ഇവിടെ നൂ​റ്റാ​ണ്ടി​ൽ ര​ണ്ടു ത​വ​ണ എ​ലി​പ്പ​ട വ​രും, എല്ലാം തിന്നുമുടിക്കും; കെട്ടുകഥയല്ല, ശരിക്കും എലിക്കഥ!
പ്ര​ള​യം പോ​ലെ എ​ലി​ക​ൾ ന​മ്മു​ടെ കൃ​ഷി​യി​ട​ങ്ങ​ളി​ലേ​ക്ക് ഇ​ര​ന്പി​വ​രി​ക, പോ​രും​വ​ഴി​യി​ൽ ക​ണ്ണി​ൽ ക​ണ്ട​തെ​ല്ലാം ആ​ർ​ത്തി​യോ​ടെ വി​ഴു​ങ്ങു​ക. വി​ള​ക​ളെ​ല്ലാം ന​ശി​പ്പി​ച്ചു നാ​മാ​വ​ശേ​ഷ​മാ​ക്കു​ക....​ന​മ്മു​ടെ ദുഃ​സ്വ​പ്ന​ങ്ങ​ളി​ൽ​പോ​ലും ഇ​തൊ​ന്നും വ​രാ​നി​ട​യി​ല്ല. ഒ​രു പ​ക്ഷേ, ഹോ​ളി​വു​ഡ് സി​നി​മ​യി​ലെ കാ​ഴ്ച​ക​ളെ​ന്നു തോ​ന്നാ​മെ​ങ്കി​ലും വാ​സ്ത​വം അ​ത​ല്ല. സം​ഗ​തി പ​ക​ൽ പോ​ലെ സ​ത്യ​മാ​ണ്.

ബം​ഗ്ലാ​ദേ​ശ്, മ്യാ​ൻ​മ​ർ അ​തി​ർ​ത്തി​ക​ൾ​ക്കു ചാ​രെ മി​സോ​റ​മി​ലാ​ണ് മ​നു​ഷ്യ​വാ​സ​പ്ര​ദേ​ശ​ങ്ങ​ളി​ൽ എ​ലി​ക​ളു​ടെ വി​ള​യാ​ട്ടം സം​ഭ​വി​ക്കു​ന്ന​ത്. 48 വ​ർ​ഷം കൂ​ടു​ന്പോ​ൾ ഇ​തു സം​ഭ​വി​ച്ചു​കൊ​ണ്ടി​രി​ക്കു​ന്നു. കൊ​യ്ത്തി​നു കാ​ത്തു​കി​ട​ന്നി​രു​ന്ന നെ​ൽ​പ്പാ​ട​ങ്ങ​ളി​ൽ ത​രി​ന്പു​പോ​ലും ക​തി​ർ​മ​ണി​ക​ൾ ബാ​ക്കി​വ​യ്ക്കാ​തെ എ​ലി​പ്പ​ട വി​ള​വെ​ടു​ത്തു മ​ദി​ക്കു​ന്ന വി​ചി​ത്ര​മാ​യ അ​നു​ഭ​വം. ക​ള​പ്പു​ര​ക​ളി​ൽ സു​ര​ക്ഷി​ത​മാ​ക്കാ​ത്ത ധാ​ന്യ​ങ്ങ​ളും കി​ഴ​ങ്ങു​ക​ളും അ​വ ഭ​ക്ഷ​ണ​മാ​ക്കി​യ ക​ഥ ഇ​നി വേ​റെ പ​റ​യേ​ണ്ട​തി​ല്ല​ല്ലോ.



