പു​ല്ലു​വ​ഴി. എ​റ​ണാ​കു​ളം ജി​ല്ല​യി​ലെ ഈ ​ഗ്രാ​മം പ​ല​തു​കൊ​ണ്ടും പ്ര​സി​ദ്ധ​മാ​ണ്. ഹ​ർ​ത്താ​ലു​ക​ളി​ല്ലാ​ത്ത ദേ​ശം. ക​മ്യൂ​ണി​സ​ത്തി​ന്‍റെ​യും ക്രൈ​സ്ത​വ വി​ശ്വാ​സ​ത്തി​ന്‍റെ​യും വേ​ര് ആ​ഴ​ത്തി​ലി​റ​ങ്ങി​യ മ​ണ്ണ്. സ​മ​ത്വ​ത്തി​നു​വേ​ണ്ടി പോ​രാ​ടി​യ പി. ​ഗോ​വി​ന്ദ​പി​ള്ള, പി.​കെ. വാ​സു​ദേ​വ​ൻ​നാ​യ​ർ, സ​ർ​ഗാ​ത്മ​ക​ത​യു​ടെ വേ​റി​ട്ട ശ​ബ്ദ​മാ​യ എം.​പി. നാ​രാ​യ​ണ​പി​ള്ള തു​ട​ങ്ങി​യ​വ​രു​ടെ നാ​ട്. ഈ ​സ്ഥ​ലം ക​ഴി​ഞ്ഞ 29 വ​ർ​ഷ​മാ​യി വ​ള​രെ പ്ര​സി​ദ്ധ​മാ​യി​ത്തീ​ർ​ന്ന​ത് സി​സ്റ്റ​ർ റാ​ണി മ​രി​യ​യു​ടെ ജ​ന്മ​ദേ​ശം എ​ന്ന​തു​കൊ​ണ്ടു​കൂ​ടി​യാണ്.

സ​മ​ത്വ​ത്തി​ന്‍റെ​യും വി​ശ്വാ​സ​ത്തി​ന്‍റെ​യും പ്ര​തി​ക​ര​ണ​ശേ​ഷി​യു​ടെ​യും ഈ ​രാ​ഷ്‌ട്രീ​യ, സാ​മൂ​ഹി​ക പ​ശ്ചാ​ത്ത​ലം സി​സ്റ്റ​റി​ന്‍റെ സാ​മൂ​ഹി​ക പ്ര​വ​ർ​ത്ത​ന​ങ്ങ​ൾ​ക്ക് ഊ​ർ​ജം പ​ക​ർ​ന്നു എന്നു​മാ​ത്ര​മ​ല്ല, തി​ന്മ​യ്ക്കെ​തി​രേ പൊ​രു​തി ര​ക്ത​സാ​ക്ഷി​യാ​കു​ന്ന​തി​ലേ​ക്കും ന​യി​ച്ചു. അ​വ​രു​ടെ കു​ടും​ബ​ത്തി​നു ‘ഘാ​ത​ക​നോ​ട്’ ക്ഷ​മി​ക്കാ​ൻ ക​ഴി​ഞ്ഞു എ​ന്നു​ള്ള​തും ശ്ര​ദ്ധേ​യ​മാ​യി.

