ഇ​ളം ക​റു​പ്പ് നി​റ​മു​ള്ള പി​ട​യു​ന്ന ക​ണ്ണു​ക​ളു​ള്ള സു​ഗ​ന്ധ​വ​ല്ലി എ​ന്ന ന​ർ​ത്ത​കി സ്വാ​തി മ​ഹാ​രാ​ജാ​വി​ന്‍റെ ഹൃ​ദ​യ ശ്രീ​ല​ക​ത്താ​ണ് നൃ​ത്തം വ​ച്ച​ത്. സു​ഗ​ന്ധ​വ​ല്ലി​ക്കു​വേ​ണ്ടി സ്വാ​തി തി​രു​നാ​ൾ അ​ന​ന്ത​പു​രി​യി​ൽ ത​ഞ്ചാ​വൂ​ർ അ​മ്മ​വീ​ട് പ​ണി​തു. ത​ന്‍റെ പ്രി​യ​ത​മ​യ്ക്കു നൃ​ത്ത​മാ​ടു​വാ​ൻ മ​ഹാ​രാ​ജാ​വ് രാ​ഗ​മ​ധു​ര​ങ്ങ​ളാ​യ പ​ദ​വ​ർ​ണ​ങ്ങ​ൾ ര​ചി​ച്ചു. തി​രു​വ​ന​ന്ത​പു​ര​ത്തെ കോ​ട്ട​യ്ക്ക​ക​ത്തു​ള്ള ത​ഞ്ചാ​വൂ​ർ അ​മ്മ​വീ​ടി​ന്‍റെ അ​ങ്ക​ണ​ത്തി​ലി​രു​ന്ന് സ്വാ​തി തി​രു​നാ​ൾ ആ ​പ​ദ​വ​ർ​ണ​ങ്ങ​ൾ പാ​ടി.

‘അ​ളി​വേ​ണീ എ​ന്തു ചെ​യ്‌​വൂ
അ​ല​ർ​ശ​ര പ​രി​താ​പം....'

തീ​വ്ര​മാ​യ പ്ര​ണ​യ​വും വി​ര​ഹ​വും തി​ങ്ങി​നി​ൽ​ക്കു​ന്ന പ​ദ​വ​ർ​ണ​ത്തി​നൊ​പ്പം സു​ഗ​ന്ധ​വ​ല്ലി നൃ​ത്തം വ​ച്ചു. മ​ഞ്ഞി​ൻ​ക​ണ​ങ്ങ​ൾ അ​ട​ർ​ന്നു​വീ​ഴു​ന്ന പോ​ലു​ള്ള ഈ ​മാ​യി​ക സ്വ​പ്നം ഇ​ന്നും മ​ല​യാ​ള​ത്തി​ലു​ണ്ട്. ഒ​രു സ്വ​പ്നം പോ​ലെ സു​ന്ദ​ര​മാ​ണ് സ്വാ​തി തി​രു​നാ​ൾ മ​ഹാ​രാ​ജാ​വും സ്വാ​തി സം​ഗീ​ത​വും. ര​ണ്ടു നൂ​റ്റാ​ണ്ടു​ക​ൾ​ക്കി​പ്പു​റം സ്വാ​തി തി​രു​നാ​ൾ മ​ല​യാ​ളി​ക​ളു​ടെ മ​ന​സു​ക​ളെ ഭ്ര​മി​പ്പി​ച്ചു​കൊ​ണ്ടേ​യി​രി​ക്കു​ന്നു. എ​ഴു​ത്താ​യി, സി​നി​മ​യാ​യി, നാ​ട​ക​ങ്ങ​ളാ​യി, ഗാ​ന​ങ്ങ​ളാ​യി ഇ​ന്നും സ്വാ​തി തി​രു​നാ​ൾ ചു​റ്റി​വ​രി​യു​ക ത​ന്നെ​യാ​ണ്.

