പേ​രാ​മ്പ്ര: പെ​രു​വ​ണ്ണാ​മൂ​ഴി വ​ട്ട​ക്ക​യ​ത്തെ ക​ർ​ഷ​ക​ൻ മ​ഠ​ത്തി​ന​ക​ത്ത് ജോ​ൺ​സ​ന്‍റെ പു​ര​യി​ട​ത്തി​ൽ വ​നം വ​കു​പ്പ് സ്ഥാ​പി​ച്ച കെ​ണി​ക്കൂ​ട്ടി​ൽ ഇ​തി​നോ​ട​കം ഏ​ഴ് കാ​ട്ടു​കു​ര​ങ്ങു​ക​ൾ പെ​ട്ടു. കൂ​ട് തു​റ​ക്കു​ന്ന​തി​നി​ട​യി​ൽ ഒ​രെ​ണ്ണം ചാ​ടി ര​ക്ഷ​പെ​ട്ടി​രു​ന്നു. ബാ​ക്കി ആ​റെ​ണ്ണ​ത്തി​നെ​യും വ​ന​പാ​ല​ക​ർ മ​റ്റൊ​രു കൂ​ട്ടി​ലാ​ക്കി ജീ​പ്പി​ൽ ക​യ​റ്റി കൊ​ണ്ടു​പോ​യി.

കൃ​ഷി ന​ശി​പ്പി​ക്കാ​നെ​ത്തു​ന്ന കൂ​ട്ട​ങ്ങ​ളി​ൽ പെ​ട്ട കു​ര​ങ്ങ​ൻ​മാ​രാ​ണു കെ​ണി​യി​ൽ പെ​ടു​ന്ന​ത്. ഓ​രോ കു​ര​ങ്ങ​നും കൂ​ട്ടി​ല​ക​പ്പെ​ടു​മ്പോ​ൾ ഒ​രാ​ൾ മാത്രം ക​ടു​ത്ത മനോവി​ഷ​മ​ത്തി​ലാ​യി​രു​ന്നു. അ​ത് മറ്റാരുമല്ല, ജോ​ൺ​സ​ൺ ചോറു കൊടുത്തു വളർത്തുന്ന സ്വന്തം നാ​യ​യാ​ണത്.

കെണിയിൽ അകപ്പെട്ട കു​ര​ങ്ങ​നെ കാ​ണു​മ്പോ​ൾ കൂ​ടി​നു ചു​റ്റും നായ് ഓ​ടി ന​ട​ക്കും. ദേ​ഷ്യം കൊ​ണ്ടാ​ണെ​ന്നാ​യി​രു​ന്നു ആ​ദ്യം ക​രു​തി​യ​ത്. പ​ക്ഷേ, പിന്നീടാ‌ണ് സം​ഗ​തി പി​ടി​കി​ട്ടിയത്. തന്‍റെ യജമാനന്‍റെ ശത്രുവിനെ പിടിച്ചുകൊ‌ണ്ടുപോ​കു​ന്ന​തി​ലുള്ള സ​ങ്ക​ട​മാ​യി​രു​ന്നതെന്ന്.


കഴിഞ്ഞദിവസം കെണിയിൽ വീ​ണ കു​ര​ങ്ങ​നെ വനപാലകർ വന്നു പിടിച്ചുകൊണ്ടുപോയി. അ​ര മ​ണി​ക്കൂ​റി​നു​ള്ളി​ൽ ഏ​ഴാ​മ​നും കൂ​ട്ടി​ല​ക​പ്പെ​ട്ടു. ഇ​തോ​ടെ നാ​യ​യു​ടെ മ​ട്ടു​മാ​റി. കൂ​ട്ടി​നു ചു​റ്റും ന​ട​ന്നു ക​ര​ഞ്ഞു ശ​ബ്ദ​മു​ണ്ടാ​ക്കി. ര​ക്ഷ​പെ​ടാ​നു​ള്ള കു​ര​ങ്ങ​ന്‍റെ പ​രാ​ക്ര​മം ക​ണ്ട് മനസലിഞ്ഞ നായ്, കൂ​ട്ടി​ൽ മു​ഖം ചേ​ർ​ത്ത് ആ​ശ്വ​സി​പ്പി​ക്കാ​ൻ ശ്ര​മ​വും ന​ട​ത്തു​ന്നു​ണ്ടാ​യി​രു​ന്നു.

ഈ ​കു​ര​ങ്ങ​നെ​യും കൊ​ണ്ടു പോ​കാ​ൻ കൂ​ടു​മാ​യി വ​ന​പാ​ല​ക​രെ​ത്തി​യ​പ്പോ​ൾ ക​ര​ഞ്ഞും ഓ​ടി​ന​ട​ന്നു ത​ട​സം സൃ​ഷ്ടി​ക്കാ​ൻ നായ് ശ്രമിച്ചതും ഏറെ കൗതുകം ഉണർത്തി. മാത്രവുമല്ല വനപാലകർ കുരങ്ങനെയും കൊണ്ടു പോകുന്ന വഴിയിൽ ത​ട​സ​മു​ണ്ടാ​ക്കാനും ക​ര​ഞ്ഞു കൊ​ണ്ടു നാ​യ ശ്ര​മി​ച്ചു. ഏറ്റവുമൊടുവിൽ കു​ര​ങ്ങ​നെ ജീ​പ്പി​ൽ ക​യ​റ്റു​മ്പോ​ൾ തൊ​ട്ട​ടു​ത്ത് വി​ര​ഹ​വേ​ദ​ന​യോ​ടെ യാത്രയയ്ക്കാനും ജോൺസന്‍റെ നായ് മറന്നില്ല.