1954 ജ​നു​വ​രി 29നാ​യി​രു​ന്നു റാ​ണി മ​രി​യ​യു​ടെ ജ​ന​നം. വ​ട്ടാ​ലി​ൽ പൈ​ലി​യു​ടെ​യും (പോ​ൾ) ഏ​ലീ​ശ്വാ​യു​ടെ​യും (എ​ലി​സ​ബ​ത്ത്) ര​ണ്ടാ​മ​ത്തെ കു​ട്ടി. റാ​ണി മ​രി​യ 1954 ഫെ​ബ്രു​വ​രി അ​ഞ്ചി​ന് മ​റി​യം എ​ന്ന പേ​രി​ൽ മാ​മോ​ദീ​സ സ്വീ​ക​രി​ച്ചു. മാ​താ​പി​താ​ക്ക​ളും ബ​ന്ധു​മി​ത്രാ​ദി​ക​ളും അ​വ​ളെ ‘മേ​രി​ക്കു​ഞ്ഞ്’എ​ന്ന ഓ​മ​ന​പ്പേ​രി​ട്ട് വി​ളി​ച്ചു. സ്കൂ​ളി​ലെ പേ​ര് വി.​പി. മേ​രി. സ്റ്റീ​ഫ​ൻ, മ​റി​യം (സി​സ്റ്റ​ർ റാ​ണി മ​രി​യ എ​ഇ​ഇ), ആ​നി, വ​ർ​ഗീ​സ്, ത്രേ​സ്യാ​മ്മ, സെ​ലി​ൻ (സി​സ്റ്റ​ർ സെ​ൽ​മി പോ​ൾ എ​ഇ​ഇ), ലൂ​സി എ​ന്നി​വ​രാ​ണ് പൈ​ലി​യു​ടെ​യും ഏ​ലി​ശ്വാ​യു​ടെ​യും ഏ​ഴു മ​ക്ക​ൾ. ഫ്രാ​ൻ​സി​സ്ക​ൻ ക്ലാ​ര സ​ഭ​യി​ൽ സ​ന്യാ​സ​പ​രി​ശീ​ല​നം പൂ​ർ​ത്തി​യാ​ക്കി. 1980 മേ​യ് 22ന് ​നി​ത്യ​വ്ര​ത​വാ​ഗ്ദാ​നം ന​ട​ത്തി. 1982ൽ ​സാ​മൂ​ഹ്യ​ശാ​സ്ത്ര​ത്തി​ൽ ബി​രു​ദ​വും നേ​ടി.

1992 മു​ത​ൽ ഇ​ൻ​ഡോ​ർ രൂ​പ​ത​യി​ലെ ഉ​ദ​യ​ന​ഗ​റാ​യി​രു​ന്നു റാ​ണി മ​രി​യ​യു​ടെ പ്രേ​ഷി​ത​രം​ഗം. സി​സ്റ്റ​റി​ന്‍റെ ആ​ഗ​മ​നം ഉ​ദ​യ​ന​ഗ​റി​ലെ സാ​മൂ​ഹി​ക​പ്ര​വ​ർ​ത്ത​ന​ങ്ങ​ൾ​ക്ക് പു​തു​ജീ​വ​ൻ പ്ര​ദാ​നം​ചെ​യ്തു. ഗ്രാ​മ​വാ​സി​ക​ൾ​ക്ക് അ​റി​വും തൊ​ഴി​ലും ല​ഭ്യ​മാ​ക്കി. പാ​വ​പ്പെ​ട്ട​വ​രു​ടെ ജീ​വി​ത​നി​ല​വാ​രം ഉ​യ​ർ​ത്താ​ൻ പ​ല പ​ദ്ധ​തി​ക​ൾ​ക്കും സി​സ്റ്റ​ർ രൂ​പം​കൊ​ടു​ത്തു. സ്വാ​ശ്ര​യ​ സം​ഘ​ങ്ങ​ൾ, സ​ഹ​ക​ര​ണ​ സം​ഘ​ങ്ങ​ൾ എ​ന്നി​വ​യി​ലൂ​ടെ പ​ലി​ശ​യി​ല്ലാ​തെ പ​ണം ക​ട​മെ​ടു​ക്കാ​ൻ അ​വ​രെ പ്രാ​പ്ത​രാ​ക്കി. സാ​മൂ​ഹി​കോ​ന്ന​മ​ന​ത്തി​നാ​യു​ള്ള സി​സ്റ്റ​റി​ന്‍റെ പ്ര​വ​ർ​ത്ത​ന​ങ്ങ​ൾ ആ​ളു​ക​ളെ ആ​ക​ർ​ഷി​ച്ചു. ജ​ന്മി​മാ​ർ​ക്കും വ​ട്ടി​പ്പ​ലി​ശ​ക്കാ​ർ​ക്കും വ​രു​മാ​നം കു​റ​ഞ്ഞു. സി​സ്റ്റ​ർ അ​വ​രു​ടെ പൊ​തു​ശ​ത്രു​വാ​യി.

