ക​ട​ൽ ഒ​ന്നു ച​ത്തു​കി​ട്ട​ണ​മെ​ന്നാ​ണ്
ക​ട​ൽ​പ​ക്ഷി​ക​ളു​ടെ ആ​ഗ്ര​ഹം
അ​തി​ന്‍റെ ശ​രീ​ര​ത്തി​ൽ​നി​ന്നും
മു​ത്തു​ക​ൾ കൊ​ത്തി​യെ​ടു​ക്കാ​ലോ
ച​പ്പി​യീ​മ്പി ര​സി​ക്കാ​ലോ...
എ​ന്നാ​ൽ മീ​നു​ക​ൾ ക​ട​ലി​നെ ചാ​വാ​ൻ സ​മ്മ​തി​ക്കി​ല്ല
അ​വ സ്വ​ന്തം പ്രാ​ണ​നി​ൽനി​ന്ന്
ഓ​രോ വീ​തം ക​ട​ലി​നു കൊ​ടു​ക്കു​ന്നു.
അ​ന​ന്ത​കോ​ടി മീ​നു​ക​ളു​ടെ
ആ​യു​സി​നാ​ൽ തു​ന്നി​യ നീ​ല​വ​സ്ത്ര​മ​ണി​ഞ്ഞ്‌
ക​ട​ൽ നൃ​ത്തം ചെ​യ്യു​ന്നു...
(ക​ട​ൽ​പ്പ​ക്ഷി​ക​ൾ- ശ്രീ​കു​മാ​ർ ക​രി​യാ​ട്)

ക​ട​ലാ​ഴ​ങ്ങ​ളി​ലേ​ക്കു​പോ​ലും ക​ച്ച​വ​ട​ക്ക​ണ്ണെ​റി​യാ​നും സ്വാ​ഭാ​വി​ക​മാ​യ ക​ട​ൽ​വി​ഭ​വ​ങ്ങ​ൾ കൊ​ത്തി​പ്പ​റി​ച്ചു ക​വ​രാ​നും ക​രു​ക്ക​ൾ​ നീ​ക്കി കാ​ത്തി​രി​ക്കു​ന്ന​വ​ർ​ക്കു ക​ട​ലി​നോ​ടു മ​ത്സ്യ​ങ്ങ​ൾ​ക്കു​ള്ള ക​രു​ത​ലെ​ങ്കി​ലും ഉ​ണ്ടാ​ക​ണം. ന​മ്മു​ടെ ഭൂ​മി, ന​മ്മു​ടെ ക​ട​ൽ, ന​മ്മു​ടെ ആ​കാ​ശം... അ​തി​ലേ​ക്കാ​ണി​നി പു​തു​കാ​ല കോ​ർ​പ​റേ​റ്റ് ക​ച്ച​വ​ട​ക്കാ​ർ ക​ണ്ണും​ന​ട്ടി​രി​ക്കു​ന്ന​ത്.

ക​ട​ലോ​ര​ത്തെ പു​ലി​മു​ട്ടി​ലി​രു​ന്നു തി​ര​ക​ളി​ലേ​ക്കു പ്ലാ​സ്റ്റി​ക് ചൂ​ണ്ട​യി​ട്ടു കൊ​ച്ചു​മീ​നു​ക​ൾ കി​ട്ടാ​ൻ കാ​ത്തി​രി​ക്കു​ന്ന കു​ട്ടി മു​ത​ൽ, ബോ​ട്ടു​ക​ളി​ൽ ആ​ഴ​ക്ക​ട​ലി​ലേ​ക്കു ചാ​ക​ര തേ​ടി​പ്പോ​കു​ന്ന മ​ത്സ്യ​ത്തൊ​ഴി​ലാ​ളി​ക​ൾ​വ​രെ, ക​ട​ലി​ന്‍റെ രൂ​പ​മാ​റ്റ​ങ്ങ​ളെ ആ​ശ​ങ്ക​യോ​ടെ നോ​ക്കി​ക്കാ​ണു​ന്ന​വ​രാ​ണ്. ക​ട​ലി​ന്‍റെ മാ​റ്റം ത​ങ്ങ​ളു​ടെ വ​രു​മാ​ന​ത്തെ​യും ജീ​വി​ത​ങ്ങ​ളെ​യും സ്വാ​ധീ​നി​ക്കു​മെ​ന്ന​വ​ർ​ക്ക​റി​യാം.

