റെഡ്‌ഫോർട്ടിൽ ഉയർന്നു ഇന്ത്യൻ പതാക
റിപ്പബ്ലിക് ദിനം വീണ്ടും ആഗതമായി
ഭരണഘടന നിർമിച്ച് ഭാരതം
റിപ്പബ്ലിക്കായ നൽ സുദിനം

ഭാരതത്തിൻ ഭാവി ഭാസുരമാക്കുവാൻ
യഗ്നിച്ചനേകം നേതാക്കന്മാർ
യവനികക്കുള്ളിൽ മറഞ്ഞവർ എങ്കിലും
അവരെ സ്മരിക്കണം ഈദിനത്തിൽ

മതേതരത്വത്തിൽ അധിഷ്ഠിതമായി
മനുഷ്യ നന്മക്കൂന്നൽ നല്കിയതാം
ഇന്ത്യയെ ഒന്നായി കണ്ട നേതാക്കന്മാർ
ഇന്ത്യക്കേകി ശ്രേഷ്ട നിയമാവലി

മതേതരത്വം കൈവിട്ടാൽ ഇന്ത്യ
മതഭ്രാന്തർ കൈക്കുള്ളിലാകും
മതമേതായാലും മനുഷ്യൻ ഒന്നാകണം
മനുഷ്യനു വഴി അതൊന്നുമാത്രം.

ആൻഡ്രൂസ് അഞ്ചേരി