പ്ര​ദേ​ശ​ത്തെ രോ​ഷാ​കു​ല​രാ​യ ജ​ന്മി​മാ​ർ സ​മു​ന്ദ​ർ സിം​ഗ് എ​ന്ന വാ​ട​ക​ക്കൊ​ല​യാ​ളി​യെ ഉ​പ​യോ​ഗി​ച്ച് 1995 ഫെ​ബ്രു​വ​രി 25ന് ​സി​സ്റ്റ​ർ റാ​ണി മ​രി​യ​യെ കൊ​ല​പ്പെ​ടു​ത്തു​ക​യാ​യി​രു​ന്നു. ഉ​ദ​യ​ന​ഗ​റി​ൽ​നി​ന്ന് ഇ​ൻ​ഡോ​റി​ലേ​ക്കു​ള്ള ബ​സ്‌ യാ​ത്ര​യ്ക്കി​ട​യി​ൽ ന​ച്ച​ൻ​ബോ​ർ മ​ല​യി​ൽ സ​ഹ​യാ​ത്രി​ക​ർ​ക്കു മു​ൻ​പി​ലാ​ണ് സി​സ്റ്റ​റെ വെ​ട്ടി​യും കു​ത്തി​യും ദാ​രു​ണ​മാ​യി കൊ​ല​പ്പെ​ടു​ത്തി​യ​ത്.


ജീ​വ​പ​ര്യ​ന്തം ശി​ക്ഷ​യ്ക്കു വി​ധി​ക്ക​പ്പെ​ട്ട സ​മു​ന്ദ​ർ​ സിം​ഗി​നെ 2002 ഓ​ഗ​സ്റ്റ് 22നു ​ര​ക്ഷാ​ബ​ന്ധ​ൻ ദി​വ​സം സി​സ്റ്റ​ർ റാ​ണി മ​രി​യ​യു​ടെ അ​നു​ജ​ത്തി സി​സ്റ്റ​ർ സെ​ൽ​മി ജ​യി​ലി​ൽ​ ചെ​ന്നു​ ക​ണ്ടു. സി​സ്റ്റ​ർ സെ​ൽ​മി അ​യാ​ളെ ‘ന​ന്ധ​ന​ന്ധ​ഭാ​യി’ എ​ന്നു​ വി​ളി​ച്ചു. അ​യാ​ളു​ടെ കൈ​ക​ളി​ൽ സാ​ഹോ​ദ​ര്യ​ത്തി​ന്‍റെ രാ​ഖി കെ​ട്ടി​ക്കൊ​ടു​ത്തു. അ​ടു​ത്ത​വ​ർ​ഷം 2003 ഫെ​ബ്രു​വ​രി 24ന്, ​സി​സ്റ്റ​ർ റാ​ണി മ​രി​യ​യു​ടെ മ​ര​ണ​വാ​ർ​ഷി​ക​ത്തി​ന്‍റെ ത​ലേ​ദി​വ​സം, അ​മ്മ​യാ​യ ഏ​ലീ​ശ്വാ​യും മൂ​ത്ത സ​ഹോ​ദ​ര​ൻ സ്റ്റീ​ഫ​നും സ​മു​ന്ദ​ർ​ സിം​ഗി​നെ ജ​യി​ലി​ൽ സ​ന്ദ​ർ​ശി​ച്ചു. അ​മ്മ അ​യാ​ളു​ടെ ക​ര​ങ്ങ​ൾ ചും​ബി​ക്കു​ക​യും കെ​ട്ടി​പ്പി​ടി​ച്ച് അ​യാ​ളോ​ടു ക്ഷ​മ അ​റി​യി​ക്കു​ക​യും ചെ​യ്തു.

മാ​ന​സാ​ന്ത​ര​പ്പെ​ട്ട സ​മു​ന്ദ​ർ സിം​ഗ് 2007 ജ​നു​വ​രി 13നു ​റാ​ണി മ​രി​യ​യു​ടെ പു​ല്ലു​വ​ഴി​യി​ലെ വീ​ട്ടി​ലെ​ത്തി മാ​താ​പി​താ​ക്ക​ളോ​ടു മാ​പ്പു​ ചോ​ദി​ച്ച​തും ആ ​കു​ടും​ബം അ​ദ്ദേ​ഹ​ത്തോ​ടു ക്ഷ​മി​ച്ചു സ്നേ​ഹ​പൂ​ർവം സ്വീ​ക​രി​ച്ച​തു​മെ​ല്ലാം ര​ക്ത​സാ​ക്ഷി​യു​ടെ പു​ണ്യ​ജീ​വി​ത ച​രി​ത്ര​ത്തി​ലെ അ​തു​ല്യ​മാ​യ അ​ധ്യാ​യം. ഇ​ൻ​ഡോ​റി​ൽനി​ന്ന് 40 കി​ലോ​മീ​റ്റ​ർ അ​പ്പു​റം ഉ​ദ​യ​ന​ഗ​റി​ലാ​ണ് സി​സ്റ്റ​ർ റാ​ണി മ​രി​യ​യു​ടെ ക​ബ​റി​ടം. 2017 ന​വം​ബ​ർ നാ​ലി​നു റാ​ണി മ​രി​യ​യെ വാ​ഴ്ത്ത​പ്പെ​ട്ട ര​ക്ത​സാ​ക്ഷി​യാ​യി തി​രു​സ​ഭ പ്ര​ഖ്യാ​പി​ച്ചു.

