സ്വ​ന്തം ജീ​വ​ന്‍ കൊ​ടു​ത്ത് യ​ജ​മാ​ന​ന്‍റെ കു​ട്ടി​ക​ളെ ര​ക്ഷി​ച്ച് ഹീ​റോ​യാ​യി​രി​ക്കു​ക​യാ​ണ് ഒ​രു പൂ​ച്ച. ആ​ര്‍​ത​ര്‍ എ​ന്ന പൂ​ച്ച​യാ​ണ് ഈ ​താ​രം. ഓ​സ്‌​ട്രേ​ലി​യ​യി​ലെ ക്വീ​ന്‍​സ്ല​ന്‍​ഡി​ല്‍ വീ​ട്ടു​മു​റ്റ​ത്ത് ക​ളി​ച്ചു​കൊ​ണ്ടി​രി​ക്കു​ക​യായി​രു​ന്ന ര​ണ്ടു കു​ട്ടി​ക​ളെ സ്വ​ന്തം ജീ​വ​ന്‍ ന​ഷ്ട​പ്പെ​ടു​ത്തി ര​ക്ഷി​ച്ചി​രി​ക്കു​ക​യാ​ണാ ആ​ര്‍​ത​ര്‍.

കു​ട്ടി​ക​ള്‍​ക്ക​രി​കി​ലേ​ക്ക് പാ​മ്പ് ഇ​ഴ​ഞ്ഞു നീ​ങ്ങു​ന്ന​ത് ക​ണ്ട ആ​ര്‍​ത​ര്‍ അ​തി​നു മേ​ലേ​ക്ക് ചാ​ടി​വീ​ഴു​ക​യാ​യി​രു​ന്നു. ആ​ര്‍​ത​റി​ന്‍റെ ആ​ക്ര​മ​ണ​ത്തി​ല്‍ പാ​മ്പ് ച​ത്തു. എ​ന്നാ​ല്‍ പോ​രാ​ട്ട​ത്തി​നി​ട​യി​ല്‍ പൂ​ച്ച​യ്ക്കും ക​ടി​യേ​റ്റി​രു​ന്നു. പാ​മ്പു​ക​ടി​യേ​റ്റ ഉ​ട​ന്‍ കു​ഴ​ഞ്ഞു വീ​ണ പൂ​ച്ച അ​ല്പ​സ​മ​യ​ത്തി​നു ശേ​ഷം ബോ​ധം വീ​ണ്ടെ​ടു​ത്തി​രു​ന്നു.


ഉ​ട​ന്‍ ത​ന്നെ ബോ​ധം വീ​ണ്ടെ​ടു​ത്ത​തി​നാ​ല്‍ പാ​മ്പു​ക​ടി ഏ​റ്റി​ട്ടു​ണ്ടാ​വി​ല്ലെ​ന്നാ​ണ് വീ​ട്ടു​കാ​രും ക​രു​തി​യ​ത്. എ​ന്നാ​ല്‍ പി​റ്റേ​ന്ന് പു​ല​ര്‍​ച്ചെ ജീ​വ​ന്‍ ന​ഷ്ട​പ്പെ​ട്ട നി​ല​യി​ല്‍ പൂ​ച്ച​യെ ക​ണ്ടെ​ത്തു​ക​യാ​യി​രു​ന്നു. പ്ര​കോ​പ​ന​മു​ണ്ടാ​കാ​തെ ത​ന്നെ ആ​ക്ര​മി​ക്കു​ന്ന​വ​യാ​ണ് ഈ​സ്റ്റേ​ണ്‍ ബ്രൗ​ണ്‍​വി​ഭാ​ഗ​ത്തി​ല്‍​പ്പെ​ട്ട പാ​മ്പു​ക​ള്‍.