ക​ട​ലാ​ഴ​ങ്ങ​ളെ ഉ​ഴു​തു​മ​റി​ക്കാ​ൻ സ​ന്നാ​ഹ​മൊ​രു​ക്കു​ന്ന ക​ട​ൽ​മ​ണ​ൽ ഖ​ന​ന​ത്തി​ലേ​ക്ക് അ​ധി​കാ​രി​ക​ളും സ്വ​കാ​ര്യ​ക​ന്പ​നി​ക​ളു​മെ​ല്ലാം നീ​ങ്ങു​ന്പോ​ൾ, കേ​ര​ള​ത്തി​ന്‍റെ തീ​ര​മാ​കെ ആ​ശ​ങ്ക​ക​ളു​ടെ വേ​ലി​യേ​റ്റ​മാ​ണ്.

ഖ​ന​ന​ത്തി​ലും സം​സ്ഥാ​ന-കേ​ന്ദ്ര പോ​ര്

ക​ട​ല്‍​മ​ണ​ല്‍ ഖ​ന​ന​ത്തി​ല്‍ ഇ​പ്പോ​ഴ​ത്തെ ന​ട​പ​ടി​ക​ള്‍ കേ​ന്ദ്ര​സ​ര്‍​ക്കാ​രി​ന്‍റേ​തെ​ങ്കി​ലും സം​സ്ഥാ​ന സ​ര്‍​ക്കാ​രി​ന്‍റെ നി​ല​പാ​ടും ച​ര്‍​ച്ച​യാ​വു​ന്നു​ണ്ട്. കേ​ര​ള​തീ​രം ക​ട​ല്‍​മ​ണ​ല്‍ ഖ​ന​ന​ത്തി​നു വി​ട്ടു​കൊ​ടു​ത്ത് സം​സ്ഥാ​ന സ​ര്‍​ക്കാ​ര്‍ മ​ത്സ്യ​ത്തൊ​ഴി​ലാ​ളി​ക​ളു​ടെ​യും തീ​ര​ദേ​ശ​ങ്ങ​ളു​ടെ​യും താ​ത്പ​ര്യ​ങ്ങ​ളെ ബ​ലി​കൊ​ടു​ക്കു​ന്നു​വെ​ന്നാ​ണ് ഒ​രു വി​ഭാ​ഗ​ത്തി​ന്‍റെ ആ​രോ​പ​ണം.

തീ​ര​ത്തു​നി​ന്നു 12 നോ​ട്ടി​ക്ക​ല്‍ മൈ​ല്‍​ വ​രെ സു​ഗ​മ​മാ​യി മ​ത്സ്യ​ബ​ന്ധ​നം ഉ​റ​പ്പാ​ക്കാ​നും മ​ത്സ്യ​ത്തൊ​ഴി​ലാ​ളി​ക​ളു​ടെ ഉ​പ​ജീ​വ​നം സാ​ധ്യ​മാ​ക്കാ​നു​മു​ള്ള ഉ​ത്ത​ര​വാ​ദി​ത്തം അ​ത​തു സം​സ്ഥാ​ന സ​ര്‍​ക്കാ​രു​ക​ള്‍​ക്കാ​ണ്. നി​ര്‍​ദി​ഷ്‌​ട ക​ട​ല്‍​ഖ​ന​ന​ത്തി​നു പ​ദ്ധ​തി​യി​ട്ടി​ട്ടു​ള്ള​ത് 12 നോ​ട്ടി​ക്ക​ല്‍ മൈ​ലി​നു പു​റ​ത്താ​ണെ​ന്ന​തി​നാ​ല്‍ ഇ​തി​ലെ ന​ട​പ​ടി​ക​ള്‍ ത​ങ്ങ​ള്‍ തീ​രു​മാ​നി​ക്കു​മെ​ന്ന നി​ല​പാ​ടി​ലാ​ണു കേ​ന്ദ്ര​സ​ര്‍​ക്കാ​ര്‍. ക​ട​ല്‍​മ​ണ​ല്‍ ഖ​ന​ന​ത്തോ​ടെ ഇ​ന്ത്യ​യു​ടെ ധാ​തു​ലേ​ല ഭൂ​പ​ട​ത്തി​ല്‍ (മി​ന​റ​ല്‍ ഓ​ക‌്ഷ​ന്‍ മാ​പ്) കേ​ര​ള​വും ഇ​ടം ​നേ​ടു​മെ​ന്നാ​ണ് കേ​ന്ദ്ര​ത്തി​ന്‍റെ വാ​ഗ്ദാ​നം.