1813 ഏ​പ്രി​ൽ 16നാ​ണ് ച​രി​ത്രം ഗ​ർ​ഭ​ശ്രീ​മാ​ൻ ആ​യി വാ​ഴ്ത്തു​ന്ന മ​ഹാ​രാ​ജാ​വി​ന്‍റെ ജ​ന​നം. 1833 മു​ത​ൽ 1846വ​രെ തി​രു​വി​താം​കൂ​ർ ഭ​രി​ച്ച സ്വാ​തി തി​രു​നാ​ൾ രാ​മ​വ​ർ​മ​യു​ടെ ഭ​ര​ണ​കാ​ലം നാ​ടി​നു സ​മ്മാ​നി​ച്ച നേ​ട്ട​ങ്ങ​ളി​ൽ ഒ​ബ്സ​ർ​വേ​റ്റ​റി​യും അ​ച്ചു​കൂ​ട(​ഗ​വ​ൺ​മെ​ന്‍റ് പ്ര​സ്)​വും പ​ബ്ലി​ക് ലൈ​ബ്ര​റി​യും ധ​ർ​മാ​ശു​പ​ത്രി​യും എ​ല്ലാം ഉ​ൾ​പ്പെ​ടു​ന്നു.

എ​ന്നാ​ൽ ഈ ​ഭ​ര​ണ മു​ന്നേ​റ്റ​ങ്ങ​ള​ല്ല, പാ​ണ്ഡി​ത്യ​മ​ല്ല, സ്വാ​തി തി​രു​നാ​ളി​നെ പി​ൻ​ത​ല​മു​റ​ക​ളു​ടെ ഹൃ​ദ​യ​ത്തി​ൽ ഇ​ത്ര​യ്ക്ക​ങ്ങ​നെ ചേ​ർ​ത്തു വ​യ്ക്കു​ന്ന​ത്. ചെ​ങ്കോ​ലി​നും ആ​ത്മ​നൊ​ന്പ​ര​ങ്ങ​ൾ​ക്കു​മി​ട​യി​ൽ പി​ട​ഞ്ഞി​രു​ന്ന ഒ​രു രാ​ജാ​വി​ന്‍റെ ഹൃ​ദ​യ​ത്തി​ൽ നി​ന്നു​മ​ട​ർ​ന്ന സം​ഗീ​തം ഇ​ന്നും ഇ​വി​ടെ​യു​ണ്ട്. സ്വാ​തി​യു​ടെ പ്ര​ണ​യം, ഉ​ന്മാ​ദം, വി​ങ്ങ​ൽ ശ്രീ​പ​ത്മ​നാ​ഭ​നോ​ടു​ള്ള മ​ധു​ര​ഭ​ക്തി എ​ല്ലാം ഇ​ന്നും അ​തേ ഭം​ഗി​യോ​ടെ ത​ന്നെ നി​ല​നി​ൽ​ക്കു​ന്നു​ണ്ട്.

എ​തോ ജ​ന്മ​ക​ൽ​പ്പ​ന​യി​ലെ​ന്ന​പോ​ലെ സ്വാ​തി തി​രു​നാ​ളു​മാ​യി ബ​ന്ധ​പ്പെ​ട്ട് ഒ​രു​പി​ടി ക​ഥ​ക​ളും സ​ങ്ക​ൽ​പ്പ​ങ്ങ​ളും സ്വാ​തി തി​രു​നാ​ളി​നു ചു​റ്റു​മു​ണ്ട്, എ​ന്നു​മു​ണ്ടാ​യി​രു​ന്നു.

