മാർഷ്യൽ ആർട് സിനിമകളിലൂടെ ലോകം മുഴുവൻ ആരാധകരെ സന്പാദിച്ച താരമാണ് ജാക്കി ചാൻ. ജാക്കി ചാൻ കൊറോണബാധിതനാണെന്ന വ്യാജവാർത്ത കഴിഞ്ഞ ദിവസങ്ങളിൽ പ്രചരിച്ചത് ആരാധകരെ മുഴുവൻ ആശങ്കയിലാക്കിയിരുന്നു.
ഇപ്പോൾ ജാക്കി ചാൻ തന്നെ വിശദീകരണവുമായി രംഗത്തെത്തിയിരിക്കുകയാണ്. താന്‍ കൊറോണ നിരീക്ഷണത്തിലല്ലെന്നും ആരോഗ്യവാനാണെന്നും ജാക്കി ചാൻ ഫേസ് ബുക്കില്‍ കുറിച്ചു. കൂടാതെ ആരാധകർ തന്നോട് കാട്ടിയ സ്‌നേഹത്തിന് അദ്ദേഹം നന്ദി പറയുകയും ചെയ്തു.
ലോകത്തിന്‍റെ നാനാഭാഗങ്ങളിൽ നിന്നും ആരാധകർ ജാക്കി ചാന് ഫേസ് മാസ്കുകൾ അയച്ചു കൊടുത്തിരുന്നു. അവർക്കെല്ലാം ജാക്കി ചാൻ നന്ദി അറിയിച്ചു. തനിക്ക് ലഭിച്ച സമ്മാനങ്ങളെല്ലാം രോഗം മൂലം വിഷമിക്കുന്ന ആളുകള്‍ക്ക് നല്‍കാന്‍ തന്‍റെ സഹപ്രവർത്തകരോട് അറിയിച്ചിട്ടുണ്ടെന്നും ജാക്കി ചാന് ഫേസ്ബുക്കിൽ കുറിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.