12 നോ​ട്ടി​ക്ക​ല്‍ മൈ​ലി​നു​ള്ളി​ലെ മ​ത്സ്യ​ബ​ന്ധ​ന​ത്തെ​യും തൊ​ഴി​ലാ​ളി​ക​ളു​ടെ ജീ​വി​ത​ങ്ങ​ളെ​യും സ്വാ​ധീ​നി​ക്കു​ന്ന വി​ഷ​യ​മെ​ന്ന നി​ല​യി​ല്‍ സം​സ്ഥാ​ന​ സ​ര്‍​ക്കാ​ര്‍ കൃ​ത്യ​മാ​യ ഇ​ട​പെ​ട​ല്‍ ന​ട​ത്ത​ണ​മെ​ന്ന അ​ഭി​പ്രാ​യം വി​വി​ധ തൊ​ഴി​ലാ​ളി സം​ഘ​ട​ന​ക​ള്‍ ചൂ​ണ്ടി​ക്കാ​ട്ടി​യി​രു​ന്നു.

എ​തി​ര്‍​പ്പ​റി​യി​ച്ച് കേ​ര​ളം

ക​ട​ല്‍​മ​ണ​ല്‍ ഖ​ന​ന​ത്തി​നെ​തി​രേ കേ​ര​ളം കേ​ന്ദ്ര​ത്തി​നു നേ​ര​ത്തെ ക​ത്തു ന​ല്‍​കി​യി​ട്ടു​ണ്ട്. ദി ​ഓ​ഫ്‌​ഷോ​ര്‍ ഏ​രി​യാ​സ് മി​ന​റ​ല്‍ (ഡെ​വ​ല​പ്‌​മെ​ന്‍റ് ആ​ന്‍​ഡ് റെഗു​ലേ​ഷ​ന്‍) ച​ട്ടം ഭേ​ദ​ഗ​തി ചെ​യ്ത​തി​ല്‍ എ​തി​ര്‍​പ്പു വ്യ​ക്ത​മാ​ക്കി 2023 മാ​ര്‍​ച്ച് 11നാ​ണു സം​സ്ഥാ​നം ക​ത്തു ന​ല്‍​കി​യ​ത്.

മ​ത്സ്യ, തു​റ​മു​ഖ വ​കു​പ്പ് പ്രി​ന്‍​സി​പ്പ​ല്‍ സെ​ക്ര​ട്ട​റി കേ​ന്ദ്ര ഖ​ന​ന​ മ​ന്ത്രാ​ലയ​ത്തി​നാ​ണ് ഇ​തു സം​ബ​ന്ധി​ച്ച ക​ത്തു കൈ​മാ​റി​യ​തെ​ന്നു സ​ര്‍​ക്കാ​ര്‍ വ്യ​ക്ത​മാ​ക്കു​ന്നു. ക​ട​ലി​ല്‍ ഖ​ന​നം അ​നു​വ​ദി​ച്ചാ​ല്‍ മ​ത്സ്യ​ബ​ന്ധ​ന​മേ​ഖ​ല പ്ര​തി​സ​ന്ധി​യി​ലാ​കു​മെ​ന്നു ക​ത്തി​ല്‍ വ്യ​ക്ത​മാ​ക്കി​യി​രു​ന്നു.

2025 ജ​നു​വ​രി 11ന് ​കൊ​ച്ചി​യി​ല്‍ കേ​ന്ദ്ര ഖ​ന​ന​ മ​ന്ത്രാ​ല​യം ന​ട​ത്തി​യ റോ​ഡ്‌​ഷോ​യി​ല്‍ സം​സ്ഥാ​ന വ്യ​വ​സാ​യവ​കു​പ്പ് പ്രി​ന്‍​സി​പ്പ​ല്‍ സെ​ക്ര​ട്ട​റി ഈ ​വി​ഷ​യ​ത്തി​ലു​ള്ള കേ​ര​ള​ത്തി​ന്‍റെ നി​ല​പാ​ട് ആ​വ​ര്‍​ത്തി​ച്ചു. കൊ​ല്ല​ത്തെ ക​ട​ല്‍​മ​ണ​ല്‍ ഖ​ന​ന നീ​ക്ക​ത്തെ എ​തി​ർ​ക്കു​മെ​ന്നു മ​ന്ത്രി പി.​ രാ​ജീ​വ് നി​യ​മ​സ​ഭ​യി​ലും വ്യ​ക്ത​മാ​ക്കി​യി​രു​ന്നു. അ​തേ​സ​മ​യം, വി​ഷ​യ​ത്തി​ല്‍ നി​യ​മ​സ​ഭ​യി​ല്‍ ഭ​ര​ണ-പ്ര​തി​പ​ക്ഷ​ങ്ങ​ള്‍ ഒ​രു​മി​ച്ചു പ്ര​മേ​യം പാ​സാ​ക്കാ​ത്ത​തി​ല്‍ മ​ത്സ്യ​ത്തൊ​ഴി​ലാ​ളി സം​ഘ​ട​ന​ക​ള്‍ അ​തൃ​പ്തി​യി​ലാ​ണ്.