ര​ണ്ട് ഡോ​ക്യു​മെ​ന്‍റ​റി​ക​ൾ, ഒ​രു സി​നി​മ

സി​സ്റ്റ​ർ റാ​ണി മ​രി​യ​യു​ടെ ജീ​വി​ത​വും മ​ര​ണ​വു​മാ​യി ബ​ന്ധ​പ്പെ​ട്ട ര​ണ്ട് ഡോ​ക്യു​മെ​ന്‍റ​റി​ക​ൾ ഇ​റ​ങ്ങി. അ​തി​ൽ ആ​ദ്യ​ത്തേ​ത് ‘ഇ​ൻ​ഡോ​ർ റാ​ണി’, ഇ​ത് 2017 ൽ ​എ​സ്. യോ​ഗ്യാ​വീ​ട​ൻ നി​ർ​മി​ച്ചു. ര​ണ്ടാ​മ​ത്തേ​ത് സ​മു​ന്ദ​ർ സിം​ഗി​നെ​ക്കു​റി​ച്ചാ​ണ്. ‘ഒ​രു കൊ​ല​യാ​ളി​യുടെ ഹൃ​ദ​യം’ എ​ന്ന ത​ല​ക്കെ​ട്ടി​ൽ 2013ൽ ​റോ​മി​ൽ നി​ർ​മി​ക്ക​പ്പെ​ട്ടു. സി​സ്റ്റ​റു​ടെ ജീ​വി​ത​ക​ഥ പ​റ​യു​ന്ന സി​നി​മ ‘ഫെ​യ്സ് ഓ​ഫ് ദ ​ഫെ​യ്സ്‌ലെ​സ്’ 2023 ന​വം​ബ​ർ 17ന് ​റി​ലീ​സ് ചെ​യ്തു. ഷൈ​സ​ൻ പി. ​ഔ​സേ​പ്പാ​ണ് സം​വി​ധാ​യ​ക​ൻ.

റാ​ണി മ​രി​യ​യു​ടെ സ്വ​ന്തം ഇ​ട​വ​ക കേ​ര​ള​ത്തി​ലെ പു​ല്ലു​വ​ഴി​യാ​ണ​ല്ലോ. അ​വി​ടെ​യു​ള്ള ഓ​രോ മ​നു​ഷ്യ​ന്‍റെ​യും ഹൃ​ദ​യ​ത്തി​ൽ റാ​ണി മ​രി​യ​യു​ടെ ഓ​ർ​മ ഇ​ന്നും എ​പ്പോ​ഴും ക​ത്തി നി​ൽ​ക്കു​ന്നു. എ​ല്ലാ​ വ​ർ​ഷ​വും ഫെ​ബ്രു​വ​രി 25 അ​വി​ടു​ത്തെ ജ​ന​ങ്ങ​ൾ അ​വ​രു​ടെ ഓ​ർ​മ​ദി​ന​മാ​യി ആ​ച​രി​ക്കു​ന്നു. സി​സ്റ്റ​റി​ന്‍റെ ജീ​വി​തം എ​ല്ലാ​വ​ർ​ക്കും പു​തി​യ ചൈ​ത​ന്യം ഉ​ണ​ർ​ത്ത​ട്ടെ! ആ​ത്മാ​വി​ന്‍റെ വെ​ളി​ച്ച​മാ​യി ആ ​പു​ഞ്ചി​രി ന​മ്മ​ളി​ലേ​ക്കും പ​ക​ര​ട്ടെ!