വ​ർ​ഷ​ങ്ങ​ളാ​യി മ​ല​യാ​ളി വാ​യ​ന​ക്കാ​രു​ടെ നെ​ഞ്ചി​ൽ പ​തി​ഞ്ഞു​പോ​യ സു​ഗ​ന്ധ​വ​ല്ലി ഒ​രു ഉ​ദാ​ഹ​ര​ണ​മാ​ണ്. ത​ഞ്ചാ​വൂ​രി​ൽ നി​ന്നെ​ത്തി​യ ന​ർ​ത്ത​കി​യാ​യ സു​ന്ദ​ര​ല​ക്ഷ്മി പി​ന്നീ​ട് സ്വാ​തി തി​രു​നാ​ളി​ന്‍റെ ഭാ​ര്യ​മാ​രി​ൽ ഒ​രാ​ളാ​യി എ​ന്നും സു​ന്ദ​ര​ല​ക്ഷ്മി​യു​ടെ സ​ഹോ​ദ​രി സ്വാ​തി​യു​ടെ ഭാ​ര്യ​യാ​യി​രു​ന്നു​വെ​ന്നും ചി​ല ച​രി​ത്ര​ക്കു​റി​പ്പു​ക​ൾ പ​റ​യു​ന്പോ​ഴും വി​ശ്വ​സി​ക്കു​വാ​ൻ ത​യ്യാ​റാ​കാ​ത്ത വി​ഭാ​ഗ​മു​ണ്ട്. എ​ഴു​ത്തു​കാ​രും പ​ത്ര​ക്കാ​രു​മാ​ണ് സു​ഗ​ന്ധ​വ​ല്ലി​യെ​ന്ന പ്ര​ണ​യി​നി​യെ സൃ​ഷ്ടി​ച്ച​തെ​ന്നു​മു​ള്ള അ​ഭി​പ്രാ​യ​വും ഇ​വ​ർ മു​ഖ​വി​ല​യ്ക്കെ​ടു​ക്കു​ന്നി​ല്ല.

സ്വാ​തി ആ​രാ​ധ​ക​ർ​ക്കു സു​ഗ​ന്ധ​വ​ല്ലി സ്വാ​തി​യു​ടെ എ​ക്കാ​ല​ത്തേ​യും പ്ര​ണ​യി​നി ത​ന്നെ​യാ​ണ്. പ​ര​ദേ​ശി ന​ർ​ത്ത​കി​യാ​യ സു​ഗ​ന്ധ​വ​ല്ലി തി​രു​വി​താം​കൂ​റി​ന്‍റെ രാ​ജ്ഞി​യാ​കു​ന്ന​ത് സ​ഹി​ക്കു​വാ​ൻ ക​ഴി​യാ​ത്ത ബ​ന്ധു​ക്ക​ളും കൊ​ട്ട​ാര ​പ്ര​മു​ഖ​രും ചേ​ർ​ന്ന് സു​ഗ​ന്ധ​വ​ല്ലി​യെ ത​ഞ്ചാ​വൂ​രി​ലേ​ക്ക് മ​ട​ക്കി അ​യ​ച്ചു​വ​ത്രേ. പ്രാ​ണ​നോ​ട് ചേ​ർ​ന്നു​പോ​യ സു​ഗ​ന്ധ​വ​ല്ലി​യെ ന​ഷ്ട​മാ​യ സ്വാ​തി ഹൃ​ദ​യം നു​റു​ങ്ങി​യ വേ​ദ​ന​യി​ൽ എ​ഴു​തി​യ കൃ​തി​ക​ളാ​യി സ്വാ​തി തി​രു​നാ​ളി​ന്‍റെ പ​ല കീ​ർ​ത്ത​ന​ങ്ങ​ളും- അ​വ​ർ ചൂ​ണ്ടി​ക്കാ​ട്ടു​ന്നു.


ശ്രീ​പ​ത്മ​നാ​ഭ​നെ​ന്ന നാ​യ​ക​നെ കാ​ണാ​തെ ഉ​ഴ​റു​ന്ന നാ​യി​ക​യു​ടെ ഭാ​വ​ത്തി​ലാ​ണ് സ്വാ​തി തി​രു​നാ​ൾ പ​ല പ​ദ​വ​ർ​ണ​ങ്ങ​ളും ര​ചി​ച്ച​ത് എ​ന്ന​ത് വ​സ്തു​ത​യാ​ണ്. എ​ന്നാ​ൽ സ്വ​ന്തം വി​ര​ഹ​വേ​ദ​ന​യും ഇ​തി​ൽ സ്വാ​തി തി​രു​നാ​ൾ ഇ​ഴ ചേ​ർ​ത്തി​രി​ക്കു​ക​യാ​ണ് എ​ന്നും പ​റ​യാം. പ്ര​ണ​യ​പ​ര​വ​ശ​നാ​യ സ്വാ​തി തി​രു​നാ​ളി​ന്‍റെ തേ​ങ്ങ​ലു​ക​ൾ ത​ന്നെ​യാ​ണ് പ​ല പ​ദ​വ​ർ​ണ​ങ്ങ​ളി​ലും നി​റ​യു​ന്ന​ത്. അ​ല്ലെ​ങ്കി​ൽ"വ​ള​രു​ന്നു ഹൃ​ദി​മോ​ഹം എ​ന്നോ​മ​ലേ...

