"ഹോപ്' തുടർപഠനം: രജിസ്ട്രേഷൻ ജൂലൈ 15 വരെ
തിരുവനന്തപുരം: എസ്എസ്എൽസി, പ്ലസ്ടു പഠനം പാതിവഴിയിൽ മുടങ്ങിയവർക്കും ഇക്കഴിഞ്ഞ പൊതുപരീക്ഷയിൽ പരാജയപ്പെട്ടവർക്കും സൗജന്യമായി തുടർപഠനം സാധ്യമാക്കുന്ന കേരള പോലീസിന്റെ "ഹോപ്' പദ്ധതിയിൽ ഇപ്പോൾ രജിസ്റ്റർ ചെയ്യാം.
പഠനം പൂർത്തിയാക്കാൻ കഴിയാത്ത 18 വയസിൽ താഴെയുള്ളവർക്ക് അതത് ജില്ലയിലെ കേന്ദ്രങ്ങളിൽ സൗജന്യ പരിശീലനം നൽകും. രജിസ്റ്റർ ചെയ്യേണ്ട അവസാന തീയതി ജൂലൈ 15. രജിസ്ട്രേഷനും കൂടുതൽ വിവരങ്ങൾക്കുമായി 9497900200 എന്ന നന്പരിൽ ബന്ധപ്പെടാം.
മോട്ടിവേഷൻ പരിശീലനങ്ങളിലൂടെ കുട്ടികളെ വിജയത്തിലേക്കു നയിക്കുന്ന കേരള പോലീസിന്റെ പദ്ധതിയാണു ഹോപ്.