മാത്തമാറ്റിക്സിൽ ഉപരി പഠനം നടത്തുന്നതിന് നാഷണൽ ബോർഡ് ഫോർ ഹയർ മാത്തമാറ്റിക്സ് (എൻബിഎച്ച്എം) സ്‌കോളർഷിപ് നൽകുന്നു. മാത്തമാറ്റിക്സിൽ ബിരുദാനന്തര ബിരുദ പഠനത്തിനാണു സ്‌കോളർഷിപ് നൽകുന്നത്. മാത്തമാറ്റിക്സിൽ ഫസ്റ്റ് ക്ലാസ് ബിരുദമുള്ളവർക്കും അഞ്ചു വർഷ ഇന്‍റഗ്രേറ്റഡ് കോഴ്സിന്റെ മൂന്നാം വർഷം പഠിക്കുന്നവർക്കും അപേക്ഷിക്കാം. ഒന്നാം വർഷ പിജി പ്രോഗ്രാമിനു പഠിക്കുന്നവർക്കും അപേക്ഷിക്കാം. ഇവർക്ക് ശേഷിക്കുന്ന ഒരു വർഷത്തേക്കു മാത്രമേ സ്‌കോളർഷിപ് ലഭിക്കുകയുള്ളു.
പ്രതിമാസം 6000 രൂപയാണ് സ്‌കോളർഷിപ് തുക. ഒക്ടോബർ 19 നു നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. പ്രവേശന പരീക്ഷയ്ക്കു കൊച്ചി സെന്‍ററാണ്. സോണൽ കോ ഓഡിനേറ്റർക്കാണ് അപേക്ഷ സമർപ്പിക്കേണ്ടത്. കേരളത്തെ അഞ്ചാമത്തെ സോണിലാണ് ഉൾപ്പെടുത്തിയിരിക്കുന്നത്. ഈ മാസം 25നകം അപേക്ഷിക്കണം. അപേക്ഷാ ഫീസ് 300 രൂപ. മാതൃകാ ചോദ്യ പേപ്പർ വെബ്സൈറ്റിൽ നിന്നു ലഭിക്കും. കൂടുതൽ വിവരങ്ങൾക്ക്: www.nbhm.dae.gov.in, https://nbhmscholarships.in.
പെണ്‍കുട്ടികൾക്ക് പ്രതിരോധ ഗവേഷണ കേന്ദ്രത്തിന്‍റെ സ്‌കോളർഷിപ്
കേന്ദ്ര പ്രതിരോധ മന്ത്രാലയത്തിന്‍റെ കീഴിലുള്ള ഡിഫൻസ് റിസർച്ച് ആൻഡ് ഡവലപ്മെന്‍റ് ഓർഗനൈസേഷൻ (ഡിആർഡിഒ) എയ്റോ സ്പേസ്, എയ്റോനോട്ടിക്കൽ, സ്പേസ് എൻജിനിയറിംഗ് പഠിക്കുന്ന പെണ്‍കുട്ടികൾക്ക് സ്‌കോളർഷിപ് നൽകുന്നു. ബിരുദ വിദ്യാർഥിനികൾക്ക് പ്രതിവർഷം 120000 രൂപയും പിജി വിദ്യാർഥികൾക്ക് പ്രതിവർഷം 15500-186000 രൂപയും സ്‌കോളർഷിപ് ലഭിക്കും. ബിരുദ, ബിരുദാനന്തര ബിരുദ കോഴ്സുകൾക്ക് ഒന്നാം വർഷം പഠിക്കുന്നവരായിരിക്കണം അപേക്ഷകർ. ജെഇഇ-മെയിൻ, ഗേറ്റ് സ്കോറിന്റെ അടിസ്ഥാനത്തിലായിരിക്കും യോഗ്യരായവരെ തെരഞ്ഞെടുക്കുക. സെപ്റ്റംബർ പത്തിനകം അപേക്ഷിക്കണം. വെബ്സൈറ്റ്: https://rac.gov.in.
****** ****** ******
ജില്ലാ മെറിറ്റ് സ്‌കോളർഷിപ്: കോളജ് വിദ്യാഭ്യാസ വകുപ്പ് മുഖേന നൽകിവരുന്ന ജില്ലാ മെറിറ്റ് സ്‌കോളർഷിപ്പിന് അപേക്ഷ സ്വീകരിക്കുന്ന അവസാന തിയതി സെപ്റ്റംബർ 30. കൂടുതൽ വിവരങ്ങൾക്ക്: www.dcescholarship.kerala.gov.in.
സുവർണ ജൂബിലി മെറിറ്റ് സ്‌കോളർഷിപ്: കോളജ് വിദ്യാഭ്യാസ വകുപ്പ് മുഖേന നൽകിവരുന്ന സുവർണ ജൂബിലി മെറിറ്റ് സ്‌കോളർഷിപ്പിന് സെപ്റ്റംബർ 30നകം അപേക്ഷിക്കാം. www.dcescholarship.kerala.gov.in.