ത​ള​രു​ന്നൂ മ​മ​ദേ​ഹം മ​ധു​മൊ​ഴി... 'എ​ന്നും മ​റ്റും എ​ഴു​തു​വാ​ൻ ക​ഴി​യി​ല്ല​ല്ലോ.
സു​ഗ​ന്ധ​വ​ല്ലി​ക്കു നൃ​ത്തം ചെ​യ്യു​വാ​ൻ വേ​ണ്ടി ത​ന്നെ​യാ​ണ് പ​ദ​വ​ർ​ണ​ങ്ങ​ൾ ര​ചി​ച്ച​ത് എ​ന്ന് ക​രു​ത​പ്പെ​ടു​ന്നു.

ബ്രി​ട്ടീ​ഷ് ഭ​ര​ണം അ​ടി​ച്ചേ​ൽ​പ്പിച്ച പ്ര​തി​സ​ന്ധി​ക​ളും ജ​ന​റ​ൽ ക​ല്ല​ൻ ഉ​ണ്ടാ​ക്കി​യ പ്ര​ശ്ന​ങ്ങ​ളും സ്വാ​തി തി​രു​നാ​ൾ മ​ഹാ​രാ​ജാ​വി​ന്‍റെ വ​ലി​യ വേ​ദ​ന​യാ​യി​രു​ന്നു. ഈ ​സം​ഘ​ർ​ഷം പ​ല കൃ​തി​ക​ൾ​ക്കും ആ​ധാ​ര​മാ​യി മാ​റി. "പ​ന്ന​ഗേ​ന്ദ്ര​ശ​യ​ന ശ്രീ​പ​ത്മ​നാ​ഭ...' എ​ന്ന രാ​ഗ​മാ​ലി​ക​യി​ലെ പ​ദം സ്വാ​തി ഹൃ​ദ​യ​ത്തി​ൽ നി​ന്നും അ​റി​യാ​തെ ഊ​ർ​ന്നി​റ​ങ്ങി​യ​താ​ണ്.

ശാ​രീ​രി​ക വി​ഷ​മ​ത​ക​ളും നെ​ഞ്ചി​ലെ സം​ഘ​ർ​ഷ​ങ്ങ​ളും ഉ​റ​ക്കം കെ​ടു​ത്തി​യ ഒ​രു രാ​ത്രി ത​ന്‍റെ പ്രാ​ണ​നാ​യ​ക​നാ​യ ശ്രീ​പ​ത്മ​നാ​ഭ​ന്‍റെ പാ​ദ​ങ്ങ​ളി​ൽ വീ​ണ് സ്വാ​തി പാ​ടി​ക്കൊ​ണ്ടി​രു​ന്നു..

പ​ന്ന​ഗേ​ന്ദ്ര​ശ​യ​ന ശ്രീ​പ​ത്മ​നാ​ഭ...

വി​ര​ഹാ​ഗ്നി​യി​ൽ വെ​ന്തു​നീ​റി കു​യി​ലി​ന്‍റെ​യും പ​ഞ്ച​വ​ർ​ണ ത​ത്ത​യു​ടേ​യും ഗാ​നം പോ​ലും ക​ഠി​ന​മാ​യി അ​നു​ഭ​വ​പ്പെ​ട്ട സ്വാ​തി​യു​ടെ മ​ന​സ് "പ​ന്ന​ഗേ​ന്ദ്ര ശ​യ​ന​യി'​ൽ നി​റ​ഞ്ഞു തു​ളു​ന്പി. രാ​ത്രി​യു​ടെ ഓ​രോ യാ​മ​ങ്ങ​ൾ​ക്ക​നു​സ​രി​ച്ച് രാ​ഗ​ങ്ങ​ൾ മാ​റി​മാ​റി​വ​ന്നു.

