ക​ഷ്ട​പ്പെ​ട്ടു കു​റ​ച്ച​താ​ണ്! ലോ​ക​ത്തി​ലെ ഏ​റ്റ​വും ഭാ​ര​മേ​റി​യ ആ​ണ്‍​കു​ട്ടി മെ​ലി​ഞ്ഞ ക​ഥ
അ​ഞ്ചു വ​ർ​ഷം മു​ന്പ് ഇ​ന്തോ​നേ​ഷ്യ​യി​ലെ വെ​സ്റ്റ് ജാ​വ​യി​ലെ ചെ​റി​യൊ​രു ഗ്രാ​മ​ത്തി​ൽ​നി​ന്ന് ഒ​രു കു​ട്ടി​യു​ടെ വീ​ഡി​യോ പു​റ​ത്തു വ​ന്നി​രു​ന്നു. ആ ​വീ​ഡി​യോ വൈ​റ​ലാ​വു​ക​യും ചെ​യ്തു. ലോ​ക​ത്തി​ലെ ഏ​റ്റ​വും ഭാ​ര​മേ​റി​യ ആ​ണ്‍കു​ട്ടി​യാ​യ ആ​ര്യ പെ​ർ​മാ​ന​ൻ ആ​യി​രു​ന്നു ആ ​വീ​ഡി​യോ​യി​ലു​ണ്ടാ​യി​രു​ന്ന​ത്.

ഇ​പ്പോ​ൾ ആ​ര്യ​യു​ടെ മ​റ്റൊ​രു വീ​ഡി​യോ​യാ​ണ് വൈ​റ​ൽ. 107 കി​ലോ ഭാ​രം കു​റ​ച്ചാ​ണ് പ​തി​ന്നാ​ലാം വ​യ​സി​ൽ അ​വ​ൻ വൈ​റ​ലാ​യി​രി​ക്കു​ന്ന​ത്. ഒ​ന്പ​താം വ​യ​സി​ൽ അ​വ​ന്‍റെ ഭാ​രം 127 കി​ലോ​യാ​യി​രു​ന്നു. പി​ന്നീ​ട് 190 കി​ലോ​യി​ലേ​ക്ക് എ​ത്തി.

ഭ​ക്ഷ​ണ​ത്തി​ലെ നി​യ​ന്ത്ര​ണം, കൃ​ത്യ​മാ​യ വ്യാ​യാ​മം, ഗ്യാ​സ്ട്രി​ക്ബാ​ൻ​ഡ് ഓ​പ​റേ​ഷ​ൻ എ​ന്നി​വ​യെ​ല്ലാം കൊ​ണ്ടാ​ണ് ആ​ര്യ ത​ന്‍റെ ഭാ​രം കു​റ​ച്ച​ത്. കു​റ​ച്ചു​നാ​ൾ മു​ന്പ് ആ​ര്യ​യു​ടെ വാ​ർ​ത്ത മാ​ധ്യ​മ​ങ്ങ​ളി​ൽ വ​ന്നി​രു​ന്നു. എ​ന്നാ​ൽ, വ​ണ്ണം കു​റ​ച്ച ശേ​ഷ​മു​ള്ള ജീ​വി​ത​മാ​ണ് ഇ​പ്പോ​ൾ വീ​ണ്ടും വാ​ർ​ത്ത​യാ​കു​ന്ന​ത്.



കു​ളി​ക്കാ​ൻ പ്ര​ത്യേ​ക കു​ളം

സാ​ധാ​ര​ണ മ​നു​ഷ്യ​രെ​ക്കാ​ൾ വ​ലു​പ്പം കൂ​ടു​ത​ലു​ള്ള ആ​ര്യ​ക്കു കു​ളി​ക്കാ​ൻ വീ​ടി​നു പു​റ​ത്തു പ്ര​ത്യേ​കം കു​ളം ത​യാ​റാ​ക്കി​യി​രു​ന്നു. ശ്വ​സം മു​ട്ടു​ന്ന​തു​കൊ​ണ്ട് അ​ധി​ക ദൂ​രം ന​ട​ക്കാ​ൻ ക​ഴി​യാ​തി​രു​ന്ന​തി​നാ​ൽ സ്കൂ​ളി​ൽ പോ​കാ​ൻ പോ​ലും ക​ഴി​ഞ്ഞി​രു​ന്നി​ല്ല.