പ​രി​സ്ഥി​തി ആ​ഘാ​ത​ പ​ഠ​നം!

ക​ട​ലി​ലെ ഖ​ന​ന​പ​ദ്ധ​തി​ക്ക് ടെ​ണ്ട​ര്‍ ന​ട​പ​ടി​ക​ളു​മാ​യി കേ​ന്ദ്ര​സ​ര്‍​ക്കാ​ര്‍ മു​ന്നോ​ട്ടു പോ​കു​മ്പോ​ഴും, ഇ​തു സം​ബ​ന്ധി​ച്ച പ​രി​സ്ഥി​തി ആ​ഘാ​ത പ​ഠ​നം ന​ട​ത്തി​യി​ട്ടി​ല്ലെ​ന്ന ആ​ക്ഷേ​പ​വും ശ​ക്ത​മാ​ണ്. ക​ട​ലി​ലെ ആ​വാ​സ​വ്യ​വ​സ്ഥ​യെ വ​ലി​യ തോ​തി​ല്‍ ബാ​ധി​ക്കു​ന്ന വി​ഷ​യ​മെ​ന്ന നി​ല​യി​ല്‍, അ​തു സം​ബ​ന്ധി​ച്ച ശാ​സ്ത്രീ​യ​മാ​യ പ​ഠ​ന​വും റി​പ്പോ​ര്‍​ട്ടും ആ​വ​ശ്യ​മാ​ണ്.

കേ​ര​ള​ത്തി​ല്‍ ഉ​ള്‍​പ്പെ​ടെ രാ​ജ്യ​ത്തെ വി​വി​ധ തീ​ര​ങ്ങ​ളി​ല്‍ വ​ന്‍​തോ​തി​ല്‍ മ​ണ​ല്‍, ധാ​തു നി​ക്ഷേ​പ​ങ്ങ​ളു​ണ്ടെ​ന്ന ജി​യോ​ള​ജി​ക്ക​ല്‍ സ​ര്‍​വേ ഓ​ഫ് ഇ​ന്ത്യ​യു​ടെ പ​ഠ​ന​റി​പ്പോ​ര്‍​ട്ടാ​ണ് ഖ​ന​ന​ത്തി​നാ​യു​ള്ള തീ​രു​മാ​ന​ത്തി​ലേ​ക്കും തു​ട​ര്‍​ന്ന് ടെ​ണ്ട​ര്‍ ന​ട​പ​ടി​ക​ളി​ലേ​ക്കും എ​ത്തി​ച്ച​ത്. ക​ട​ല​ടി​ത്ത​ട്ടി​ലെ മ​ണ​ല്‍​നി​ക്ഷേ​പ​വും ധാ​തു​സ​മ്പ​ത്തും വ​ന്‍​തോ​തി​ല്‍ കോ​രി​യെ​ടു​ത്താ​ലു​ണ്ടാ​കു​ന്ന പാ​രി​സ്ഥി​തി​ക പ്ര​ത്യാ​ഘാ​ത​ങ്ങ​ളെ​ക്കു​റി​ച്ചു സൂ​ക്ഷ്മ​വും ശാ​സ്ത്രീ​യ​വു​മാ​യ പ​ഠ​ന​ങ്ങ​ളി​ലേ​ക്കു സ​ര്‍​ക്കാ​ര്‍ ഇ​നി​യും ക​ട​ന്നി​ട്ടി​ല്ലെ​ന്ന​ത് ആ​ശ​ങ്കാ​ജ​ന​ക​മാ​ണ്.