കാം​ബോ​ജി​യി​ൽ, ഭൈ​ര​വി​യി​ൽ, തോ​ടി​യി​ൽ അ​ങ്ങ​നെ കീ​ർ​ത്ത​നം ഒ​ഴു​കി. ഒ​ടു​വി​ൽ നേ​രം പു​ല​ർ​ന്ന​പ്പോ​ൾ മോ​ദ​യാ​മീ ജ​ഗ​ദീ​ശ എ​ന്ന് ഭൂ​പാ​ള​രാ​ഗ​ത്തി​ലാ​യി പ​ദ​ച​ര​ണം. പു​ല​ർ​കാ​ല രാ​ഗ​മാ​ണ് ഭൂ​പാ​ളം. ക​ണ്ണി​മ ഒ​ന്നു ചി​മ്മാ​തെ സ്വാ​തി തി​രു​നാ​ൾ പാ​ടി​യ പ​ന്ന​ഗേ​ന്ദ്ര ശ​യ​ന ഇ​ന്നും സം​ഗീ​ത അ​ര​ങ്ങു​ക​ളി​ൽ പ്ര​ശ​സ്ത സം​ഗീ​ത​ജ്ഞ​ന്മാ​ർ ആ​ല​പി​ക്കു​ന്നു.

കാ​ല​ത്തി​ന്‍റെ​യും ഭാ​വി​യു​ടേ​യും അ​തി​രു​ക​ൾ​ക്ക​പ്പു​റ​മാ​യി​രു​ന്നു സ്വാ​തി​യു​ടെ മ​ന​സ്. മേ​രു​സ്വാ​മി, സു​ലൈ​മാ​ൻ ഖാ​ദ​ർ സാ​ഹി​ബ്, അ​ലാ​വു​ദീ​ൻ എ​ന്നീ ഉ​ത്ത​രേ​ന്ത്യ​ൻ പ​ണ്ഡി​ത​ൻ​മാ​രു​മാ​യു​ള്ള സൗ​ഹാ​ർ​ദം ഹി​ന്ദു​സ്ഥാ​നി രാ​ഗ​ങ്ങ​ളു​മാ​യി സ്വാ​തി​യെ അ​ടു​പ്പി​ച്ചു. സം​സ്കൃ​തം, മ​ല​യാ​ളം, തെ​ലു​ങ്ക്, ഹി​ന്ദി അ​ങ്ങ​നെ നി​ര​വ​ധി ഭാ​ഷ​ക​ളി​ൽ നാ​ന്നൂ​റോ​ളം കൃ​തി​ക​ൾ സ്വാ​തി തി​രു​നാ​ളി​ന്‍റേ​താ​യു​ണ്ട്.

ആ​റു​കാ​ല​ങ്ങ​ളി​ൽ പ​ല്ല​വി പാ​ടി​യി​രു​ന്ന ഷ​ഡ്കാ​ല ഗോ​വി​ന്ദ​മാ​രാ​രും വ​ടി​വേ​ലു​വും ഇ​ര​യി​മ്മ​ൻ ത​ന്പി​യും ധ​ന്യ​മാ​ക്കി​യി​രു​ന്നു സ്വാ​തി തി​രു​നാ​ളി​ന്‍റെ കൊ​ട്ടാ​രം. മ​ഹാ​പ്ര​തി​ഭ​ക​ളെ സ്വീ​ക​രി​ച്ച് ആ​ദ​രി​ച്ച സ്വാ​തി തി​രു​നാ​ളി​ന് അ​റി​യാ​മാ​യി​രു​ന്നു നാ​ടി​ന്‍റെ യ​ശ​സും സാം​സ്കാ​രി​ക പെ​രു​മ​യും അ​വ​രു​ടെ ക​ണ്ഠ​ങ്ങ​ളി​ലാ​യി​രു​ന്നു​വെ​ന്ന്.

എ​സ്.​മ​ഞ്ജു​ളാ​ദേ​വി