്ങി അ​യ​ല്‍​രാ​ജ്യ​ങ്ങ​ളി​ല്‍നി​ന്ന് യാ​തൊ​രു രേ​ഖ​ക​ളു​മി​ല്ലാ​തെ ഇ​ന്ത്യ​യി​ലെ​ത്തു​ന്ന​വ​രു​ടെ എ​ണ്ണ​വും ഞെ​ട്ടി​ക്കു​ന്ന​താ​ണ്.

രാ​ജ്യ​ദ്രോ​ഹി​ക​ളും ഭീ​ക​ര​വാ​ദി​ക​ളും

അ​ന​ധി​കൃ​ത കു​ടി​യേ​റ്റം പ​ല​പ്പോ​ഴും ജോ​ലി​തേ​ടി​യു​ള്ള​താ​യി​രി​ക്ക​ണ​മെ​ന്നി​ല്ല. രാ​ജ്യ​ദ്രോ​ഹ സം​ഘ​ട​ന​ക​ളു​ടെ പ​ങ്കാ​ളി​ക​ളും ഭീ​ക​ര​വാ​ദ പ്ര​സ്ഥാ​ന​ങ്ങ​ളു​മാ​യി ബ​ന്ധ​പ്പെ​ട്ട​വ​രും ഇ​ക്കൂ​ട്ട​ത്തി​ലു​ണ്ട്. ക​ട​ല്‍​ത്തീ​ര​ങ്ങ​ളി​ലൂ​ടെ സു​ര​ക്ഷാ ഉ​ദ്യോ​ഗ​സ്ഥ​രു​ടെ ക​ണ്ണു​വെ​ട്ടി​ച്ച് ഇ​ന്ത്യ​യി​ലെ​ത്തു​ന്ന​വ​രു​മു​ണ്ട്. ബം​ഗ്ലാ​ദേ​ശി​ല്‍​നി​ന്ന് ന​ദി​ക​ട​ന്നെ​ത്തു​ന്ന​വ​രി​ല്‍ ബം​ഗ്ലാ​ദേ​ശു​കാ​ര്‍ മാ​ത്ര​മ​ല്ല മ്യാ​ന്‍​മ​റി​ലെ തീ​വ്ര​വാ​ദ സം​ഘ​ട​ന​യി​ല്‍​പ്പെ​ട്ട​വ​രു​മു​ണ്ടെ​ന്ന് ക​ണ്ടെ​ത്തി​യ​താ​ണ്. ഇ​വ​ര്‍​ക്കൊ​ക്കെ വ്യാ​ജ​രേ​ഖ ഉ​ണ്ടാ​ക്കി​ക്കൊ​ടു​ക്കു​ന്ന വ​ന്‍​സം​ഘ​ങ്ങ​ളും രാ​ജ്യ​വി​രു​ദ്ധ കേ​ന്ദ്ര​ങ്ങ​ളും ഇ​ന്ത്യ​യി​ലു​ണ്ട്.

അ​ന​ധി​കൃ​ത​ര്‍ ശി​ക്ഷി​ക്ക​പ്പെ​ടും

1. പാ​സ്പോ​ര്‍​ട്ടോ വീ​സ​യോ കൂ​ടാ​തെ ഇ​ന്ത്യ​യി​ല്‍ പ്ര​വേ​ശി​ക്കു​ന്ന വി​ദേ​ശി​ക​ള്‍​ക്ക് അ​ഞ്ചു​വ​ര്‍​ഷം വ​രെ ത​ട​വും അ​ഞ്ചു​ല​ക്ഷം രൂ​പ വ​രെ പി​ഴ​യും

2. വ്യാ​ജ പാ​സ്പോ​ര്‍​ട്ടി​ന് ശി​ക്ഷ ര​ണ്ടു​വ​ര്‍​ഷ​ത്തി​ല്‍ നി​ന്ന് ഏ​ഴു വ​ര്‍​ഷ​മാ​യി ഉ​യ​ര്‍​ത്തും. പ​ത്തു​ല​ക്ഷം വ​രെ പി​ഴ വേ​റെ​യും.

3. മ​തി​യാ​യ രേ​ഖ​ക​ളി​ല്ലാ​തെ വി​ദേ​ശി​ക​ളെ സ​ഞ്ചാ​ര​ത്തി​നു സ​ഹാ​യി​ക്കു​ന്ന കാ​രി​യേ​ഴ്സി​ന് അ​ഞ്ചു​ല​ക്ഷം രൂ​പ​വ​രെ പി​ഴ. പി​ഴ​യ​ട​ച്ചി​ല്ലെ​ങ്കി​ല്‍ വി​ദേ​ശി സ​ഞ്ച​രി​ക്കു​ന്ന വാ​ഹ​നം (​ക​പ്പ​ലാ​യാ​ലും വി​മാ​ന​മാ​യാ​ലും) പി​ടി​ച്ചെ​ടു​ക്കു​ക​യോ ത​ട​ങ്ക​ലി​ല്‍ വ​യ്ക്കു​ക​യോ ചെ​യ്യാം.

4. വീ​സ കാ​ലാ​വ​ധി ക​ഴി​ഞ്ഞ് രാ​ജ്യ​ത്തു ത​ങ്ങി​യാ​ല്‍ മൂ​ന്നു​ വ​ര്‍​ഷം ത​ട​വും മൂ​ന്നു​ല​ക്ഷം രൂ​പ പി​ഴ​യും.