ഇ​തി​നി​ടെ, ക​ട​ല്‍​മ​ണ​ല്‍ ഖ​ന​നം ആ​രം​ഭി​ക്കു​ന്ന​തി​ന് മു​മ്പു കേ​ര​ള​തീ​ര​ത്തു പ​രി​സ്ഥി​തി ആ​ഘാ​ത പ​ഠ​നം ന​ട​ത്തു​മെ​ന്നു കേ​ന്ദ്ര ഖ​ന​ന ​മ​ന്ത്രാ​ല​യം സെ​ക്ര​ട്ട​റി കെ.​എ​ല്‍. കാ​ന്ത​റാ​വു ക​ഴി​ഞ്ഞ​ദി​വ​സം പ​റ​ഞ്ഞു. പ​രി​സ്ഥി​തി ആ​ഘാ​ത​പ​ഠ​നം ന​ട​ത്തി അ​തി​ന്‍റെ റി​പ്പോ​ര്‍​ട്ടും അ​നു​ബ​ന്ധ വി​ശ​ദാം​ശ​ങ്ങ​ളും തു​ട​ര്‍​ന​ട​പ​ടി​ക​ളും പൊ​തു​ജ​ന​ങ്ങ​ള്‍​ക്കു ല​ഭ്യ​മാ​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി.


ക​ട​ലി​നോ​ടും ക​രു​ത​ലു​ള്ള​വ​രാ​കാം

പ്ര​കൃ​തിക്കു​ നേ​രേയു​ള്ള ഏ​തൊ​രു ക​ട​ന്നു​ക​യ​റ്റ​വും പി​ന്നീ​ടു വ​ലി​യ തി​രി​ച്ച​ടി​ക​ൾ​ക്കു​ള്ള വ​ഴി​മ​രു​ന്നു​കൂ​ടി​യാ​ണെ​ന്ന​തി​നു ച​രി​ത്ര​ത്തി​ൽ ഉ​ദാ​ഹ​ര​ണ​ങ്ങ​ളേ​റെ​യാ​ണ്. ക​ട​ലി​ന്‍റെ ത​നി​മ​ക​ളെ ത​കി​ടം​മ​റി​ക്കാ​ൻ പ​ര്യാ​പ്ത​മാ​യ ക​ട​ൽ​ഖ​ന​ന​ത്തി​ലെ ആ​പ​ത്‌​സൂ​ച​ന​ക​ളെ, അ​തി​നു സ​ന്നാ​ഹ​ങ്ങ​ളൊ​രു​ക്കു​ന്ന അ​ധി​കാ​രി​ക​ൾ തി​രി​ച്ച​റി​യു​ക​ത​ന്നെ വേ​ണം.

പ​രി​സ്ഥി​തി​യു​ടെ നാ​ശ​ത്തെ​ക്കു​റി​ച്ച്, ഒ​എ​ൻ​വി പാ​ടി​യ​ത് (ഭൂ​മി​ക്ക് ഒ​രു ച​ര​മ​ഗീ​തം), പ്ര​കൃ​തി​യു​ടെ, ക​ട​ലി​ന്‍റെ, ആ​കാ​ശ​ത്തി​ന്‍റെ സ്വാ​ഭാ​വി​ക​ക്ര​മ​ത്തി​ലേ​ക്കു കോ​ർ​പ​റേ​റ്റ് ക​ച്ച​വ​ട​ക്ക​ണ്ണു​ക​ളു​മാ​യി ക​ട​ന്നു​ക​യ​റു​ന്ന​വ​രു​ള്ള എ​ല്ലാ കാ​ല​ത്തേ​ക്കു​മു​ള്ള ഓ​ർ​മ​പ്പെ​ടു​ത്ത​ൽ കൂ​ടി​യാ​ണ്:

“ഇ​നി​യും മ​രി​ക്കാ​ത്ത ഭൂ​മി
നി​ന്നാ​സ​ന്ന​മൃ​തി​യി​ൽ
നി​ന്ന​ക്കാ​ത്മ​ശാ​ന്തി...”

(അ​വ​സാ​നി​ച്ചു)


