ആരോഗ്യ വകുപ്പിന് കീഴിലുള്ള വിവിധ ജൂനിയർ പബ്ലിക് ഹെൽത്ത് നഴ്സിംഗ് സ്കൂളുകളിലെ ഓക്സിലറി നഴ്സിംഗ് ആൻഡ് മിഡ് വൈഫറി കോഴ്സിന് വിമുക്തഭടന്മാരുടെ ആശ്രിതരായ പെൺകുട്ടികൾക്ക് അപേക്ഷിക്കാം. അപേക്ഷയും യോഗ്യതാ സർട്ടിഫിക്കറ്റുകളും ബന്ധപ്പെട്ട നഴ്സിംഗ് സെന്‍ററിൽ ജൂലൈ ആറിനകം ലഭിക്കണം. വിവരങ്ങൾക്ക് www.dhs. kerala. gov.in
ചണ്ഡിഗഢ് പോസ്റ്റ് ഗ്രാജ്വേറ്റ് ഇന്‍സ്റ്റിറ്റ്യൂട്ടിൽ നഴ്സിംഗ്, പരാമെഡിക്കൽ ബിരുദ കോഴ്സിലേക്ക് അപേക്ഷിക്കാം. ജൂലൈ 26ന് നടത്തുന്ന ഓൺലൈൻ പരീക്ഷയുടെ അടസ്ഥാനത്തിലാണ് പ്രവേശനം. അപേക്ഷ www.pgimer.edu.in വഴി ജൂൺ 30 വരെ നൽകാം.
കേരള കാർഷിക സർവകലാശാലയിൽ ആരംഭിക്കുന്ന പുതിയ കോഴ്സുകളിലേക്ക് അപേക്ഷ ക്ഷണിച്ചു. ഡിപ്ലോമ, ബിരുദം, ബിരുദാനന്തര ബിരുദം, പിഎച്ച്ഡി തലങ്ങളിലാണ് പുതിയ കോഴ്സുകൾ. ഓൺലൈൻ അപേക്ഷ സ്വീകരിക്കുന്ന അവസാന തീയതി ജൂലൈ ആറ്. കൂടുതൽ വിവരങ്ങൾക്ക് www.kau.in സന്ദർശിക്കുക.
തിരുവനന്തപുരം കേരള ഇൻസ്റ്റിറ്റ്യൂട്ട് ഓഫ് മാനേജ്മെന്‍റിൽ 202426 ബാച്ചിലേക്കുള്ള എംബിഎ അഡ്മിഷൻ ജൂലൈ രണ്ടിന് നാഗന്പടത്തുള്ള കോ ഓപ്പറേറ്റീവ് ട്രെയിനിംഗ് സെന്‍ററിൽ നടക്കും. ഫോൺ 9188001600,9891739426. വെബ്സൈറ്റ്: www.kicma.ac.in.
കീം എൻജിനീയറിംഗ് പരീക്ഷ എഴുതിയ വിദ്യാർഥികൾ പ്ലസ് ടു തലത്തിൽ മാത്തമാറ്റിക്സ്, ഫിസിക്സ്, കെമിസ്ട്രി വിഷങ്ങൾക്ക് ലഭിച്ച മാർക്ക് www.cee.kerala.gov.in വെബ്സൈറ്റിൽ ചേർക്കണം. അവസരം നാളെ ഉച്ചകഴിഞ്ഞ് മൂന്നുവരെ.