ഒ​രു ത​ര​ത്തി​ലു​ള്ള വ​സ്ത്ര​വും പാ​ക​മാ​യി​രു​ന്നി​ല്ല. അ​തി​നാ​ൽ അ​വ​ൻ സ്വ​യം ഒ​രു സ​രോം​ഗി​ൽ പൊ​തി​ഞ്ഞാ​ണ് ന​ട​ന്നി​രു​ന്ന​ത്. ജ​ങ്ക് ഫു​ഡും അ​വ​ന് ഏ​റെ പ്രി​യ​പ്പെ​ട്ട ഇ​ൻ​സ്റ്റ​ന്‍റ് നൂ​ഡി​ൽ​സും സ്ഥി​ര​മാ​യി ക​ഴി​ച്ചി​രു​ന്ന​താ​ണ് ഈ ​പ്ര​ശ്ന​ങ്ങ​ൾ​ക്കൊ​ക്കെ കാ​ര​ണം.

ര​ണ്ടു​പേ​ർ​ക്കു​ള്ള​ത്

ആ​ര്യ​യു​ടെ മാ​താ​പി​താ​ക്ക​ളാ​യ റോ​ക്യ​യും ആ​ദെ സോ​മാ​റ്റ്രി​യും നി​സ​ഹാ​യ​രാ​യി​രു​ന്നു. മ​ക​ന്‍റെ ഈ ​അ​വ​സ്ഥയിൽ ഏ​റെ ഉ​ത്ക​ണ്ഠാ​കു​ല​രാ​യ മാ​താ​പി​താ​ക്ക​ൾ ഭ​ക്ഷ​ണ​ത്തി​ൽ നി​യ​ന്ത്ര​ണ​ങ്ങ​ളൊ​ക്കെ വ​രു​ത്തി​യി​രു​ന്നെ​ങ്കി​ലും കാ​ര്യ​മാ​യ പു​രോ​ഗ​തി​യൊ​ന്നു​മു​ണ്ടാ​യി​രു​ന്നി​ല്ല.

പ​ത്താം വ​യ​സി​ൽ ആ​ര്യ കോ​ള​യ്ക്കും ഇ​ൻ​സ്റ്റ​ന്‍റ് നൂ​ഡി​ൽ​സി​നും അ​ടി​മ​യാ​യി​രു​ന്നു. ചോ​റ്, മീ​ൻ ക​റി, ബീ​ഫ്, വെ​ജി​റ്റ​ബി​ൾ സൂ​പ്പ്, ടെ​ന്പ എ​ന്ന പ​ര​ന്പ​രാ​ഗ​ത സോ​യ കേ​ക്ക് എ​ന്നി​ങ്ങ​നെ ര​ണ്ടു മു​തി​ർ​ന്ന​വ​ർ​ക്ക് ഒ​രു ദി​വ​സം മു​ഴു​വ​ൻ ക​ഴി​ക്കാ​ന​വാ​ശ്യ​മാ​യ ഭ​ക്ഷ​ണം ഒ​റ്റ നേ​രം അ​വ​ൻ ക​ഴി​ക്കു​മാ​യി​രു​ന്നു.