ഖ​ന​ന ന​ട​പ​ടി​ക​ള്‍ പു​നഃ​പ​രി​ശോ​ധി​ക്ക​ണം

കേ​ന്ദ്ര ഖ​ന​ന​ മന്ത്രാ​ല​യം ക​ട​ൽ​ഖ​ന​ന​ത്തി​നു ടെ​ണ്ട​ര്‍ ന​ട​പ​ടി​ക​ള്‍ ആ​രം​ഭി​ച്ചി​ട്ടു​ള്ള കൊ​ല്ലം, മ​ത്സ്യ​സ​മ്പ​ത്തി​നാ​ല്‍ അ​നു​ഗൃഹീ​ത​മാ​ണ്. 1961 മു​ത​ല്‍ 1965 വ​രെ ക​ട​ലി​ല്‍ പ​ര്യ​വേ​ക്ഷ​ണം ന​ട​ത്തി​യ കെ​യ​ര്‍ ലാ​ര്‍​സ​ണ്‍ എ​ന്ന നോ​ര്‍​വേ​ക്കാ​ര​നാ​ണു കൊ​ല്ലം പ​ര​പ്പി​ന്‍റെ സ​വി​ശേ​ഷ​ത ലോ​ക​ത്തി​നു​ മു​ന്നി​ല്‍ വെ​ളി​പ്പെ​ടു​ത്തു​ന്ന​ത്. വ​ര്‍​ക്ക​ല മു​ത​ല്‍ അ​മ്പ​ല​പ്പു​ഴ​ വ​രെ പ​ര​ന്നു​കി​ട​ക്കു​ന്ന കൊ​ല്ലം പ​ര​പ്പ് ഇ​ന്ത്യ​യി​ലെ ഏ​റ്റ​വും വ​ലി​യ മ​ത്സ്യ​സ​മ്പ​ത്തി​ന്‍റെ കേ​ന്ദ്ര​മാ​ണ്.

ക​ട​ലി​നെ​യും ക​ട​ലി​ലെ മ​ത്സ്യ​സ​മ്പ​ത്തി​നെ​യും ആ​ശ്ര​യി​ച്ചു ജീ​വി​തം​ ന​യി​ക്കു​ന്ന ല​ക്ഷ​ക്ക​ണ​ക്കി​നു തൊ​ഴി​ലാ​ളി​ക​ളു​ടെ ജീ​വി​ത​ത്തെ മ​റി​ക​ട​ന്നാ​ണു കേ​വ​ലം സാ​മ്പ​ത്തി​ക​നേ​ട്ട​ത്തി​നാ​യു​ള്ള ഈ ​ശ്ര​മ​ങ്ങ​ള്‍ കേ​ന്ദ്ര​സ​ര്‍​ക്കാ​ര്‍ ന​ട​ത്തു​ന്ന​ത്. പാ​രി​സ്ഥി​തി​ക ​വി​നാ​ശം എ​ന്ന​തി​ന​പ്പു​റം ല​ക്ഷ​ക്ക​ണ​ക്കി​നു മ​ത്സ്യ​ത്തൊ​ഴി​ലാ​ളി​ക​ളു​ടെ ഉ​പ​ജീ​വ​ന​സാ​ധ്യ​ത​ക​ള്‍ ന​ഷ്‌​ട​പ്പെ​ടു​ത്തു​ക​യും ചെ​യ്യും.

ഏ​തെ​ങ്കി​ലും വി​ധ​ത്തി​ലു​ള്ള പാ​രി​സ്ഥി​തി​ക, സാ​മൂ​ഹി​ക ആ​ഘാ​ത പ​ഠ​നം ന​ട​ത്തി​യ​താ​യി വെ​ളി​പ്പെ​ടു​ത്തി​യി​ട്ടി​ല്ല. ല​ക്ഷ​ക്ക​ണ​ക്കി​നു മ​ത്സ്യ​ത്തൊ​ഴി​ലാ​ളി​ക​ള്‍​ക്ക് തൊ​ഴി​ല്‍​ന​ഷ്ടം സം​ഭ​വി​ക്കു​മ്പോ​ള്‍ പു​ന​ര​ധി​വാ​സ​മോ ന​ഷ്‌​ട​പ​രി​ഹാ​ര​മോ നി​ശ്ച​യി​ക്ക​പ്പെ​ട്ടി​ട്ടി​ല്ല. ഖ​ന​നം​ ചെ​യ്യ​പ്പെ​ടു​ന്ന മ​ണ​ലി​ന്‍റെ ക​ര​യി​ലെ സം​ഭ​ര​ണ​വും അ​വ​യി​ലെ അ​വ​ശി​ഷ്‌​ട​ങ്ങ​ളും ഉ​ള​വാ​ക്കു​ന്ന ആ​ഘാ​ത​ങ്ങ​ള്‍ ച​ര്‍​ച്ച ചെ​യ്യ​പ്പെ​ട്ടി​ട്ടി​ല്ല.

