കേന്ദ്ര വാണിജ്യ മന്ത്രാലയത്തിനു കീഴിൽ കല്പിത സർവകലാശാലാ പദവിയുള്ള ഇന്ത്യൻ ഇൻസ്റ്റിറ്റ്യൂട്ട് ഓഫ് ഫോറിൻ ട്രേഡ് നടത്തുന്ന ഇന്റർനാഷണൽ ബിസിനസിൽ എംബിഎ പ്രോഗ്രാമിന് അപേക്ഷിക്കാം. അന്താരാഷ്ട്ര വ്യാപാരബന്ധം വർധിച്ചുവരുന്ന പശ്ചാത്തലത്തിൽ ഏറെ ജോലി സാധ്യതയുള്ളതാണു കോഴ്സ്.
ഇൻസ്റ്റിറ്റ്യൂട്ടിന്റെ ന്യൂഡൽഹി, കോൽക്കത്ത, കാക്കിനാട (ആന്ധ്രാപ്രദേശ്) കാമ്പസുകളിലായി നടത്തുന്ന കോഴ്സിനു ബിരുദധാരികൾക്കും അവസാന വർഷ വിദ്യാർഥികൾക്കും അപേക്ഷിക്കാം. കുറഞ്ഞത് 50 ശതമാനം മാർക്ക് നേടിയിരിക്കണം. പട്ടിക ജാതി-വർഗക്കാർക്ക് 45 ശതമാനം. പ്രായപരിധി ഇല്ല.
ഡിസംബർ ഒന്നിനു നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. നാഷണൽ ടെസ്റ്റിംഗ് ഏജൻസിക്കാണു പരീക്ഷാ നടത്തിപ്പിന്റെ ചുമതല.
കേരളത്തിലെ പരീക്ഷാ കേന്ദ്രങ്ങൾ: ആലപ്പുഴ, എറണാകുളം, ഇടുക്കി, കണ്ണൂർ, കാസർഗോഡ്, കൊല്ലം, കോട്ടയം, കോഴിക്കോട്, മലപ്പുറം, പാലക്കാട്, പത്തനംതിട്ട,തിരുവനന്തപുരം, തൃശൂർ. കംപ്യൂട്ടർ അധിഷ്ഠിത പരീക്ഷയ്ക്ക് ഇംഗ്ലീഷ് കോംപ്രിഹെൻഷൻ, ലോജിക്കൽ റീസണിംഗ്, ജനറൽ നോളജ്, ക്വാണ്ടിറ്റേറ്റീവ് അനാലിസിസ് എന്നീ മേഖലകളിൽ നിന്നുള്ള ചോദ്യങ്ങൾ ഉണ്ടായിരിക്കും.
എഴുത്തു പരീക്ഷയ്ക്കു പുറമേ ഗ്രൂപ്പ് ഡിസ്കഷൻ, ഇന്റർവ്യൂ, എസേ റൈറ്റിംഗ് എന്നിവയും ഉണ്ടായിരിക്കും. ഇത് അടുത്ത ജനുവരിയിലോ ഫെബ്രുവരിയിലോ ബംഗളൂരു, ചെന്നൈ, കോൽക്കത്ത, ഡൽഹി, ഹൈദരാബാദ്, ലക്നോ, മുംബൈ, അഹമ്മദാബാദ് എന്നിവിടങ്ങളിൽ നടക്കും.
ജനറൽ മാനേജ്മെന്റ് ആപ്റ്റിറ്റ്യൂഡ് ടെസ്റ്റിന്റെ അടിസ്ഥാനത്തിൽ വിദേശ ഇന്ത്യാക്കാരുടെ മക്കൾക്കും അഡ്മിഷൻ നൽകും. 7,85,000 രൂപയാണു വാർഷിക ട്യൂഷൻ ഫീസ്.
ഓണ്ലൈനായി ഒക്ടോബർ 25നകം അപേക്ഷിക്കണം. അപേക്ഷാ ഫീസ് 2000 രൂപ. പട്ടിക ജാതി-വർഗക്കാർക്ക് 1000 രൂപ. വെബ്സൈറ്റ്: www.nta.ac.inhttps://iift.nta.nic.in/webinfo/public/home.aspx. ഫോണ്: 0120-6895200