നൂ​റ്റാ​ണ്ടി​ൽ ര​ണ്ടു ത​വ​ണ ഇ​തു സം​ഭ​വി​ക്കു​ന്നു. മി​സോ​റ​മി​ൽ ന​ട​ക്കു​ന്ന ഈ ​അ​ദ്ഭു​ത​പ്ര​തി​ഭാ​സം പ​ക്ഷേ, ആ​ദ്യം വി​ശ്വ​സി​ക്കാ​ൻ പു​റം​ലോ​കം ത​യാ​റാ​യി​ല്ല. കെ​ട്ടു​ക​ഥ​യെ​ന്നോ ചി​ല ദേ​ശ​ങ്ങ​ൾ​ക്കു മാ​ത്രം സ്വ​ന്ത​മാ​യ നാ​ടോ​ടി​ക്ക​ഥ​യെ​ന്നോ ഒ​ക്കെ ശാ​സ്ത്ര​ലോ​കം ഇ​തി​നെ പു​ച്ഛി​ച്ചു​ത​ള്ളി. 2008ൽ ​ശാ​സ്ത്ര​കാ​ര​ന്മാ​ർ അ​തു നേ​രി​ട്ട​റി​യും വ​രെ മാ​ത്ര​മാ​യി​രു​ന്നു അ​ത്ത​രം വി​ചാ​ര​ങ്ങ​ളു​ടെ ആ​യു​സ്! ഇ​തു നേ​രി​ട്ടു കാ​ണാ​ൻ ​അ​വ​സ​രം വ​ന്ന​തോ​ടെ അ​വ​ർ​ക്കും അ​ദ്ഭു​ത​മാ​യി, ശാ​സ്ത്ര​ജ്ഞ​ർ അ​ന്വേ​ഷ​ണ​വും ഗ​വേ​ഷ​ണ​വും തു​ട​ങ്ങി.

എ​ന്തൊ​രു തീ​റ്റ!

ക​ഴി​ഞ്ഞ ത​വ​ണ എ​ലി​പ്പ​ട എ​ത്തി​യ​പ്പോ​ൾ 40,000 ട​ൺ ധാ​ന്യ​വ​സ്തു​ക്ക​ളാ​ണ് മി​സോ​റ​മി​നു ന​ഷ്‌​മാ​യ​ത്. ആ​കെ ഉ​ത്പാ​ദ​ന​ത്തി​ന്‍റെ 88 ശ​ത​മാ​ന​വും എ​ലി​ക​ൾ തി​ന്നു തീ​ർ​ത്തു. എ​ഴു​പ​തു ശ​ത​മാ​ന​ത്തോ​ളം ക​ർ​ഷ​ക കു​ടും​ബ​ങ്ങ​ളെ​യാ​ണ് ഇ​തു പ​ട്ടി​ണി​യി​ലാ​ക്കി​യ​ത്. എ​ലി​പ്പ​ട​യെ ഒ​തു​ക്കാ​ൻ എ​ലി​യെ കൊ​ല്ലു​ന്ന​വ​ർ​ക്കു സ​ർ​ക്കാ​ർ പ്ര​തി​ഫ​ലം ന​ൽ​കി.

ഒ​രു എ​ലി​യെ കൊ​ല്ലു​ന്ന​തി​നു ര​ണ്ടു രൂ​പ നി​ര​ക്കി​ലാ​ണ് ന​ൽ​കി​യ​ത്. എ​ലി​യെ കൊ​ന്ന ശേ​ഷം വാ​ൽ മു​റി​ച്ചെ​ടു​ത്തു ഹാ​ജ​രാ​ക്കി​യാ​ൽ മ​തി​യാ​കും. ​ഇ​ങ്ങ​നെ ആ​യി​ര​ക്ക​ണ​ക്കി​ന് എ​ലി​ക​ളെ​യാ​ണ് നാ​ട്ടു​കാ​ർ ​കൊ​ന്നൊ​ടു​ക്കി​യ​ത്. നാ​ഷ​ണ​ൽ ജി​യോ​ഗ്രാ​ഫി​ക് ചാ​ന​ലി​ന്‍റെ നേ​തൃ​ത്വ​ത്തി​ൽ ഒാ​സ്ട്രേ​ലി​യ​ൻ റാ​റ്റ് ബ​യോ​ള​ജി​സ്റ്റ് കെ​ൻ ആ​പ്‌​ലി​നും സം​ഘ​വും ക​ഴി​ഞ്ഞ ​എ​ലി​പ്പ​ട വ​ര​വി​നു മു​ന്നോ​ടി​യാ​യി മി​സോ​റ​മി​ലെ​ത്തി. ഈ ​അ​ദ്ഭു​ത​പ്ര​തി​ഭാ​സ​ത്തി​ന്‍റെ ചു​രു​ള​ഴി​ക്കാ​ൻ ശ്ര​മി​ച്ചു.