ഇ​ന്ത്യ​യു​ടെ സ​മു​ദ്ര​ഭാ​ഗ​ങ്ങ​ളി​ല്‍ പ​തി​മൂ​ന്ന് ബ്ലോ​ക്കു​ക​ളി​ല്‍ ധാ​തു​സ​മ്പ​ത്ത് ഖ​ന​നം ചെ​യ്യു​ന്ന​തി​നു​ള്ള സം​യു​ക്ത ലൈ​സ​ന്‍​സ് ന​ല്കു​ന്ന​തി​നു​ള്ള ന​ട​പ​ടി​ക​ള്‍ കേ​ന്ദ്രസ​ര്‍​ക്കാ​ര്‍ പു​നഃ​പ​രി​ശോ​ധി​ക്ക​ണം. ഒ​പ്പം, വി​ഷ​യ​ത്തി​ൽ കേ​ര​ള സ​ര്‍​ക്കാ​രും അ​ടി​യ​ന്ത​ര​മാ​യി ഇ​ട​പെ​ട​ണം.

-ബി​ഷ​പ് ഡോ. ​ജെ​യിം​സ് ആ​നാ​പ​റ​ന്പി​ൽ
(ആ​ല​പ്പു​ഴ ബി​ഷ​പ്, കോ​സ്റ്റ​ല്‍ ഏ​രി​യ ഡെ​വ​ല​പ്മെ​ന്‍റ് ഏ​ജ​ന്‍​സി ഫോ​ര്‍ ലി​ബ​റേ​ഷ​ന്‍ ചെ​യ​ർ​മാ​ൻ)


തീ​ര​ജ​ന​ത​യ്ക്കൊ​പ്പം

ക​ട​ൽ​ഖ​ന​നം ന​ട​ക്കു​ന്ന​തു തീ​ര​ത്തു​നി​ന്ന് 20-30 കി​ലോ​മീ​റ്റ​ർ അ​ക​ലെ​യാ​ണെ​ങ്കി​ലും മ​ത്സ്യ​ത്തൊ​ഴി​ലാ​ളി​ക​ളെ​യും തീ​ര​വാ​സി​ക​ളെ​യും പ്ര​തി​കൂ​ല​മാ​യി ബാ​ധി​ക്കും.

ക​ട​ൽ​മ​ത്സ്യ​ങ്ങ​ളു​ടെ ആ​വാ​സ​വ്യ​വ​സ്ഥ​യെ ഖ​ന​നം ത​ട​സ​പ്പെ​ടു​ത്തും. തീ​ര​ത്തി​ന് അ​ടു​ത്തു ന​ട​ത്തു​ന്ന ഖ​ന​നം ക​ട​ലി​ന്‍റെ ആ​വാ​സ​വ്യ​വ​സ്ഥ​യെ​യും മ​ത്സ്യ​സ​മ്പ​ത്തി​നെ​യും ത​ക​ർ​ക്കു​ക​യും തീ​ര​പ്ര​ദേ​ശ​ത്തെ പ്ര​കൃ​തി​യെ ന​ശി​പ്പി​ക്കു​ക​യും ചെ​യ്യും. തീ​ര​ദേ​ശ​പ്ര​കൃ​തി​യെ ബാ​ധി​ക്കു​ന്ന ഖ​ന​നം അ​നു​വ​ദി​ക്ക​രു​ത്. ഇ​ക്കാ​ര്യ​ത്തി​ൽ തീ​ര​ദേ​ശ​ജ​ന​ത​യു​ടെ ആ​ശ​ങ്ക​ക​ൾ പ​രി​ഹ​രി​ക്ക​ണം. നി​ല​നി​ല്പി​നാ​യി പോ​രാ​ടു​ന്ന തീ​ര​ദേ​ശ​ജ​ന​ത​യ്ക്ക് എ​ല്ലാ പി​ന്തു​ണ​യു​മു​ണ്ടാ​കും.

- രാ​ജീ​വ്‌ കൊ​ച്ചു​പ​റ​മ്പി​ൽ (ക​ത്തോ​ലി​ക്ക കോ​ൺ​ഗ്ര​സ്‌ ഗ്ലോ​ബ​ൽ പ്ര​സി​ഡ​ന്‍റ്)