ഒ​രു ഡ​യ​റ്റീ​ഷ​ന്‍റെ നി​ർ​ദേ​ശ​ങ്ങ​ൾ വ​ഴി പ​ഴ​ങ്ങ​ൾ, പ​ച്ച​ക്ക​റി​ക​ൾ, ദി​വ​സ​വു​മു​ള്ള ന​ട​ത്തം , എ​ക്സൈ​സ്, നീ​ന്ത​ൽ എ​ന്നി​വ വ​ഴി നാ​ലു​മാ​സം​കൊ​ണ്ട് ഒ​ന്പ​തു കി​ലോ ഭാ​ര​മാ​ണ് ആ​ര്യ ആ​ദ്യം കു​റ​ച്ച​ത്. അ​പ്പോ​ഴും കു​റ​യ്ക്കേ​ണ്ട ഭാ​ര​ത്തി​ൽ​നി​ന്ന് ഏ​റെ അ​ക​ലെ​യാ​യി​രു​ന്നു.



ഡ​യ​റ്റ്, വ്യാ​യാ​മം, ഓ​പ്പ​റേ​ഷ​ൻ

ഇ​ന്ന് ആ​ര്യ എ​ല്ലാ ദി​വ​സും മൂ​ന്നു കി​ലോ​മീ​റ്റ​ർ ന​ട​ക്കു​ന്നു​ണ്ട്. ബാ​സ്ക​റ്റ്ബോ​ളും മ​റ്റ് കാ​യി​ക വി​നോ​ദ​ങ്ങ​ളി​ലും ഏ​ർ​പ്പെ​ടു​ന്നു​ണ്ട്. മ​ര​ത്തി​ൽ ക​യ​റു​ക​യും മോ​ട്ടോ​ർ സൈ​ക്കി​ൾ ഓ​ടി​ക്കു​ക​യും ചെ​യ്യു​ന്നു​ണ്ട്. 2015ൽ ​ഞാ​ൻ ഒ​രി​ക്ക​ലും ക​രു​തി​യി​രു​ന്നി​ല്ല എ​ന്‍റെ ഭാ​രം കു​റ​യ്ക്കാ​ൻ ക​ഴി​യു​മെ​ന്ന്. ഇ​പ്പോ​ൾ ഏ​റെ മെ​ച്ച​പ്പെ​ട്ട​താ​യി തോ​ന്നു​ന്നു.​

അ​വ​ന്‍റെ വേ​ദ​നാ​ജ​ന​ക​മാ​യ വീ​ഡി​യോ​ക​ൾ പു​റ​ത്തു​വ​ന്ന​തി​നു ശേ​ഷം, ഡോ​ക്ട​ർ​മാ​ർ ഒ​രു ബാ​രി​യാ​ട്രി​ക് ശ​സ്ത്ര​ക്രി​യ (വ​ണ്ണം കു​റ​യ്ക്കാ​നു​ള്ള ശ​സ്ത്ര​ക്രി​യ) ന​ട​ത്തി. ഇ​തു വെ​റും മൂ​ന്ന് ആ​ഴ്ച​യ്ക്കു​ള്ളി​ൽ 186.4 കി​ലോ​ഗ്രാ​മി​ൽ​നി​ന്ന് 169 കി​ലോ​യാ​യി ഭാ​രം കു​റ​യ്ക്കാ​ൻ ആ​ര്യ​യെ സ​ഹാ​യി​ച്ചു.

’’​ഞ​ങ്ങ​ൾ വാ​ഴ​പ്പ​ഴം പോ​ലെ​യു​ള്ള ഒ​രു രൂ​പം അ​വ​ന്‍റെ വ​യ​റി​ൽ ഉ​ണ്ടാ​ക്കി, അ​വ​ന്‍റെ വ​യ​റു സാ​ധാ​ര​ണ വ​യ​റു​ക​ൾ​ക്കു​ണ്ടാ​കു​ന്ന വ​ലു​പ്പ​ത്തി​ന്‍റെ 30 ശ​ത​മാ​നം അ​ധി​ക​മാ​യി​രു​ന്നു. ശ​സ്ത്ര​ക്രി​യ വ​ഴി ക​ഴി​ക്കു​ന്ന​തു കു​റ​ച്ചു,’’ ഓ​പ്പ​റേ​ഷ​ൻ ന​ട​ത്തി​യ സ​ർ​ജ​നാ​യ ഡോ. ​ഹാ​ൻ​ഡി വിം​ഗ് പ​റ​ഞ്ഞു.’’​മ​റ്റ് കു​ട്ടി​ക​ളെ​പ്പോ​ലെ ജീ​വി​ക്കു​ക​യും കാ​ര്യ​ങ്ങ​ൾ ചെ​യ്യാ​ൻ ക​ഴി​യു​ക​യും ചെ​യ്യു​ന്ന​തു സ​ന്തോ​ഷ​ക​ര​മാ​ണെ​ന്നും അ​ദ്ദേ​ഹം പ​റ​യു​ന്നു.