ഇ​വ​രു​ടെ അ​ന്വേ​ഷ​ണ​വും ഗ​വേ​ഷ​ണ​വു​മാ​ണ് ഈ ​ദു​രൂ​ഹ​ത​യു​ടെ ചു​രു​ള​ഴി​ച്ച​ത്. മു​ള​ങ്കാ​ട് ആ​ണ​ത്രേ ഈ ​എ​ലി​പ്പ​ട​യു​ടെ ആ​ക്ര​മ​ണ​ത്തി​നു കാ​ര​ണം. 48 വ​ർ​ഷ​വും ഈ ​പ്ര​തി​ഭാ​സ​വും ത​മ്മി​ലു​ള്ള ​ബ​ന്ധ​വും ശാ​സ്ത്ര​ജ്ഞ​ർ ക​ണ്ടെ​ത്തി.

ര​ഹ​സ്യം

ഇ​നി കാ​ര്യ​ത്തി​ലേ​ക്കു വ​രാം. മി​സോ​റ​മി​ന്‍റെ ഏ​റി​യ പ​ങ്കും വ​ന​മാ​ണ്. ഇ​ട​തി​ങ്ങി ത​മ്മി​ലു​ര​സി ഉ​ന്മാ​ദ​മാ​ർ​ന്നു പ​ട​രു​ന്ന മു​ള​ങ്കാ​ടു​ക​ൾ അ​വി​ടെ​യു​ണ്ട്. 25,899 സ്ക്വ​യ​ർ കി​ലോ​മീ​റ്റ​ർ വി​സ്തൃ​തി​യി​ൽ പ​ട​ർ​ന്നു കി​ട​ക്കു​ന്ന മു​ള​ങ്കാ​ടു​ക​ൾ. മി​സോ​റ​മി​ലെ സാ​ധാ​ര​ണ ജ​ന​ത ആ​ഹാ​ര​ത്തി​നും പാ​ർ​പ്പി​ട​നി​ർ​മാ​ണ സാ​മ​ഗ്രി​ക​ൾ​ക്കും വ​സ്ത്ര​ങ്ങ​ൾ​ക്കു​മൊ​ക്കെ പ്ര​യോ​ജ​ന​പ്പെ​ടു​ത്തു​ന്ന മു​ള​വി​ഭ​വ​ങ്ങ​ളു​ടെ വി​ള​ഭൂ​മി.

48 വ​ർ​ഷം കൂ​ടു​ന്പോ​ൾ മു​ള​ക​ൾ പൂ​വി​ട്ടു. അ​വ​യി​ൽ കാ​യ്ക​ൾ നി​റ​യും. മു​ള പൂ​വി​ട്ടാ​ൽ സാ​ധാ​ര​ണ സം​ഭ​വി​ക്കു​ന്ന​തു ത​ന്നെ അ​വി​ടെ​യും സം​ഭ​വി​ക്കും. അ​വ കൂ​ട്ട​ത്തോ​ടെ വേ​ര​റ്റു​വീ​ഴും. മു​ള​ങ്കാ​ട് ഒ​ന്നാ​കെ ക​രി​ഞ്ഞു​ണ​ങ്ങി നി​ലം​പൊ​ത്തും. പു​തു​മു​ള​നാ​ന്പു​ക​ളു​യ​രാ​ൻ ഭൂ​മി കാ​ത്തു​കി​ട​ന്നു. അ​തോ​ടൊ​പ്പം മ​റ്റൊ​ന്നു​കൂ​ടി അ​വി​ടെ സം​ഭ​വി​ച്ചു. മു​ള​ക​ളി​ലെ കാ​യ്ക​ൾ ഒ​ന്നാ​കെ പൊ​ഴി​ഞ്ഞു നി​ല​ത്തു​വീ​ണു. കൂ​ട്ട​ത്തോ​ടെ​യെ​ത്തി​യ എ​ലി​ക​ൾ അ​തൊ​ക്കെ ആ​ഹാ​ര​മാ​ക്കി. തി​ന്നു​മ​ദി​ച്ച് പെ​റ്റു​പെ​രു​കി എ​ലി​ക​ൾ മു​ള​ങ്കാ​ടു​ക​ൾ നി​റ​ഞ്ഞു.