ചൂ​ഷ​ണ​ത്തി​നു സാ​ധ്യ​ത തു​റ​ക്കു​ന്നു

ക​ട​ൽ​ഖ​ന​ന​വും അ​തി​ന്‍റെ വ്യ​വ​സ്ഥ​ക​ളും രാ​ജ്യ​ത്തെ മു​ത​ലാ​ളി​ത്ത സാ​മ്പ​ത്തി​കശ​ക്തി​ക​ള്‍​ക്ക് ചൂ​ഷ​ണ​ത്തി​നു​ള്ള സാ​ധ്യ​ത​യൊ​രു​ക്കു​ന്ന​താ​ണ്. നീ​ല​സ​മ്പ​ദ് വ്യ​വ​സ്ഥ​യെ​ന്ന​ത്, സാ​മ്പ​ത്തി​ക​വ​ള​ര്‍​ച്ച, മെ​ച്ച​പ്പെ​ട്ട ഉ​പ​ജീ​വ​ന​മാ​ര്‍​ഗ​ങ്ങ​ളും ജോ​ലി​ക​ളും, സ​മു​ദ്ര ആ​വാ​സ​വ്യ​വ​സ്ഥ​യു​ടെ ആ​രോ​ഗ്യം എ​ന്നി​വ​യ്ക്കാ​യി സ​മു​ദ്ര​വി​ഭ​വ​ങ്ങ​ളു​ടെ സു​സ്ഥി​ര​മാ​യ ഉ​പ​യോ​ഗ​മാ​ണ്.

സ​മു​ദ്ര​വി​ഭ​വ​ങ്ങ​ളു​ടെ പ്ര​യോ​ജ​ന​ങ്ങ​ള്‍ തു​ല്യ​മാ​യി വി​ത​ര​ണം ചെ​യ്യ​പ്പെ​ടു​ന്നു​വെ​ന്നും സ​മു​ദ്ര ആ​വാ​സ​വ്യ​വ​സ്ഥ​ക​ള്‍ സം​ര​ക്ഷി​ക്ക​പ്പെ​ടു​ന്നു​വെ​ന്നും ഉ​റ​പ്പാ​ക്കു​ന്ന​തി​ന്‍റെ പ്രാ​ധാ​ന്യം ഇ​ത് എ​ടു​ത്തു​കാ​ണി​ക്കു​ന്നു.

ഈ ​സ​മീ​പ​നം സു​സ്ഥി​ര വി​ക​സ​നല​ക്ഷ്യം ഉ​ള്‍​കൊ​ള്ളു​ന്നു​ണ്ട്. ഇ​ത് സു​സ്ഥി​ര​ വി​ക​സ​നത്തി​നാ​യി സ​മു​ദ്ര​ങ്ങ​ള്‍, സ​മു​ദ്ര വി​ഭ​വ​ങ്ങ​ള്‍ എ​ന്നി​വ സം​ര​ക്ഷി​ക്കാ​നും ഉ​പ​യോ​ഗി​ക്കാ​നും ആ​വ​ശ്യ​പ്പെ​ടു​ന്നു. എ​ന്നാ​ല്‍, ക​ട​ല്‍​ധാ​തു​സ​മ്പ​ത്ത് ഖ​ന​നം ചെ​യ്യാ​നു​ള്ള ന​ട​പ​ടി​ക​ള്‍ ഏ​റെ വി​നാ​ശ​ക​ര​മാ​ണ്.

കൊ​ല്ല​ത്തെ ക​ട​ലി​ൽ ഖ​ന​നം ചെ​യ്യു​ന്ന ഘ​ട്ട​ത്തി​ൽ ധാ​തു​ഖ​ന​ന (വി​ക​സ​ന​വും നി​യ​ന്ത്ര​ണ​വും) നി​യ​മ​ത്തി​ലെ ഏ​ഴാ​മ​ത്തെ പ​ട്ടി​ക​യി​ലോ, ഒ​ന്നാ​മ​ത്തെ പ​ട്ടി​ക(​പാ​ര്‍​ട്ട് ഡി)​യി​ലോ ന​ല്കി​യി​ട്ടു​ള്ള ധാ​തു​ക്ക​ളെ ക​ണ്ടെ​ത്തി​യാ​ല്‍ ലേ​ല​ത്തു​ക​യു​ടെ പ​ത്ത് ശ​ത​മാ​നം മാ​ത്രം അ​ധി​കം ന​ൽ​കി​യാ​ല്‍ ഈ ​ധാ​തു​ക്ക​ൾ അ​വ​ർ​ക്കു സ്വ​ന്ത​മാ​ക്കാം. ഖ​ന​ന ന​ട​പ​ടി​ക​ളി​ലെ ഈ ​വ്യ​വ​സ്ഥ അ​പ​ക​ട​ക​ര​മാ​ണ്.

-ജോ​സ​ഫ് ജൂ​ഡ് (കെ​ആ​ർ​എ​ൽ​സി​സി വൈ​സ് പ്ര​സി​ഡ​ന്‍റ്, ല​ത്തീ​ൻ സ​മു​ദാ​യ​വ​ക്താ​വ്)