ജീ​വി​തം സാ​ധാ​ര​ണം

ജീ​വി​തം സാ​ധാ​ര​ണ നി​ല​യി​ലേ​ക്ക് എ​ത്തി​ക്കാ​ൻ ഭ​ക്ഷ​ണ​ത്തി​ന്‍റെ​യും ഉ​റ​ക്ക​ത്തി​ന്‍റെ​യും ശീ​ലം മാ​റ്റി. ഇ​തു ശ​രീ​ര​ഭാ​രം കു​റ​യ്ക്കാ​ൻ സ​ഹാ​യി​ച്ചു. അ​രി, ടെ​ന്പെ, ടോ​ഫു, വ​റു​ത്ത ചി​ക്ക​ൻ എ​ന്നി​വ ഉ​ൾ​പ്പെ​ടു​ന്ന ഭ​ക്ഷ​ണ​ക്ര​മ​മാ​ണ് ഒ​രു ദി​വ​സം മൂ​ന്നു നേ​രം ക​ഴി​ക്കു​ന്ന​ത്. ’’മു​ന്പ്,പു​ല​ർ​ച്ചെ മൂ​ന്നി​നും നാ​ലി​നു​മൊ​ക്കെ ഉ​റ​ങ്ങി​യി​രു​ന്ന ഞാ​ൻ ഇ​പ്പോ​ൾ 10 മ​ണി​ക്ക് ഉ​റ​ങ്ങും.

പ​ല ആ​ളു​ക​ളും ഒ​രാ​ഴ്ച നി​ർ​ബ​ന്ധി​ത ഭ​ക്ഷ​ണ​ക്ര​മ​ത്തി​ൽ ഏ​ർ​പ്പെ​ടു​ക​യും എ​ട്ടാം ദി​വ​സം അ​വ​ർ വ​ണ്ണം കു​റ​ച്ചു സ​ന്തു​ഷ്ട​രാ​കു​ക​യും ചെ​യ്യും. പ​ക്ഷേ, വീ​ണ്ടും ധാ​രാ​ളം ക​ഴി​ക്കു​ക​യും വീ​ണ്ടും ശ​രീ​ര​ഭാ​രം കൂ​ട്ടു​ക​യും ചെ​യ്യും.​വ​ണ്ണം കു​റ​യ്ക്കാ​നാ​ഗ്ര​ഹി​ക്കു​ന്ന​വ​ർ ഭ​ക്ഷ​ണ​ത്തി​ന്‍റെ അ​ള​വ് ക്ര​മേ​ണ കു​റ​യ്ക്ക​ണം. ഉ​ട​ന​ടി കു​റ​യ്ക്കാ​തെ ഒാ​രോ ആ​ഴ്ച​യും കു​റ​യ്ക്കു​ക... അ​ങ്ങ​നെ നി​യ​ന്ത്ര​ണ​വും വ്യാ​യാ​മ​വും ഉ​ണ്ടെ​ങ്കി​ൽ ഏ​തു പൊ​ണ്ണ​ത്ത​ടി​യും കു​റ​യ്ക്കാ​മെ​ന്നും ആ​ര്യ പ​റ​യു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.