പെ​രു​ക​ൽ

ആ​റു മാ​സ​ങ്ങ​ൾ​ക്ക​കം ഒ​രു പെ​ണ്ണെ​ലി 200 കു​ഞ്ഞു​ങ്ങ​ൾ​ക്കു ജ​ന്മം ന​ല്കാ​റു​ണ്ട്. അ​വ​യൊ​രോ​ന്നും അ​ഞ്ചാ​റ് ആ​ഴ്ച​ക​ൾ​ക്ക​പ്പു​റം അ​ടു​ത്ത ത​ല​മു​റ​യ്ക്കു ജ​ന്മം ന​ല്കാ​നു​ള്ള വ​ള​ർ​ച്ച​യി​ലെ​ത്തു​ന്നു. പെ​റ്റു പെ​രു​കി​യ എ​ലി​ക​ൾ കാ​ടാ​കെ നി​റ​ഞ്ഞു.

അ​തി​നോ​ട​കം മു​ള​ങ്കാ​ടു​ക​ളി​ലെ കാ​യ്ക​ൾ അ​വ തി​ന്നു​തീ​ർ​ത്തി​രു​ന്നു. ഇ​തി​നി​ടെ പൂ​വി​ട്ടു ക​ഴി​യു​ന്ന മു​ള​ങ്കാ​ടു​ക​ൾ ക​രി​ഞ്ഞു​ണ​ങ്ങി ന​ശി​ക്കും. ഇ​തോ​ടെ ഭ​ക്ഷ​ണ​മി​ല്ലാ​തെ പ​ട്ടി​ണി​മൂ​ത്ത് എ​ലി​പ്പ​ട മു​ള​ങ്കാ​ടു​ക​ളോ​ടു ചേ​ർ​ന്ന ഗ്രാ​മ​ങ്ങ​ളും കൃ​ഷി​ഭൂ​മി​ക​ളും ജ​ന​വാ​സ പ്ര​ദേ​ശ​ങ്ങ​ളു​മെ​ല്ലാം കൈ​യേ​റും.

ക​ട​ന്നു​ക​യ​റ്റ​ത്തി​ന്‍റെ ല​ഹ​രി​യി​ൽ മ​നു​ഷ്യ​വി​യ​ർ​പ്പി​ലു​യി​രാ​ർ​ന്ന കൃ​ഷി​ക​ളൊ​ക്കെ​യും ല​ക്ഷ​ക്ക​ണ​ക്കി​ന് എ​ലി​ക​ൾ ആ​ഹാ​ര​മാ​ക്കും. കൃ​ഷി​യി​ട​ങ്ങ​ൾ ന​ശി​പ്പി​ച്ചു. പ​നി​ക​ൾ ഉ​ൾ​പ്പെ​ടെ​യു​ള്ള പ​ക​ർ​ച്ച​വ്യാ​ധി​ക​ളും പെ​രു​കും. കൃ​ഷി​നാ​ശം മൂ​ല​മു​ള്ള പ​ട്ടി​ണി​ക്കും തു​ട​ർ​ന്നു ഭ​ര​ണ​കൂ​ട​ത്തി​നെ​തി​രേ ജ​ന​രോ​ഷ​ങ്ങ​ൾ​ക്കു​മൊ​ക്കെ​യാ​ണ് ഇ​ത്ത​രം എ​ലി​വി​ള​യാ​ട്ട​ങ്ങ​ൾ വ​ഴി​വ​ച്ച​തെ​ന്ന് മി​സോ​റ​മി​ന്‍റെ ച​രി​ത്രം വി​ളി​ച്ചു​പ​റ​യു​ന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.