പോസ്റ്റ്മെട്രിക് സ്‌കോളർഷിപ്: കേന്ദ്ര ന്യൂനപക്ഷകാര്യ മന്ത്രാലയം മുസ്ലിം/ ക്രിസ്ത്യൻസമുദായങ്ങളിൽപ്പെട്ട പ്ലസ്‌വണ്‍ മുതൽ പിഎച്ച്ഡി വരെ പഠിക്കുന്ന വിദ്യാർഥികൾക്ക് നൽകുന്ന പോസ്റ്റ്മെട്രിക് സ്കോളർഷിപ്പിനു ഒക്ടോബർ 31 നകം അപേക്ഷിക്കണം. www.scholarships.gov.in
കോളജ് വിദ്യാഭ്യാസ വകുപ്പിന്‍റെ സ്കോളർഷിപ്പുകൾ: കോളജ് വിദ്യാഭ്യാസ വകുപ്പ് വിവിധ സ്കോളർഷിപ്പുകൾക്ക് അപേക്ഷ ക്ഷണിച്ചു. അന്ധ/ബധിര/പി.എച്ച്. സ്കോളർഷിപ്പിനർഹരായ വിദ്യാർഥികൾ ഓണ്‍ലൈൻ അപേക്ഷയുടെ പ്രിന്‍റൗട്ട് പഠിക്കുന്ന സ്ഥാപനത്തിൽ സമർപ്പിച്ച് സ്ഥാപന മേധാവി മുഖേന ഒക്ടോബർ 15നകം അപേക്ഷിക്കണം. മുസ്ലിം/നാടാർ പെണ്‍കുട്ടികൾക്കുള്ള സ്കോളർഷിപ്പിന്റെ ഓണ്‍ലൈൻ അപേക്ഷയുടെ പ്രിന്‍റൗട്ടും അനുബന്ധരേഖകളും പ്രൈമറി/സെക്കണ്ടറി സ്കൂൾ അധ്യാപകരുടെ മക്കൾക്കുള്ള സ്കോളർഷിപ്പിന്റെ ഓണ്‍ലൈൻ അപേക്ഷ പ്രിന്‍റൗട്ടും അനുബന്ധ രേഖകളും ഒക്ടോബർ ഒന്നിനകം സ്ഥാപന മേധാവിക്ക് സമർപ്പിക്കണം. തിരുവനന്തപുരം, തൃപ്പൂണിത്തുറ, പാലക്കാട് എന്നിവിടങ്ങളിലെ ഗവണ്‍മെന്‍റ് മ്യൂസിക് കോളജുകളിൽ പഠിക്കുന്ന വിദ്യാർഥികൾ സെപ്റ്റംബർ 30നകം പഠിക്കുന്ന സ്ഥാപനത്തിൽ അപേക്ഷ സമർപ്പിക്കണം. സ്ഥാപനമേധാവി മുഖേന ഒക്ടോബർ 15നകം വെബ്സൈറ്റിൽ അപ്‌ലോഡ് ചെയ്യണം. കൂടുതൽ വിവരങ്ങൾക്ക് www.dcescholarship.kerala.gov.in.
ഹിന്ദി സ്‌കോളർഷിപ്: കോളജ് വിദ്യാഭ്യാസ വകുപ്പ് മുഖേന നൽകുന്ന ഹിന്ദി സ്‌കോളർഷിപ്പിന് അപേക്ഷ നൽകാം. www.dcescholarship.k erala.gov.in, 0471-2306580, 9446780308. അപേക്ഷ സെപ്റ്റംബർ 30 വരെ സ്വീകരിക്കും.
സ്റ്റേറ്റ് മെരിറ്റ് സ്‌കോളർഷിപ്: സർവകലാശാലകളോടു ബന്ധപ്പെട്ടിരിക്കുന്ന എല്ലാ ഗവൺമെന്‍റ്/ എയ്ഡഡ് ആർട്‌സ് ആൻഡ് സയൻസ് കോളജുകളിലെയും യൂണിവേഴ്‌സിറ്റി ഡിപ്പാർട്ടുമെന്‍റുകളിലെയും വിദ്യാർഥികളിൽനിന്ന് കേരള സ്റ്റേറ്റ് മെറിറ്റ് സ്‌കോളർഷിപ്പിനുള്ള (ഫ്രഷ്/ റിന്യൂവൽ) അപേക്ഷ ക്ഷണിച്ചു. അപേക്ഷ ഓൺലൈനായി സെപ്റ്റംബർ 30നകം സമർപ്പിക്കണം. www.dcescholarship.kerala.gov.in www.dcescho larship.kerala.gov.in.